Heograpiya at

Kasaysayan ng Pilipinas
Araling Panlipunan – Ika-Limang Baitang
Ika-apat na Markahan – Modyul 10: Pagtatalakay ng Partisipasyon ng Iba’t-
Ibang Rehiyon ng Katutubo sa Pakikibaka ng Bayan
Unang Edisyon, 2020
Isinasaad sa Batas Republika 8293, Seksiyon 176 na: Hindi maaaring magkaroon
ng karapatang-sipi ang sinuman sa anumang akda ng Pamahalaan ng Pilipinas.
Gayunpaman, kailangan na may pahintulot ng ahensiya o tanggapan ng pamahalaan na
naghanda ng akda kung ito ay pagkakakitaan. Kabilang sa mga maaaring gawin ng
nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o
brand name, tatak o trademark, palabas sa telebisiyon, pelikula, atbp.) na ginamit sa
modyul na ito ay nagtataglay ng karapatang-ari ng mga iyon. Pinagsumikapang malikom
ang mga ito upang makuha ang pahintulot sa paggamit ng materyales. Hindi inaangkin
ng mga tagapaglathala at mga may-akda ang karapatang-aring iyon. Ang anumang gamit
maliban sa modyul na ito ay kinakailangan ng pahintulot mula sa mga orihinal na may-
akda.

Walang anumang bahagi ng nilalaman nito ang maaaring kopyahin o ilimbag sa

anumang paraan nang walang pahintulot sa kagawaran.

Inilathala ng Kagawaran ng Edukasyon Dibisyon ng Lungsod ng Pasig.

Komite sa Pagsulat ng Modyul

Manunulat: Rose Impuesto, Bernadette C. Graspela at Veda Anne Chavez
Editor:
Tagasuri:
Tagaguhit:
Tagalapat:
Tagapamahala: Ma. Evalou Concepcion A. Agustin
OIC-Schools Division Superintendent
Aurelio G. Alfonso EdD
OIC-Assistant Schools Division Superintendent
Victor M. Javeña EdD
Chief, School Governance and Operations Division and
OIC-Chief, Curriculum Implementation Division
Education Program Supervisors

Librada L. Agon EdD (EPP/TLE/TVL/TVE)

Liza A. Alvarez (Science/STEM/SSP)
Bernard R. Balitao (AP/HUMSS)
Joselito E. Calios (English/SPFL/GAS)
Norlyn D. Conde EdD (MAPEH/SPA/SPS/HOPE/A&D/Sports)
Wilma Q. Del Rosario (LRMS/ADM)
Ma. Teresita E. Herrera EdD (Filipino/GAS/Piling Larang)
Perlita M. Ignacio PhD (EsP)
Dulce O. Santos PhD (Kindergarten/MTB-MLE)
Teresita P. Tagulao EdD (Mathematics/ABM)

Inilimbag sa Pilipinas, Kagawaran ng Edukasyon – Pambansang Punong Rehiyon

Tanggapan ng mga Paaralan ng Sangay-Lungsod Pasig
 Araling
Panlipunan 5
Ika-apat na Markahan
Modyul para sa Sariling Pagkatuto 10
Partisipasyon ng Iba’t-Ibang Rehiyon ng
Katutubo sa Pakikibaka ng Bayan
Para sa mag-aaral:

Malugod na pagtanggap sa Araling Panlipunan 5 Modyul ukol sa Pagtatalakay

ng Partisipasyon ng Iba’t-Ibang Rehiyon ng Katutubo sa Pakikibaka ng Bayan

Ang modyul na ito ay ginawa bilang tugon sa iyong pangangailangan. Layunin

nitong matulungan ka sa iyong pag-aaral habang wala ka sa loob ng silid-aralan.
Hangad din nitong madulutan ka ng mga makabuluhang oportunidad sa pagkatuto.

Ang modyul na ito ay may mga bahagi at icon na dapat mong maunawaan.

MGA INAASAHAN

Sa bahaging ito malalaman mo ang mga dapat mong

matutuhan pagkatapos mong makumpleto ang Modyul.

