Skica për Ligjërata Përgatitur nga: Dr. Besim REXHAJ
NEOKLASICIZMI FRANCEZ
1. Çfarë rrethanash e vështirësonin krijimin e themeleve
të dramës neoklasike franceze?
2. Kur themelohet drama neoklasike franceze?
3. Cila nga tragjeditë e Corneilles (Kornejit) ka qenë
mallkuar nga nga Akademia Franceze për thyerje të rregullave klasike? Farsat e tipit të komedisë kanë qenë të popullarizuara në Francë në fund të shekullit 16-të dhe kjo e kishte bërë të vështirë krijimin e themeleve të dramës neoklasike fraceze. Nuk ekzistonin, pos kësaj, godina teatrore dhe, së këndejmi, fushat e mbuluara të tenisit kanë qenë konvertuar në teatro. Ndikimi i fuqishëm italian në oborrin mbretëror francez ka ndikuar dhe rezultuar në krijimin e shfaqjeve të tipit të intermecove, të quajtura balete e të cilat, përndryshe, kanë qenë të popullarizuara në Francën e asaj kohe.
Drama neoklasike nuk thmelohet dhe nuk bëhet e zakonshme
deri në dhjetëvjetëshin e tretë të shekullit 17-të, deri atëherë kur Pierre Corneille dhe, më vonë, Jean Baptiste Racine, nisin të shkruajnë e të shfaqin dramatë e tyre. Nën ndikimin e Kardinalit Richelieu, parimet neoklasike në mënyrë strikte kanë qenë imponuar dhe Sidi (1636 ose 1637) i Cornellies, megjithëse tejet popullor, ka qenë mallkuar nga Akademia Franceze për thyerje të rregullave klasike, përkatësisht të elementeve të dekorit dhe të asaj që quhet reflektim besnik i realitetit (versimilitude). Dramat e Racinit me sukses kombinojnë bukuritë formale të strukturës neoklasike dhe vargun me subjektet mitologjike, me anë të të cilave, midis të tjerash, rezultojnë në krijimin e dramave madhështore e të fuqishme.
Molieri konsiderohet dramatisti më i madh francez. Dramat e
tij, kryesisht, janë të ndikuara nga farsat e tipit komik dhe komedia e tipit të zakoneve, drama këto që satirizojnë zakonet e klasës së lartë, por që, pëgjithësisht, ngriten e tejkalojnë prototipet e bashkëkohësve dhe, së këndejmi, shihen e përjetoen si observacione mbi të metat e veset dhe kufizimet e njerëzimit. Një qëndrim i caktuar i mospajtimit dhe i rebelimit karakterizon shumicën e komedive të tij. Molieri, poashtu, ka qenë aktor i madh i kohës së tij dhe ka kontribuuar shumë në eliminimin e stilit bombastik, që aso kohe dominonte mbi aktrimin francez.
CORNEILLE, PIERRE (1606-84)
1. Me çfarë zhanri dramatic e fillon Corneille karrierën e tij prej dramatisti?
2. Mbi çfarë subjekti bazohet tragjedia “Sidi” (Le Cid)
dhe cila është tema e kësaj tragjedie?
3. Cili është qëndrimi i Corneilles kundrejt rregullave
klasike në tragjeditë e tij të tjera?
4. Cilat janë tragjeditë e tij më të realizuara pas
“Sidit”?
5. Me cilat tragjedi Corneille krijon standardet e
tragjedisë franceze?
Corneille, pierre (1606-84), është dramatist francez,
dramat e të cilit janë kryevepra të letërsisë klasike franceze. I lindur në Rouen, Normandy, bir i një zyrtari të lartë qeveritar, ai shkollohet në shkollat jezuite dhe në ato të drejtësisë në Rouen prej vitit 1629 deri në vitin 1650. Karriera e tij si dramatist fillon me Melitën (Mélite), komedi dashurie, e cila me sukses ka qenë inskenuar në Paris në vitin 1630. Pason tragjikomedia Klitandra (Clitandre, 1631), si dhe komeditë e tjera dhe tragjedia e tij Medea (Médée, 1635), që është një përshtatje e veprave të klasikës greke e romake.
