4

Islamic Values
Ikalawang Markahan-Modyul 3:
Ang Anim (6) na Haligi
ng Pananampalataya sa Islam
Islamic Values-4
Alternative Delivery Mode
Ikalawang Markahan – Modyul 3: Ang Anim (6) na Haligi ng Pananampalataya sa Islam
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anumang akda ang Pamahalaan ng Pilipinas. Gayunpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung ito
ay pagkakakitaan. Kabilang sa mga maaaring gawin ng nasabing ahensiya o tanggapan ay
ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito upang
makuha ang pahintulot sa paggamit ng materyales. Hindi inaangkin ng mga tagapaglathala at
mga may-akda ang karapatang-aring iyon. Ang anumang gamit maliban sa modyul na ito ay
kinakailangan ng pahintulot mula sa mga orihinal na may-akda ng mga ito.

Walang anumang parte ng materyales na ito ang maaaring kopyahin o ilimbag sa

anumang paraan nang walang pahintulot sa Kagawaran.

Inilathala ng Kagawaran ng Edukasyon-Rehiyon III

Nicolas T. Capulong, PhD, CESO V
Ronelo AL K. Firmo, PhD, CESO V
Librada M. Rubio, PhD

Bumuo sa Pagsusulat ng Modyul

Manunulat: Sumaya O. Umpa at Kenneth C. Salvador
Tagasuri ng Nilalaman: Rosie V. Ladignon, Melvin S. Lazaro,
Rubilita L. San Pedro, at Angelica M. Burayag, PhD
Tagasuri ng Wika: Joanne M. Nuñez at Kenneth C. Salvador
Tagasuri sa ADM Pormat: Melvin S. Lazaro
Tagasuri ng Paglapat
at Pagguhit: Glehn Mark A. Jarlego
Tagaguhit: Grace E. Almera
Tagalapat: Monaliza I. Laroya
Pabalat: Joseph A. Robles at Mark Miclat
Tagapamahala: Nicolas T. Capulong, PhD, CESO V
Ronelo AL K. Firmo, PhD, CESO V
Librada M. Rubio, PhD
Angelica M. Burayag, PhD
Ma. Editha R. Caparas, EdD
Nestor P. Nuesca, EdD
Marie Ann C. Ligsay, PhD
Salome P. Manuel, PhD
Rubilita L. San Pedro
Melvin S. Lazaro

Inilimbag sa Republika ng Pilipinas ng Kagawaran ng Edukasyon – Rehiyon III

Office Address: Matalino St., D. M. Government Center, Maimpis, City of San Fernando (P)
Telefax: (045) 598-8580 to 89
E-mail Address: region3@deped.gov.ph
 4
Islamic Values
Ikalawang Markahan-Modyul 3:
Ang Anim (6) na Haligi ng
Pananampalataya sa Islam
Paunang Salita
Para sa tagapagdaloy:
Malugod na pagtanggap sa asignaturang Islamic Values 4
Alternative Delivery Mode (ADM) Modyul para sa araling Ang
Anim (6) na Haligi ng Pananampalataya sa Islam!
Ang modyul na ito ay pinagtulungang dinisenyo, nilinang at
sinuri ng mga edukador mula sa pampubliko at pampribadong
institusyon upang gabayan ka, ang gurong tagapagdaloy upang
matulungang makamit ng mag-aaral ang pamantayang itinakda
ng Kurikulum ng K to12 habang kanilang pinanagumpayan ang
pansarili, panlipunan at pang-ekonomikong hamon sa pag-aaral.
Ang tulong-aral na ito ay umaasang makauugnay ang mag-
aaral sa mapatnubay at malayang pagkatuto na mga gawain ayon
sa kanilang kakayahan, bilis at oras. Naglalayon din itong
matulungan ang mag-aaral upang makamit ang mga kasanayang
pan-21 siglo habang isinasaalang-alang ang kanilang mga
pangangailangan at kalagayan.
Bilang karagdagan sa materyal ng pangunahing teksto,
makikita ninyo ang kahong ito sa pinakakatawan ng modyul:

Mga Tala para sa Guro

Ito'y naglalaman ng mga paalala, panulong o
estratehiyang magagamit sa paggabay sa mag-aaral.

