EXPLOITATION/LABOR POWER
Butot balat nang nagpapakain pa rin.
sa opisyo ng totoo:
akademya at dyaryo,
binubuno ng talino ang piso
panawid lang sa aking nitso. (3)
Hahanapin ko ang Aking Anino
Araw-araw, dugo ang sinasaid ng mga
makina
upang ang hininga ay maging kwalta;
Araw-araw, lakas ng pawis ang itinutumba
ng araro kinakaon ng ataul ang
nagbibigay
ng buhay sa lipunan: wala nang buhay; (10)
Biyahe ng Mata sa Usisa ng Noo
Nadudurog ang pag-ibig ng ama
sa mga mahal na kasalo sa dusa.
Ang sarap para malasahan ng pamilya
magpapaalila muna sa mga binyagan
o kasalan ng mararangalmararangal!
Upang maiuwi sa kubo
ang tiratirahan ng karangyaan.
Patay-pagod:
Patay hininga:
Patay-gutom
ang anino ng araro
na deboto ng lupa ng noo.
Sa dahas ng bagyo, sa parusa
ng alinsangan, nasa bukid
ang nagsusubo ng buhay sa lipunan. (14)
Pintig ng Lagim sa Bakuran ng Hilahil
ano ang katuturan ng pagkain
sa kapaligirang sikil ng lakas-paggawa
na dinadayukdok ng (kapangyarihang
takot sa katotohanan) ang masang
anakpawis na lumilingap sa buhay
kumakain ang tao para mabuhay:
di sa pagkain nabubuhay lamang ang
nilalang. (77)
Tinig sa Rehas na Bakal
ALIENATION
Kayamaman ang iniluluwa ng mga
pagawaan:
Kahirapan ang produkto ng kabuhayan.
Sarisaring biyaya ang nalilikha ng paggawa:
Dayukdok ng pag-asa ang uring
manggagawa. (8)
Interpretasyon sa Interbensyon
Braso ang lumilikha ng mga biyaya: Siya ang
Kawawa. Sinisinop ng kasakiman ang yaman.
(62)
Bagwis ng Sigwa
Aming mga nililikha,
Kami ang kinakakawawa.
Sa dami ng nagawa,
Hinagpis ang biyaya.
Sa palad na ito kayo pinakain,
Nang mabusog, sipag ang inalipin.
Lakas na nagdidildil ng asin,
Binihisan naming kayo
Nang magmukhang tao:
Ang balik-loob sa serbisyo,
Hayop kaming kinakastigo.
Sa bahay ninyo
Sino ang nagtayo?
Nayari ng mga braso
Sa halos paghihingalo. (79)
Sakit ng tiyan ay kusang nagturo
Yaong nagluluto ang alang maisubo.
Ang sarap kung iyong sabsabin
Nilalaklak pa, hininga na namin.
Sa trabahong aming napagkuro;
Bumulas-gumanda ang daigdig
Sa isip at lakas ng masang obrero (80)
Hagkis ni Crisanto Obrero
SURPLUS LABOR
Umaagos ang gusto pati bisyo ng burgis
sa lawa ng dugo at luha ng anakpawis.
Araw-araw, kamal-kamal ng mga diyos
ang salaping hininga ng mga busabos. (62)
Bagwis ng Sigwa
IMPERYALISMO at BURUKRATA KAPITALISMO
Ano ang kalayaan?
Sa alulong ng gutom sa malanding kairalan!
Ano ang kalayaan?
Sa bulag na katarungan!
Ano ang kalayaan?
Sa paghahari ng iilan sa lipunan!
Ano ang kalayaan?
Sa kasarinlan ng bayan na hawak ng mga
dayuhan!
Ano ang kalayaan?
Sa bansang lumalaon bumubuti na
sumasama pa sa dati! (71)
Hayun ang mga nakatoga
alilang-kanin sa mga kompanyang
multinasyonal.
Matatalino sila: Ang bait nasa sikmura.
May sentido sila: Walang wisyo.
May pakiramdam: Walang pakialam. (72)
Aso sa Akademya
Morge ang Malakanyang, sa palasyo,
nakalutang
ang dolyar sa lawa ng dugo ng sambayanan.
Ang Kongreso ay obitwaryo ng katwiran
Sa Korte Suprema nilalapa ang wisyo ng
bayan.