PAUNANG PAGSUBOK

Dito masusukat ang dati mo nang kaalaman at mga dapat mo

pang malaman sa paksa.

BALIK-ARAL
Dito masusukat ang iyong natutuhan at naunawaan sa mga
na unang paksa.

ARALIN

Tatalakayin sa bahaging ito ang paksa sa Modyul na ito.

MGA PAGSASANAY

Pagbibigay ng guro ng ibat ibang pagsasanay na dapat sagutan

ng mga mag-aaral.

PAGLALAHAT
Sa bahaging ito ibunuod ang mahahalagang konsepto na
dapat bigyan halaga.

PAGPAPAHALAGA
Sa bahaging ito ay titiyakin kung ang mga kasanayang
pampagkatuto ay naiuugnay nailalapat sa inyong mga
pagpapahalaga..

PANAPOS NA PAGSUSULIT

Dito masusukat ang mga natutuhan ng mga mag-aaral.

 MGA INAASAHAN

Pagkatapos ng mga gawain sa modyul na ito, ikaw ay

inaasahang nakapagtatalakay ng partisipasyon ng iba’t-ibang rehiyon ng
katutubo sa pakikibaka ng bayan.

PAUNANG PAGSUBOK
Bilugan ang letra ng tamang sagot.

1. Alin sa mga sumusunod ang naging dahilan ng pag-aalsa ni Dagohoy?

A. Pagbabayad ng buwis.

B. Paghimok ng Kastila sa Kristiyanismo.

C. Paglilipat ng mga lupa sa mga prayle.

D. Hindi pagpayag ng mga prayle na bigyan ng kristiyanong libing ang

kanyang kapatid.

2. Nagtatag siya ng sariling kampo sa isang mataas na bundok na kung saan

matatanaw ang kabuuan ng lalawigan ng Vigan.

A. Diego Silang C. Tamblot

B. Francisco Daguhoy D. Raha Sulayman

3. Bakit nag-alsa si Tamblot? Ano ang ipinaglaban niya?

A. Nais nilang bumalik sa pananampalataya sa mga diyos ng kanilang mga

ninuno.

B. Inalis ni Gobernador Heneral Guido de Lavezares ang karapatang

ipinagkaloob ni Legazpi sa mga katutubo.

C. Ipinadala ng mga manggagawang taga-Samar sa Cavite upang

magtrabaho sa gawaan ng barko.

D. Tinutulan nila ang sapilitang pagtratrabaho ng mga Español.

4. Dakilang Raha ng Tondo ay nanguna sa isang pag-aalsa laban sa mga Kastila.
A. Raha Lakandula C. Raha Samat

B. Raha Sulayman D. Raha Dagami

5. Ang pag-aalsa ng mga Pampagueno ay protesta sa mga pang-aabuso ng mga

encomendero o mga taong namamahala sa mga lupaing ipinagkatiwala sa kanila ng
mga Espanyol. Anong pag-aalsa ang tinutukoy?

A. Zambales Revolt C. Pampanga Revolt

B. Vigan Revolt D. Samar Revolt

BALIK-ARAL

Ano-ano ang mga pananaw at paniniwala ng mga sultanato sa

pagpapanatili ng kanilang kalayaan?

ARALIN

Ang Partisipasyon ng Iba’t Ibang Rehiyon

sa Pakikibaka sa Bayan

Ang hindi maayos na pagtrato sa mga ninunong Pilipino ng mga Espanyol

ay dahilan ng paglunsad nila ng pag-aalsa. Magkakaiba ang mga dahilang
nagbunsod sa kanilang paglulunsad ng rebelyon. Narito ang partisipasyon ng
iba’t ibang rehiyon sa pakikibaka sa bayan.