Bilang tagapagdaloy, inaasahang bibigyan mo ng paunang

kaalaman ang mag-aaral kung paano gamitin ang modyul na ito.
Kinakailangan ding subaybayan at itala ang pag-unlad nila
habang hinahayaan silang pamahalaan ang kanilang sariling
pagkatuto. Bukod dito, inaasahan mula sa iyo na higit pang
hikayatin at gabayan ang mag-aaral habang isinasagawa ang mga
gawaing nakapaloob sa modyul.

ii
Para sa mag-aaral:
Malugod na pagtanggap sa Islamic Values 4 Alternative
Delivery Mode (ADM) Modyul ukol sa Ang Anim (6) na Haligi ng
Pananampalataya sa Islam!
Ang modyul na ito ay ginawa bilang tugon sa iyong
pangangailangan. Layunin nitong matulungan ka sa iyong pag-
aaral habang wala ka sa loob ng silid-aralan. Hangad din nitong
madulutan ka ng mga makabuluhang oportunidad sa pagkatuto.
Ang modyul na ito ay may mga bahagi at icon na dapat
mong maunawaan.

Sa bahaging ito, malalaman mo

Alamin ang mga dapat mong matutuhan
sa modyul.

Sa pagsusulit na ito, makikita

Subukin
natin kung ano na ang kaalaman
mo sa aralin ng modyul. Kung
nakuha mo ang lahat ng tamang
sagot (100%), maaari mong
laktawan ang bahaging ito ng
modyul.
Ito ay maikling pagsasanay o
Balikan
balik-aral upang matulungan kang
maiugnay ang kasalukuyang
aralin sa naunang leksyon.

Sa bahaging ito, ang bagong aralin

Tuklasin ay ipakikilala sa iyo sa maraming
paraan tulad ng isang kuwento,
awitin, tula, pambukas na
suliranin, gawain o isang
sitwasyon.

iii
 Sa seksyong ito, bibigyan ka ng
Suriin maikling pagtalakay sa aralin.
Layunin nitong matulungan kang
maunawaan ang bagong konsepto
at mga kasanayan.

Binubuo ito ng mga gawaing para

Pagyamanin sa mapatnubay at malayang
pagsasanay upang mapagtibay ang
iyong pang-unawa at mga
kasanayan sa paksa. Maaari mong
iwasto ang mga sagot mo sa
pagsasanay gamit ang susi sa
pagwawasto sa huling bahagi ng
modyul.

Naglalaman ito ng mga

Isaisip katanungan o pupunan ang
patlang ng pangungusap o talata
upang maproseso kung anong
natutuhan mo mula sa aralin.

Ito ay naglalaman ng gawaing

Isagawa
makatutulong sa iyo upang
maisalin ang bagong kaalaman o
kasanayan sa tunay na sitwasyon
o realidad ng buhay.

Ito ay gawain na naglalayong

Tayahin
matasa o masukat ang antas ng
pagkatuto sa pagkamit ng
natutuhang kompetensi.

iv
 Karagdagang Sa bahaging ito, may ibibigay sa
Gawain iyong panibagong gawain upang
pagyamanin ang iyong kaalaman o
kasanayan sa natutuhang aralin.

Susi sa Naglalaman ito ng mga tamang

Pagwawasto sagot sa lahat ng mga gawain sa
modyul.

Sa katapusan ng modyul na ito, makikita mo rin ang:

Sanggunian Ito ang talaan ng lahat ng

pinagkuhanan sa paglikha o
paglinang ng modyul na ito.

Ang sumusunod ay mahahalagang paalala sa paggamit ng

modyul na ito:
1. Gamitin ang modyul nang may pag-iingat. Huwag lalagyan
ng anumang marka o sulat ang anumang bahagi ng modyul.
Gumamit ng hiwalay na papel sa pagsagot sa mga
pagsasanay.
2. Huwag kalimutang sagutin ang Subukin bago lumipat sa iba
pang gawaing napapaloob sa modyul.
3. Basahing mabuti ang mga panuto bago gawin ang bawat
pagsasanay.
4. Obserbahan ang katapatan at integridad sa pagsasagawa ng
mga gawain at sa pagwawasto ng mga kasagutan.
5. Tapusin ang kasalukuyang gawain bago pumunta sa iba
pang pagsasanay.
6. Pakibalik ang modyul na ito sa iyong guro o tagapagdaloy
kung tapos nang sagutin lahat ng pagsasanay.
Kung sakaling ikaw ay mahirapang sagutin ang mga gawain
sa modyul na ito, huwag mag-aalinlangang konsultahin ang

