ფილტვების ქრონიკული ობსტრუქციული დაავადების (ფ.ქ.ო.

დ)
საინფორმაციო ბუკლეტი პაციენტებისა და მათი ოჯახის წევრებისათვის

რა არის ფქოდ-ი?
არის დაავადება ,რომელიც არღვევს სასუნთქი გზების ჰაერისადმი გამტარუნარიანობას და იწვევს მათ
შევიწროებას. შესაბამისად არღვევს ფილტვებიდან ორგანიზმისათვის ჟანგბადის მიწოდებისა და
ნახშირორჟანგის გამოდევნის პროცესს.

ტერმინი ფქოდი აერთიანებს რამდენიმე დაავადებას - ემფიზემას, ქრონიკულ ბრონქიტს და ასთმას.

დღეისათვის არ არსებობს ფ.ქ.ო.დ-ის დიაგნოსტირების შემდეგ მისგან სრული განკურნება. დაავადებას

ახასიათებს ქრონიკული მიმდინარეობა პერიოდული გამწვავებებით.
ჩვენი მიზანია ჩავატაროთ გარკვეული ღონისძიებები და შევამციროთ გამწვავებების სიხშირე. ამისათვის
საჭიროა:

 პაციენტმა უნდა შეწყვიტოს სიგარეტის მოწევა

 შორს წასულ შემთხვევაში ზოგჯერ საჭირო ხდება დაბალი ნაკადით ჟანგბადის მიწოდება ან
სპციალური აპარატით დახმარება.
 კვებითი სტატუსის გამოსწორება - რადგან ასეთ პაციენტებში ქოშინის ხარისხი იმდენად მაღალია,
რომ ვერ ახერხებენ საჭირო კალორაჟის მიღებას. ამიტომ რეკომენდებულია კვება მცირე ულუფებით
და ხშირ-ხშირად. საჭიროა კვებებს შორის შესვენება სასუნთქი კუნთების დასვენების მიზნით. თუ
პაციენტი წონაში იკლებს შეატყობინეთ ექიმს.
 ფილტვების რეაბილიტაციის პროგრამაში ჩართვა - ანუ სუნთქვითი ვარჯიშების შესრულება.
 ემფიზემის შემთხვევაში ზოგჯერ კეთდება ქირურგიული ჩარევა, ფილტვის მოცულობის
შემცირების მიზნით.
 ინფექციების პრევენცია - გეგმიური ვაქცინაცია პნევმოკოკური პნევმონიის პრევენციის მიზნით.
რადგან სასუნთქი გზების ინფექციები ამწვავებს ფ.ქ.ო.დ-ს.
 თავიდან ავიცილოთ ანტიბიოტიკების ჭარბი გამოყენება - რადგან ინფექციების უმეტესობა
ვირუსული გენეზისაა.
 თავიდან აიცილეთ უცხო გაზებთან , მტვერთან და სასუნთქი სისტემის სხვა გამღიზიანებლებთან
კონტაქტი.
 იყავით კოოპერატიული ექიმის დანიშნულებასთან.
 მიიღეთ ყველა მედიკამენტი რომელსაც ექიმი დაგინიშნავთ
 სუნთქვის უკმარისობის გაღრმავებისთანავე დაუკავშირდით ექიმს.
 ფ.ქ.ო.დ-ის მქონე პაციენტებს ახასიათებთ დაბალი სატურაციის მაჩვენებლები 88-92%, რასაც მათი
ორგანიზმი აბსოლუტურად შეჩვეულია. არ არის საჭირო ამ დროს ჟანგბადის მიცემა, რადგან ეს
იწვევს სუნთქვის ცენტრის დათრგუნვას და აუარესებს პაციენტის მდგომარეობას.

შედგენილია ანესთეზიისა და ინტენსიური თერაპიის სამსახურის მიერ