Mala-Masusing

Banghay- Aralin

Inihanda nina:

Danica Delos Santos

Monina Josef

Mark John Patrick Manuel

Daniela Musa

Lyelie Renquijo

Joan Urbino

Patricia Valenzuela
I. Layunin

A. Naiisa-isa ang katangian ng tula gamit ang tulang valentines Card.

B. Napahahalagahan ang tula tulad ng valentines card batay sa sariling karanasan gamit ang Q&A.

C. Nakabubuo ng isang tula na may dalawang saknong at apat na taludtod sa pamamagitan ng

pangkatang gawain.

II. Paksang Aralin

A. Paksa : Katangian ng Tula; gamit ang tulang Valentine’s Card

B. Sanggunian: Dr. Adrian Balagot (2018),

C. Kagamitang Pampagtuturo: projector, laptop, paper cuts

D. Kagamitang Pampagkatuto: Question and Answer

III. Pamaraan

A. Rotinang Pansilid Aralan

a.1. Pagbati

a.2. Panalangin

a.3. Pagpupulot ng Kalat at Pag-aayos ng upuan

B. Pagbabalik-Aral

Tinalakay ng guro noong nakaraang araw ang kahulugan at katuturan ng tula. Tatawag ng limang
piling mag-aaral upang magbigay ng kanilang sariling pakahulugan sa tula na kanilang natutuhan.

C. Pagganyak

Gamit ang pira-pirasong papel kailangan buuin ito ng mga mag-aaral na hugis puso at tukuyin
ang mga salitang nakapaloob dito.

D. Pagtalakay

Matapos mabuo ang mga salita sa pira-pirasong papel. Ipapabasa ng guro ang tulang Valentine’s
Card at tutukuyin ng mga mag-aaral kung nakapaloob sa tula ang mga nabuo nilang salita.
 Valentine’s Card

Manghingi ng asul sa langit na bughaw

At ng tinang pula sa sikat ng araw

Kapirasong puntas ng damit pangkasal

At lasong makitid na rosas ang kulay.

Pagsama-samahin ang sakap na iyan

At korte ng puso ang siyang tularan

Lagyan ng pabango at saka sulatan

Bago ipadala sa'yong minamahal.

Mga Gabay na Tanong:

1. Ano ang mapapansin niyo sa tulang Valentines Card?

2. May tugmaan ba ito? Ano ang Tugma?

3. May sukat ba ang tula? Ano ang Sukat?

4. May saknong ba ito? Ano ang saknong?

5. May taludtod ba ito? Ano ang Taludtod?

6. May kariktan ba na nakapaloob sa tula? Ano ang kariktan?

E. Pagpapahalaga

 Batay sa inyong sariling karanasan, bakit mahalaga ang tula tulad ng Valentines Card?

G. Paglalapat

 Pangkatang Gawain :

Lumikha ang bawat pangkat ng isang tula gamit ang mga katangian ng tula na may paksang
tungkol sa pag-ibig.

F. Paglalagom

 Ano-ano ang Katangian ng Tula?

Pipili ng limang mag-aaral upang isa-isahin ang mga ito.

IV. Ebalwasyon

 Panuto : Basahin at unawain ang bawat katanungan at piliin ang titik ng tamang sagot. Isulat
ito sa ika-apat na bahagi ng papel sa loob lamang ng limang minuto.

1. Ito ay isang sining na karaniwang may sukat at tugma na nagpapahayag ng kaisipan ng may
akda?

a. Tula c. Parabola

b. Pangungusap d. Salawikain

2. Ito ay tumutukoy sa pagpapantig sa isang akda?

a. Sukat c. Tugma

b. Saknong d. Taludturan

3. Ito ay katangian ng tula na binubuo ng apat na taludtod?

a. Saknong c. Pantig

b. Sukat d. Tugma

4. Ito ay tumutukoy sa kagandahan na nakapaloob sa isang akda?

a. Saknong c. Kariktan

b. Sukat d. Tugma

5. Ito ay isang katangian ng tula na sa bawat dulo ng pantig ay may parehong tunog ito.

a. Saknong c. Kariktan

b. Sukat d. Tugma

V. Takdang Aralin

 Alamin o saliksikin ang ibat-iba pang anyo ng tula ng panitikan.

Gabay na tanong:

1. Ano-ano ang iba pang anyo ng tula?

2. Ano ang kahulugan ng mga ito? Isa-isahin.

3. Ano ang halimbawa ng ibat-ibang anyo ng tula?