1. Pag-aalsa ni Dagami (1565–1567)

• Ang pamilya-Dagami ng Leyte ay namuno
sa rebolusyon laban sa mga Espanyol
noong 1567.
 • Nanumbalik ang kapangyarihan ng mga namumuno sa tribo at mga
Tsinong mangangalakal.
• Tinaraydor si Dagami at sya ay pinapatay sa pamamagitan ng "Drawn
and quartered”.
• Ang Drawn and Quartered ay isang uri ng kaparusahan na
ipinapataw ng mga Espanyol sa mga Pilipinong nagtaksil sa kanila
kung saan ang isang tao ay pinaparusahan ng kamatayan sa
pamamagitan ng paghila ng kabayo sa katawan ng taong
pinarusahan hanggang sa siya’y mamatay sa harap ng mamamayan
upang ipakita sa mga ito ang maaaring mangyari sa kanila kapag
sila ay magtaksil sa mga Espanyol.

2. Si Raha Lakandula (1574)

• Dakilang Raha ng Tondo ay nanguna sa isang
pag-aalsa laban sa mga Kastila.
• Ang pang-aabuso at pang-aalipin ni Gobernador
Guido Lavezares sa mga Pilipino ay ikinagalit ni
Lakandula.
• Ang dahilan ng kanilang paghihimagsik ay ang
hindi pagtupad ng mga Kastila na ibalik ang
prebelehiyo nila ng hindi pagbabayad ng buwis.

3. Si Raha Sulayman (1574)

• Kikilala bilang Raha Sulayman, isang Muslim
na datu, na namuno kasama ni Raha Matanda at
Lakan Dula, hari ng Tondo, isang malaking
populasyon ng mga Tagalog sa Timog ng Ilog Pasig
sa Lungsod ng Maynila noong ika-16 na dantaon.
• Inabuso ng mga Espanyol ang kanyang
kabaitan
• Nalaman niya ang pakay ng mga Espanyol na sakupin ang kanyang
lungsod at nakawin ang mga likas na yaman ng kanyang lugar.
• Namuno siya ng isang kudeta upang mapaalis ang mga Kastila sa
lungsod.

4. Pampangga Revolt (1585)

• Ang Pampangga Revolt ay pinasimulan noong 1585 ng mga
Kapampangan na mga nagmamay-ari ng mga lupang sakahan o
maskilala sa tawag na encomenderos na pawing tinaggalan ng
karapatan bilang mga dating datu ng kanilang barangay.
• Ang pag-aalsa ng mga Pampagueno ay protesta sa mga pang-aabuso
ng mga encomendero o mga taong namamahala sa mga lupaing
ipinagkatiwala sa kanila ng mga Espanyol.

5. Conspiracy of the Maharlikas (1587–1588)

• Kilala sa tawag na “Tondo Conspiracy” na
binubuo ang samahan ng mga maharlika o
pangkat ng mga datu ng Maynila, Bulacan at
Pampanga kasama ang kanilang mga kaanak
na lumaban sa mga Espanyol dahil sa
kawalan ng kalayaan sa kaniyang mga
nasasakupan

• Ang mga datu ay sumumpang makikidigma

laban sa mga mananakop at ipaglalaban ang
kanilang mga karapatan sa kanilang dating mga nasasakupan at
babawiin ang kalayaan ng kanilang mga nasasakupan.
• Subalit sila ay hindi naging matagumpay sa kanilang mga hangarin
dahil nabatid ng mga Espanyol ang kanilang mga balak at plano.

6. Cagayan at Dingras (1589)

• Ang pag-aalsang nabuo laban sa pagbabayad ng tribute o buwis ng mga
taga Cagayan at Ilocos Norte noong 11589 ay tinawag na Cagayan at
Dingras Revolt.

• Ang mga pagmamalabis ng mga conquistadores na nananakit at nang-

aabuso sa mga Pilipino bukod pa sa pagbabayad ng mataas na buwis
ang naghudyat upang mag-alsa ang mga Ilokano sa pamamahala ng
mga Kastila.

