Свети Климент е роден околу 830 година и потекнува од територијата на Македонија, најверојатно од охридскиот крај, а живеел до 916 година. Бил најдобриот ученик на големите филозофи и етичари Светите Кирил и Методиј, но подоцна и самиот станал уште позначаен и познат учител. Овој најталентиран и најучен човек, заедно со Свети Наум, ги поставиле основите на Охридската книжевна школа во 886 година, скоро цели два века пред Болоњскиот универзитет и оваа школа се смета за првиот Словенски универзитет на Балканот. Во оваа книжевна школа се описмениле преку 3500 ученици, кои откако се стекнале со знаења за христијанската религија, отишле да ја шират словенската писменост и христијанството ширум балканските простори. Некои од делата на Свети Климент Свети Климент развил особено богата просветителска дејност: - Ја поедноставил глаголицата и ја создал кирилицата – писмото на словенските народи до денес, - Автор е на многу пофални и поучни слова, ги напишал биографиите и пофалните текстови за своите двајца учители, - Вложувал голем труд и внимание во преведувањето на богослужбените книги од грчки на старословенски јазик
*Бил вистински композитор на црковна музика;
*Одличен познавач на природата, почвата, растителните култури – нему му се припишува откритието на процесот „калемење“ кај овошките – вистински природонаучник! *Ги лекувал болестите кај луѓето, со лекови кои самиот ги правел од лековитите растенија, та уште додека бил жив го сметале за исцелител - чудотворец. *Бил прочуен проповедник на христијанската вера, основач на бројни цркви и манастири и бил назначен за прв словенски епископ. Никој никогаш не го видел Св. Климент да се одмора, туку напротив - постојано бил зафатен со работа: на едни им ги покажувал буквите, на други им ја држел раката при пишувањето, а на трети им ја објаснувал длабоката смисла на напишаното. Честопати вршел и две работи одеднаш: и деца учел, и книги пишувал. Поголемиот дел од своето време го употребувал за молитва и богомислие. Тој знаел, а и другите постјано ги учел, дека мрзливоста е мајка и учителка на секое зло. Особено настојувал да ја искорени мрзливоста, да ги навикне луѓето на работа, да ги скроти и спитоми жестоките срца, да ги приведе кон покајание и да ги исполни со вистинско знаење за Бога и за блажениот живот на праведниците во царството небесно. Неговиот труд не останал без плод: учениците негови напредувале и во знаење, и во добродетелен живот. Етиката кај Свети Климент
Најголема етичка сила за нас во Македонија имаат пораките
на Свети Климент Охридски. Етичките норми што тој ги искажа се база за нашата етика, тие не учат на најдоброто и бараат од нас умно да се однесуваме. Двете основни етички поуки од Свети Климент се: Избегнувај го Злото! и Прави Добро! Тоа е смислата на етиката – да не се прави зло, а да се сака доброто и да се постапува добро. Избегнувањето на злото треба да се надополни со правење на добро. За сето тоа е потребна добра мисла, добар збор и добро дело. Етиката кај Свети Климент Зборовите и делата на Свети Климент се насочени кон етичко облагородување на човечкото однесување. Тојбарал „со смирение и нелицемерие, со вистинска љубов да се почитуваме еден со друг“. Тојни поставил значајна задача да се „надминуваме еден со друг со добрина“ и „Уште од денес да се помачиме за добри дела“.