6

Edukasyon sa
Pagpapakatao
Ikalawang Markahan – Modyul 3:
Isang Mabuting Gawi ang Pagiging Matapat
Edukasyon sa Pagpapakatao – Ikaanim na Baitang
Alternative Delivery Mode
Ikalawang Markahan – Modyul 3: Isang Mabuting Gawi Ang Pagiging Matapat
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung ito
ay pagkakakitaan. Kabilang sa mga maaaring gawin ng nasabing ahensiya o tanggapan ay
ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anomang gamit maliban sa
modyul na ito ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa

anomang paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: Eileen R. Rebugio at Rosemarie A. Cagampang
Editor: Teresita Z. Olasiman
Tagasuri: Teresita Z. Olasiman
Tagaguhit:
Tagalapat: Eileen R. Rebugio at Rosemarie A. Cagampang
Tagapamahala: Senen Priscillo P. Paulin, CESO V Rosela R. Abiera
Fay C. Luarez, TM, Ed.D., Ph.D. Maricel S. Rasid
Nilita L. Ragay, Ed.D. Elmar L. Cabrera
Adolf P. Aguilar, Ph.D., Ed.D., TM.
Donre B. Mira, Ed.D.

Inilimbag sa Pilipinas ng ________________________

Department of Education –Region VII Schools Division of Negros Oriental

Office Address: Kagawasan, Ave., Daro, Dumaguete City, Negros Oriental

Tel #: (035) 225 2376 / 541 1117
E-mail Address: negros.oriental@deped.gov.ph
 6

Edukasyon sa
Pagpapakatao
Ikalawang Markahan – Modyul 3:
Isang Mabuting Gawi
Ang Pagiging Matapat
Paunang Salita
Para sa tagapagdaloy:

Malugod na pagtanggap sa asignaturang Edukasyon sa Pagpapakatao 6 ng

Alternative Delivery Mode (ADM) Modyul para sa araling Isang Mabuting Gawi
Ang Pagiging Matapat!

Ang modyul na ito ay pinagtulungang denisenyo, nilinang at sinuri ng mga

edukador mula sa pambuliko at pampribadong institusyon upang gabayan
ka, ang gurong tagapagdaloy upang matulungang makamit ng mag-aaral ang
pamantayang itinakda ng Kurikulum ng K to12 habang kanilang
pinanagumpayan ang pansarili, panlipunan at pang-ekonomikong hamon sa
pag-aaral.

Ang tulong-aral na ito ay umaasang makauugnay ang mag-aaral sa

mapatnubay at malayang pagkatuto na mga gawain ayon sa kanilang
kakayahan, bilis at oras. Naglalayon din itong matulungan ang mag-aaral
upang makamit ang mga kasanayang pan-21 siglo habang isinasaalang-alang
ang kanilang mga pangangailangan at kalagayan.

Bilang karagdagan sa materyal ng pangunahing teksto, makikita ninyo ang

kahong ito sa pinakakatawan ng modyul:

Mga Tala para sa Guro

Ito'y naglalaman ng mga paalala,
panulong o estratehiyang magagamit
sa paggabay sa mag-aaral.

Bilang tagapagdaloy, inaasahang bibigyan mo ng paunang kaalaman ang

mag-aaral kung paano gamitin ang modyul na ito. Kinakailangan ding
subaybayan at itala ang pag-unlad nila habang hinahayaan silang
pamahalaan ang kanilang sariling pagkatuto. Bukod dito, inaasahan mula sa
iyo na higit pang hikayatin at gabayan ang mag-aaral habang isinasagawa
ang mga gawaing nakapaloob sa modyul.
Para sa mag-aaral:

Malugod na pagtanggap sa Edukasyon sa Pagpapakatao 6 ng Alternative

Delivery Mode (ADM) Modyul ukol sa Isang Mabuting Gawi Ang Pagiging
Matapat!

Ang kamay ay madalas gamiting simbolo ng kakayahan, aksyon at layunin.

Sa pamamagitan ng ating mga kamay tayo ay maaaring matuto, lumikha, at
magsakatuparan ng gawain. Ang kamay sa tulong-aral na ito ay sumisimbolo
na ikaw, bilang isang mag-aaral, ay may angking kakayahang matutuhan ang
mga kaugnay na kompetensi at kasanayan. Ang iyong pang-akademikong
tagumpay ay nakasalalay sa iyong sarili o sa iyong mga kamay.

Ang modyul na ito ay ginawa bilang tugon sa iyong pangangailangan. Layunin

nitong matulungan ka sa iyong pag-aaral habang wala ka sa loob ng silid-
aralan. Hangad din nitong madulutan ka ng mga makabuluhang oportunidad
sa pagkatuto.

