College of Education Pinal na Pagsusulit Fil.209- Pagpapaunlad sa Kurikulum sa Filipino
Sagutin/Talakayin nang maikli subalit malinaw, komprehensibo at tumpak ang mga
sumusunod:
1. Ano-ano ang mga katangian ng mabuting kurikulum pangwika? Bakit nagbabago at
neriribisa ito? Narito ang mga mga katangian na dapat taglay ng isang kurikulum pagwika para masabing mabuti ito. Una, marapat na ito ay espisipiko. Maliwanag at malinaw ang mga planong nais matamo ng isang kurikulum. Ikalawa, nasusukat ang mga adhikain ng isang kurikulum nang sa gayon maiwasan ang hirap sa pag-ebalweyt ng pagkatuto at pagbabago sa larang paghahatid ng kaalaman. Ikatlo, marapat na natatamo ang mga bagay na itinalagang mga layunin. Ang reyalidad ang higit na mahalaga at mabatid ang hangganan ang kakayahan ng bawat isa. Ikaapat, mahalagang magkaroon ng kaugnayan ang kurikulum pangwika sa mga adhiakain na kurikulum na binubuo. At huli, napapanahon ang mga planong mabubuo para sa kurikulum.
Nagbabago ang kurikulum dahil kailangan nitong maisabay at matugunan ang
pandaigdiagang pangangailangan ng mundo. Gayon din, ang wika at ta ay nagbabago kaya normal lamang na ang kurikulum ay magbago.
2. Talakayin ang mga sumusunod na salik sa pagdidisenyo ng kurikulum pangwika:
a. Pagsusuri sa kapaligiran Ang pagdidisenyo ng kurikulum ay napakalaking salik na magiging batayan sa kalidad ng edukasyon ng isang bansa. Ang pagsusuri sa kapaligiran ay isa lamang sa mga salik na dapat pagtuunan sa pagbuo ng kurikulum sapagkat dito magaganap at mangyayari ang proseso ng pagkatuto. Maari nitong mapabagal at o mapabilis ang pagdaloy ngunit sa pagsusuri ng kapaligiran nalalaman natin ang mga dapat gawin para mas lalo mapalakas ang plano na siyang magiging gabay sa mas mabisang kurikulum na ating bubuuin. b. Pangsusuri sa pangangailangan Mahalagang malaman ng isang nagdidisenyo ng isang kurikulum ang mga pangangailangan nito para matupad at maisakatuparan ang mga adhikain nito sa naplanong kurikulum. Ang isang plano ay di sapat na hanggang plano lamang bagkus bahagi sa proseso ang pag-alam sa kinakailangan ng lipunang ginagalawan ng kurikulum na plano. c. Paggamit ng mga simulaing sikolohikal sa pagtuturo at pagkatuto Layunin ng kurikulum pangwika na ang pagkatuto ng wika ay di lamang nakapokus sa iisang lente sapagkat ang iugnay ang ibang disiplina gaya ng simulaing sikolohikal ay isang maliwanag na ilaw na siyang nagpapabilis sa pagkatuto ng mga mag-aaral sa pag-aaral ng wika. 3. Ipaliwanag ang pagkakaiba ng tuon ng mga sumusunod: a. Kurikulum piangwika na nakasentro sa asignatura/nilalaman Ang paraan ng pagtuturo ay pasibo at nais lamang ng guro na matapos ang mga dapat niyang maituro. Lahat ng gawain sa proseso ng pagtuturo ay nakatuon lamang sa guro. Ang pagganap ng mga mag-aaral ay limitado lamang. b. Kurikulum pangwika na nakasentro sa mga mag-aaral Samantala, kapag sinasabing nakasentro sa mag-aaral maraming pagganap ang mga mag-aaral at batid ng guro ang mga gawaing nakaaakit sa aspektong pagkatuto ng mga mag-aaral. Ibig sabihin nito na ang mga ,mag-aaral ay malayang mag-ahad ng kanilang mga nalalaman at sila ay aktibo dahil sa kanila nakapokus ang kurikulum. 