7. Pag-aalsa ni Magalat (1596)

• Siya ay tubong Cagayan na nag-alsa laban sa mga Espanyol dahil sa
hindi makatwirang paniningil ng mga Espanyol.
• Siya ay nadakip sa Maynila sa kasong rebelyon at ipinakulong ng
goberndor-heneral.
• Kasama ng kaniyang kapatid na lalaki, hinimok niyang ipagpatuloy
ang pakikidigma sa mga Espanyol. Hindi nagtagal ay nagawa nilang
sakupin ang ilang nakapaligid na mga kabayanan hanggang tuluyan
nila itong makuha mula sa mga Espanyol na mga kawal.
• Siya ay patraydor na pinatay ng kaniyang ilang mga kasamahan sa
kanilang sariling kuta.
8. Pag-aalsa ng mga Igorot (1601)
• Hindi pumayag ang mga katutubo
na mapasa ilalim rin sa kagustuhan
ng mga Kastila na maging mga
Kristiyano sila at talikuran ang
kanilang mga paniniwala sa kani-
knilang mga relihiyon.
• Naging mabilis lamang ang
rebolusyong ito ng mga Igorot sa
kadahilanang labis na dahas ang
ginamit ni Aranda upang masupil
ang mga mandirigmang Igorot
upang hindi na ito malaman pa ng iba pang mga katutubo.

9. Ang pag-aaklas ng mga Intsik (1603)

• Noong 1603, mahigit kumulang na 30,000
Tsinong mangangalakal, namumuno at
mamamayang Intsik ay pinatay ng mga
Espanyol na namumuno noon sa lugar.
• Nagsunog at naglunsad ng pag-aaklas ang
mga Intsik na nainirahan sa Legarda at
Binondo at kanilang binantaan na
kukuhanin nila ang pamumuno ng mga
Espanyol sa Intramuros.

10. Pag-aalsa ni Tamblot (1621–1622)

• Si Tamblot ay pinuno ng relihiyon sa Bohol at pinamunuan niya ang
isang rebolusyong kinilala sa tawag na Tamblot Revolt noong 1621.
• Pinilit ng mga Heswitang pari sa Bohol ang mga Boholano na iwan ang
kanilang dating relihiyon at paniniwala at tuluyan nang maging mga
Kristiyano.
• Hinikayat niya ang kangyang mga kababayan na huwag magpadala at
maniwala sa mga paring Heswita at manatili sa kanilang kinagisnan na
relihiyon at paniniwala
• Hinuli siya at binitay sa pamamagitan ng pagpugot ng ulo upang
maging banta sa ilan pang mga Pilipino na hindi aanib sa mga Kastila
at lalabag sa kanilang mga kautusan.

11. Pag-aalsang Bankaw (1621–1622)

• Pinamunuan ni Bankaw na dating datu ng Carigara sa Leyte.
 • Hinikayat niya ang kaniyang mga dating nasasakupan na magbalik
loob sa kanilang dating mga paniniwala at talikuran ang Kristiyanismo.
• Dahil sa kanilang pag-aalsa hinuli at pinatawan sila ng parusang bitay
at kaniyang ulo ay inilagay sa isang kawayan upang magsilbing babala
sa mga Pilipinong nagnanais na mag-aklas laban sa mga Espanyol sa
kanilang lugar.

12. Ang Rebolusyong Mandaya o Itneg (1625–1627)

• Kilala sa tawag na Mandaya Revolt
• Sina Miguel Lanab at Alabanan ang namuno ng
pag-aaklas dahil sa sapilitang pagpapalit ng
relihiyon sa mga mamamayan.
• Pinugutan nila ng ulo ang mga paring
misyonaryo kaya sila tinugis ng mga Espanyol.
• Sinunog ng mga kastila ang mga taniman at
palayan na naging sanhi ng pagkagutom ng mga
Itneg dahilan na rin upang sila ay sumuko
noong 1627.