Ang modyul na ito ay may mga bahagi at icon na dapat mong maunawaan.

Alamin Sa bahaging ito, malalaman mo ang mga

dapat mong matutuhan sa modyul.

Subukin Sa pagsusulit na ito, makikita natin

kung ano na ang kaalaman mo sa aralin
ng modyul. Kung nakuha mo ang lahat
ng tamang sagot (100%), maaari mong
laktawan ang bahaging ito ng modyul.

Balikan Ito ay maikling pagsasanay o balik-aral

upang matulungan kang maiugnay ang
kasalukuyang aralin sa naunang
leksyon.

Tuklasin Sa bahaging ito, ang bagong aralin ay

ipakikilala sa iyo sa maraming paraan
tulad ng isang kuwento, awitin, tula,
pambukas na suliranin, gawain o isang
sitwasyon.

Suriin Sa seksyong ito, bibigyan ka ng maikling

pagtalakay sa aralin. Layunin nitong
matulungan kang maunawaan ang
bagong konsepto at mga kasanayan.
 Pagyamanin Binubuo ito ng mga gawaing para sa
malayang pagsasanay upang mapagtibay
ang iyong pang-unawa at mga kasanayan
sa paksa. Maaari mong iwasto ang mga
sagot mo sa pagsasanay gamit ang susi
sa pagwawasto sa huling bahagi ng
modyul.

Isaisip Naglalaman ito ng mga katanungan o

pupunan ang patlang ng pangungusap o
talata upang maproseso kung anong
natutuhan mo mula sa aralin.

Isagawa Ito ay naglalaman ng gawaing

makatutulong sa iyo upang maisalin ang
bagong kaalaman o kasanayan sa tunay
na sitwasyon o realidad ng buhay.

Tayahin Ito ay gawain na naglalayong matasa o

masukat ang antas ng pagkatuto sa
pagkamit ng natutuhang kompetensi.
Karagdagang Sa bahaging ito, may ibibigay sa iyong
Gawain panibagong gawain upang pagyamanin
ang iyong kaalaman o kasanayan sa
natutuhang aralin.
Susi sa Naglalaman ito ng mga tamang sagot sa
Pagwawasto lahat ng mga gawain sa modyul.

Sa katapusan ng modyul na ito, makikita mo rin ang:

Ito ang talaan ng lahat ng pinagkuhanan

Sanggunian sa paglikha o paglinang ng modyul na
ito.

Ang sumusunod ay mahahalagang paalala sa paggamit ng modyul na ito:

1. Gamitin ang modyul nang may pag-iingat. Huwag lalagyan ng anumang
marka o sulat ang anumang bahagi ng modyul. Gumamit ng hiwalay
na papel sa pagsagot sa mga pagsasanay.
2. Huwag kalimutang sagutin ang Subukin bago lumipat sa iba pang
gawaing napapaloob sa modyul.
3. Basahing mabuti ang mga panuto bago gawin ang bawat pagsasanay.
4. Obserbahan ang katapatan at integridad sa pagsasagawa ng mga
gawain at sa pagwawasto ng mga kasagutan.
 5. Tapusin ang kasalukuyang gawain bago pumunta sa iba pang
pagsasanay.
6. Pakibalik ang modyul na ito sa iyong guro o tagapagdaloy kung tapos
nang sagutin lahat ng pagsasanay.

Kung sakaling ikaw ay mahirapang sagutin ang mga gawain sa modyul na

ito, huwag mag-aalinlangang konsultahin ang inyong guro o tagapagdaloy.
Maaari ka rin humingi ng tulong sa iyong mga magulang, sa nakatatanda
mong kapatid o sino man sa iyong mga kasama sa bahay na mas nakatatanda
sa iyo. Laging itanim sa iyong isipang hindi ka nag-iisa.

Umaasa kami, sa pamamagitan ng modyul na ito, makararanas ka ng

makahulugang pagkatuto at makakakuha ka ng malalim na pang-unawa sa
kaugnay na mga kompetensi. Kaya mo ito!
 Alamin

Ang modyul na ito ay ginawa upang maibahagi sa iyo ang

mga kaalaman na nararapat mong matutuhan sa nasabing baitang.
Nakapaloob dito kung paano mo mapupulutan ng aral ang pagiging
matapat.

