MILYUN-milyong estudyante at mag-aaral sa mga pampublikong paaralan sa
bansa ang magbabalik-eskuwela sa Lunes, Hunyo 6, ngunit isang linggo bago ito, pangungunahan ng Department of Education (DepEd) ang taunan nang tradisyon ng paghimok sa mga komunidad at sa iba’t ibang ahensiya ng gobyerno para ihanda ang mga paaralan—ang Brigada Eskwela.
Simula nang ilunsad noong 2003, naging kapaki-pakinabang ang Brigada
Eskwela sa paghahanda sa mga eskuwelahan para sa muling pagpasok ng milyun-milyong mag-aaral at estudyante matapos ang matagal na bakasyon. Kaya naman kapag nagsimula ang Brigada Eskwela ng Mayo, isang tunay na grupo ng mga volunteer—mga magulang, guro, estudyante, at alumnus, miyembro ng mga grupong sibiko, at iba pa sa komunidad—ang dumadagsa sa mga eskuwelahan upang tiyaking handa na ang lahat, at ligtas at malinis ang babalikang paaralan ng mga bata. Isa sa mga tumutulong dito ay ang pamunuan ng mga estudyante ang Supreme Pupil Government. Ngayong taon, ang grupo ng mga batang ito ay masigasig na tumulong sa mga silid-aralan upang mapabilis ang pag-lilipat ng mga kagamitan ng mga gurong naglilipat ng gamit. Tumulong din sila na maglinis ng mga silid- aralan. Sa ganitong paraan mas madali at mapapabilis na maihanda ng guro ang kanilang mga silid-aralan sa darating na pasukan. . Isa itong napakagandang pagpapakita ng diwa ng bayanihan ng mga Pilipino.