13. Rebolusyong Ladia (1643)

• Si Pedro Ladia ay isang Moro Bornean na nagmula sa angkan ni Raha

Lakandula na dumating sa Malolos noong 1643.
• Noong panahon na iyon, ang kanyang lupain ay sinamsam ng mga
Kastila kung kaya’t pinamunuan niya ang isang pag-aaklas laban sa
pagmamalabis ng mga Espanyol sa kanilang pangangamkam ng mga
lupain sa mga Pilipinong tunay na nagmamay-ari ng mga lupa at
lupain.
• Binansagan niya ang kaniyang sarili bilang “Hari ng mga Tagalog”.
Pinigilan siya ng mga paring Espnayol sa kaniyang mga balak subalit
ito ay kaniyang ipinagpatuloy pa rin. Nang siya ay madakip, siya ay
ikinulong sa Maynila at doon pinatawan ng parusangkamatayan.

14. Pag-aalsa ni Sumuroy (1649–50)

• Pinamunuan ni Agustin Sumuroy na tubong Waray sa Palapag,

Norther Samar. Hinikayat niya ang mga tao upang labanan ang mga
Espanyol. Nag-alsa sila dahil sa sapilitang pagtatrabaho sa paggawa ng
mga barko sa Cavite.
 • Ang kanilang pangunahing dahilan sa pag-aaklas ay ang
pagmamalabis ng mga Espanyol sa kanilang sapilitang paggawa sa polo
y servicios. Ang kautusan ukol sa polo ay nagsasaad na ang mga
manggagawa na mula sa Maynila ay hindi ipadadala sa mga
malalayiong lugar sa kanilang pagtatrabaho sa polo subalit ang mga
Waray ay ipinadala at ipinatapon naman sa malalayong lugar tulad ng
Cavite na siyang nagbunsod ng kanilang pag-aaklas laban sa mga
mananakop.

15. Rebolusyong Maniago sa Pampanga (1660–1661)

• Rebolusyon ng Mga Maniagao sa Pampanga laban sa pang-aabuso ng

mga Espanyol sa mas mataas na tribute, sapilitang paggawa kahit sa
malalayong lugar at ang pagkamkam sa kanilang mga pananim na
palay.
• Ang Maniago Revolt ay nagging simula ng mas malawak, mas malaki at
mas madugong digmaan laban sa mga Kastila sa Pangasinan.

16. Panay Revolt (1663)

• Ang Panay Revolt ay kinilala rin bilang Tapar Revolt na pinamunuan ni

Tapa sa pag-aaklas dahil sa hindi pagkakaunawaan sa relihiyon.
• Hindi sila pinayagan ng mga Espanyol na magtayo ng sarili niyang
relihiyon sa isla
• Napatay si Tapar kasama ng kaniyang mga tagasunod sa isang
madugong sagupaan sa patraydor na pag-atake ng mga kawal ng
Espanya kasama ang mga kawal na Pilipino.

18 Zambal Revolt (1681–1683)

• Isang pangkat ng mga pinuno, datu ng Zambales ang tumanging

magpasakop at kilalanin ang pamumuno ng mga Kastila sa Pilipinas
kung kaya’t sila ay naglunsad ng digmaan sa mga ito.
• Dagling nagpadala ng mga hukbo ang mga kinatawan ng Espanya sa
Pilipinas ng mahigit kumulang na 6000 kawal upang hindi na
mapaigting pa ang bilang at dami ng mga nag-aaklas.
• Matapos ang halos 2 taon ng paglalabanan, tuluyang nasakop ng mga
Espanyol ang buong bayan at sila ay tuluyan nang napailalim sa
pamamahala ng mga Espanyol. Ang lahat ng nakibahagi sa
pagrerebelyon ay pinatawan ng parusang kamatayan.
19. Agrarian Revolt of 1745

• Ang Agrarian revolt ay nagtagal mula 1745 hanggang 1746.

• Ito ay malawakang pag-aalsa ng mga magsasaka ng rehiyon ng
Katagalugan, sa pangunguna ng mga lalawigan ng Batangas, Laguna,
at Cavite dulot ng pangangamkam ng mga prayle sa kanilang lupa.
• Hindi nagtagumpay, bagkus ay walang lupang naibalik sa mga
magsasaka.

