ფავნისის წმინდა გიორგის ეკლესია

მასალა ვიკიპედიიდან — თავისუფალი ენციკლოპედია

ფავნისის წმინდა გიორგის ეკლესია — წმინდა

გიორგის სახელობის ეკლესია კასპის
მუნიციპალიტეტის სოფელ გარიყულაში, ძველ
სასაფლაოზე[1].
თარიღდება IX-X
საუკუნეებით.

ეკლესია დარბაზულია (12,4 x 10,8 მ), ნაგებია

ქვიშაქვითა და ნატეხი ქვით, გამოყენებულია
ტუფიც. შესასვლელი სამხრეთ კედელშია.
აფსიდის ღერძზე ერთი სარკმელია,
გვერდებზე ორი სწორკუთხა ნიში.
საკურთხეველში შემორჩენილია კანკელის ფავნისის წმინდა გიორგის ეკლესია
ფრაგმენტი. სამხრეთ კედელში ორი
სარკმელია. დარბაზის გრძივი კედლები
დანაწევრებულია პილასტრებით, რომლებზეც ეყრდნობა საბჯენი თაღები. პილასტრებს
მარტივი პროფილის თაროსებრი კაპიტელები აქვთ.

ტაძარში კედლები შელესილია, გამოირჩევა მოხატულობის ორი ფენა. ქვედა ფენა

ეკლესიის თანადროულია, ამ ფენიდან შემორჩენილია ფერადი ლაქები ჩრდილოეთი
კედლის პირველ რეგისტრში და შარავანდედიანი ხელგაშლილი მამაკაცის ფიგურა
სამხრეთ კედლის აღმ. მონაკვეთზე. მოხატულობის მეორე ფენა XII საუკუნის II ნახევარს
მიეკუთვნება. საკურთხევლის კონქში გამოსახულია ვედრება. შუა რეგისტრში თორმეტი
მოციქულის წელზედა გამოსახულებაა. ქვემოთ კი ათი ეკლესიის მამისა და ორი დიაკვნის
ფიგურებია. საკურთხევლის სარკმლის თავზე მედალიონში ჩასმული ჯვარია, ქვემოთ კი
ხატი მანდილისაი. მოხატულობაში მრავლადაა საუფლო დღესასწაულები, წმ. გიორგის
ცხოვრების ეპიზოდები და ქტიტორთა პორტრეტები. მხატვრობა წარმოდგენილია
ოქროსფერი, ვარდისფერი, მკვეთრი ცისფერი, იისფერი, წითელი და მოწითალო-
მოყავისფრო ფერებით.

აღმოსავლეთ ფასადის სარკმლის ორივე მხარეს წრეში ჩასმულია ორნამენტიანი ჯვრები.

სარკმლის ზემოთ, ქვიშაქვის სწორკუთხა ფილაზე გამოსახულია წრე და გველი. ტაძარი
გადახურულია კრამიტით. სამხრეთ ფასადზე, მთელ სიგრძეზე მიშენებულია დაბალი
ეგვტერი, რომელიც ძლიერაა დაზიანებული. აქ შემორჩენილი მოხატულობის ნაშთები კი
XIII საუკუნის II ნახევარს მიეკუთვნება.

ლიტერატურა
საქართველოს ისტორიისა და კულტურის ძეგლთა აღწერილობა, ტ. 5, თბ.,
1990. — გვ. 146.

სქოლიო
1. ↑ საქართველოს პრეზიდენტის ბრძანებულება № 665, 2006 წლის 7 ნოემბერი, ქ.
თბილისი, კულტურის ზოგიერთი უძრავი ძეგლისათვის ეროვნული მნიშვნელობის
კატეგორიის მინიჭების შესახებ (https://matsne.gov.ge/ka/document/view/99220)

მოძიებულია „https://ka.wikipedia.org/w/index.php?title=ფავნისის_წმინდა_გიორგის_ეკლესია&oldid=3813469“-
დან

ეს გვერდი ბოლოს დარედაქტირდა: 21:59, 21 თებერვალი 2020.

ტექსტი ვრცელდება Creative Commons Attribution-ShareAlike ლიცენზიით; და შესაძლოა არსებობდეს

დამატებითი პირობები.
იხილეთ გამოყენების პირობები დამატებითი ინფორმაციისთვის.
ვიკიპედია® არის არამომგებიანი ორგანიზაცია Wikimedia Foundation, Inc.-ის რეგისტრირებული სავაჭრო
ნიშანი.

დაგვიკავშირდით