Në vitin 1636 ose 1637 Corneille shkruan tragjedinë Sidi
(Le Cid), e cila bazohet mbi një dramë spanjolle mbi legjendën mesjetare të heroit. Megjithëse kritikët e asaj kohe ashpër e mallkojnë këtë kryevepër, ngaqë nuk i përmbahet me saktësi rregullave klasike të ndërtimit që e kërkojnë unitetin e kohës, vendit e të veprimit, kjo dramë ka qenë një triumph. Tema e kësaj tragjedie, konflikti midis dashurisë dhe detyrës, karakterizon shumë nga tragjeditë e mëvonshme të Corneilles. Në tragjeditë e tjera, sidoqoftë, ai i respekton unitetet ose njësitë klasike. Tragjeditë e tij më të realizuara pas Sidit janë Horaci (Horace, 1640), Sina (Cinna, 1641), dhe Poliekti (Polyeucte, 1643), dhe që të gjitha, si subjekte dramatike, situohen në Romën e lashtë. Këto katër tragjedi, të mbushura përplotë me forcë, dinjitet dhe elegancë, kanë krijuar standardet e tragjedisë franceze, të cilat më tutje janë zhvilluar nga bashkëkohaniku i tij paksa më i ri, Jean Baptiste Racine.
Corneille, poashtu, ka qenë mjeshtër i komedisë.
Mashtruesi (Le menteur, 1643) para shfaqjes së komedive të Molierit, ka qenë konsideruar si komedia më e mirë franceze. Si edhe komedia e tij e dashurisë, Melita, Mashtruesi është një komedi e zakonit ose e sjelljeve, formë kjo të cilën e krijon vet Corneille.
Në vitin 1647 Corneille dhe familja e tij e madhe, duke
përfshirë këtu edhe vëllanë e tij Thomas Corneille, i cili ka qenë, poashtu, një shkrimtar i sukseshëm dramash, shpërngulet në Paris. I konsideruar si dramatist i madh, i cili merr edhe pensionin qeveritar, Corneille ka qenë zgjedhur anëtar i Akademisë Franceze (French Academy) po këtë vit. Dramat e tij të mëtejme, Don Sançe i Aragonit (Don Sanche d'Aragon, 1649),Andromeda (Andromède, 1650), dhe Nikomeda (Nicomède, 1651), kanë qenë pritur mirë nga publiku i asaj kohe. Pas dështimit me dramën e tij Perharita (Pertharite, 1651) ai pushon së shkruari për skenë për tetë vite. Më vonë, i inkurajuar nga qeveria, ai rinis të shkruajë drama, kryesisht tragjedi komplekse, të cilat, për nga cilësia e tyre artistike, krahasuar me produksionin e tij të mëhershëm dramatik, pësojnë rënie. Ai vdes në Paris në vitin 1684. Dramat më të mira të këtij dramatisti të madh ia sigurojnë Corneilles famën të cilën e arrijnë vetëm bashkëkohësit e tij Racine dhe Molière. Corneille konsiderohet si një nga dramatistët më të mëdhenjë francez dhe dramat e tij shfaqen edhe sot e kësaj dite në repertoarin e Comédie Française. RACINE, JEAN BAPTISTE (1639-99)
1. Cila filozofi e kohës së Racines (Rasinit) bëhet një
nga ndikimet më të fuqishme në jetën e tij?
2. Nga i merr Racine temat për tragjeditë e tij?
3. Cilat janë tragjeditë kryesore të Racines?
4. Çka mund të thuhet për “Fedrën” dhe “rivalen” e kësaj
tragjedie të shkruar nga Nicolas Pradon?
5. Cilat janë tragjeditë biblike të Racines?
6. Pse konsiderohet Racine përfaqësues suprem i poezisë
klasike franceze në vargun e rimuar aleksandrin. dhe pse shtatë tragjeditë e tij më të mëdha kanë mbetur edhe sot e kësaj dite në repertorain e Comédie Française? Racine, Jean Baptiste (1639-99), dramatist francez, konsiderohet si shkrimtari më i madh i tragjedisë klasike franceze.