20. Cavite Mutiny (1872)

• Isang pag-aalsa noong 1872 na umabot sa

200 Filipinong sundalo at obrero sa arsenal.
Ang pagkamatay ng GOMBURZA ang naging
hudyat ng kanilang pag-aalsa.
• Binuo ng mga kawal na Pilipino ng Fort San
Felipe ng Spanish Arsenal sa Cavite.
• Nag-aklas ang mga ang mga sundalong
Pilipino dahil sa pagkakabitay ng tatlong
paring Pilipino, ang GOMBURZA.

21. Francisco Dagohoy Rebellion (1744–1829)

• Noong 1744 sa Bohol, pinamunuan ni Francisco Dagohoy ang isang

rebelyon na bunsod rin ng hindi pagkakasundo sa relihiyon. Matapos
mapatay ang kapatid ni Dagohoy ay hindi ito pinayagan na basbasan ng
paring prayle sa kanilang bayan. Ang pagtanging ito ng prayle ang siyang
naging dahilan ng pagsisimula ni Dagohoy ng rebolusyon. Ito ang
pinakamatagal na rebolusyong nasaksihan at kinabilangan ng mga
Pilipino kahit patay na ang nagpasimula nito na nagtagal ng 85 taon.

22. Diego Silang (1762–1763)

• Pinakasalan niya ang biyudang si Josefa Gabriela na tubong Santa,

Ilocos Sur.
• Nagtatag siya ng sariling kampo sa isang mataas na bundok na kung
saan matatanaw ang kabuuan ng lalawigan ng Vigan. Ito ay kilala
ngayon bilang Bundok ng Silang.
• Si Diego Silang ay isang mahusay na pinuno at disiplinadong militar.
Upang magkaroon ng pondong panustos, siya ay nanghingi ng tulong
sa mga mayayaman at mahihirap na tao, depende na rin sa kakayahan
ng mga ito.
• Sa ilalim ng pamumuno ni Diego Silang, binigyan niya ng pagkakataong
mamuno ang kapwa Pilipino. Lahat ng mga tinanggal na Kastilang
 opisyal ay pinalitan niya ng mga karapat-dapat na Ilokanong sibil at
opisyal-militar na naaayon din naman sa kagustuhan ng kanyang
nasasakupan. Ang kanyang mga makatarungang batas ay ipinahayag
sa iba't ibang bayan.
• Nag-alsa si Diego Silang dahil sa buwis at pagnanais na palayasin ang
mga Espanyol.
• Ipinagpatuloy ni Gabriela Silang ang ipinaglalaban ng asawa. Nahuli si
Gabriela Silang at binitay.

MGA PAGSASANAY

A. Pagbuo ng Salita. Tukuyin ang inilalarawan sa bawat bilang. Isulat

ang sagot sa patlang.
1. Ito ay kinilala rin bilang Tapar Revolt na pinamunuan ni Tapa sa pag-
aaklas dahil sa hindi pagkakaunawaan sa relihiyon.
P__ ___ ___ ___ R __ __ __ __ __
2. Si Tamblot ay pinuno ng relihiyon sa Bohol at pinamunuan niya ang
isang rebolusyong ito noong 1621
T __ __ __ __ __ __ R __ __ __ __ __
3. Siya ay pinuno ng relihiyon sa Bohol at pinamunuan niya ang isang
rebolusyong kinilala sa tawag na Tamblot Revolt noong 1621.
T __ __ __ __ __ __
4. Dakilang Raha ng Tondo ay nanguna sa isang pag-aalsa laban sa mga
Kastila.
R __ __ __ L __ __ __ __ __ __ __ __
5. Pamilyang na namuno sa rebolusyon sa Leyte laban sa mga Espanyol
noong 1567.
D __ __ __ __ __

B. Pagtapatin ang Hanay A sa Hanay B. Isulat ang titik ng tamang sagot sa

patlang.