Pagkatapos pag-aralan ang modyul na ito, magagawa mo ang sumusunod:

Mga Layunin:

Knowledge – Nakapagpapahayag ng mga kaisipan tungkol sa kahalagahan

ng pagiging matapat. EsP6P-IIa-c-30

Skills – Nakabubuo ng mga pangungusap ukol sa pagiging responsable sa

kapwa

Affective – Napahahalagahan ang katapatan sa kapwa

1
 Subukin

Panuto: Isulat ang salita tama kung ang pahayag ay nagpapakita ng

mabuting gawi at pagiging matapat sa kapwa at mali kung hindi.

________ 1. Hindi nakikinig sa magulang habang nagsasalita.

________ 2. Ginagawa ko agad ang aking mga proyekto upang matapos ito sa
takdang-oras.

________ 3. Ibinalik ko ang napulot kong pitaka na naglalaman ng pera sa

may-ari nito.

________ 4. Inamin ko kay nanay na ako ang nakabasag ng mamahaling vase.

________ 5. Ipinagbigay alam ko sa aking guro na ang papel ng pagsusulit na

ibinigay sa akin ay may mga sagot na.

________ 6. Umamin ako sa aking kaibigan na ako ang nagsumbong ng

masama niyang ginawa sa aming kaklase.

________ 7. Hindi ko ibinalik ang sobrang sukli ng matandang tindero sa

palengke.

________ 8. Kusang-loob kong tinutulungan ang aking mga kamag-aral kapag

hindi nila maintindihan.

________ 9. Nag-aaral ako nang maraming ulit bago ang pagsusulit.

________10. Hindi pagnanakaw o pangungupit sa mga bagay na hindi ikaw

ang nagmamay-ari.

2
 Balikan

Basahin ang bawat sitwasyon. Isulat ang ( ) kung nagsasabi ng

tapat at ( ) kung hindi. Isulat ang iyong sagot sa papel.

1. Nagpaalam si Anabel sa Nanay na pupunta siya sa

simbahan subalit sa bahay ng kaklase siya
pumunta.

2. Sinabi ni Berto sa kanyang guro na siya ang

nakabasag ng plorera.

3. Sobra ang sukli ng tindera kay Marilyn at hindi niya

ito isinauli.

4. Kumuha ng pera sa pitaka ni Nanay si Andrei nang

hindi nagpaalam.

5. Nakapulot si Lita ng payong. May pangalan ito at

nagkataong sa kanya itong kaklase kaya naibalik
niya ito.

6. Hindi nagpaalam si Mary na pumunta sa dagat at

naligo.

7. Isinauli ni Pedro ang aso na kanyang nakita sa tabi

ng daan.

8. Humingi ng tawad si Juan sa kanyang Nanay dahil

hindi niya sinusunod ang utos nito.

9. Kumuha ng mangga ang magkaibigan sina Ben at

Roy na hindi nagpaalam sa may-ari.
10. Isinauli ni Marina ang kanyang hiniram na aklat sa
kanyang kaibigan at nagpasalamat ito.

3
 Tuklasin
Basahin ang kuwento.
Bakit Mahalaga ang Pagiging Tapat?
Sinulat nila: Eileen R. Rebugio at Rosemarie A. Cagampang

Isang araw sa klase ni Bb. Borromeo. “Maghanda ang lahat sa isang

pasulit,” wika ng guro. Kanya-kanyang kuha ng papel at ballpen ang mga
mag-aaral sa Grade 6.

“Pakopya Irene,” sabi ni Angel

“Bakit, hindi ka mag-aral ng aralin natin kagabi?” tanong ni Irene.

Ngiti lamang ang iginanti ni Angel sa tanong ni Irene.

Natapos ang kanilang pasulit at maya-maya lang ay tumunog na ang

bell hudyat ng kanilang uwian.

Kinabukasan, tinawag ni Bb. Borromeo sa klase si Angel upang batiin

sapagkat siya na naman ang nakasungkit ng pinakamataas na marka sa
pasulit.

Tuwang-tuwa na ipinagyabang ni Angel sa mga kaklase ang

nakuhang marka.

Samantalang ang dalawang kaklase ni Angel at Irene ay nagsabing,

“Ang yabang mo Angel, narinig naming kahapon na nakiusap ka kay Irene
na pakopyahin ka.” Wika ng kamag-aral.

“Hindi totoo yan, nag-aral ako at hindi ako nangopya kay Irene, kahit
itanong pa ninyo sa kanyan.” Maluha-luhang sambit ni Angel.

“Anong kaguluhan ito?” tanong ng guro.

“Si Angel nangopya kay Irene kaya nakakuha ng mataas na marka sa

pasulit,” wika ng kamag-aral.

