Tinatawag na travel essay o travelogue. Ito ay isang
uri ng lathalaing ang pangunahing layunin ay maitala ang mga naging karanasan sa paglalakbay. Ayon kay Nonon Carandang, ang sanaysay ay tinatawag niyang sanaylakbay kung saan ang terminolohiyang ay binubuo ng tatlong konsepto. Mga Dapat Tandaan sa Pagsulat ng Lakbay-Sanaysay
1. Magkaroon ng kaisipang manlalakbay sa halip na isang
turista. 2. Sumulat sa unang panauhang punto de-bista. 3. Tukuyinang pokus ng susulating lakbay-sanaysay 4. Magtala ng mahahahalagang detalye at kumuha ng mga larawan para sa dokumentasyon habang naglalakbay 5. Ilahad ang mga realisasyon o mga natutuhan sa ginawang paglalakbay. 6. Gamitin ang kasanayan sa pagsulat ng sanaysay. PICTORIAL ESSAY Ang mga mag-aaral ay inaasahang makakamit ang mga kasanayang pampagkatuto:
1. Natutukoy ang kahulagan ng pictorial
essay 2. Naipapaliwanag ang mga dapat tandaan sa pagsulat ng pictorial essay 3. Nakagagawa ng isang pictorial essay Ang pictorial essay ay isang sulatin kung saan higit na nakararami ang larawan kaysa sa salita o panulat. May pagkakataong nakaugnay ito sa isang lakbay- sanaysaya lalo na’t karamihan ng lakbay-sanaysay ay may kasamang larawan. Mga dapat tandaan sa pagsulat ng pictorial essay
1. Ang paglalagay ng larawan ay dapat
na isinaayos o pinag-isipang mabuti sapagkat ito ang magpapakita ng kabuoan ng kuwento o kaisipang nais ipahayag. 2. Ang mga nakatalang sulat o katitikan sa bawat larawan ay suporta lamang sa mga larawan kaya’t hindi ito kinakailangang napakahaba ay suporta lamang sa mga larawan kaya’y hindi ito kinakailangang napakahaba o napakaikli. Kilangang makatulong sa pag-unawa at makapukaw sa interes ng magbabasa o titingin ang mga katitikang isusulat dito. 3. May isang paksang nais bigyang-diin sa mga larawan kaya’t hindi maaaring maglagay ng mga larawang may ibang kaisipan olihis sa paksang nais bigyang- diin. Kilangang maipakita sa kabuoan ang layunin ng pagsulat o paggawa ng pictorial essay. 4. Isipin ang mga manonood o titingin ng iyong photo essay kung ito ba ay mga bata, kabataan, propesyonal, o masa upang maibatay sa kanilang kaisipan at interes ang mga larawang ilalagay gayundin ang mga salitang gagamitin sa pagsulat ng mga caption. Halimbawa ng Pictorial Essay
Isang Makabuluhang Paglalakbay sa Bayan ng Khmers
Marami na akong mg bansang napuntahan lalo na sa
kontinente ng Asya ngunit masasabi kong ang bansang Cambodia ay isa sa mga natatangi sa mga ito. Bagama’t ang bansang ito ay matagal na napasailalim sa komunistang pamamahala at nasakop ng ilang mga bansa ay mababanaag pa ring napanatili ng mga Cambodian ang kanilang mayamang kultura, kasaysayan, at pagpapahalaga. Labis akong humanga sa mga mamamayan nito lalo na sa pagkakaroon nila ng pamumuhay na payak ngunit makabuluhan at masaya gayundin ang kanilang pagpapanatili at pagpapahalaga sa hostorical sites o landmarks sa kanilang bansa. Halina’t iyong tunghayan ang mahahalagang larawan ng mga lugar na aking napuntahan na sumasalamin sa kultura, kasaysayan, at simpleng buhay ng mga Cambodian. Alas-singko pa lang ng umaga ay nagtungo na ako sa Angkor Wat. Tama nga ang mga nagsabing ang templong ito ay isa sa pinakamagandang lugar upang panoorin ang kahanga-hanga ng pagsikat ng haring-araw. Ang Angkor Wat ay isang tanyag na UNESCO World Heritage Site. Ito rin ang pangunahing destinasyon ng mga turista sa Cambodia.
May mga mongheng makikita sa iba’t ibang
bahagi ng Angkor. Karamihan sa mga turista ay humihingi ng bedisyon mula sa kanila. Detalyadong dekorasyon na nakauikit sa malarosas na bato ang katangiang naghihiwalay sa templo ng Bantaey Srei mula sa lahat ng iba pang templo sa Angkor.
Ang Templo ng Bayon naman ay madalas
ding puntahan ng mga turista dahil sa mga natatanging higanteng mukha na gawa sa bato. Ito ay matatagpuan sa pinakasentro ng Angkor Thom, ang pinakamalaking bahagi ng Angkor Complex. Marami ring turista ang nagpupunta sa Ta Prohm sapagkat lumabas ito sa isang pelikula ni Angelina Jolie na Tomb Raider. Ito ay napaliligiran ng nagtatayuang mga puno at karamihan sa malalaking ugat ng mga punong ito ay tila nakayakap o nakapatong sa iba’t ibang bahagi ng templo.
Chong Khneas ang pangalan ng isang floating village sa Lawa ng
Tonle Sap na siyang pinakamalaking lawa sa Timog-Silangang Asya. Aking nasaksihan ang payak at kakaibang uri ng pamumuhay ng mga taong nakatira dito. Bawat pamilya na nakatira sa Chong Khneas ay may sariling bangka na ginagamit sa transportasyon at pangingisda.
Hindi lamang bahay na nakalutang ang matutunghayan sa
floating village na ito. Mayroon ding simbahang Katoliko at paaralan. Mararating lamang ang mga ito gamit ang bangka. Mainam na bisitahin ang Tonle Sap sa hapon, bago lumubog ang araw. Sadyang nakamamanghang pagmasdan ang paglubog ng araw sa gitna ng lawang ito.
Sa Pub Street kadalasang tumutungo ang mga turista
pagkatapos ng mahabang araw ng pamamasyal. Buhay na buhay at maingay ang lugar na ito sa gabi. Maraming kainana na pagpipilian at lahat ay may kanya-kanyang gimik upang makatawag-pansin sa mga turista. Maganda ring maglakad-lakad dito sa umaga o hapon. Lubos ko pang nunawan ang bansang Cambodia nang ako ay nagtungo sa Angkor National Museum. Dito nakaloob ang mahahalagang datos at kagamitan na may kaugnayan sa pag-unlad ng kasaysayan at kultura ng Cambodia. Ang makukulay na tuk-tuk ang pangunahing uri ng transportasyon sa Cambodia. Ito ang aking sinakyan upang marating ang mga pangunahing destinasyon dito. Mababait at masayin ang mga taga-Cambodia. Sila ay may payak na pamumuhay at laging handang tumulong sa mga turista.