HANAY A HANAY B

___1. Isang Muslim na datu A. Conspiracy of the Maharlikas

___2. Dakilang Maharlika ng Tondo B. Tamblot

___3. Binubuo ng samahan ng mga C. Raha Sulayman
Maharlika sa Maynila
___4. Pinuno ng Tamblot Revolt D. Rebolusyong Mandaya/Itneg
___5. Sina Miguel Lanab at Alabanan E. Raha Lakandula
Ang namuno sa pag-aalsang ito

C. Punan ng wastong impormasyon ang tsart sa ibaba mula sa mga

napag-aralan sa klase.

NAMUNO SA PAG-AALSA DAHILAN NG PAG-AALSA

1. Cavite Mutiny
2. Pag-aalsa ni Sumuroy
3. Pag-aalsa ni Tamblot
4. Pag-aalsa ng mga Igorot
5. Raha Lakandula

PAGLALAHAT

Sa isang maikling talata, ipaliwanag ang mga kadahilan na naglunsad

ng mga rebelyon ng mga Pilipino.

PAGPAPAHALAGA
Kung ikaw ay nakararanas ng kalupitan o pang-aabuso mapa
sa tahanan, paaralan, kaibigan o pamayanan, paano mo
maipagtatanggol ang iyong sarili?

.
 PANAPOS NA PAGSUSULIT

Bilugan ang letra ng tamang sagot.

1. Ano ang dahilan kung bakit nag-aklas ang mga sundalo sa Cavite Mutiny?
Dahil sa _______________.
A. Pagkakabitay ng tatlong paring Pilipino, ang GOMBURZA.
B. Pagkakulong ng tatlong paring martir.
C. Pagdakip ng GOMBURZA.
D. Paglaya ng GOMBURZA.

2. Alin sa mga sumusunod ang pangunahing dahilan ng pag-aalsa ni

Sumuroy sa mga Kastila?
A. Ang pagsingil ng mataas na tributo
B. Ang pagmamalabis ng mga Espanyol sa kanilang sapilitang paggawa
sa Polo y Servicios.
C. Ang pagkamkam ng mga Espanyol sa mga ari-arian ng mga Waray
D. Ang pagpatay sa kanyang kapatid

3. Ang pag-aalsang nabuo laban sa pagbabayad ng tribute o buwis ng mga

taga Cagayan at Ilocos Norte noong 11589 ay tinawag na ______.

A. Conspiracy of the Maharlikas C. Cagayan at Dingras Revolt

B. Pag-aalsa ni Magalat D. Pag-aalsa ng mga Igorot

4. Si Raha Lakandula ay Dakilang Raha ng Tondo. Ano ang dahilan ng

paghihimagsik niya sa mga Espanyol?
A. Ang hindi pagtupad ng mga Kastila na ibalik ang prebelehiyo nila ng
hindi pagbabayad ng buwis.
B. Ang panggagahasa ng mga Espanyol sa kanyang kapatid
C. Ang sapilitang pag-aagaw ng isang prayle sa kanyang mga ari-arian
D. Wala sa nabanggit ang sagot.