“Totoo ba ito, Angel?”, ang tanong ni Bb. Borromeo sa umiiyak na

Angel.

At bumaling kay Irene ang kanilang guro, “Totoo ba itong lahat,

Irene?” wika ni Bb. Borromeo. Isang mahinang tango ang isinagot ni Irene.

“Sinungaling ka Irene, hindi ako nangopya sa iyo!” pahagulgul na sabi

ni Angel.

4
 Kinabukasan ay hindi pumasok ng paaralan si Angel. Napag-alaman
nilang nilagnat ito.

Kinahapunan, sa bahay ni Angel, “Tao po, andiyan po ba si Angel?”

tanong ni Bb. Borromeo sa ina ni Angel.

“Naku, Mam Borromeo, pasok po kayo at aking tatawagin si Angel”.

Laking gulat ni Angel ng makita ang kanyang mga kamag-aral

kasama si Irene. Nagkamustahan sila at ang unang nagsalita ay si Bb.
Borromeo.

“Andito kami upang humingi ng paumanhin saiyo, Angel”. Wika ng

guro.

Nang araw na umiyak si Angel at umuwi, kinausap ni Irene si Bb.

Borromeo tungkol sa naganap sa pasulit. Inamin ni Irene na nagkamali siya
dahil sa inggit na palaging mataas ang marka ni Angel sa klase. Katunayan,
si Angel ang First Honor sa Grade 6.

“Patawad, Angel di ko sinasadyang saktan ka, kaya kaba nagkasakit

dahil sa sama ng loob mo sa akin?” na hihiyang tanong ni Irene kay Angel.

“Hindi Irene, talagang nilagnat lang ako”, nakangiting sambit ni Angel

sa kaibigan.

“Salamat Irene, alam kong matapat kang kaibigan. Alam kong may
dahilan ka kaya mo nagawa yun” sabi ni Angel

Napangiti si Bb. Borromeo, “Ganuon pa man, Irene mali pa rin ang

nagawa mo, ngunit pinahanga mo ako sa lakas ng loob mong aminin ang
buong katotohanan at ang nakiusap ka na samahan ka naming dito upang
manghingi ng patawad kay Angel. Nawa’y maging aral ito sa ating lahat”,
sabi ni Bb. Borromeo.

Niyakap ni Angel ang kaibigan at sinabing, “Salamat, Irene sa

pagiging tapat mo”, wika ni Angel sa kaibigan.

“Salamat at napatawad mo na ako, promise hindi ko na uulitin”,

nagtawanan ang buong klase ni Bb. Borromeo.

“Alam ba ninyo mga bata, na ang pagiging tapat ay isa sa

mahalagang sangkap sa mabuting pakikipagkaibigan. Ang batang tapat sa
sarili at sa iba ay kinalulugdan ng Diyos”, masayang pangaral Ni Bb.
Borromeo sa kanyang mga mag-aaral.

5
 Suriin
Magkaroon ng maikling talakayan sa pamamagitan ng pagsagot sa
sumusunod na tanong. Isulat ang iyong sagot sa papel.

1. Saan naganap ang kwentong iyong nabasa?

2. Sinu-sino ang mga tauhan ng kwento?
3. Naranasan mo ba ang karanasan ni Angel sa kwento?
4. Tama ba ang ginawa ni Irene kay Angel? Bakit?
5. Kung ikaw si Angel, patatawarin mo rin ba si Irene? Bakit?
6. Mahalaga ba ang pagiging tapat sa buhay? Bakit?

Pagyamanin
Basahin ang sitwasyon at pagkatapos sagutin ang mga tanong nito. Isulat
ang iyong sagot sa papel.

Sitwasyon:
Si Marlon ay manlalaro ng volleyball sa paaralan. Ang team nila ay may
gaganapin na pag-eensayo sa buong araw ng Sabado at Linggo. Mahigpit na
pinadadalo ang bawat manlalaro dahil malapit na ang paligsahang
pandistrito. Gustong-gusto ni Marlon na pumunta ngunit hindi pa niya
nagagawa ang proyekto niya sa Araling Panlipunan. Sa Lunes na ang huling
pagpapasa ng proyekto. May oras pa naman sa gabi kaya lang ay siguradong
pagod na siya.
Isang kaibigan ang nagsabi sa kaniya na ipagawa na lamang sa
computer shop ang kaniyang proyekto upang maipasa niya ito sa takdang
oras.
Tanong:
1. Susundin mo ba ang payo ng iyong kaibigan? Bakit?

2. Paano mo maipakikita ang matapat na paggawa sa proyekto?

3. Kung ikaw ay isa pang kaibigan ni Marlon, paano mo siya hihikayatin

na gawin ang proyekto nang matapat kahit siya ay mahirapan?