Sa republikang basahan nasa taumbayan
Ang kapangyarihan: Malaya ang madla
Na walang mapala tumunganga nang
tulala.
Malaya ang masa na magpaalila sa ibang
bansa. (11)
Biyahe ng Mata sa Usisa ng Noo
Sa sosyedad ng salapi
kapalaluan ang naghahari.
Ang kapakanan ng taumbayan
inireregalo ng gobyerno sa mga dayuhan.
Kahirapan ang biyaya ng kaunlaran. (64)
Bagwis ng Sigwa
Sa alamat ng aklat
krimen ang lumaganap:
Nagkalat sa sosyedad
ang mg salarin
na utak ng gobyerno.
Organisadong krimen ang burukrasya,
serbisyo publiko, ang binibiktima. (7)
Interpretasyon sa Interbensyon
IDEOLOGICAL STATE APPARATUS
Gintung-ginto ang kamalayan
Sa maluwalhating lipunan:
punerarya ng utak ang akademya,
embalsamador ng talino ang guro;
bait ang isinasawsaw sa arenola ng bandita,
para mapatid ang unawa at sa hangin
umalgwa;
libog ang inaapuyan ng mga dyaryo
na petsa lamang ang totoo.
Maayos, maganda ang pamayanang
balikuko ang isipan. (25)
Lukso ng Dugo sa Bahaghari ng Kamatayan
Guro, sa bayang binusabos ng kasaganaan,
Ano ang itinuturo mo?
Sa akademya na punerarya ng mga utak;
ikaw, guro ang embalsamador ng talino
Kriminal sa kultura ang aso sa pisara.
Mahal na guro, mukha lang ng tao ang di
nagbabago. (73)
Aso sa Akademya
Sa apat na sulok ng tadtaran ng katinuan,
ikinakahon ng guro ang bait ng kapalaran
sa kulto ng kamulalaan.
Gumugulong ang mga ulo sa mga libro para
matuto
na ilihis s noo ang maraming totoo. (6)
Interpretasyon sa Interbensyon
REPRESSIVE STATE APPARATUS
Selda kundi bala
Ang batas ng mga trapos
Sa karapatang pantao!
Luha, luha, luha!
Ang regalo sa madla
Ng rehimeng Gloria.
Kongreso, Malakanyang,
pati Korte Suprema masaya!
Sa kapalaluan nagsasaya. (21)
Sakdal sa Pangulo
Binaklas ka Crispin Beltran
sa sagrdao mong tahanan;
Inilayo sa mga mahal mo sa buhay
ng kalupitang takot sa katotohanan:
Ipiniit ang katauhan mong anakpawis.
Proklamasyon 1017
ang papel ng kabuktutan
ng sakim sa kapangyarihan
ang nagsadlak sa rehas na bakal
sa lider ng masang sambayanan. (74)
Oda kay Ka Bel
Nasaktan kami nagdamdam.
Natutong lumaban.
Gigil kayo sa kabangisan:
Dahas ang itinapat sa katwiran.
Nabigkis sa unyon ang hirap at hapis,
Itinutumba ang lider ng kamandag ng lupit.
Samasamang binubulok saselda
Ang damdaming masisigasig sa pithaya. (81)
Hagkis ni Crisanto Obrero
Gatilyo ng baril ang katwiran ng api laban
Sa estado ng diyos na dahas ang
kapangyarihan. (8)
Interpretasyon sa Interbensyon
REBOLUSYON
Naganap na.
Naganap na!
Hinuhukay na
ng kasamaan
ang libingan
ng kawalanghiyaan. (11)
Biyahe ng Mata sa Usisa ng Noo
Sisingilin ng Busabos ang kapalaran!
Uusigin ng Alipin ang diyos!
Bitay sa Busabos
masdan mo ang haraya ng dilim at liwanag
sa pingkian ng katawan at katauhan,
gumagapang na apoy sa mitsa ng iyong
hininga
ang taling-puso ng ngitngit ng mga kasama.
oras mo na burgesya. (30)
Oda sa Burgesya
Sa sangandaan ng pagbubukangliwayway
magkikita at magkikita
ang kasakiman at katwiran.
