FIL 2 – PAGTUTURO NG FILIPINO SA ELEMENTARYA II (Panitikan ng Pilipinas)

ARALIN 1: Ang Pagtuturo ng Panitikan

1a. Ang Guro at ang Pagtuturo

1b. Katangian ng Guro at Mabisang Pagtuturo

1c. Motibasyon
……Layunin……………………………………………………………………………………………………….

Sa pagtatapos ng aralin, inaasahang ang mga mag-aaral ay;

1. Nakikilala ang mga katangian na dapat taglayin ng isang Guro at mabisang
pagtuturo
2. Naibibigay ng malalim na kahulugan ng motibasyon
……Talakayan…………………………………………………………………………………………………...

Kahalagahan ng Panitikang Pilipino

May kaakibat na kahalagahan ang panitikan para sa mga Pilipino. Isa itong uri ng
mahalagang panlunas na tumutulong sa mga tao upang makapagplano ng sari-sariling mga
buhay, upang matugunan ang kanilang suliranin, at upang maunawaan ang diwa ng
kalikasan ng pagiging makatao. Maaaring mawala o maubos ang kayamanan ng isang tao,
at maging ang kanyang pagiging makabayan,subalit hindi ang panitikan.
Layunin sa Pagtuturo ng Panitikan
o Makapagpahayag ng sariling ideya o kaisipan ang isang tagapagsalita
o Maunawaan ng tagapakinig ang ibig ipabatid ng nagsasalita
o Masagutan ng kausap ang tanong o kaisipang nais iparating ng kanyang kaharap
o Magkaroon ng ganap na pagkatuto; indaktibo at dedaktibo
o Maragdagan ang kasanayang komunikatibo ng mga mag-aaral
PAGTUTURO NG TULA
o Pagpili ng piyesa ayon sa layunin, patimpalak, pagdiriwang, pangwakas na gawain at
iba pa
o Pagsasaayos ng tindig ng mambibigkas, tinig, bigkas, at kakayahan sa pagbibigay ng
interpretasyon
o Wastong pagbigkas,pagkumpas, galaw ng katawan at iba pa
PAGGANYAK SA PAGSULAT NG IBA’T IBANG PANITIKAN
Isaalang-alang ang panahon (era) ng mag-aaral na susulat nitop, pinag-aralan, paraan ng
pagkatuto ng mag-aaral, layunin ng pagsulat, ibigay ang interes o hilig sa pagsulat, hikayatin
ang mag-aaral sa kahalagahan ng pagsulat, ibigay ang angkop na dulog sa pagsulat,
isaalang-alang ang mga gagamiting kagamitan.

REXSON D. TAGUBA, LPT

Guro sa Filipino
 FIL 2 – PAGTUTURO NG FILIPINO SA ELEMENTARYA II (Panitikan ng Pilipinas)

 Mapanghamong propesyon ang pagtuturo.

 Ang isang guro ay alagad ng agham at sining.
 Nagbubunga ang mahusay at matalinong pagtuturo ng guro sa epektibong
pagkatuto ng mga mag-aaral.

- Magsimula sa pagkilala sa mga mag-aaral na tuturuan.

- Mahalagang simulant ang relasyong guro-mag-aaral sa isang magaan
at palagayang sitwasyon.
- Sa sitwasyong ito, pumapasok ang mahalagang tungkulin ng guro –
ang pagkakaroon at paggamit ng mga mabisang estratehiya sa
pagganyak sa mga mag-aaral upang mapabuti ang proseso ng
pagtuturo at pagkatuto sa loob ng silid-aralan.
- Sa paggamit ng mga epektibong estratehiya, maaari nitong gisingin
ang interes ng mga mag-aaral pati ang nagnanais nilang matuto pa.
- Maaari nitong gabayan ang mga mag-aaral sa patuloy nilang
pagtuklas ng bagong kaalaman.
- Ang pagtuturo sa mga mag-aaral kung paano matuto at kung paano
magkaroon ng malayang kaisipan ay pinakamahalagang papel ng
isang guro.
..Mga Mahalagang salik na nakakaapekto sa pagtuturo sa kaligiran ng akademiko…
Mga Salik sa Pagtuturo
 Guro
 Mag-aaral
 Kagamitan o Materyal