4. Bilang guro, paano mo lilinangin ang mga kompetensis sa mga sumusunod na makrong kasanayan at istratehiya sa pag-aaral ng wika ng mga mag-aaral? a. Pagsasalita- gumamit ng mga estratehiyang may kinalaman sa hilig ng mga mag- aaral na may kauganayan sa pagsasalita. Halimbawa: Radio broadcasting, pagtatalumpati, sabayang pagbigkas na maaring isahan at pangkatan na itatanghal ng mga mag-aaral. b. Pakikinig-Maglalahad ang guro ng kuwento na siyang pakikinggan ng mga mag- aaral sa loob ng klase nang sa gayon mahasa ang kanilang kasanayan sa pakikinig. Sa paraang ito di lamang ang kanilang kasanayan sa pakikinig ang napapahusay bagkus ang kanilang kakayahang sa imahinasyon. Sila ay bubuo ng kanilang mga sariling mundo sa paraang ito. c. Pagbasa- Teksto ang ibibigay sa mga mag-aaral at kanilang babasahin ito na nabibigyan ng mga kontroladong mga panuto sapagkat hindi sapat na batid lang ng isang mag-aaral ang magbasa ngunit batid din niyang maunawaan at maintindihan ito. d. Pagsulat- isang mabuting gawain na dapat ipaganap sa mga mag-aaral ay ang pagbuo ng mga artikulo at mga komposisiyon na siyang magsisilbing tuntungang bato para mas mahusay na mag-aaral sa wika. e. Panonood- Ang pag-uugnay sa mga elektronikong sanggunian at mga batayan sa magtuturo ay talamak sa pagtuturo ng wika. Walang maiiwan na mag-aaral kung isasaalang-alang ng guro sa wika ang kahiligan ng kaniyang mga mag-aaral, ang panonood. Lalo’t napakaraming nang mga kagamitan ngayon na may kaugnayan sa panonod. f. Mga kasanayan sa gramatika at panitikan- hindi nasasapat na ang kaalaman ng guro ay natatapos sa kung ano ang sinasabi ng mga aklat, marapat din malaman ng guro ang kahinaan, kalakasan, emosyon ng kaniyang mga mag-aaral. Dahi sa pagtuturo ng gramatika batid dapat ng isang guro ang hangganan ng nalalaman ng mga mag-aaral para maituro nito ang panitikan at gramatika nang hindi nabibigla ang mga mag-aaral. g. Mga istratehiya sa pag-aaral- Baon ng isang matalinong guro ng wika ang mga iba’t ibang estratehiya ng pagtuturo sa pagdalaoy ng kaalaman patungo sa kaniyang mga mag-aaral. Ang mga estratehiya ay isang behikulo na siyang maglulundo sa bawat mag-aaral sa pagkatuto. Ito ang siyang magsisilbing sulo sa isang guro para mabigyang liwanag ang kaniyang mga mag-aaral para maabot ang mga itinalaga nitong mga layunin sa proseso ng pagtuturo at pagkatuto. 5. Bakit nagsasagawa ng curriculum mapping? Ang pagpaplano ay isang bahagi ng isang matagumpay na resulta. Ito ang magbubunsod ng isang kurikulum upang makita ang hinaharap sa pamamagitan kasalukuyan sa paraang ito nakikita ang mga kahinaan at kalakasan. Napapabuti nito ang hinaharap na mga problema sa larang ng edukasyon.
6. Talakayin ang mga sumusunod na dulog sa pagbuo ng layunin at nilalaman ng
kurikulum pangwika a. Task-based- ito ay paggamit ng mga awtentikong mga pagganap ng mga mag- aaral na siyang magpapabuti sa kanilang mga ginagamit at inaaral na wika. b. Linyar- Ito ang proseso ng pagpili ng mga layunin, danas sa pagkakatuto, mausisang pagpili mga danas at pag-ebalweyt. Ang hakbang sa modelong ay waring linyang diretso mula umpisa hanggang wakas. c. Modyular- palasak ang dulog na ito sa panahong ito. Inaakay nito ang gawing isahang pagkatuto.