Sta.
Cecilia College
108 Gen. T. De Leon St., Val. City
Tel. No. 293-60-15 to 17/ Telefax: 293-60-16
Website: www.santacecilia.com.ph
IKALAWANG LINGGO – ANG PAGTUTURO NG
PANITIKAN
ANG EPEKTIBONG PAGTUTURO
Ang GURO ay ang pinakamahalagang baryabol sa loob ng silid-
aralan na nakapagsasagawa ng matagumpay at epektibong
pagtuturo.
 Kailan ba natin masasabing epektibo at matagumpay ang
pagtuturo?
 Ano-ano ba ang mga katangiang dapat taglayin ng guro
para magkaroon ng epektibong pagtuturo?
 Ano-ano ang mga dapat isaalang-alang upang magkaroon
ng isang epektibong pagtuturo?
Ayon sa pagsusuri nina Wayne at Youngs noong 2003, may
labindalawang katangiang dapat taglayin ng isang epektibong
guro.
1. Walang Itinatangi
Pantay-pantay ang pagtingin ng guro sa kanyang mga mag-aaral
2. May positibong pag-uugali
Pagbibigay rekognisyon sa bawat mabubuting gawi at hindi
namamahiya sa mga pagkakamali ng mga mag-aaral.
3. May kahandahan
May malawak na kaalaman ang guro sa paksang ituturo at may
kakayahang iugnay sa iba pang larangan. Mabisa niyang
nagagamit ang mga kagamitang panturo at matalino niyang
nasasagot ang katanungan ng mga mag-aaral.
4. May haplos-personal
Dapat kilala ng bawat guro ang kanyang mga mag-aaral.
5. Masayahin
Marunong magpatawa at ngumiti sa klase.
6. Malikhain
Marunong mag-isip ng mga bagong gawaing pumupukaw sa
interes at kakayahan ng mga mag-aaral.
7. Marunong tumanggap ng pagkakamali
May kababaang loob sa pagtanggap ng kamalian sa klase.
8. Mapagpatawad
May mahabang pasensiya at mabilis o madaling itinatama ng guro
ang pagkakamaling nagawa ng mga mag-aaral.Hindi rin siya
namimersonal bagkus binibigyang pagkakataong
makapagpaliwanag ang mag-aaral sa pagkakamaling nagawa.
9. May respeto
Ginagalang ng guro ang iba’t ibang katangian, abilidad, paniniwala,
kahinaan, kalakasan at pinagmulan ng kanyang mga mag-aaral.
Hindi rin siya nagbibitiw ng mga masasakit na salita sa mga mag-
aaral.
 Sta. Cecilia College
108 Gen. T. De Leon St., Val. City
Tel. No. 293-60-15 to 17/ Telefax: 293-60-16
Website: www.santacecilia.com.ph
10. May mataas na ekspektasyon
May tiwala ang guro sa kakayahan ng bawat mag-aaral. May
mataas na pamantayan ang guro na nakahahamon sa mga mag-
aaral na lalong magpursigi.
11. Mapagmahal
Maalalahanin ang guro. Binibigyang tuon ang mga
mag-aaral na nahihirapan sa klase.
12. Ipinapadaramang kabilang ang bawat mag-aaral
Naghahanap ang guro ng paraan na maging kabilang
ang bawat mag-aaral sa talakayan.
Ayon sa isinigawang pag-aaral nina Bailey at Murcia, may apat na
bagay ang dapat na isaalang-alang upang maging epektibo
ang pagtuturo.
1. Kaligirang sosyal (social climate)
Binibigyang diin nito ang kapaligirang natural, kaayusang pisikal,
sitwasyong instruksyonal at kaaya-ayang katauhan ng isang guro.
2. Baryedad sa gawaing pagkatuto (variety in the learning
activities)
Tinutukoy nito ang baryedad o ang iba't ibang paraan ng
paglulunsad ng aralin, sa paglinang ng gawain at maging sa
paraan ng pagtataya at ebalwasyon sa kakayahan ng bawat mag-
aaral.
3. Oportunidad ng mga mag-aaral sa pakikilahok (opportunity
for student participation)
Nakatuon ito sa pagbibigay ng pagkakataon sa lahat ng mga mag-
aaral sa klase na makapagpakita ng kani-kanilang kakayahan at
kasanayan.
4. Pagwawasto at pidbak (corrections and feedback)
Binibigyang diin nito ang mga sumusunod:
a. ang sariling pagwawasto ng mag-aaral sa kanyang kamalian
b. sariling pagwawasto ngunit may pagtulong ng kamag-aral
c. sariling pagwawasto sa tulong ng prompting o sa tulong ng
pagtatanong sa guro
Samakatuwid, NAKASALALAY SA ATING MGA KAMAY KUNG
MAGIGING BUHAY O PATAY ANG MGA TALAKAYAN AT PAG-
AARAL SA LOOB NG ATING KLASRUM! Nais ba nating maging
masaya, masigla at kawili-wili o kabagut-bagot ang bawat araw ng
ating pagkaklase?
A good teacher can inspire hope, ignite the imagination, and instill
a love of learning.
- Brad Henry
Date: January 7, 2020
Course Title: Pagtuturo ng Filipino sa Elementarya
Schedule: Tuesday, 5:30pm – 8:30pm
Instructor: Ms. Meliza A. Casipit
Commit to the LORD whatever you do, and your plans will succeed.
Proverbs 16:3