GVHD

ჯონ უელსის კლინიკური ქეისი: სამკურნალო თერაპია როგორც პრობლემა

ჯონი 7 წლის ასაკამდე ჯანმრთელი იყო, სანამ დედამ არ შეამჩნია, რომ ბოლო პერიოდში ბიჭუნა
ძალიან გაფერმკრთალდა. მას ასევე აღენიშნებოდა მკლავებსა და ფეხებზე წვრილი
სისხლჩაქცევები (პეტექიები), რის გამოც დედამ ბავშვი პედიატრთან წაიყვანა.ზემოთ აღნიშნული
სიმპტომების გარდა, ფიზიკალური გამოკვლევით რაიმე პათოლოგია არ გამომჟღავნებულა.
პედიატრმა შეუკვეთა სისხლის საერთო ანალიზი, რითიც დადგინდა, რომ ჯონი ძალიან ანემიური
იყო. მისი ჰემოგლობინი იყო 7გ/დლ (ნორმა 10-15 გ/დლ), ხოლო თრომბოციტების რაოდენობა -
20,000/ l (ნორმა 150,000 – 300.000/ l). სისხლის თეთრი უჯრედების რაოდენობა ასევე მკვეთრად
იყო შემცირებული. პედიატრმა პაციენტი ძვლის ტვინის ბიოფსიის ჩასატარებლად ჰემატოლოგთან
გადაამისამართა.

ბიოფსიამ აჩვენა, რომ ჯონის ძვლის ტვინი იყო ჰიპოცელური, სამივე შტოს - სისხლის წითელი
უჯრედების, თეთრი უჯრედების და თრომბოციტების წინამორბედების რაოდენობა იყო
მკვეთრად შემცირებული. დაისვა დიაგნოზი: უცნობი ეტიოლოგიის აპლასტიური ანემია (ძვლის
ტვინის უკმარისობა). აპლასტური ანემია, საბოლოო ჯამში ფატალურია, მაგრამ შესაძლოა ძვლის
ტვინის წარმატებული გადანერგვის შედეგად განკურნებულ იქნას.

საბედნიეროდ, ჯონს ჰყავდა HLA-იდენტური 11 წლის ძმა, რომელიც შესაძლებელია გამხდარიყო

მისი დონორი. ჯონი მიიყვანეს ბავშვთა კლინიკაში და ჩაუტარეს ფლუდარაბინისა და
ციკლოფოსფამიდის კურსი, რათა მისი ლიმფოციტების ერადიკაცია მოეხდინათ. შემდგომ მას
გადაუნერგეს ძმის თეძოს ძვლიდან წონის ერთ კგ-ზე 2 x 10 8 ბირთვიანი ძვლის ტვინის უჯრედი
და ტრანსპლანტატი მასპინძლის წინააღმდეგ (GVHD) დაავადების პრევენციის მიზნით დაენიშნა
ციკლოსპორინ A-თი მკურნალობა.

ჯონმა მკურნალობა კარგად აიტანა და სამი კვირის შემდგომ გაეწერა სახლში

გამოსაჯანმრთელებლად. თუმცა, ციკლოსპორინ A-თი პრევენციის მიუხედავად, გადანერგვიდან
24-ე დღეს ხელახლა მიმართა კლინიკას კანზე გამონაყრისა და წყლისებრი დიარეის გამო, რაც
ძალიან დამახასიათებელია GVHD-თვის. კლინიკაში მიყვანისას მას აღენიშნებოდა ლაქოვანი
წითელი გამონაყარი ხელისგულებსა და ფეხისგულებზე, თავის კანსა და კისერზე. მას არ ჰქონდა
გამოხატული ცხელება და სიყვითლე. მისი ფილტვები სუფთა იყო და გულისცემა ნორმალური.
ღვიძლი და ელენთა არ იყო გადიდებული.

ჯონმა იმკურნალა კორტიკოსტეროიდებით. კანზე გამონაყარი გაქრა, მაგრამ ნაწლავური

სიმპტომები არ მორჩენილა და დიარეა უფრო უხვი გახდა. მას მიეცა ბოცვრის ანტითიმოციტური
გლობულინი ორი დღის განმავლობაში. მკურნალობის ამ მეთოდის არჩევამ ჯონის დიარეა
მკვეთრად შეუმცირა და ნაწლავებიდან სისხლდენაც შეჩერდა. ორი კვირის შემდეგ ჯონის სახლში
გაიგზავნა. კორტიკოსტეროიდების მცირე დოზით მკურნალობა გაუგრძელდა და GVHD-ის
გაკონტროლება მოხერხდა.
GVHD
კითხვები:

1. ტრანსპლანტაციამდე ძვლის ტვინი, GVHD-ის განვითარების თავიდან ასაცილებლად,

როგორც წესი, T უჯრედებისგან უნდა გათავისუფლდეს. თუმცა, ძვლის ტვინის
გადანერგვით ლეიკემიის მკურნალობისას T უჯრედების არსებობას სასარგებლო ეფექტი
აქვს. როგორ ახსნით ამას?
2. მწვავე GVHD დასათრგუნად ჯონს მიეცა ანტი-თიმოციტური იმუნოგლობულინი. იცით
სხვა საშუალებები T ლიმფოციტების რაოდენობის შესამცირებლად?
3. რატომ არის GVHD-ს მთავარი სამიზნე კანი და ნაწლავები?