Professional Documents
Culture Documents
ნახტომი კოსმოსიდან
ნახტომი კოსმოსიდან
ქვესაკითხი- თავისუფალი ვარდნა (როგორც სხეულის ენერგიის გარდაქმნის მაგალითი) ქვეცნებები - სხეულის ენერგია-მექანიკური ენერგია;
შინაგანი ენერგია- მოლეკულების ქაოსურად მოძრაობის კინეტიკური ენერგია - სამიზნე ცნება - ენერგია (შედეგი: 1,2,3,4)
საკვანძო შეკითხვა - როგორ წარმოვაჩინო პოსტერის საშუალებით, თუ რა განსაზღვრავს ცნობილი პარაშუტისტის მოძრაობის სახეს მთელი მოძრაობის
( სტრატოსფეროში ასვლისა და შემდგომ მისი დაშვების ) განმავლობაში?
კომპლექსური დავალება - გაეცანით ვიდეორგოლს „ფელიქს ბაუმგარტნერის ნახტომი სტრატოსფეროდან“, დაამზადე პარაშუტი, რომლის საშუალებით
მოახერხებ სხეულების უსაფრთხოდ დაშვებას და შექმენი პოსტერი, სადაც ჩატარებული ექსპერიმენტების საფუძველზე ასახავ, თუ რა განსაზღვრავს ცნობილი
პარაშუტისტის მოძრაობის სახეს მთელი მოძრაობის ( სტრატოსფეროში ასვლისა და შემდგომ მისი დაშვების ) განმავლობაში.
ქვემოთ მოცემულია აქტივობები და შეკითხვები საგაკვეთილო პროცესში რომლების პროვოცირებაც საჭირო იქნება სამიზნე
ცოდნის კონსტრუირებისთვის. თითოეულ შეკითხვასთან მიმართებით მოსწავლეებმა ყურადღება უნდა გაამახვილონ
დეტალებზე, გამოთქვან ვარაუდები, დასვან საპასუხო შეკითხვები, მოიყვანონ არგუმენტები საკუთარი მოსაზრებების
დასადასტურებლად, გააკეთოს განზოგადებები პირად გამოცდილებაზე დაყრდნობით.
კრიტერიუმი 1. პარაშუტისტზე მოქმედი ძალები მთელი მოძრაობის ( სტრატოსფეროში ასვლისა და შემდგომ მისი დაშვების )
განმავლობაში. მოძრაობის სხვადასხვა ეტაპზე როგორი იყო ამ ძალების თანაფარდობა, რაც განსაზღვრავდა პარაშუტისტის
მოძრაობის სახეს. (ძალა.1;2; ფიზ.პროც.2);
რესურსი/აქტივობა/დამხმარე კითხვები:
რესურსი 8. სახელმძღვანელო, პარ. 2.4 ნიუტონის III კანონი, პარ 2.2 მასა-ინერტულობის ზომა
აქტივობა 5. ექსპერიმენტი ორი ურიკის შეჯახების დროს ურიკების მიერ შეძენილი აჩქარებების შედარებაზე.
(სახელმძღვანელო, გვ.101, ცდა 3, ცდა 4.)
დამხმარე კითხვები
როგორი ძალებით ურთიერთქმედებენ სხეულები?
შეიძლება თუ არა, ურთიერთქმედი ძალები სხვადასხვა ბუნების იყოს?
რატომ არ აბათილებენ ეს ძალები ერთმანეთს?
როგორ აჩქარებებს იღებენ ურთიერთქმედი სხეულები?
თუ ერთი სხეულის მასა გაცილებით დიდია მეორისაზე, რომელი სხეული იღებს მეტ აჩქარებას და რამდენჯერ?
როგორია დედამიწისა და პარაშუტისტის ურთიერთქმედების ძალები, რომელი სხეული იღებს მეტ აჩქარებას და
რამდენჯერ?