v
inyong guro o tagapagdaloy. Maaari ka rin humingi ng tulong kay
nanay o tatay, o sa nakatatanda mong kapatid o sino man sa iyong
mga kasama sa bahay na mas nakatatanda sa iyo. Laging itanim
sa iyong isipang hindi ka nag-iisa.
Umaasa kami, sa pamamagitan ng modyul na ito,
makararanas ka ng makahulugang pagkatuto at makakakuha ka
ng malalim na pang-unawa sa kaugnay na mga kompetensi. Kaya
mo ito!

vi
 Alamin

“Walang karapat-dapat na sambahin maliban sa Allāh ”.

Ito ang katagang pinaniniwalaan natin na nagpapakita ng ating
pananampalataya sa Allāh . Ngunit, may mga dapat pa tayong
malaman at paniwalaan upang lubos na maipakita ang ating
pananampalataya sa Kaniya.
Ang ating pananampalataya sa Allāh ay maipapakita
natin sa pamamagitan ng ating mga paniniwala at patotoo sa anim
na haligi ng pananampalataya upang tayo ay makapasok sa
kawan ng Islam. Ito ang batayan ng lahat ng ating paniniwala,
pagsamba, at pag-aaral. Ito ay habang buhay na dapat nating
pangangalagaan at pahahalagahan.
Nais mo bang malaman ang anim na haligi ng
pananampalataya sa Islam upang mapalawak pa ang iyong
kaalaman bilang isang batang Muslim? Ang modyul na ito ang
makatutulong sa iyo.
Sa pagtatapos mo sa modyul na ito, ikaw ay inaasahan na;
 natutukoy ang Anim na Haligi ng Pananampalataya sa
Islam;
 nalalaman ang kahalagahan ng Anim na Haligi ng
Pananampalataya sa Islam; at
 naisasabuhay ang mga konsepto ng Anim na Haligi ng
Pananampalataya sa Islam sa pang-araw-araw na mga
gawain.

Halina’t alamin, tuklasin at linangin natin ang iba’t ibang

mahahalagang bagay mula sa modyul na ito.

1
 Subukin

Panuto: Basahin at unawain ang mga sumusunod na katanungan.

Piliin ang letra ng tamang sagot at isulat sa hiwalay na papel.
1. Anong haligi ng Islam ang tumutukoy sa nag-iisang Diyos na si
Allāh ?
a. Paniniwala sa Allāh
b. Paniniwala sa Anghel
c. Paniniwala sa mga Propeta
d. Paniniwala sa araw ng Paghuhukom
2. Sa kasalukuyan, ano na lamang ang nalalabing kapahayagan
na nananatili sa kaniyang orihinal na anyo?
a. Banal na Qur’an c. Old Testament
b. Bible d. New Testament
3. Ano ang panghuling haligi ng pananampalataya sa Islam?
a. Paniniwala sa Allāh
b. Paniniwala sa araw ng Paghuhukom
c. Paniniwala sa mga Anghel
d. Paniniwala sa Al-Qadr o Tadhana
4. Hindi siya matatawag na Muslim kung itatakwil niya ang isa
man sa mga Propeta. Ito ay tumutukoy sa anim na haligi ng
Islam na ______?
a. Paniniwala sa Allāh
b. Paniniwala sa mga Propeta
c. Paniniwala sa mga Anghel
d. Paniniwala sa Kapahayagan
5. Sino ang huling propeta ng mga Muslim?
a. Muhammad S.A.W. c. Ibrahim A.S.
b. Musa A.S. d. Lot A.S.

