#eenyullee_haa_dubbisu!!!!

Barreessaan #DINSO

Yoo dubbistaan qabxilee baay’ee keessaa ni argattu….obsaan dubbisaa!

Hub! Namoonni ga’ela dhaabbattanii jirtan hin dubbisiinaa!

Adeemudhaaf hawwitee na ganuu yoo barbaaddee

Beenu siif haa milkaa’u-lafa ati dhaquuf yaadde

Garaa dhiifamaa hin qabu-bar ati na jibbinaan

Maal sitoo dhiibee jigseem-Jaalalaaf siidaa dhaabnaan.

+++++++++++++++++++++++++++++++++++++++++++++++++++++++++++++++++++++++++++
++++++

Dhugaa dubbachuudhaaf- ni bareedda turte

Of jejakee sana-xiqqoo otoo hir’istee

Sabboonummadhaan taanaan homtinuu sin hin caalu

Akka sobakeef garuu sitti haasa’uuyyu mitii

Namuu ijaan sin ilaalu,

Si fuudhuudhaaf jedheeni…kanani si sossobe!

Kokolfuuqabda jedhes…wanta baay’een of sobe.

Gaabbeera jiruu kootti…si argachuuf waaniin godhe

Duruu fakkeessuuf malee yom sobni dhugaa mo’e?

Wanta qocaaf kaayamee…culuuleen hin fudhattu

Rabbiin waliif nu uumnaan

Yoomiyyuu walii hin dhabnu….

Garuuu fedha waaqaatiin ala….

Kan walii walgodhachuuf… waan meeqaan wal hin sobnu

Hariiroo qabaachuni.. gadhee miti gaariidha.

Dhumni isa ammo maal ta’aan

Ammas anaaf gaaffiidha.

Maaloo walii keenya cabsuudhaaf

Kolfaa walitti hin deemnu

Gammachuu har’aa mitiim

Borii keenyaaf haa yaadnu.

Har’a bu’aadhaaf jettee

Sobaan mana ati ijaartuu

Bor akka jigu beeki

Gaafaa dhugaan mul’attu.

Elaa obboloota ko

waa jedhume dhaamsakoo

Hariiroon siin qabdanii

Akkamittuu haa uumamu

Wanti isiin gootaan garuu

Sirriitti itti haa yaadamu

Daba hin yaadiin haadhoketti

Har’a gammadda malee

Bor dabatu si eeggata

Dhalli namaa kamiyyuu

Waan har’a ol kaawwate

Bor ol ka’ee fudhata.

Jireenya kee gadhiistee…xuraa’ummattin hin laatiin

Dubbii keetiinis ta’u…qama kee fayyadamtee

Wanta badaa hin hojjetiin

Booda keetiif yoo yaaddee

Mee har’a of qusaadhu

Waanti har’aa kun xiqqoo dha

Si eega waan caaluutu.

Elaamee dargaggeessaa… daba ati har’a gootuu

Hirribaa si wareersa bor nagaa siif hin laatuu

Atis mee dargaggeetti

har’a of xureessitee

Maaliif abarsa fiddaa?

Manaa kee galgalaatti?

Himbii jedhiitii darbii

Didi hariiroo sobaa

Gaafa jallonni booyaan

Situ dhaabbatee kolfa.

===========================================================================
=================================

Yeroo garaa garaatti hariiroon ni uumama. Kunis dhimma hojiif walitti dhufuun, barnootaaf keessuma
dhaabbilee barnoota olaanoo universiitii irraa hanga BLTO tti jechuudha. Yeroo kanatti hariiroon dhimma
hojii mata duree godhatte egaltu,akkuma guyyaan dabaluun cimaa dhufti!

Baay’een hiriyaa walii ta’uun, wal gorsuun, wal tumsuun(mallaqaan, wal qo’achiisuun)fi kkf. Hariiroo
jabeeffatu. Maarree muraasni carraa kanatti fayyadamuun fiixee milkaa’ina irra wal gessisaniiru. Yeroo
garaa garaattis waa’ee isaanii yoo dubbataan, akkan iddoo kana ga’uuf akka namatti hiriyaan bakka
sanatti wal baree qooda olaanaa xaphateera, yoomiyyuu hin dagadhu jechuun kan dubbataan baay’ee ni
argina. Hedduun namaa garuu hariiroo bifoota garaa garaatiin argamtuu kana akka carratti itti
fayyadamuun garaa dandii kufaatii hamaa fi madaa irraa fayyuu hin dandeenyetti wal geessu. Boolla
kessaa ba’uun ulfaatuttis wal darbatu.

Hariiroo ka’umsa ishee malee xumurri ishee hin beekamnen bara sobaa dabarsu. Jaalalli maalii?
Maaliifan jaalladhe? Dhumni isaa garamitti adeema? Haallin ittin adeemsa eegale dhuma koo ni
murteessaa ? gaaffiii kana fi kan kana fakkaataan osoo itti hin yaadiin akka nama bishaan daakuu galaana
jaalalatti utaalu. Kanumaarra ka’uun jaalala akka eelee sibilaa amma ho’ee amma qabbana’uttin yeroo
argataan waan badaatiin katabuu. Wantoota nama harkaa ba’anii deebi’uu hin dandeenye(durbummaa,
jaalala dhugaa, amanamummaa) baay’ee dhabu. Hariiroo turtii muraasa jechuun guyyaa, ji’oota, yoo
baa’ate wagga 2-3 tiin jireenya isaanii akka ta’uun irra hin jirre gochuun jireenya waggoota dheeraaf
maatii hundeeffatanii gammachuun jiraachuu qaban dhabu.
Hariiroo sobaatiin namoonni baay’een ifa kennameef keessaa ba’uun dukkana sodaachisaatti seenaniiru.

Baay’een jireenya nagaa fi gammachuu gadhiisanii gara soda fi bir’annan jiraachuuti galaniiruu.

Akka qorannoon jedhutti Gaa’elaan dura salqunnamtii saalaa namoonni godhaan 95% tiin gaa’ela isaanii
ni hiiku.

Obboloota koo ifa isiniif kenname jabeessaatii eeggadha.

Waaqayyo bara keessaan haa eebbisu!

Obbolonni keessaan akka dubbisaniif gargaaraaaaaaa