Racine ka lindur në vitin 1639, në La Ferté-Milon, si i
biri i një nëpunësi të taksave. Ai është shkolluar në Collège de Beauvais, Rendi Jansenist në Port Royal, dhe në Collège d'Harcourt në Paris. Filozofia intelektuale, rreptësisht moraliste e Jansenizmit, bëhet një nga ndikimet më të fuqishme në jetën e Racines. Një ndikim tjetër kanë qenë klasikët grek dhe latin. Ai ka qenë në gjendje që t’i lexojë rrjedhshëm klasikët dhe lirshëm të citojë shkrimtarët e tij më të dashur, Euripidin dhe Sofokliun, në origjinalin grek.
Si student, në Paris, pas vitit 1658, Racine shkruan poezi
konvecionale dhe bëhet i afërtë me personalitetet më të rëndësishme letrare të kohës, midis të cilëve ishte edhe poeti i madh francez Jean de La Fontaine. Nën trysninë e familjes së tij, Racine braktis Paris në vitin 1661 dhe fillon të studiojë për priftëri në qytetin Uzès. Ai kthehet në Paris në vitin 1662 ose 1663 për të vazhduar karrierën e tij letrare dhe së shpejti bëhet i famshëm në mesin e shkrimtarëve francez të kohës, duke përfshirë këtu edhe Molièren, Pierre Corneillen dhe Nicolas Boileau- Despréaux; ky i fundit veçanërisht ndikon mbi dramat e tij. Drama e pare e Racines, Tebasi (La Thébaïde), është shfaqur në Palais-Royal (Pallati Mbretëror) nga aktorët e Kompanisë së Molièreit në vitin 1664, kurse drama e tij e dytë, Alexandre, ka qenë shfaqur në vitin pauses. I bindur se drama e tij e dytë ka qenë inskenuar dobët, Racine e bartë dramën e tij në Kompaninë rivale në Hôtel de Bourgogne, që, prej aso kohe, inskenon të gjitha dramat e tij.
Gjatë dhjetë viteve të ardhshme, Racine ka shkruar
tragjeditë që konsiderohen se janë kryevepra, me tema, të gjitha prej syresh, të marra nga letërsia greke dhe romake. Këto tragjedi janë: Andromaka (Andromaque, 1667), Britanikus(Britannicus, 1669),Berenika (Bérénice, 1670), Pajaziti (Bajazet, 1672), Mitridati (Mithridate, 1673), Ifigjenia në Aulidë (Iphigénie en Aulide, 1674), dhe Fedra (Phèdre, 1677). Sukesesi i Fedrës ka qenë njollosur nga armiqtë e tij, të cilët e porosisin një poet të vogël francez, Nicolas Pradon, për të shkruar rivalen e Fedrës, e cila has në sukses më të madh se sa versioni i Fedrës së Racines. Pos një komedie të tij, Paditësitë (Les Plaideurs, 1668), e cila është një satirë që stigmatizon avoketët dhe e cila situohet në Parisin e bashkëkohanikëve të tij, të gjitha veprat e Racines preokupohen me heronjtë dhe heroinat e antikës, fjalët dhe emocionet e tyre të përshtatura për Francën e shekullitë 17-të. Veprat e tij të fundit dramatike kanë qenë tragjeditë biblike, Esteri (Esther, 1689) dhe Atalia (Athalie, 1691). Në vitin 1672, Racine zgjedhet anëtarë i Akademisë Franceze dhe ai gëzon kulmin e fames së tij. Pesë vite më vonë, pas problemeve me të cilat ballafaqohet me Fedrën, Racine i kthehet shkrimit të historisë zyrtare, e cila përfshin fushatat ushtarake të Mbretit Luigjit XIV. Ai vdes në Paris në vitin 1699.
