Professional Documents
Culture Documents
„და ვითარცა გამოიღეს წმინდაჲ იგი გუამი წმიდისა მის გარეშე ქალაქსა და
აღიღეს ადგილსა, რომელსა საგოდებელ ეწოდების,რამეთუ მუნ არს საფლავები
კაცთა მის ქალაქისათაჲ, მუნ გრადამოიღეს იგი ურმისა მისგან და დადვეს იგი
ქუეყანასა. და მოიღეს შეშაჲ და თივაჲ და ნაფთი და დაასხეს გუამსა მას ზედა
წმიდასა და დააგზნეს ცეცხლი, ვიდრემდის დაწუნეს ჴორცნი იგი წმიდისა
მოწამისანი ადგილსა მას, რომელ არს აღმოსავალით ციხესა მას ქალაქისასა, რომელსა
ჰრქჳან სადილეგო, პირსა ზედა კლდისასა, რომელ არს კბოდჱ, კდჱ მდინარისა მის
დიდისაჲ, რომელი განჰვლის აღმოსავალით ქალაქსა, ესე არს სახელით მტკუარი.
ხოლო ადგილსა მას არავის აუფლეს მისლვად ქრისტიანეთაგანსა, ვიდრემდის
აღასრულეს დაწუავაჲ იგი ჴორცთა მათ წმიდისა მოწამისათაჲ.