2
6. Sa araw ng paghuhukom, sino ang Makapangyarihan at
Dakilang Hukom na magbibigay ng sapat na gantimpala o
parusa sa lahat?
a. Muhammad S.A.W. c. Allāh
b. Anghel d. Mga Propeta
7. Ano ang tawag sa talaan ng mga anghel sa mga mabubuti o
masasamang ginawa ng tao?
a. Talaan ng Hukom c. Qur’an
b. Talaan ng Gawa d. Aklat
8. Batay sa Anim na Haligi ng Pananampalataya sa Islam, ilang
anghel ang nakabantay sa bawat tao?
a. isa b. dalawa c. tatlo d. apat
9. Anong kasulatan ang ipinahayag kay Propeta Abraham?
a. Suhuf (Kalatas) c. Zabur (Salmo)
b. Tawrat (Torah) d. Injeel (Ebanghelyo)
10. Ano ang kasulatang ipinahayag kay Propeta Moses?
a. Suhuf (Kalatas) c. Zabur (Salmo)
b. Tawrat (Torah) d. Injeel (Ebanghelyo)

Aralin Islamic Values:

1 Ang Anim (6) na Haligi ng
Pananampalataya sa Islam
“Sa pamamagitan ng paniniwala at pagpapatotoo sa anim
na haligi ng pananampalataya ay ito ang isang dahilan upang
makapasok sa kawan ng Islam.” Ito ang sawikain mula sa Banal
na Qur’an ng mga mananampalataya na kung saan ay habang
buhay nilang pinangangalagaan. Ito ang batayan ng lahat ng
kanilang paniniwala, pagsamba, at pag-aaral.
Halina’t alamin natin ang kuwento nina Amer at Abdullah.
Paano kaya nila ipinakita ang kanilang pananampalataya kay
Allāh ?

3
 Balikan

Panuto: Sa isang hiwalay na papel, buuin ang hinihinging salita

ng kahon gamit ang pagpapakahulugan sa bawat bilang.
1. Isang uri ng kawanggawa na kailangang bayaran batay sa
itinakdang halaga ng kayamanan.
Z h
2. Tawag sa itinakdang pamantayan ng pagbabayad.
N i ā
3. Sila ang mga taong umaasa lamang mula sa tulong ng kapuwa.
F q a
4. Sila ang mga taong mahirap ngunit dahil sa kanilang paggalang
sa sarili ay hindi nila magawang mamalimos.
l - M s k
5. Sila ang mga taong inutusan ng Islamikong Pamahalaan na
maningil ng Zakah.
a - ‘A m l ‘a l y h
6. Sila ang mga bagong kasapi ng Muslim na dapat bigyan ng
tulong sa kanilang pagbabagong buhay.
- M u’ l f h - q b m
7. Sila ang mga taong nagnanasang makalaya mula sa
pagkakaalipin.
F i - r b
8. Sila ang mga taong baon sa utang.
- G h r m n
9. Sila ang mga taong nakikipaglaban upang mapanatili ang Batas
ng Allāh .
F - S b i l h
10. Sila ang mga naglalakbay na nangangailangan ng salapi.
I n s - S l

4
 Tuklasin

Si Amer at Abdullah
Ni Sumaya O. Umpa

May isang batang kamangha-mangha ang kaniyang

kagandahang-asal. Siya ay ulila na at mag-isang nagtataguyod sa
kaniyang dalawang kapatid. Kilala siya sa tawag na Amer sa
kanilang lugar. Sila ay nakatira sa maliit na kubo. Wala silang
kamag-anak at kapitbahay. Kaya naman, siya ay subsob sa
paghahanap ng pagkain upang may maipakain sa kaniyang mga
kapatid.
Isang araw, maagang gumising si Amer upang maghanap ng
pagkain. Hindi na niya ginising ang kaniyang mga kapatid dahil
ang gusto niya ay may nakahanda ng pagkain pagkagising ng mga
ito.
Siya ay nag-Ŝalāh ng Fajr upang humiling kay Allāh ng
biyaya bago siya lumakad. Dahil naniniwala siya na si Allāh ang
nag-iisang Diyos.
Sa kaniyang paglalakad, siya ay natapilok at nagkaroon ng
sugat ang kaniyang paa. Napaiyak na lamang siya at napaupo sa
isang tabi dahil sa sakit na nararamdaman.