Racine konsiderohet si përfaqësuesi suprem i poezisë
klasike franceze në vargun e rimuar aleksandrin. Shtatë tragjeditë e tij më të mëdha kanë mbetur edhe sot e kësaj dite në repertorain e Comédie Française dhe aktrimi i roleve të tyre kryesore ka qenë një test standard për aktrimin në Francë. Megjithëse dramat e Racines përmbajnë shumë situata që involvojnë pasionet intensive njerëzorre, formaliteti i rreptë neoklasik i rreshtave të tyre, i zhveshur nga emocioni spontan, ka bërë që disa kritik të cilësojnë veprat e tij si të ftohta dhe artificiale. MOLIERI (1622-73)
1. Cilës shoqëri teatrore franceze i bashkohet Moliere
në vitin 1643 dhe si zhvillohet aktiviteti dhe jeta e Molierit për më shumë se një dhjetëvjetësh me këtë shoqëri teatrore?
2. Pretendimet e kujt i satirizon drama “Vashatë e reja
të afektuara” (Les precieuses ridicules)?
3. Me cilën prej komedive të tij Moliere shënon një
tejkalim të rregullave të traditës së farsës ?
4. Cilat janë temat që i trajton Shkolla e
grave( L’ecole des femmes, 1662)?
5. Cili është qëndrimi dhe mendimi i Mbretit kundrejt
Tartufit (Tartuiffe, versioni i parë, 1664, i treti dhe ai përfundimtar, 1669) dhe çka tematizon kjo komedi?
6. Çfarë tipi portreton Mizantropi (Le misanthrope,
1666)dhe, meqë kjo komedi nuk përfundon me happy end, si është cilë suar?
7. Çka mund të thuhet për stilin e Molierit ?
Moliere (1622-73), është dramatist francez dhe një nga shkrimtarët më të mëdhenjë të komedisë. Tipat e tij komik universal edhe sot e kësaj dite kënaqin publikun e gjerë; dramat e tij shpesh edhe sot e kësaj dite inskenohen dhe janë përkthyer në një numër jashtëzakonisht të madh të gjuhëve.
Veprimtaria e hershme
Bir i një tapiceristi, Molieri, që nga vitet e hershme,
plotësisht i është përkushtuar teatrit. Në vitin 1643 ai i bashkohet një shoqërie teatrore të themeluar nga Bejarts, një familje e aktorëve profesionistë; ai martohet me një nga vajzat e kësaj familjeje, Armand Bejart, në vitin 1662. Kjo trupë, të cilën Moliere e emëron si Illustre Teatre, ka vepruar në Paris deri më 1645 e pastaj ka udhëtuar me shfaqjet e saj nëpër krahinë për 13 vite që, në fund, të kthehet në Paris më 1658. Kur kjo trupë kthehet, Luigji XIV i ofron asaj ndihmën e tij dhe iu ofron, poashtu, shfrytëzimin e herëpashershëm të Theatre du Petit Bourbon dhe, më 1661, shfrytëzimin e shtëpisë teatrore në Pallatin Mbretëror (Palais Royal). I sigurtë në Pallatin Mbretëror, Moilere, pjesën tjetër të mbetur të jetës së tij, e kalon me përkushtim të plotë në aktivitetin e teatrit komik, si dramatist, aktor, regjisor dhe producent. Në vitin 1659, trupa inskenon dramën “Vashatë e reja të afektuara” (Les precieuses ridicules), që, e shkruar në stilin të ngjashëm me ate të farsave të vjetra, satirizon pretendimet e dy vajzave provinciale. Kjo dramë e pushton Parisin si një stuhi dhe, që nga ajo kohë e deri në vdekjen e tij, së paku një komedi e Molieres është inskenuar secilin vit njëri pas tjetrit.
Komeditë e mëdha
Shkolla e grave( L’ecole des femmes, 1662)shënon një
tejkalim të rregullave të traditës së farsës. E konsideruar si vepra e parë e madhe e literaturës franceze në këtë fushë, ajo trajton pozitën e femrës dhe rolin e saj që ajo luan në shoqëri si dhe pjesëmarrjen e saj në te. Vepra përbënë një satirë të fortë mbi vlerat bashkëkohore materialste dhe, si e tillë, është akuzuar për imoralitet dhe vullgatitet.
