Виктор Иго – Сликар на Француското општество од неговото време
„Клетници“ (критика преку ликовите на Жан Валжан и Фантина)
Автор на делото „Клетници“ е Виктор Иго – дел од групата на
романтичарските писатели, човек кој твори во времето на романтизмот во Франција. Романтизмот се појавува по рушењето на феудалното општество и создавањето ново, граѓанско, капиталистичко општество, време во кое обичниот човек се соочува со разочарувањето од неостварените идеали за слобода. Поради тоа, во овој период се создал човек кој е со загубена доверба, човек кој се издвојува од општеството и бега во свој субјективен свет. Оттука произлегуваат и обележјата на романтизмот: субјективноста, односно индивидуалноста, меланхолијата и светската тага, копнежот по нешто далечно и недостижно, патувањето во далечни земји, враќањето во минатото, свртувањето кон традицијата и народното творештво, создавањето на националното чувство и целосната творечка слобода. Кога станува збор за францускиот романтизам, од делата на Русо се инспирирала романтичарската генерација. Во обликувањето на романтичарскиот животен идеал, освен Русо, значајна улога одиграле и Франсоа – Рене де Шатобријан и Џорџ Гордон Бајрон. На романтичарите им одговарал шатобријановиот естетизам, субјективизам, лиризам и неговата книжевна инспирација.Французите немале чувство за романтизам, па француските уметници го прикажувале туѓиот романтичен живот и на тој начин настанал францускиот романтизам. Во „Клетници“ се опфатени сите слоеви, односно се среќаваме со претставници од сите три слоја. Главни ликови во овој роман се Жан Валжан и малечката Козета. Други ликови се Фантина и нејзината ќерка Козета, кои се припаднички на нискиот слој. Тие се девојки кои немале среќа во животот, но тој се менува на подобро благодарение на Жан Валжан. Се среќаваме и со ликот на Жавер, припадник на средниот слој и полициски инспектор кој постојано го следи Жан Валжан, поради што во некои мигови предизвикува одбивност. Тој всушност е фанатик, кој е верен на својата професија. За него светот е црно – бел и според неговите верувања на затвореник не може да му се верува, односно тој тотално се согласува со поговорката: „Лесно е да си добар, тешко е да си праведен“. Според него луѓето не се менуваат и законот е тој којшто никогаш не греши. Но Жавер својата заблуда ќе ја открие кога во една ситуација сфаќа дека законот понекогаш е неморален и неправеден, а разочарувањето во слепата вреба и рушењето на неговата животна филозофија ќе го однесе до дното. Тема во романот е сликата на француското општество, а преку овој роман, Виктор Иго ја олицетворува својата идеја за патот и начинот на човечкот овоздигнување и исцелување преку покроноста, страдањето, љубовта и жртвата. Жан Валжан уживајќи на врвот, помагајќи на оние под него и докажувајќи ни дека: „Се може да се постигне, само доколку се сака“,си го живее животот, се додека минатото да се вмеша во прекрасната сегашност и иднината во хаос да ја претвори. Кога само една грешка од минатото ќе му се наплати во сегашноста, кога кругот само еднаш ќе се заврти, а кармата ќе си го одигра своето во согласност со универзумот, животот на Жан Валжан повторно ќе се промени. Тој ќе почне да живее во бегтство и со различни идентитети, но со една цел – да го исполни ветувањето дадено на една очајна мајка, да ја пронајде малата Козета. По исполнувањето на оваа цел, неговиот живот ќе добие смисла и тој ќе го посвети остатокот од животот на малечката Козета. И двајцата израснати во тешки околности, ќе си покажат што значи љубовта. Поминувајќи низ различни незгоди и згоди, ќе сфатат колку се приврзани еден за друг, а човекот кој ја спаси, малечката Козета за татко смета. Овој роман е приказна која ни укажува на суштината и смислата на животот, на неговата игра и брзината со која истиот може да се смени, а воедно и ни праќа порака да уживаме во секој миг додека сме тука, бидејќи не знаеме што ќе се случи следно, укажувајќи ни на она што најверојатно сите многу пати сме го слушнале: „Животот е краток!“