5
 Habang nakaupo si Amer, may isang batang lalaking
napadaan sa kagubatan. Siya ay si Abdullah. Narinig niya ang iyak
ni Amer kaya nilapitan niya ito at tinanong.
“Bata, ano ang pangalan mo? Bakit ka umiiyak?” tanong ni
Abdullah kay Amer.
“Ako si Amer, nasugatan ang paa ko habang naghahanap ng
pagkain,” mangiyak-ngiyak na sagot ni Amer.
Naawa si Abdullah kay Amer at siya’ y inalok ng tulong.

“Tutulungan kita Amer, may alam akong maaari mong

pagkakitaan ng pera para may pambili ka ng pagkain,” ang sabi ni
Abdullah kay Amer.
“Napakabait mo Abdullah! Ano ba iyon?” tanong ni Amer.
Isinama ni Abdullah si Amer sa isang lumang bahay na
walang nakatira.
“Amer, ito ang sinasabi kong maaaring pagkakitaan. Walang
nakatira sa lumang bahay na ito. Maraming bakal dito na maaari
mong ibenta sa bayan upang magkaroon ka ng pera,” wika ni
Abdullah.
“Ayaw kong magnakaw Abdullah! Kahit walang nakatira
dito, may nagmamay-ari pa rin sa bahay na ito,” sagot ni Amer kay
Abdullah.

6
 “Amer, para rin naman ito sa iyo at sa mga kapatid mo. Wala
namang makakakita,” tugon ni Abdullah.
“Mayroon pa ring makakakita Abdullah. Kahit itago pa natin
ito, makikita’t makikita pa rin tayo,” paliwanag ni Amer.
“Sino naman?” tanong ni Abdullah.
Sinabi ni Amer kay Abdullah na may Allāh na nakakikita
sa bawat galaw ng isang tao at may kapangyarihang gumawa ng
mga bagay na nais niyang mangyari. Natatakot din siyang gumawa
ng kasamaan dahil bawat tao ay may dalawang anghel na
nagbabantay at nagtatala sa lahat ng kaniyang ginagawa, mabuti
man o masama.
“Ayaw kong magalit sa akin si Allāh , Abdullah. Mas
matitiis ko pang magutom kaysa magnakaw upang may
maipakain lamang sa aking mga kapatid,” wika ni Amer.
“Naniniwala ka diyan, Amer? Alam mo, tayo ang masusunod
kung ano ang gusto nating gawin. Tulad na lamang ng
paghahanap mo ng pagkain, malaya kang pumili kung anong
paraan ang gusto mong gawin,” wika ni Abdullah.
“Hindi kaba nagbabasa ng Qur’an, Abdullah? Nakasaad sa
banal na aklat ni Allāh ang hindi paggawa ng masama. Dahil sa
oras ng paghuhukom ay titimbangin ang mga masasama at
mabubuti mong gawain. Mapupunta ka sa impiyerno kung mas
matimbang ang iyong kasamaan at sa paraiso naman kung mas
matimbang ang iyong mabuting gawa,” paliwanag ni Amer.
Biglang tumawa nang malakas si Abdullah na tila’y
pinagtatawanan si Amer sa kaniyang sinabi.
“Amer, Ustadz ka ba at ako’y iyong tinuturuan? Tama ka,
darating ang panahon na iiwan natin ang mundong ito, kaya nga
gusto kong gawin ang lahat ng bagay na gusto ko. Magsaya ka na
lang Amer. Huwag mong seryosohin ang buhay at ang problema,”
patawang sabi ni Abdullah.

7
 Nalungkot si Amer sa mga sinabi ni Abdullah. Siya’y
nagpasyang umuwi na lamang at alamin ang kalagayan ng
kaniyang mga kapatid. Habang naglalakad siya pauwi, may
nadaanan siya na isang matandang babae na nahihirapang
maglakad dahil sa mabigat niyang dala.

“Lola saan ka po ba pupunta? Tutulungan na po kita,” sabi

ni Amer.
“Salamat apo! Doon lamang ako sa lumang bahay pupunta,”
sagot ng matanda.
Nagtaka si Amer kung bakit sa lumang bahay pupunta ang
matandang babae.
“Lola, sa inyo po ba ang lumang bahay na ito?” tanong ni
Amer.

