Pagsusuri sa akdang “Geyluv” ni Honorario Bartolome De Dios

I. Panimula
A. Kahulugan ng Pamagat
Ang Geyluv ay mula sa orihinal na salitang gay love. Kung ating susuriin sa pamagat
pa lang ng istorya ay mahihinuha agad na ito ay umiikot sa pagmamahal ng isang bakla o
isang lalaking may pusong babae.
B. Pagpapakilala sa May-akda
Si Honorio Bartolome De Dios ang may-akda ng Geyluv. Siya ay mula sa Marilao,
Bulacan. Siya ay nag-aral ng Sociology sa Maynila. Maaga siyang namulat sa
kabaklaan.Nag-aral siya sa loob ng seminaryo kung saan niya napagtantoang nais niyang
gawin sa kanyang buhay. Siya ay sampung taon napabilang sa development work.
Napabilang siya sa mga pangmasang gawain na tumataguyod sa karapatan ng at bahagi
ng kabaklaan sa lipunan. Siya ay nagtuturo bilang isang part-timer sa Ateneo De Manila
University. Sa ngayon patuloy pa rin siyang naghahanap at pinapalawak ang karanasan sa
pamamagitan ng kanyang mga panulat upang itaguyod ang karapatan ng mga bakla sa
lipunang mapanghusga. IBA PANG MGA AKDA: - Eulohiya - Sumpang tag-araw -Kas

C. Pagpapakilala sa Tauhan
 Mike- Siya ay isang mamamahayag at straight na lalaki na napalapit nang husto kay
Benjie.
 Benjie- Program officer sa opisinang pinapasukan. Kilala bilang isang mataray na bakla
ngunit mabait. Matalik na kaibigan ni Mike at nangangarap ng true love ngunit takot
masaktan dahil sa mga nagging karanasan sa pag-ibig.
 Joana- Kaibigan at katrabaho ni Benjie na may gusto kay Mike.
 Carmi- Maganda at seksing babae na dati at huling nagging karelasyon ni Mike
II. BUOD

Ang kuwento ay umiikot sa matalik na magkaibigang sina Mike at Benjie. Si Mike ay

isang straight na lalaki at si Benjie naman ay isang aminadong bakla. Sila ay nagkakilala sa
isang media party at magsimula ng pangyayaring iyon sila ay naging matalik na kaibigan.
Ang bawat isa ang naging hingaan nila at higit pa sa kabigan ang naging turingan nila sa
dahil sa likas na kabaitan ni Benjie at paguunawa sa isa’t isa. Nagugustuhan ni Joana na
katrabaho ni Benjie si Mike. Nakilala ni Benjie si Carmi ang dating kasnitahan ni Mike.
Isang araw inamin ni Benjie ang na mahal niya si Mike hindi nakapagsalita si Mike pero
 para sa kanya sobrang mahalaga sa kanya si Benjie dahil wala pa siyang nagiging kabigan
na magaan ang kanyang pakiramdam at nasasabi niya lahat ng problema at nararamdaman
niya rito. Sa isang bus, nais sana ni Mike na magsama na lang sila ni Mike sa iisang bahay
upang mabantayan nila ang isa’t isa at mas lumalim ang nararamdaman nila sa bawat isa.
Nagdadalawang isip si Benjie dahil baka lalo siyang mahulog sa kaibigan at walang
patunguhan. Tumingin si Benjie sa labas ng bus pagkatapos ng mabigat na pag-uusap nila
ni Mike. Sa mabilis na pagtakbo ng bus, hinawakan ni Mike ang kamay ni Benjie dahil
nararamadaman niyang nahihirapan na si Benjie.

III. Mga pangunahing punto ng pagsusuri

a. Panahong kinabibilangan- Kasalukuyan at modernong panahon
b. Tunggalian- Tauhan laban sa kanyang sarili
c. Uri ng panitikan- Piksyon
d. Istilo ng pagkakasulat- Isinulat ito nang may-akda na walang patumpik-tumpik at
mas mauunawaan ng mga mambabasa. Gumamit ng maarteng pananalita at
magaan ang mga pahayag na binibitawan ng mga tauhan.
e. Paksa: Pagkakaibigan, karapatan sa pagmamahal, patas na pagtingin sa lipunan
IV. Teoryang Napapaloob
A. Queer Theory