5. Alin sa mga sumusunod ang dahilan ng pag-aalsa ng iba’t ibang rehiyon

ng katutubo sa mga Espanyol?
A. Ang pagnanais na maging malaya ang bansa
B. Ang pagtutol sa mga patakarang pangkabuhayan
C. Panrelihiyon at personal na dahilan
D. Lahat ng nabanggit ay tama.
 Sanggunian
Paunang Pagsasanay Panapos na Pagsusulit
1. D 1. A
2. A 2. B
3. A 3. C
4. A 4. A
5. C 5. D
Mga Pagsasanay
A. 1. Panay Revolt
2. Rebolusyong Ladia
3. Tamblot
4. Raha Lakandla
5. Dagami
B. 1. C 2. E 3. A 4. B 5. D
C.
NAMUNO SA PAG- DAHILAN NG PAG-AALSA
AALSA
1. Cavite Nag-aklas ang mga ang mga sundalong Pilipino dahil sa
Mutiny pagkakabitay ng tatlong paring Pilipino, ang GOMBURZA
2. Pag-aalsa ni Ang kanilang pangunahing dahilan sa pag-aaklas ay ang
Sumuroy pagmamalabis ng mga Espanyol sa kanilang sapilitang
paggawa sa polo y servicios.
3. Pag-aalsa ni Pinilit ng mga Heswitang pari sa Bohol ang mga Boholano
Tamblot na iwan ang kanilang dating relihiyon at paniniwala at
tuluyan nang maging mga Kristiyano.
4. Pag-aalsa ng Hindi pumayag ang mga katutubo na mapasa ilalim rin
mga Igorot sa kagustuhan ng mga Kastila na maging mga Kristiyano
sila at talikuran ang kanilang mga paniniwala sa kani-
knilang mga relihiyon.
5. Raha Ang dahilan ng kanilang paghihimagsik ay ang hindi
Lakandula pagtupad ng mga Kastila na ibalik ang prebelehiyo nila ng
hindi pagbabayad ng buwis.
SUSI SA PAGWAWASTO
• A.P5-Q4.1.pdf
• https://www.slideshare.net/cherondina/partisipasyon-ng-ibat-ibang-sektor
• A.P5-Q4.1.pdf
• https://www.slideshare.net/cherondina/partisipasyon-ng-ibat-ibang-sektor
• https://upload.wikimedia.org/wikipedia/commons/2/28/Dieric_Bouts_013.jpg
• https://em.wattpad.com/9f6f68a4b82bead31a911e9f8334074e742f10d6/68747470
733a2f2f73332e616d617a6f6e6177732e636f6d2f776174747061642d6d656469612d
736572766963652f53746f7279496d6167652f525451754333526836452d4e48513d
3d2d3439373733323338322e3135333538366530313161383931376132373930393
93836363037362e6a7067?s=fit&w=720&h=720
• https://xiaochua.files.wordpress.com/2013/06/27c-hanggang-ang-kabataang-
pinuno-ay-matamaan-ng-bala-at-mamatay.jpg
• https://slideplayer.com/slide/4468408/14/images/5/First+Pampanga+Revolt+%28
1585%29.jpg
• https://upload.wikimedia.org/wikipedia/commons/9/92/Naturales_4.png
• https://www.filipinoamericanwar.com/static/philippineamericanwar/Tinio%20Brig
ade%20artillery%20drill%20on%20Plaza%20Salcedo%20Vigan%201898.jpg
• https://c1.staticflickr.com/1/503/18690783275_9b9a7ee3d9_b.jpg
• https://nagalandjournal.files.wordpress.com/2013/03/igorot_warriors_spears-6.jpg
• https://www.filipiknow.net/wp-content/uploads/2015/01/chinese-in-philippine-
history.gif
• https://alchetron.com/cdn/tamblot-157d5106-ffef-401c-8ef7-f23adb60963-resize-
750.jpeg
• https://elaput.com/chrmsbhn.jpg
• https://upload.wikimedia.org/wikipedia/commons/thumb/4/4c/Tinguin_men_of_S
allapadin.jpg/300px-Tinguin_men_of_Sallapadin.jpg
• https://kahimyang.com/resources-6/bancao-a.jpg
• https://www.google.com/search?q=agustin+sumuroy+picture&tbm=isch&rlz=1C1C
HBF_enPH873PH873&hl=en&sa=X&ved=2ahUKEwjswZiQ
• https://www.elaput.com/chrmniag.jpg
• https://www.google.com/search?q=panay+history&tbm=isch&ved=2ahUKEwiMq9O
V_YDrAhVJGKYKHXsoDCgQ2-cCegQIABAA&oq=panay+hi&gs_lcp
• https://www.google.com/search?q=zambal%20sambal%20people&tbm=isch&hl=en
&hl=en&rlz=1C1CHBF_enPH873PH873&sa=X&ved
• https://miro.medium.com/max/1280/0*etOS-QdwzmHtFUbv.jpg
• https://www.google.com/search?q=Cavite+Mutiny+(1872)&rlz=1C1CHBF_enPH873
PH873&source=lnms&tbm=isch&sa=X&ved
• https://expertscolumn.com/image_files/thumbmain/imag_103093629_186867792
0.jpg