აქტივობა 6. მოსწავლეები ხაზავენ სიჩქარის დროზე დამოკიდებუკლების გრაფიკებს ფელიქს ბაუმგარტნერის მთელი
მოძრაობის განმავლობაში
კრიტერიუმი 2. მატერიის რომელი ფორმა განაპირობებს სხეულის ვარდნას დედამიწაზე, შესამჩნევად იცვლებოდა თუ არა
მატერიის ამ ფორმის თვისებები პარაშუტისტის მოძრაობის მანძილზე, და რატომ? რა როლს ასრულებდა ატმოსფერო
პარაშუტისტის ვარდნისას? (მატერია 1, 2 3; ფიზ.პროც.2).
რესურსი/აქტივობა/დამხმარე კითხვები:
რესურსი 9 სახელმძღვანელო, პარ. 3.1 მსოფლიო მიზიდულობის კანონი; პარ. 3.3 სიმძიმის ძალა
სიმულაცია- „ნიუტონის ვაშლი“ https://simtest.ck12.org/simulations/physics/newtons-apple/app/index.html?
screen=sandbox&lang=ge&referrer=ck12Launcher&backUrl=https://simtest.ck12.org/simulations/physics.html
რესურსი 10. სიმულაცია- „ასტრონავტი“ https://simtest.ck12.org/simulations/physics/astronaut-training-chamber/app/index.html?
screen=rwe4&lang=ge&referrer=ck12Launcher&backUrl=https://simtest.ck12.org/simulations/physics.html
აქტივობა 7. რესურს 9-ზე დაყრდნობით მოსწავლეები შეისწავლიან მსოფლიო მიძიდულობის ძალის დამოკიდებულებას
სხეულებს შორის მანძილზე. რესურს 10-ზე დაყრდნობით შეისწავლიან სიმძიმის ძალის დამოკიდებულებას პლანეტის
მახასიათებლებზე.
დამხმარე კითხვები
რაში მდგომარეობს მსოფლიო მიზიდულობის კანონი?
როგორი ურთიერთქმედება არსებობს ნებისმიერ ორ სხეულს შორის და რაზეა იგი დამოკიდებუკლი?
რას ქმნის მასიური სხეული თავის გარშემო?
რა ჰქვია მატერიის ამ ფორმას?
რაზეა დამოკიდებული გრავიტაციული ველის ფიზიკური თვისებები?
როგორ შეიძლება შეიცვალოს ველის ფიზიკური თვისებები?
რა მანძილებზე იცვლება შესამჩნევად გრავიტაციული ველის ფიხიკური თვისებები?
ფელიქს ბამგარტნერის მოძრაობის მანძილზე შესამჩნევად შეიცვლებოდა თუ არა დედამიწის გრავიტაციული ველის
თვისებები? რატომ?
რატომ არ იყოფელიქს ბაუმგარტნერის მოძრაობა თავისუფალი ვარდნა?
4 წთ 20 წმ-ის განმავლობაში თავისუფალი ვარდნის შემთხვევაში რა სიჩქარეს მიაღწევდა იგი? რა მანძილს გაივლიდა ამ
დროში?
რა უშლიდა ხელს პარაშუტისტის მოძრაობას პარაშუტის გახსნამდე?
როგორი იქნებოდა სრატოსფეროში 42 კმ-ზე ჰაერის სიმკვრივე?
როგორ იცვლებოდა ჰაერის სიმკვრივე პარაშუტისტის ვარდნის პროცესში?
თქვენი აზრით, როგორ გავლენას იქონიებდა ეს წინააღმდეგობის ძალაზე, და შესაბამისად, პარაშუტისტის აჩქარებაზე?
იგივე რომ მთვარეზე მომხდარიყო, იქნებოდა თუ არა ეს თავისუფალი ვარდნა?
საჭირო არის თუ არა მთვარეზე დაშვებისთვბის პარაშუტი? რატომ?
იგივე სიდიდის სიმძიმის ძალა იქნებოდა მოდებული პარაშუტისტზე?
