Sagipin natin siya at pakaingatan.” Taghoy ni Kabayan I Dalubhasang mga kamay ang sa akin ay nagpala At sa hawlang parisukat iniluwal ng tadhana Lahat noon ay nagalak at marami ang namangha Naging laman ng balita at sumikat sa balana. II Pagsiyap ko ay musika, mahika ang bawat galaw Piling-pili ang pagkain kapag t’yan ay kumalam Bawat hakbang na gawin ko, kamera ay umiilaw Parang mutya kung ituring, para akong dugong- bughaw. III Kung sakaling sa gubat na luntian, ako’y isinilang at nagkamalay Ako kaya’y makaranas ng ganitong kapalaran? Akin kayang maabot ang ganitong kalagayan Ang mamuhay nang sagana at puro kasikatan? IV Hindi lingid sa isip ko ang tunay na pangyayari Kaya ako’y naririto sa kulungan lumaki Lahi nami’y nauubos kaya dapat na dumami Artipisyal na paraan ang sa aki’y humahabi. V Dumalang ang mga puno, gumuho ang mga bundok Sa gubat na dapat sana’y doon kami nakaluklok Inabuso ng maraming tampalasan at dayukdok Kinuha ang kayamanan, trahedya ang idinulot. VI
Ano pa nga’t nang dumatal itong araw ng
paglaya Sa tahanang nakagisnan, lumabas na tuwang- tuwa Sasapiting kapalaran ay hindi ko alintana Basta ako’y makalipad, makalayo, makawala. VII Nasanay na sa maalwan at maluhong pamumuhay Ang lahat ay laging dulot, gumabi man o umaraw Di ko batid ang panganib palibhasa’y hindi gamay Ang mamuhay nang malaya sa pusod ng kagubatan. VIII O, kay lupit ng tadhana sa aking kapalaran Ako pala ay mauutas at matatapos lang ang buhay Limitasyon ng paglikha sa akin ay naging sundang Patawarin sila ng Diyos, ‘pagkat sila’y tao lamang. - Ariel V. Marasigan Sagutin Natin 1. Sino si Kabayan? Bakit espesyal ang pakikitungo sa kanya ng lahat?
2. Saan lumaki si Kabayan? Bakit kakaiba siya
sa mga kauri niyang hayop?
3. Ano kaya ang posibleng nangyari sa kanya
kung sa gubat siya isinilang at lumaki? 4. Ano pa kaya ang dapat ginawa ng mga eksperto kay Kabayan upang mas naging normal at humaba ang kanyang buhay?
5. Ano ang mararamdaman mo kung ikaw ang
isa sa mga dalubhasang kumalinga kay Kabayan subalit nang ibalik mo na ito sa kagubatang tunay niyang tahanan, siya ay nawala? 6. Paano nakaaapekto sa buhay ng mga hayop at sa iba pang mga nilalang sa gubat ang pagkakalbo o pagkasira ng mga kabundukan at kagubatan?
7. Sa iyong munting paraan, paano ka
makatutulong upang hindi maubos ang mga hayop sa gubat lalo na ang mga hayop na nanganganib nang maubos ang lahi? Paano ka makatutulong upang mailigtas si Inang Kalikasan sa patuloy na pagkasira at pagkaubos ng mga likas-yaman nito?
Ang Ibong Adarna Ay Isang Pasalaysay Na Tula Na Ang Buong Pamagat Ay Corrido at Buhay Na Pinagdaanan Nang Tatlong Principeng Magcacapatid Na Anac Nang Haring Fernando at Nang Reina Valeriana Sa Cahariang Berbania