Ang akdang Geyluv ay isa lamang sa akdang kakikitaan ng Queer na pananaw. Sa ating
lipunan, maraming mga tao ang tinitignan bilang isang kasalanan ang pagiging bakla o
tomboy. Marami ang humuhusga ang sa kanila base sa kanilang sekswalidad. Hindi
maitatanggi na mula noon hanggang ngayon ay umiiral pa rin ang di pantay na pagtingin sa
mga babae, lalaki, bakla o tomboy o mga miyembro ng tinatawag na LGBT community. Sa
ating akdang sinusuri na Geyluv ay matutunghayan ang katayuan ni Mike bilang isang
straight na lalaki na sa huling bahagi ng kuwento ay tila nahuhulog na sa kanyang kaibigan
na bakla na si Benjie. Hindi siya nahihiya na maging kaibigan ito sapagkat hindi nahahalata
ang kabaklaan nito dahil sa pagiging macho nito at wala siyang pakialam kung masabihan
man siyang bakla dahil ito ang lagging kasama at kasabay sapagkat ito ay isang mabait na
tao. Hindi niya mawari ang nararamdaman niya para kay Benje. Si Benjie naman ay isang
aminadong bakla. Siya ay iang mataray na bakla ngunit mabait. Hindi siya tulad ng ibang
bakla na ating unang maiisip. Hindi siya mabilis maakit na tulad ng ibang bakla. Siya ay
takot na umibig sapagkat sa mga nakaraang naging karelasyon niya na lalaki na inaabuso ang
kanyang pagiging bakla, bakla man siya ay umaasa at nais niya pa ring makahanap ng true
love. Natatakot siyang baka maulit na naman ang nangyari sa kanya. Bilang isang bakla din
kakikitaan si Benjie sa kuwento na tanggap niya ang kanyang sarili at limitasyon tulad na
lang nang makilala niya ang sexy at magandang si Carmi na ex-girlfriend ni Mike. Alam niya
na may mga kayang ibigay ang babae na hindi niya kayang ibigay bilang isang bakla. Sa
akdang sinusuri makikita ang matibay na relasyon nina Mike at Benjie bilang magkaibigan at
kung paano magmahal ang isang baklang gaya ni Benjie, siya ay may takot na ipahayag ang
kanyang pagmamahal sapagkat natatakot siyang masaktan sapagkat para sa kanya bihira
lamang ang magmamahal nang tapat kagaya nga ng sinasabi ng kanyang mga kaibigan siya
ay nangangarap lamang. At ipinakita rin ang nararamdaman ni Mike bilang isang straight na
lalaki subalit sa kanyang mga pinapakita ay Benjie tila mas naguguluhan pa sila sa kanilang
mga nararamdaman. Ipinapakita ang nararamdaman at katayuan sa pag-ibig ni Benjie bilang
isang bakla at Mike bilang isang straight na lalaki na tila may nararamdaman din para kay
Benjie ngunit para sa kanya isa siyang straight na lalaki. Ang homosekswalidad ay
romantikong atraksiyon, atraksiyong seksuwal sa mga kasapi ng magkatulad na kasarian. Ito ay
bahagi ng katangian o katauhan ng isang tao. Katulad na lamang nina Benjie at Mike na
kabilang nito.

B. Feminismo

Ang teoryang Feminismo ay tumutukoy sa prinsipyo o paniniwalang dapat maging pantay

ang babae at lalaki sa lipunan sa pagtamasa ng sosyal na karapatan.Ito ay may layuning
muling iakda ang babae sa pagsusulat man o sa pagbasa ng panitikan. Sa ganitong layunin ay
maiaangat ang estado ng babae, mabibigyan ng boses, makalilikha ng sentro, mabigyang
kapangyarihan at mailalagay sa di establing posisyon ang sistemang patriarkal. Sa akdang ating
sinusuri na Geyluv, masasalamin ang katayuan sa lipunan ng dalawang pangunahing tauhan
na sina Benjie at Mike. Ipinpapakita sa akda gamit ang Feminismong pananaw ay mayroong
karapatan ang bawat isa babae o lalaki man bakla at tomboy na mahalin at magmahal.
Ipinapakita rin sa akda na kahit ano pa man kasarian mo hindi ito hadlang upang maging
matagumpay ang isang tao at magkaroon ng magandang trabaho tulad ni Benjie at Mike.
Ipinaparating ng akda anuman ang pagtanggap mo sa iyong sarili anuman ang kasarian mo
mayroon kang karapatan sa lipunan.

V. Kahalagahan sa Kasalukuyan
 Sa kasalukuyang panahon hindi na maitatanggi na dumadami na ang mga taong
nagkakaroon ng lakas ng loob na magladlad na tunay nilang pagkatao sapgkat marami na ang
tumataguyod sa karapatan ng mga miyembro ng LGBT community. Marami rin ang mga taong
humuhusga at di tanggap ang tulad nila.Kung ating bibigyang halaga ang binasa at sinuring akda
mapapansin natin na dapat bigyan ng puwang sa ating lipunan ang mga tulad nila sapagkat sila
ay karapatan din na mahalin at magmahal. Maraming kilalang tao ang kabilang sa homosekswal
na naging matagumpay naman sa buhay. Hindi naging hadlang ang kanilang pagkatao upang
maging matagumpay.Ang karapatang pantao ng mga homosekswal ay magkakaiba sa ibat’t ibang
panig ng mundo. Mayroon silang mga karapatan na ipinaglalaban upang hind imaging biktima
ng diskriminasyon. Paggalang at pagtanggap lamang ang nais nila. Tignan natin sila bilang mga
taong nilikha rin ng Diyos na kapantay ang karapatan ng babae o lalaki man. Mayroong ilang
mga nakauunawa at mayroon naming hindi. Ipinakit din ng kuwento nina Benjie at Mike ang
halaga ng pagkakaibigan at pagmamahal sa kapwa.

Sanggunian:

https://www.shmoop.com/queer-theory/
https://www.letasoft.com/sound-booster-download/
https://www.academia.edu/4827497/SOCIAL_DILEMMA_HOMOSEXUALITY_
Homosexuals_in_the_Philippine_Society_as_Depicted_in_Geyluv_by_Honorio_Ba
rtolome_De_Di
http://bihirangpanitikangpilipino.blogspot.com/2013/08/geyluv-by-honorio-
bartolome-de-dios.html