Isinalin sa Ingles ni: Edith Hamilton Isinalin sa Tagalog ni: Vilma C. Ambat Nalaman ni Psyche na alam pala ng kanyang mga kapatid na halimaw ang kanyang mapapangasawa, saad ni Apollo sa kanilang ama ay bawal makita ang mukha nito. Doon natanto ni Psyche na marahil tama ang sinabi ng kaniyang mga kapatid. Humingi ng payo si Psyche sa kapatid at siya’y binigyan ng punyal upang patayin ang lalaki at lampara upang ito’y makita sa dilim. Nang mahimbing ng natutulog ang lalaki, sinindihan ni Psyche ang lampara at kinuha ang punyal. Lumapit siya sa higaan nito at laking tuwa niya ng malamang hindi pala ito halimaw bagkus ay napakagwapo pala nito. Wari niya ito ang pinakagwapong nilalang sa buong mundo. Sa pagnanais na makita pa ang mukha ng mapapangasawa, inilapit pa ni Psyche ang lampara at natuluan ng langis ang dibdib ng lalaki na siyang dahilan upang magising ito. Nalaman nito ang ginawang pagtataksil ni Psyche at agad itong umalis. Umuwi si Cupid sa bahay ng kaniyang ina upang pagalingin ang sugat sa dibdib. Agad namang nalaman ni Venus ang nangyari at determinado itong ipakita kay Psyche kung paano magalit ang isang diyosa. Naglakbay si Psyche upang hanapin ang mapapangasawa at humingi ng tulong sa ibang mga diyos ngunit bigo sapagkat ang mga ito ay ayaw makaaway si Venus.
Sa kaniyang paglalakbay ay nakarating siya
sa palasyo ni Venus at napahalhak na lamang ang diyosa dahil nabatid niya na nagpunta ang dalaga doon upang hanapin ang mapapangasawa. Bilang kapalit sa kagustuhang makita ang mapapangasawa, binigyan ni Venus si Psyche ng mga mahihirap na pagsubok, kabilang dito ang pag-uuri ng hiwa- hiwalay na buto bago dumilim, pagkuha ng gintong balahibo mula sa mapanganib na tupa, pagkuha ng itim na tubig sa malalim na talon, at kahon na laman ang kagandahan ni Proserpine. Lahat ng mga pagsubok na ito ay nalampasan ni Psyche dahil sa pagmamahal at kagustuhang makita si Cupid.
Bago pa man makabalik si Psyche sa
palasyo ay magaling na ang lalaki ngunit napagtanto ni Cupid na binilanggo siya ng kaniyang inang si Venus, kaya naman naghanap siya agad ng paraan upang makatakas. Nang nakataks si Cupid ay nagtungo siya agad sa kaharian ni Jupiter, ang hari ng mga diyos at kalawakan, upang humingi ng tulong na huwag na silang gambalain ng kaniyang ina. Kaya naman, nagpatawag ng pagpupulong si Jupiter kasama ang mga diyos pati na si Venus at ipinahayag na pormal ng ikinasal si Cupid at Psyche, at wala ng dapat na manggambala pa sa kanila. Matapos ang pagpupulong, dinala ni Mercury si Psyche sa kaharian ng mga diyos. Dito inabot ni Jupiter ang “Ambrosia”, ang pagkain ng mga diyos upang maging immortal. Naging panatag si Venus na maging manugang si Psyche sapagkat isa na itong diyosa. At kung maninirahan na ang manugang sa kaharian ng mga diyos, hindi na muling makakagambala si Psyche sa pagsamba ng tao kay Venus. Ang pag-ibig (Cupid) at kaluluwa (Psyche) ay nagkatagpo sa likod ng mapapait na pagsubok sa kanilang pagsasama ay hindi na mabubuwag kailan man.