რამდენჯერ არის განსხვავებული თავისუფალი ვარდნის აჩქარება მთვარეზე დედამიწასთან შედარებით?
რით არის ეს გამოწვეული?
კრიტერიუმი 3. როგორი ენერგია ჰქონდა პარაშუტისტს ვარდნის დასაწყისში და რომელი სხეულების ურთიერთქმედებით იყო
გამოწვეული? როგორ გარდაიქმნებოდა ეს ენერგია მთელი ვარდნის განმავლობაში და ინახებოდა თუ არა ამ დროს მექანიკური
ენერგია? (ენერგია 1, 2; ფიზ.პროც.1, 2)
დამხმარე კითხვები
როგორი ენერგია აქვს სკეიტერს უკიდურეს ზედა წერტილში (რესურსი 10)?
რაში გარდაიქმნება ეს ენერგია ქვევით მოძრაობისას, თუ ხახუნი არ არის?
თუ ჩავრთავთ ხახუნს, ავა თუ არა იგივე სიმაღლეზე სკეიტერი?
რომელ ენერგიაში გადაიზრდება მისი მექანიკური ენერგია?
სკეიტერის მოძრაობისას ინახება თუ არა მექანიკური ენერგია? სრული ენერგია?
როგორი ენერგია ჰქონდა პარაშუტისტს ვარდნის დასაწყისში?
რომელი სხეულების ურთიერთქმედებით იყო ეს ენერგია გამოწვეული?
რომელი ძალის მუშაობით განისაზღვრება სხეულის გრავიტაციული პოტენციური ენერგია?
როგორ იცვლებოდა პოტენციური ენერგია ვარდნის პროცესში და რით იყო ეს გამოწვეული?
რაში გარდაიქმნებოდა ვარდნის პროცესში პარაშუტისტის პოტენციური ენერგია?
როგორ მუშაობას ასრულებდა სიმძიმის ძალა ვარდნის პროცესში?
ვარდნის პროცესში რომელი სხეულებისგან შემდგარი სისტემა უნდა ჩავთვალოთ ჩაკეტილ სისტემად?
რომელ შემთხვევაში ინახება ჩაკეტილი სისტემის მექანიკური ენერგია?
მოქმედებდა თუ არა ვარდნის პროცესში წინააღმდეგობის ძალა?
შედეგად რაში გარდაიქმნებოდა მექანიკური ენერგიის ნაწილი?
ინახებოდა თუ არა სრული ენერგია ვარდნის პროცესში?
რა ცვლილებას განიცდის ვარდნისას პარაშუტისტის სკაფანდრის შინაგანი ენერგია?
როგორი მასალისგან უნდა ყოფილიყო დამზადებული პარაშუტისტის სკაფანდრი, რომ გარემოს არასასურველი
გავლენისგან დაეცვა იგი?
კომპლექსური დავალების შესრულების და პრეზენტაციის პროცესში მასწავლებლის მიერ დასმული შეკითხვები კონკრეტულ
მოსწავლესთან ინდივიდუალური მუშაობის საწარმოებლად
აღწერეთ, როგორ მიმდინარეობს/წარიმართა დავალებაზე მუშაობის პროცესი;
როგორ გეგმავ/დაგეგმე კომპლექსურ დავალებაზე მუშაობის პროცესი? რას ითვალისწინებდი სამუშაო პროცესის
დაგეგმვისას?
გქონდა თუ არა დავალებაზე მუშაობისთვის პირველადი გეგმა? რამდენად დაგეხმარა ეს გეგმა მუშაობის პროცესში?
გახდა თუ არა საჭირო თავდაპირველ სამუშაო გეგმებში ცვლილებების შეტანა? რატომ?
ვისთან და როგორ ითანამშრომლე კომპლექსურ დავალებაზე მუშაობის პროცესში? შეხვდით თუ არა განსხვავებული
მოსაზრებების მქონე ადამიანებს? რამდენად დაგეხმარათ სხვა ადამიანებთან თანამშრომლობა?
