PANANAW NG MGA MAG-AARAL NG IKALAWANG TAON NA KUMUHA
NG KURSONG BSOA SA EPEKTO NG PAGGAMIT NG TEKNOLOHIYA
SA WIKANG FILIPINO
Isang Pananaliksik na iniharap sa
Kaguruan ng Departamento ng mga Wika at Literatura
Eastern Visayas State University
Lungsod Tacloban
Isang Bahaging katuparan sa
Pagtamo ng Titulong
Batsilyer ng Sinning sa Filipino
nina:
Leo bert Salipot
Joycel Centinaje Princess Bea Barcelo Roshella Tado Jessa Mie Ganial Dina Ganial Noime Salamida Mary Selso
BSF-2C OCTOBRE 2022 Kabanata l
Ang Suliranin at Kaligirang Pangkasanayan
Panimula
Hindi maitatanggi na ang teknolohiya ay isang bahagi na ng ating
buhay ngayon lalo na sa henerasyong ito. Isa ito sa ating ginagamit upang mas mapabilis ang ating pakikipag komunikasyon. Ayon kina Espina at Borja(1996) ang komunikasyon ay isang makabuluhang kasangkapan upang maangkin ng bawat nilikha ang kanyang kakayahang maipaliwanag nang buong linaw ang kanyang iniisip at nadarama. ngunit kapansin-pansin ang patuloy na paglaganap ng teknolohiya sa ating bansa lalo na ang patuloy na paglabas ng mga makabagong produkto tulad ng tablet at iPad ng Apple. Sanhi ng patuloy na pag-unlad ng makabagong panahon ay ang pag uso ng paggamit ng pinaikling salita tulad na lamang ng “ansaveh” na pinaikli ng salitang “Anong masasabi mo doon?” upang mapadali ang ating pakikipag uganayan; dito nawawalang silbi ang mga nakasanayang salita ng ating mga kapwa. Sa pag-unlad ng ating bansa at pagbabago ng panahon nag babago na din ang ating sariling wika, ito ay marahil sa iba’t-ibang uring pakikipagtalastasan gamit ang makabagong teknolohiya. Talamak din ang paggamit ng akronim sa social media kung saan nagrerepresenta ang isang letra ng isang salita. Isa pa sa nauuso sa panahon ngayon ay ang makabagong salita o slang word tulad ng selfie. Laganap din ngayon ang paggamit ng salitang balbal kung saan ito ay tinatawag din na salitang kanto o kalye. Dahil sa teknolohiya ay nagiging asa na lamang tayo,nagiging ugat din ito ng hindi pagkakaunawaan ng mga mamamayan ang paggamit ng teknolohiya sapagkat dito ay may kanya kanyang pananaw ang ibang tao kung kaya’t dito ay malakas ang loob nilang makipag sagutan sa isa’t isa lalong-lalo na at ito ay magagawa sa pamamagitan ng pagpindot lamang kahit walang pagkilos na nagaganap.kung kaya’t ang layunin ng pag-aaral na ito ay kumalap ng mga impormasyon sa mga mag-aaral na nasa ikalawang taon na kumuha ng kursong BSOA para tuklasin kung ano ang kanilang pananaw tungkol sa epekto ng paggamit ng teknolohiya sa wikang filipino.