Ang kurikulum ay napakahalaga sa programang pangkolehiyo. Inihain sa
tatlong pangunahing pang-estadong unibersidad, ang Philippine Normal University (PNU), University of the Philippines (UP), at Polytechnic University of the Philippines (PUP), kung bakit napakalaki ng ginampanan ng kurikulum na may bahid ng wikang Filipino sa pagpapanatili at pagpapaunlad nito. METODOLOHIYA
Deskriptibong pamamaraan ang ginamit sa paglalarawan sa kurikulum
ng PNU, UP, at PUP. Nangalap ng datos sa pamamagitan ng pagkonsulta sa mga silid-aklatan at pagsangguni sa website ng mga nasabing unibersidad. Ang pahintulot sa pagsasagawa ng sarbey– sa 25 piling mag-aaral mula sa bawat unibersidad– ay nakuha gamit ang pormal na liham. Sa kabuoan, 75 mag-aaral ang naging bahagi ng pananaliksik. RESULTA
Natuklasan sa pananaliksik na ang mga programang pangkolehiyong
nabanggit ay kaakibat sa pag-aangat sa kamalayan bilang tunay na mamamayang Pilipino. Sa aspeto ng wikang Filipino, itinuturing silang naghahasik ng kaalaman, nagpapayabong ng pamamaraan sa pagpapaunlad, at nagpapanatili sa bansa. Maraming pamamaraan upang pagyamanin ang wikang Filipino; pag-uulat, pagbabasa, panonood, pagsusulat, pagsasalin, at paglilimbag gamit ang iba’t ibang midyum; at pakikiisa sa mga kilusang may kaugnayan dito. KONGKLUSYON Bilang konklusyon: (1) Pinili ng mga mag-aaral ang kurikulum ayon sa ninanais, (2) Naniniwala silang magiging dalubhasa sila sa wikang Filipino dahil sa kurikulum, (3) Sa wika nakasentro ang mga programang pangkolehiyo dahil marami ang tumugon nito, (4) Ang mga estudyante ay patuloy sa pagtulong sa pagpapaunlad ng Wikang Filipino, at (5) Ang panonood at pakikinig ng mga balita sa wikang Filipino ay mga paraan upang mapaunlad ito sa aspetong sosyal. SALAM A T SA PAKIKIN IG