GURO
- Ikinikintal ng isang guro ang pagtitiwala at ginagawang isang kawili-wiling hamon ang
pag-aaral.
KATANGIAN NG ISANG GURO
1. MATALINO
o Ang malawak na kabatiran at kaalaman ng guro sa kanyang ituturo at paraan kung
paano ito ituturo ay mahalagang katangian ng isang epektibong guro. Magiging
mahirap ang gagawing pagtuturo kung mismo ang guro ay walang ganap nap ag-
unawa sa paksang kanyang itinuturo.
2. MAPAGMAHAL
o Kinakailangan sa isang guro ang mataas na pagpapahalaga at pagmamahal sa
kanyang gawain at sa kanyang mga mag-aaral. Maging bukas ang isipan sa mga
pagbabago upang lalong mapahusay ang gampanin at may magandang
saloobin at pananaw sa pagtuturo at sa kanyang pagiging guro.
REXSON D. TAGUBA, LPT
Guro sa Filipino
 FIL 2 – PAGTUTURO NG FILIPINO SA ELEMENTARYA II (Panitikan ng Pilipinas)

3. MASAYAHIN
o Nag-uudyok ng kawili-wili at epektibong pagkatuto ang kaaya-ayang katauhan ng
isang guro. Ang pagkakaroon ng masayang disposisyon o diwa ng paluwag tawa
ay nagdudulot ng masiglang kapaligiran sa loob ng silid-aralan.
4. MALIKHAIN
o Ang kaalaman sa mga paraan at estratehiya sa pagtuturo ay lalong nagiging
epektibo kung may malikhain at mayamang pag-iisip ang guro sa pagbabalak o
pagpaplano ng kanyang aralin.
5. MAKABAGO
o Kasabay ng pag-unlad ng teknolohiya, nagiging mabilis ang takbo ng pamumuhay
ng tao. Kinakailangan ng isang guro ang kakayahan niyang tumuklas ng mga
bagong paraan sa pagtuturo na aangkop sa kasalukuyang kalakaran ng kanyang
gawain at katangian ng mga mag-aaral.
MAG-AARAL
- Laging nag-iisip na ang mga mag-aaral ay may kani-kaniyang katangian. Lahat ay may
karapatang maturuan at matuto ng mga bagay na nararapat niyang matutunan.
Maaaring magkaiba ang mga mag-aaral sa iba’t ibang aspekto ng kanilang katangian.
ASPEKTO NG MGA MAG-AARAL
1. EDAD
o May mga batang-batang mag-aaral, mayroon ding may edad na, may
dalaga/binata, at mayroon ding matandang mag-aaral. Bawat isa ay nagtataglay
ng iba’t ibang lebel ng dapat na matutunan.
2. KASARIAN
o Ang interes ng lalaking mag-aaral ay iba sa interes ng mga babaeng mag-aaral.
Marapat lamang na malaman ng guro ang kabaihang ito lalong-lalo na sa
pagbibigay-halimbawa sa mga pagtalakay.
3. UGALI
o Nagmula sa iba’t ibang tahanan at kapaligiran ang mga mag-aaral sa loob ng
isang silid. Bawat isa ay natuto ng magkakaibang paraan ng pakikisalamuha sa
kapwa. Mahalagang tungkulin ng guro ang pagiging pangalawang magulang sa
loob ng silid-aralan.
4. KULTURA
o Kinakailangan sa isang guro ang pagiging sensitibo at mulat sa iba’t ibang kulturang
maaaring pinagmulan ng kanyang mga mag-aaral.
5. TALINO
o Walang itinuturing na bobong mag-aaral. Bawat isa ay may kani-kaniyang talinong
taglay. Kaiba man sa nakararami ngunit may sariling kakayahan ang bawat mag-
aaral sa maraming bagay o aspekto.
KAGAMITAN
- Mahalagang salik sa proseso ng pagtuturo-pagkatuto ang anumang kagamitan o
sitwasyong nagagamit ng guro sa kanyang pagtuturo.

REXSON D. TAGUBA, LPT

Guro sa Filipino