Në Tartufin ( Tartuiffe, versioni i parë, 1664, i treti
dhe ai përfundimtar, 1669) Moliere zbulon një nga tipat e tij të famshëm komik, atë të hipokritit fetar. Guximi i kësaj drame është shoqëruar nga moslejimi i mbretit që ajo të shfaqet publikisht për pesë vite, megjithëse vet mbreti mendonte se kjo dramë ishte argëtuese. Mbreti kishte arsye të fortë të besonte se kjo dramë, me Tartufin pushtues, hipokrit, të veshur me rroba kleriku, do të fyhej shtresa e lartë e fuiqishme e klerit francez.
Mizantropi (Le misanthrope, 1666), i përjetshëm me
popullaritetin dhe aktualitetin e tij, portreton Alcestin e ri, të sinqertë por të pahumor, i cili përpiqet të bind e përfitojë Celimenen, shërbëtoren dinake e djallëzore, me shpirt flirti. Ngaqë kjo dramë nuk përfundon me happy end, ndonjëherë cilësohet si tragjedi.
Një nga dramat më të suksesshme të Molieres (numri i të
cilave arrin në 33), janë Koprraci (L’avare, 1668), komedi e “vrazhdë”, shlirshëm e bazuar në dramën e dramatistit e komediografit romak, Plautit, dhe “Mjek me çdo kusht,(Le medicin malgre lui, 1666), një satirë kjo mbi profesionin e mjekut. I ashtuquajturi borgjez (Le bourgeois gentilhome), 1670), një dramë kjo e tipit të komedisë- balet me kompozitorin e preferuar të mbretit, Jean Baptiste Lully, e përtallë tregtarin e suksesshëm, por naiv, të padjallëzurr, i cili aspiron të pranohet si pjesëtar i oborrit mbretëror. Një mashtrues ia hedh atij duke i premtuar se do t’i aranzhojë një ftesë të tillë dhe, me shpresën të bëhet aristokrati Monsieur Jourdain, i ashtuquajturi gentlemen, përgatitet në mësime nga muzika, vallëzimi, luksi dhe filozofia. Katër skenat e kushtuara në ato mësime janë ndër skenat më argëtuese që ndonjëherë ka shkruar Moliere dhe e tëra përfundn fatlumnisht me një balet përqeshës turk. Stili i Molierit
Satirat e Molierit, të drejtuara kundër konvencave sociale
që e frustrojnë natyrën njerëzore, krijojnë një tabllo dhe një portret më të saktë të shoqërisë së kohës së Molierit se sa që e bëjnë këtë dramat serioze të bashkëkohësve të tij, si janë Pierre Corneille dhe Jean Baptiste Racine.
Megjithëse personazhet e tij skematike dhe efektet komike
janë huazuar nga traditat e vjetra – nga komeditë e komediografit grek, Aristofanit, nga komeditë e Terences dhe të Plautit dhe nga Commedia dell’arte italiane – Molieri projekton thellësinë psikologjike të demagogëve, të koprracëve, dashnorëve, hipokritëve dhe të atyre që ngjiten shkallareve të pushtetit. Mjeshtër i humorit, ai dëshmon se mund të kultivojë një notë përshkuese të patosit. Si edhe trupat e aktorëve Italian, që luanin rregullisht në Paris gjatë shekullit shtatëmbëdhjetë, kompania e Molierit ka qenë e stërvitur për të nxjerrë e shfrytëzuar potencialin e plotë nga karakteret e personazhet skematike që portretohen. Kjo stërvitje ka nënkuptuar studimin e duhur të shprehjeve të fytyrës, të gjesteve dhe të mahive. Së këndejmi, komeditë e Molierit mund të përjetohen në plotëninë e tyre vetëm kur luhen apo aktrohen, inskenohen nga një trupë e shkëlqyeshme dhe e disiplinuar, siç është ajo Comedie Française, teatri kombëtar i Francës. I themeluar në vitin 1660, përmes shkrirjes Illustre Theatre dhe trupave rivale, ai ende njihet nga afër si Theatri i Molierit.