გამოიყენეთ თუ არა ტექნოლოგიები კომპლექსურ დავალებაზე მუშაობის პროცესში? რაში დაგეხმარათ ტექნოლოგიების
გამოყენება?
რა პროდუქტი შექმენით კომპლექსური დავალების სახით?
ახსენით, რა ცოდნა და გამოცდილება შეიძინე კომპლექსური დავალებაზე მუშაობის პროცესში?
რა საკითხს შეეხება შენს მიერ შექმნილი კომპლექსური დავალება?
რა იცოდი შესასწავლი საკითხის შესახებ? რა გაიგე ახალი? დამატებით რის გაგებას ისურვებდი?
რა დასკვნებამდე მიხვედი კომპლექსურ დავალებაზე მუშაობის პროცესში? რითი დასტურდება შენ მიერ გაკეთებული
დასკვნები?
ვისთვის და რატომ არის შენს მიერ შექმნილი კომპლექსური დავალება სასარგებლო და საინტერესო?
რა ხერხები გამოიყენე სასწავლო მასალის უკეთ გასააზრებლად? / კომპლექსური დავალების უკეთ შესასრულებლად?
შეაფასეთ, რამდენად პროდუქტიული და საინტერესო იყო კომპლექსურ დავალებაზე მუშაობის პროცესი
შეაფასეთ, რამდენად გამოგივიდათ დავალების შესრულება? რამდენად ემთხვევა ის მასწავლებლის მოლოდინებს?
რა გააკეთეთ დამოუკიდებლად? რაში დაგჭირდათ სხვების დახმარება?
რა ფაქტორები გაითვალისწინეთ/უნდა გაითვალისწინოთ საიმისოდ, რომ თქვენი კომპლექსური დავალების
პრეზენტაცია მსმენელისთვის გასაგები და მისაღები ყოფილიყო?
თქვენი აზრით, რით და რამდენად განსხვავდება თქვენს მიერ შესრულებული დავალება თანაკლასელების
ნაშრომებისგან?
რას გააკეთებდი სხვაგვარად ახლა რომ იწყებდე დავალებაზე მუშაობას?
მაგალითები შედარებისთვის
მაგალითად, თუკი ვმუშაობთ სამიზნე ცნებაზე „ძალა“ და ძირითად კონტექსტ-მაგალითად შევარჩევთ „ფელიქს
ბაუმგარტნერის ნახტომი სტრატოსფეროდან“, მაგალითი შედარებისთვის შეიძლება იყოს ვირტუალური
ექსპერიმენტი „ძალები და მოძრაობა“ https://phet.colorado.edu/sims/cheerpj/motion-series/latest/motion-
series.html?simulation=forces-and-motion, რის საშუალებითაც მოსწავლე შეისწავლის, თუ რას იწვევს სხეულზე
მოქმედი ძალა და რა ხდება, როდესაც სხეულზე მოქმედი ძალები გაბათილებულია. ფელიქს ბაუმგარტნერის
ვარდნისას მისი მოძრაობის სახეს განსაზღვრავს მასზე მოქმედი ძალების ტოლქმედი.
ასევე სხვა მაგალითი შედარებისთვის შეიძლება იყოს სიმულაცია-„სითბური საჰაერო ბურთის მოძრაობა“
https://simtest.ck12.org/simulations/physics/hot-air-balloon/app/index.html?
lang=ge&referrer=ck12Launcher&backUrl=https://simtest.ck12.org/simulations/physics.html, რადგანაც შეფასების
კრიტერიუმებში მოსწავლეს ვთხოვთ , აღწეროს პარაშუტისტის მოძრაობა არა მარტო ვარდნისას, არამედ ასევე
ზევით მოძრაობისას. სტრატოსტატით ზევით მოძრაობას კი ბევრი რამ აქვს საერთო საჰაერო ბურთის ზევით
მოძრაობასთან.