TAGUMPAY NG MALVAR DISTRICT SUB-OFFICE SA LARANGAN NG
PAMAMAHAYAG
Matagumpay na idinaos ang isang makabuluhang Press Conference sa Payapa
Elementary School noong ika-7 ng Oktubre, 2023, kung saan nagpamalas ng kanilang kahusayan sa pagsulat at pagpapahayag ang mga estudyante mula sa iba't ibang paaralan ng Distrito ng Malvar. Ito ay bahagi ng programa ng Kagawaran ng Edukasyon na naglalayong magbigay daan sa mga kabataang manunulat at mamamahayag na maipahayag ang kanilang mga kaisipan hinggil sa mga paksang may kinalaman sa kanilang kategorya.
Mayroong iba’t ibang kategorya na kinailangan ng mga estudyante na paghandaan
upang maipamalas ang kanilang kakayahan sa pagsulat ng mga makabuluhang balita sa pamamagitan ng pagsusuri ng mga pangunahing isyu sa komunidad at lipunan.
Sa pangunguna ng mga opisyal mula sa Malvar District Sub-Office, naging
makabuluhan ang naging pagsusuri at pag-evaluate sa mga nailahad na akda. Nahirang ang mga mag-aaral na pinakamahusay sa bawat kategorya at kanilang ipinasiklab ang kanilang galing sa harap ng mga hurado. Hindi lamang sa pagsusulat kundi pati na rin sa kanilang pagganap at pagpapahayag ay ipinakita ng mga ito.
Bilang pagkilala sa kanilang husay, iginawad sa mga nahirang na manunulat at
mamamahayag ang mga sertipiko ng pagkilala. Ipinamahagi ito sa mga mag-aaral na nagpakita ng kanilang husay at galing sa larangan ng pagsusulat at pagpapahayag.
Sa pagtatapos ng okasyon, itinaguyod ng Malvar District Sub-Office ang kahalagahan
ng pagpapalaganap ng mga impormasyon at kung paano ito ay makakatulong sa pag-unlad ng komunidad. Sa ganitong paraan, patuloy na magsusulong ang Malvar District ng mga programa at aktibidad na magbibigay pagkakataon sa mga kabataan na magpakita ng kanilang galing at maging boses ng bayan sa pamamagitan ng pagsusulat at pagpapahayag.