Ang inutang na dugo sa asyenda:
Dugo rin ang ibabayad. (68)
Dugo sa Asukal
di ba tayo kikibo, hindi ba tayo
maniningil sa mga diyos
na timawang nilulustay ang kinabukasang
saligan ng maluwalhating pagkakapatiran
sa buhay na malay, maunlad at matiwasay
na pag-ibig ang pamantayan sa pulso
ng pananagutan.
mga kapatid hindi kukupas ang bandilang
pula
na inaaruga ng tagumpay ng pakikibaka.
(78)
Tinig sa Rehas na Bakal
Sa armas ng pagkakaisa:
Ngitngit ng api ang aalsa.
Taliba ng anakpawis
ang lalagot sa tnikala
ng pagkabusabos sa masa. (87)
Wala sa Lapida ang Aklat ng Aming
Pangarap
Itinaga sa bato ang pagbabago;
Laksalaksang sulo ang ilaw ng mga bungo,
sa simoy ng kalayaan, sumisikdong kamao,
ang humuhugos sa sangandaan ng
komprontasyon.
Sa haraya ng pulbura at bala,
nagbabanyuhay ang madla
ang dumi itinatapon: ngingiti
ang pagkatao sa bukangliwayway. (27)
Lukso ng Dugo sa Bahaghari ng Kamatayan
Bigkis-diwa at kapit-bisig ang maso at araro
Angil ng mga punglo sa kanayunan ang pulso
ng bayan
Oras na ng panginoon:
Ngitngit ang simoy ng panahon. (8)
Interpretasyon sa Interbensyon
PERA
Di luluha ang panginoon
sa buhay na tapon:
Iiyak ang diyos
sa perang naupos (42)
Mga Kutitap Sa Diwa ng Simoy ng Panahon
Basta may tubo sa kapital,
kasehoda, kung may mamamatay
Pera, pera at pera ang bibliya ng kapitalista.
(63)
Bagwis ng Sigwa
PERA
Henyo na di makayari sa inidoro
Sa iniraraos parang mabibiyak ang ulo
Aba naginhawan ang pobre nang alang gastos
Nagbutil na pawis sa mukhay parang ipinulbos
Kati ng talino sa bumbunan ng me sayad ang ulo
Dumausdos lahat sa poso negro
Naku, nang bumungad ang lintik sa tigas
Pera, nang inire, ang lumabas sa tawas
Pera ang punot dulo ng pagkaloko
Ng bait na ipinaglihi sa mga libro
Sa kindat ng pera tumihaya ang ganda
Totoong dangal lamang ang itininda
Nagpupuyat ang katinuan sa utos ng pera
Para sa kinabukasang paggising patay na
Ginoong matalino na me diploma
Sa buyo ng pera nabulok sa selda
Me nagbabangko ng pera sa pagitan ng mga hita
Kapag nagwiwidro nanggugumigil sa kita
Me taong kumakain ng pera
Kaya ang pigura mukhang pera
Sa anumang negosyo pera ang pinakamahalaga
Kaya ang kapitalista pera ang konsensya
Isang dakot na barya sa palad ng mga magsasaka
Limos ng propitaryo na hayop kung sulitin pa
Lumayas ang pag-ibig sa tahanan
Pera pala ang naging dahilan
Magkakapatid ay nagbabarilan
Dahil sa pera na pinag-aagawan
Akit ng pera talagang iba ang dating
Kaya ang katinuan kumukuliling
Mahiwaga ang pera nakapagmimilagro
Kaya ang balintunan ang buhay sa mundo
Pera ang dumukal sa kabundukan
Para ang mga mina sa kahiwagaan
Pera ang sumisid ng perlas sa karagatan
Para akitin ang ganda na yumakap sa kalandian
Sinuro ng pera ang kalupaan
Para madaling marating ang mga pupuntahan
Pera ang nagtayo sa trono ng kasakiman
Pinagpupunyagian ng wisyo sa larong patayan
Nagkalat ang pera sa landas ng kapalaran
Na nagdidikta sa buhay na pakapalan
Basta sa mga pagkakaperahan
Patay ang hiya sa kawalanghiyaan
Umuulan ng pera sa myundo
Na pawis at dugo ng mga obrero
Ang pera sa kamay ng baligho
Kamatayan ng puso. (31-32)