Mangsat, Bernadith N. BB.

Mary Grace Ubando

II-BSEd Filpino Fil 107

ANO NGA BA ANG MABISANG WIKA NA WIKANG GAGAMITIN SA PAG-AARAL

NG MGA BATA?

(Pangangatuwiran)

Isa sa pinagdedebatehan ng mga dalubhasa ang kung ano nga bang wika ang dapat
gamitin ng mga guro sa pagtuturo sa mga bata. Ano nga ba ang pinakamainam na
gamiting wika? Ingles nga ba na siyang unibersal na lengguwahe o Filipino na siyang
sumisimbolo sa pagiging Pilipino?

Sa loob ng mahigit isang siglo, ang Ingles ay may mahalagang papel sa kasaysayang
pangwika ng pilipinas. Nang sakupin ng mga Amerikano ang kabisera noong Mayo
1898, agad nilang sinimulan ang pagtatayo ng mga paaralan kung saan ang mga
sundalonng Amerikano ang nagsilbing mga unang guro at Ingles ang midyum ng
pagtuturo. Mula noon, nagpatuloy ang pagtuturo at pagkatuto ng wikang banyaga. Sa
preschool pa lang, sinasanay na ang mga bata na magsalita ng American Standard
English. Ang mga asignatura, lalo na ang Agham at Matematika ay itinuturo lamang sa
nasabing wika. Ang lahat ng ito ay nag-aambag sa mga positibong saloobin sa Ingles
ng maraming Pilipino-na nakikita ito bilang wika ng mga natutunan at
maimpluwensiyang. Ang papel na ito ay nag-iimbestiga sa mga motibasyon at saloobin
sa wika ng mga Filipino bilang pambansang wika gayundin sa iba pang mga rehiyonal
na wika sa bansa. Sinusuri ng artikulong ito ang epekto ng mga patakarang pang-
edukasyon na ipinatupad sa bansa mula sa panahon ng mga Amerikano hanggang sa
kasalukuyan sa paghubog ng isipan ng mga Pilipino tungo sa Ingles at kulturang
Amerikano. Sa isang paunang pagtatasa, ang mga resulta ay nagpapakita na ang
parehong instrumental at integratib na mga motibasyon para sa pag-aaral ng lngles ay
naroroon at sa gayon ay lumilikha ng natatanging ngunit nakakatuwang mga saloobin
na pumapabor sa wikang banyaga sa mas matataas na tungkulin kumpara sa Filipino at
iba pang mga wika sa Pilipinas. Bilang konklusyon, ang pag-aaral ay naglalabas ng
mga isyu tungkol sa sikolohikal na aspeto ng pagpaplano ng wika sa Pilipinas na
napakahalaga sa pagsagot sa hamong ito na ipinataw ng isang pandaigdigang wika sa
pambansang realidad. Marami ang nagsasabi na wikang Ingles dapat ang gamitin na
wikang panturo sa bata. Ngunit marami rin ang nagsasabi na wikang Filipino dapat ang
gamitin. Dahil patuloy ang pagpapaunlad at pagpapalaganap ng wikang Filipino, bilang
wikang Pambansa at wikang opisyal at wikang panturo sa mga paaralan. Sa binuong
konstitusyon noong 1986 maraming magagandang probisyong pangwika ang
nakapaloob. Ang paggamit ng wikang Filipino bilang wikang panturo sa iba-ibang
asignatura sa paaralan ay isang mabisang paraan ng paglinang ng kakayahan ng mga
mag-aaral sa pakikipatalastasan sa wikang Pilipino. Ayon kay Constantino (2008),
nabanggit na 1940 pa nagsimula ang paggamit ng Filipino sa pagtuturo sa pampribado
at pampublikong paaralan at magiging dagdag na asignatura sa mga sekondaryang
paaralan alinsunod sa Kautusang Tagapagpaganap Blg.263. Ang pagpapatupad ng
Departamento ng Edukasyon Kautusan Blg. 74 serye 2009, saligang simulain nito ay
nararapat na magsimula ang bata sa kung ano ang alam niyang wika at higit na
mainam linangin ang limang makrong kasanayan sa wikang gamay niya. Patuloy na
nililinang ang unang wika at nadaragdagan ang bokabularyo ng pangalawang wika sa
pamamagitan ng komunikatibong paraan gamit ang unang wika bilang inisyal na wika
ng pagkatuto. Samakatuwid, mahalaga ang suporta ng unang wika sa pagkatuto ng
pangalawa. Sa pagpapatupad ng patakarang pangwika sa larangan ng edukasyon,
mahalagang isaalang-alang ang gamay na wika upang maging praktikal at madali ang
proseso ng pagkatuto ng mga mag-aaral. Matapang na nagpahayag si Dr. Florentino H.
Hornedo sa Timbreza (1999) na walang nakikitang problema sa paggamit ng wikang
Mangsat, Bernadith N. BB. Mary Grace Ubando
II-BSEd Filpino Fil 107

Filipino sa mga disiplina tulad ng siyensiya, teknolohiya at humanidades sapagkat ang

wikang ito ay mapang-ampon. Ang kaampunang tinutukoy niya ay ang kakayahan ng
wikang Filipino sa pagtanggap ng mga terminolohiya mula sa banyaga, sa pagiging
bukas nito lagi sa pagbabago, at sa patuloy na intelektuwalisasyon. Kung
pagsusumikapan ng mga gurong ituro ang ibang disiplina sa wikang Filipino, tulad
halimbawa ng Pilosopiya, hindi mamamalayan ng gurong unti-unti na rin siyang
namimilosopiya, nag-iisip at nakapagpapahayag sa Filipino. Sa kasalukuyan, ang mga
guro ng mga asignaturang maliban sa mga asignaturang komunikasyon na Ingles at
Filipino, ay gumagamit ng modang code-switching sa pagtuturo upang maituro ang
araling makaaagapay at makatutulong sa higit na madali at payak na pagkakaunawa ng
mga mag-aaral. Hindi ito maiiwasan dahil sa kahingian ng pagkakataon at patuloy na
humahanap ng mga praktikal na paraan ang mga guro at magaaral upang mapadali
ang daloy ng pagkatuto. Pangkalahatang layunin ng pag-aaral na malaman kung may
espasyo ang Filipino sa klase ng Matematika. Ginawa ang sumusunod na hakbang
upang maisakatuparan ang pag-aaral: pagmamasid sa mga klase; pagsasagawa ng
focus group discussion at pakikipanayam sa mga guro at mag-aaral; at mula rito ay
makabubuo ng mungkahing patakarang pangwika. Sa isinagawang pagmamasid ng
mananaliksik, lumabas na may mga pagkakataong gumagamit pa rin ang mga mag-
aaral at guro (malay o di-malay) ng Filipino sa asignaturang Matematika. Maituturing ito
bilang wikang pantulong sa iba’t ibang yugto ng klase sa Matematika. Pinatunayan ng
pananaliksik na ito na. May espasyo ang Filipino sa Matematika bilang wikang
pantulong, Napadadali ang pagtalakay sa Matematika sa tulong ng Filipino at Ang
pagpapairal ng patakarang pangwika ay kailangan upang maisakatuparan ang ganap
na espasyo ng Filipino sa paaralan. Iminumungkahi na ipatupad ang mungkahing
patakarang pangwika na nabuo batay sa resulta ng pananaliksik.