PASIMULA

Kapag natitipon na ang sambayanan, ang pari at mga tagapaglingkod ay lalakad patungo sa dambana
samantalang ang awiting pambungad ay ginaganap.

Pagsapit sa dambana, ang pari at mga tagapaglingkod ay magbibigay-galang alinsunod sa

hinihinging paraan. Magbibigay-galang ang pari sa dambana sa pamamagitan ng paghalik sa ibabaw. Kung
minamabuti niya, maiinsensuhan niya ito. Pagkatapos, ang pari ay paroroon sa kanyang upuan.

Matapos ang awiting pambungad, habang nakatayo ang lahat, ang pari at ang mga tao ay magkukrus.
Ipahahayag ng paring nakaharap sa mga tao:

+ Sa ngalan ng Ama at ng Anak at ng Espiritu Santo.

Sasagot ang mga tao:

Amen.

Ilalahad ng pari ang kanyang mga kamay bilang pagbati sa mga tao, habang ipinahahayag:

Ang pagpapala ng ating Panginoong Hesukristo,

ang pag-ibig ng Diyos Ama,
at ang pakikipagkaisa ng Espiritu Santo ay sumainyong lahat.

Sasagot ang mga tao:

At sumaiyo rin.

PAGBABASBAS AT PAGWIWISIK NG BANAL NA TUBIG

Ang pagganap nito ay siyang katumbas ng pagsisisi sa kasalanan.

Pagkatapos ng pagbati, ang Pari na nakatayo sa harap ng upuan ay paharap sa mga taong mag-
aanyaya na manalanging basbasan ng Diyos ang tubig na nasa lalagyan. Ipahahayag ng Pari ang mga
sumusunod:

Mga kapatid kong minamahal,

hilingin natin sa Ama nating makapangyarihan
na marapatin niyang basbasan itong tubig na iwiwisik ngayon
bilang paggunita sa tinanggap nating binyag noon.
Pagkalooban nawa niya tayo ng panibagong lakas
para sa pamamalaging matapat sa Espiritu Santo na ating tinanggap.
 Tahimik na mananalangin nang saglit ang lahat. Magpapatuloy ang Pari sa pagdarasal nang
magkadaop ang mga kamay.

Ama naming makapangyarihan,

niloob mong sa tubig na bukal ng buhay
at tagapagdulot ng kalinisan
ang kalooban nami'y magkamit ng kadalisayan
at ng iyong buhay na ibininigay sa mga hinirang.
Hinihiling naming marapatin mong basbasan +
ang tubig na ito na ngayo'y nais naming mawisik sa aming katawan.
Ipagkaloob momng sariwain nito sa amin ang buhay
na iyong ibinigay sa amin noong kami'y binyagan
at ipagsanggalang nawa nito sa tanang kasamaan
ang aming buong katauhan
upang makadulog kami sa iyo nang may kadalisayan
sa ikapagkakamit namin ng kaloob mong kaligtasan
sa pamamagitan ni Hesukristo
kasama ng Espiritu Santo
magpasawalang hanggan.

Bayan: Amen.

Babasbasan ng Pari ang asin habang kanyang ipinahahayag ang sumusunod na panalangin.

Ama naming makapangyarihan,

hinihiling naming iyong marapating basbasan + ang asing ito
pakundangan sa iyong pag-uutos kay propeta Eliseo
na lagyan ng asin ang tubig para ito linisin at pasarapin.
Ipagkaloob mong saan man mawisik
ang pinaghalong ito na asin at tubig
ay magkaroon nawa ng pagkapawi ng tanang kasamaan
at magdulot ng pananahang lubos ng Espiritu Santo
sa pamamagitan ni Hesukristo magpasawalang hanggan.

Bayan: Amen.

Tahimik na ihahalo ang asin sa tubig.

 Hahawakan ng Pari ang pangwisik at kanyang wiwisikan ang sarili at ang mga tagapaglingkod gayun
din ang kaparian at ang sambayanan at makalilibot siya sa loob ng simbahan para ito gampanan.

Aawitin ang sumusunod bilang pangsaliw sa pagwiwisik.

ISANG PANANAMPALATAYA
(A. Santos, E.P. Hontiveros, SJ)

Koro: Isang pananampalataya,isang pagbibinyag

Isang Panginoon, angkinin nating lahat

Habilin ni Hesus noong Siya'y lumisan

Kayo ay magkatipon sa pagmamahalan. (Koro)

Ama pakinggan mo ang aming panalangin

Dalisay na pagibig sa ami'y sumapit. (Koro)

Mga alagad ko pa’no makikilala?

Tapat nilang pag-ibig wala nang iba pa. (Koro)

Kaya nga, O Ama, sana’y Iyong hawian,

Ang aming mga puso ng mga alitan. (Koro)

Pagkabalik sa upuan at kapag tapos na ang pag-awit, ipahahayag ng Pari nang nakaharap sa mga
nagsisimba at magkadaop ang mga kamay ang mga sumusunod:

Dalisayin nawa tayo ng makapangyarihang Diyos

sa ating mga kasalanan,
at pakundangan sa pagdiriwang na ito
ng pagpupuri at pagpapasalamat
pagindapatin nawa niya tayo
na makapakinabang sa piging niya
sa buhay na walang hanggan.

Bayan: Amen.

PAPURI SA DIYOS SA KAITAASAN (Aawitin)

Pasisimulan ng Pari ang pag-awit ng Papuri sa Diyos.