Сликањето на човековите поттикнувања, стремежи и паѓања
на неговата психа – доминантен мотив во „Злосторство и
казна“ од Достоевски
Фамозниот роман „Злосторство и казна“ е дело на Достоевски,
ненадминливот во начинот на разоткривањето на човековата душа претставник на психолошкиот реализам. Тој за правецот кој го претставува велел: „Мојот идеализам е постварен од нивниот реализам“. Овој правец се одликува со одразувањето на животната стварноста, анализрањето критикувањето и барањето разрешување, како и со создавањето на типични карактери во типична средина.
„Злосторство и казна “ од Достоевски е реалистичен, психолошки
роман во кој има елементи и на социјален, криминалистички и филозофски роман. Тој е, исто така, полифоничен роман, кој ги вклучува општествената и социјалната реалност, но и психичката реалност на поединецот. Достоевски на еден многу посебен начин ги слика човековите поттикнувања, стремежите и паѓањата на психата на главниот лик поради неговото злосторство. Родион Романович Раскољников е централниот лик во романот. Тој е комплексна личност со многу позитивни и негативни особини. Гордоста е највпечатливата негова особина. Раскољников во крајна линија е убиец, бидејќи ги убива бабата и нејзината сестра, но прави толку други добри работи што не можеме да го восприемиме како вистински убиец, и покрај тоа што „нема никакво оправдување за извршено убиство, зашто сечиј живот е вреден“. Тој самиот се колеба во врска со мотивот на неговото убиство, но сепак го извршува, бидејќи според него извршувањето на злосторството е оправдано ако се изврши за повисоки цели, а извршувајќи го, сака да провери дали тој им припаѓа на исклучителните луѓе. Откако го извршува злосторството, оваа теорија полека се руши - прво пронаоѓа рационални објаснувања за неуспехот, но потоа се враќа на својата филозофија – дека не убил човек, туку принцип – обидувајќи се да се утеши на тој начин. Сепак, како одминува времето, сфаќа дека утеха нема, дека најголем проблем е грижата на совеста и душевната болка. Станува рамнодушен кон сите и кон сè, кон никого не може да биде искрен, со никого не може да зборува – зашто тој направил нешто што другите не направиле и што не ќе можат да го сфатат. Отуѓеноста е најтешката последица на злосторството. При крајот одлучува да и се исповеда на Соња, поради што гордоста не ќе му дозволи цела година да погледне во неа. Ќе му биде срам и не ќе знае како да го продолжи животот, но добрината , цврстината и решеноста на Соња да му помогне, ќе успеат. Тој по една година ќе сфати дека таа е спасот – љубовта кон неа и нејзината филозофија. Тема во романот е двојното убиство што го извршува главниот лик и казната која следува, ставајќи го фокусот на психичкиот дел, додека идејата е дека човекот самиот повеќе се казнува и измачува отколку што тоа може да го стори општеството. Во романот се среќаваме со повеќе ликови, но најважна од нив е бедната, отфрлена и изгубена проститука Соња. Соња и Раскољников се сосема различни, но на крајот завршуваат заедно, сепак „спротивностите се привлекуваат“. Таа со нејзината смиреност, добрина, саможртва и покорност ќе биде единствената шанса за спасот на нејзиниот горделив и бунтовен сакан.
Во романов посебно внимание е посветено на нашата филозофија,
на начинот на кој размислуваме и како тој ни влијае. Во оваа приказна прикажан ое како мислите му го уништуваат животот на главниот херој, но штом некому му го уништиле – значи дека имаат и тоа каква моќ. А таа моќ самите ние одлучуваме како да ја искористиме – да си го уништиме животот или пак да го достигнеме оној од соништата, односно како што вели психологијата „Моќта е во секој од нас, ние и никој друг одлучуваме како ќе ја искористиме“.