Modyul

III KOMUNIKASYON
LAGOM-PANANAW

Sa modyul na ito iyong malalaman ang dalawang uri ng komunikasyon na

ginagamit ng isang indibidwal upang maipahayag ang kanyang saloobin, opinyon o
mga nais ipahiwatig sa kanyang kapwa.

Sa pagtatapos ng pag-aaral o talakayan sa modyul na ito, ikaw

ay inaasahang:

▪ Nakapagbibigay ng kahulugan ng verbal at di-verbal na

komunikasyon
▪ Naihahambing ang dalawang uri ng kominkasyon
▪ Nakabibigay ng mga sitwasyong na nagpapakita ng anyo ng
komunikasyon

PAGBASA AT PAG-UNAWA

Sa modyul na ito ay ating tatalakayin ang tungkol sa dalawang uri ng

komunikasyon. Ang wika ay ginagamit sa pakikipagkomunikasyon sa paraang pasalita
man o hindi. Sa pakikipagkomunikasyon napauunlad at napapanatili natin ang
relasyong-sosyal. Sa madaling salita, ang komunikasyon ay pag-uusap para kapawa
makinabang ng kaalaman ang isa’t isa nang di nagkakalamangan.

1 URI NG KOMUNIKASYON

DALAWANG URI NG KOMUNIKASYON

19
 1. KOMUNIKASAYONG VERBAL. Ito kung
binibigkas kaya napapakinggan o naririnig ang tunog
sa/ng pagsasalita ang mga ipinahahayag ba
pangungusap sa mga paraang nagsasalaysay,
naglalarawan, naglalahad, at nangangatwiran, kaya’y
tumuturol o nagtuturol, nag-uutos o nakikiusap,
nagtatanong o nag-i-ekslamasyon.
2. KOMUNIKASYONG DI-VERBAL. Kung sa halip
na bigkasin o sulatin, pinararaan ang
pagpapahayag sa pamamagitan ng kilos o
galaw ng alinmang bahagi ng katawan gaya ng
pagkibit ng mga balikat, paghampas ng mga
kamay, pagturo ng hintuturo, pagpapatayo ng
hinlalalabaw, pagkuyom ng mga kamao,
pamamaywang, atpb.

Kahalagahan ng Komunikasyong Di-Verbal:

1. Inilantad o ipinahihiwatig nito ang kalagayang imosyunal ng tao.
2. Nililinaw nito ang kahulugan ng isang mensahe.
3. Pinananatili nito ang interaksyong resiprokal ng tagapagdala at tagatanggap
ng mensahe.
May iba’t ibang anyo ang komunikasyong di-verbal. Ito ang mga sumusunod:
1. ORAS (Chronemics). Ang oras ay maaaring magtaglay ng mensahe.
2. ESPASYO (Proxemics). Ang espasyong inilalagay natin sa pagitan ng ating sarili
at ng ibang tao ay maaaring may kahulugan. May iba’t ibang uri ng proxemics
distance tayong ginagawa sa iba’t ibang pagkakataon at ang distansyang ito ay
maaaring mangahulugang intimate, personal, social o public.
3. KATAWAN (Kinesics). Maraming sinasabi ang ating katawan, minsan pa nga’y
higit pa sa mga tunog na lumalabas sa ating bibig. Kaya nga may tinatawag na
body language.
4. PANDAMA (Haptics). Ito ay tumutukoy sa paggamit ng sense of touch bilang
tagahatid ng mensahe.
5. SIMBOLO (Iconics). Ito ay mga larawan na may ibig sabihin.
6. KULAY. Maaaring magpahiwatig ng damdamin o oryentasyon.

20
 7. PARALANGUAGE. Ito ay tumutukoy sa paraan ng pagbigkas sa mga salita.
(Pagbibigay diin, bilis ng pagbigkas, paghinto sa loob ng pangungusap, lakas
ng boses o taginting ng tinig).

2. GAWAIN 3.1 Sagutin ang mga sumusunod:

A. Sagutin nang may karunungan.

1. Batay sa nabasa, ano ang verbal at di-verbal na komunikasyon? Ipaliwanag sa
sariling pagkakaunawa.
2. Magbigay ng (5) sitwasyon na nagpapakita ng iba’t ibang anyo ng di-verbal na
komunikasyon. Isulat ito sa paraang patalata.

B. Basahing mabuti ang bawat pahayag. Bilugan ang titik ng napiling tamang sagot
sa bawat aytem.

1. Ang mga sumusunod ay kabilang sa vebal na uri ng komunikasyon maliban sa

a. Pakikipag-usap c. Pagbabalita
b. Pagkindat d. Pagsasalaysay
2. Ang palad na nakakuyom ay nagpapahiwatig ng ____________.
a. Pagtitimpi c. Pagkatakot
b. Pagtanggi d. Paghamak
3. Ito ang agwat na namamagitan sa dalawang taong nag-uusap.
a. Haptics c. Proxemics
b. Kinesics d. Chronemics

4. Sa pamamagitan ng galaw ng ating katawan ay maaaring maunawaan ang nais

ipahiwatig.
a. Proxemics c. Iconics
b. Kinesics d. Haptics
5. Pagdupikal ng kampana ng simbahan kapag sumapit ang alas sais ng gabi. Anong
anyo ito ng di-verbal na komunikasyon?
a. Kulay c. Kinesics
b. Iconics d. Chronemics

21
 Binabati kita! Napakagaling mo!
Natapos at napagtagumpayan mo ang aralin.
Sana’y naiwan sa iyong isipan ang lahat ng mga
napag-aralan natin sa araw na ito.
Bagaman tapos na tayo sa araling ito,
ihandang muli ang iyong sarili sa panibago na
namang aralin, ang Modyul IV: Wastong
Kasanayang Pangwika: Pakikinig.

LAGOM
▪ Ang komunikasyon ay may dalawang uri upang maipahatid ang
nais maipahayag patungo sa tagatanggap ng mensahe. 1) Ang
verbal, ito ang uri ng komunikasyon kung napapakinggan o
naririnig ang tunog ng naghahatid ng mensahe. 2) di-verbal
naman kung ito’y sa pamamagitan lamang ng papahiwatig na
paghahatid ng mensahe gaya ng paggalaw ng katawan.
▪ Mahalaga ang di-verbal na komunikasyon dahil inilalantad nito
ang tunay na emosyon ng isang tao, nililinaw ang kahulugan ng
mensahe at pinanatili ang relasyong resiprokal ng tagapagdala at
tagatanggap ng mensahe.
▪ Ang iba’t ibang anyo ng komunikasyon ay ang sumusunod: a)
oras, b) espasyo, c) katawan, d )pandama, e) simbolo, f) kulay at
g) paralanguage.

MUNGKAHING SANGGUNIAN

▪ https://tl.wikipedia.org/wiki/Komunikasyon
▪ https://www.slideshare.net/PaulMitchellChua/komunikasyon-10044098
▪ https://www.slideshare.net/1777414445/komunikasyon
▪ https://www.youtube.com/watch?v=ZZtdrmAlWkM

22
SANGGUNIAN

▪ Arrogante.J.A. et.al (2007) Sining ng Komunikasyon sa Akademikong Filipino.

National Book Store
▪ Arrogante.J.A. (2005) Retorika sa Mabisang Pagpapahayag. National Book Store

MULA SA INTERNET

▪ https://www.slideshare.net/MinnieRose/uri-ng-komunikasyon-verbal-at-
diverbal
▪ https://www.coursehero.com/file/11801045/report-komunikasyon/
▪ https://www.scribd.com/doc/212666286/Uri-ng-Komunikasyon

23