EDITORIAL COLUMN

LGBTQ

ni: Jasper Pagtalunan

Iba’t ibang kulay, ngunit may iisang layunin sa buhay. May ipinaglalabang karapatan, ‘di

dapat sila husgahan. Sama-samang pagtanggap ang tangi nilang hiling at pinapangarap. Pero

bakit marami pa rin ang sumasalungat sa katotohanang kanilang isinisiwalat?

Noon pa man, laganap na ang diskriminasyon sa iba’t ibang aspeto ng buhay. Maging sa

kulay ng balat, bansang pinagmulan, at pati na sa itsurang tinataglay. Dahil ang mga tao, madalas

magkaroon ng kaniya-kaniyang paniniwala na para sa kanila, iyon ang katotohanan. At kung

sakaling may matuklasang bago ang kanilang isipan, ang iba’y naniniwala. Ngunit may mga

naninindigan pa rin sa kung anong una nilang nalaman. Kaya hindi natin masisisi ang mga taong

hindi matanggap ang pag-usbong ng ibang uri ng sekswalidad.

Ngunit sa paglipas ng panahon, unti-unti nang sumisigaw ang mga miyembro ng LGBTQ

(Lesbian, Gay, Bisexual, Transgender, Queer) Community ukol sa kanilang ganap sa lipunan.

Ipinaglalaban nila ang karapatang nararapat para sa kanila. Ipinaririnig nila ang kanilang boses sa

masa. Inihahayag nila ang kanilang mga hinaing ukol sa batikos na ibinabato sa kanila. Sama-

samang nagmamartsa sa kalsada, inilalantad ang tunay na sila, hawak ang mga karitelang

nagsasaad ng matapang na pagharap nila sa mundong mapanghusga.

 Kaya naman ngayon, isinusulong ng kamara ang panukalang batas na Anti-

Discrimination Bill, na kabilang sa mga layon ang pagbuwag ng diskriminasyon sa iba't ibang

sektor kabilang na ang LGBTQ community. Sa ganitong paraan, maiiwasan ang stigma na

nararanasan ng mga miyembro ng nasabing komunidad at matutulungan silang ipakita ang tunay

na pakataong kanilang dinadala.