6
 Isaisip
Anong mga gawi ang nakatutulong sa pagtatagumpay sa pagiging
matapat? Masasabi mo bang nakagaganap ka ng iyong tungkulin sa
pagiging responsible sa kapwa? Ipaliwanag at isulat ang sagot sa iyong
kuwaderno.

Isagawa

Sumulat ng limang paraan kung paano mo maipakikita ang pagiging

matapat sa ating kapwa. Isulat ang iyong sagot sa papel.

1. ____________________________________________________________

2. ____________________________________________________________

3. ____________________________________________________________

4. __________________________________________________________________

5. __________________________________________________________________

7
 Tayahin
Panuto: A. Isulat ang salitang MATAPAT kung ang sitwasyon ay nagpapakita
ng katapatan sa kapwa at HINDI MATAPAT kung ito ay hindi. Isulat ang iyong
sagot sa papel.
_______ 1. Si Ana at Liza ay nagdadaldalan habang ang kanilang guro ay
napapaliwanag ng kanilang leksyon.
_______ 2. Hindi na kailangang pag-aralan ang leksyon dahil mangungopya
lang ako sa aking katabi sa pasulit.
_______ 3. Inamin ko sa aking guro na ako ang nakabasag sa kanyang plorera.
_______ 4. Sa takot ko, ayaw kong maging saksi sa kaso ng aking kamag-aral
sa pagnanakaw kahit nakita ko na siya ang kumuha ng pera.
_______ 5. Isinauli ko ang pitaka na naglalaman ng pera sa tanggapan ng
aming punong-guro.
B. Iguhit ang araw ( ) kung tama ang pahayag at bituin ( ) kung
hindi.
_______ 6. Kahit mahirap, nagsikap akong gawin at ipasa ng maaga ang aking
proyekto.
_______ 7. Nagbayad ako ng taong gagawa ng aking proyekto upang makasama
ako sa outing ng aking barkada.
_______ 8. Ayaw kong makipagkaibigan sa taong sinungaling.
_______ 9. Sinabihan ko ang aking guro na sa Lunes ko na ipapasa ang aking
proyekto dahil naiwan sa bahay ngunit ang totoo wala akong
nagawang proyekto.
_______10. May mga sitwasyon na kailangan kong magsinungaling para
pagtakpan ang aking sarili sa kahihiyan.
C. Dugtungan ang mga sumusunod na pangungusap upang
maipakita ang gawaing katapatan.
11. Habang naghuhugas nabasag ko ang pinggan, ________________.
12. Maaga akong nakarating sa paaralan, ang aming silid-aralan ay
napakagulo, __________________________________________________.
13. Ang nagsasabi ng tapat, ______________________________________.
14. Ang batang matapat ay _______________________________________.
15. Mahalin ang kapwa sapagkat _________________________________

8
 Karagdagang Gawain

Basahin at gawin mo. Isulat ang iyong sagot sa papel.

Gaano ba kahalaga ang pagiging matapat at responsable sa kapwa?
Magtala ng limang natutuhan at mga hakbang na iyong isasagawa kung
paano maisasabuhay ang pagiging katapatan.

1. _________________________________________________________________

2. _________________________________________________________________

3. _________________________________________________________________

4. _________________________________________________________________

5. _________________________________________________________________

9
Susi sa Pagwawasto

10. Tayahin:
9. A. 1. Hindi matapat
8. 2. Hindi matapat
Tama 10. 3. Matapat
4. Hindi matapat
Tama 9. 7.
Tama 8. 6. 5. Matapat
Mali 7. 5.
B. 6.
Tama 6.
Tama 5. 4.
Tama 4. 3. 7.
Tama 3. 2. 8.
9.
Tama 2.
1.
Mali 1.
10.
Subukin: Balikan:
C. Maaaring iba-iba
ang kasagutan

10
Sanggunian

Ylarde, Zenaida R. at Gloria A. Peralta, Ed. D.

Ugaling Pilipino sa Makabagong Panahon
Batayang Aklat 5. Vibal Group. Inc., 2016

11
Para sa mga katanungan o puna, sumulat o tumawag sa:

Department of Education - Bureau of Learning Resources

(DepEd-BLR)

Ground Floor, Bonifacio Bldg., DepEd Complex

Meralco Avenue, Pasig City, Philippines 1600

Telefax: (632) 8634-1072; 8634-1054; 8631-4985

Email Address: blr.lrqad@deped.gov.ph *

blr.lrpd@deped.gov.ph