8
 “Oo, apo. Pumupunta lang ako rito tuwing gusto kong
magtanim at mamitas ng mga gulay at prutas sa likod ng bahay.
Halika at samahan mo akong mamitas ng mga prutas,” sagot ng
matanda.
Laking gulat ni Amer nang makita niya ang napakalawak na
halamanan. Dahil sa kabutihan at katapatan ni Amer, magandang
gantimpala ang kaniyang natamo. Pinayagan siyang mamitas ng
prutas at gulay sa anumang oras na gustuhin niya. Basta
ipapangako niya na magtatanim din siya ng gulay sa lupaing iyon.

Napaiyak na lamang si Amer. Napagnilayan niya na talagang

mabait at maawain ang Allāh dahil hindi siya nito
pinababayaan. Kahit maraming pagsubok sa buhay ni Amer ay
hindi pa rin siya sumusuko. Ito ang nagpapatibay sa kaniyang
pananalig kay Allāh , sapagkat si Allāh ang ganap at kumpleto
sa karunungan o pinakamakapangyarihan sa lahat.
Alam ni Allāh ang lahat ng nangyayari sa ibabaw ng lupa.
Ang mga nangyayari sa buhay ni Amer ay maaaring pagsubok
lamang upang maipakita ang tunay na pananalig o pagtitiwala
niya kay Allāh kahit hindi niya ito nakikita.
Pagkatapos ni Amer mamitas ng mga prutas at gulay, agad
siyang umuwi sa bahay upang makakain na ang kaniyang mga
kapatid.
Habang siya ay naglalakad pauwi, nakasalubong niya si
Abdullah. Laking gulat ni Abdullah dahil maraming dala-dalang
pagkain si Amer.

9
 “Oh! Amer mabuti at nagbago ang isip mo. Kumuha ka rin
pala ng mga bakal sa lumang bahay upang ibenta,” sabi ni
Abdullah.

“Mali ka Abdullah. Oo, galing lahat sa lumang bahay ang

mga dala-dala kong pagkain ngunit hindi ko ito ninakaw o hindi
rin ako nagbenta ng kahit isang bakal,” tugon ni Amer.

Ipinaliwang ni Amer kay Abdullah kung paano siya

nakakuha ng maraming pagkain. Sinabi niya na dahil sa
kagandahang-loob ay biniyayaan siya ng Allāh ng gantimpala.

Isinama ni Amer si Abdullah sa kanilang bahay upang

ipakilala sa kaniyang mga kapatid. Binigyan din niya si Abdullah
ng mga pagkaing dala-dala niya.

May isang bagay ring binigay si Amer kay Abdullah. Ito ay

ang banal na aklat, ang Qur’an. Ito ay ipinahayag sa pamamagitan
ni Propeta Muhammad S.A.W. Ibinigay niya ito kay Abdullah
upang basahin at maunawaan nang maayos na ang lahat ng
ginagawa natin ay nalalaman ni Allāh . Sinabi rin niya na may
mga kautusan ding dapat sundin tulad ng paniniwala sa mga
Propeta upang matawag na isang Muslim.

Nagpasalamat si Abdullah at ipinangako na susundin niya

ang mga payo ni Amer upang maging isang mabuting Muslim.

Pag-unawa sa Binasa
Panuto: Batay sa kuwentong iyong nabasa, sagutin ang mga
sumusunod na tanong. Isulat sa isang hiwalay na papel ang iyong
sagot.
1. Sino ang batang may kamangha-manghang kagandahang-
asal?
2. Ano ang ginawa ni Amer bago umalis ng kanilang bahay?
3. Sino ang batang lalaking nakarinig ng iyak ni Amer?
4. Ano ang inalok ni Abdullah kay Amer?
5. Bakit ayaw ni Amer magnakaw ng mga bakal?

10
 6. Sino ang mga nagsusulat ng mga mabubuti at masasamang
gawain ng mga tao?
7. Saan mapupunta ang mga taong mas matimbang ang
kanilang masasamang gawain?
8. Batay sa Qur’an, bakit dapat gumawa ng mabuti sa
kapuwa?
9. Paano nakakuha ng maraming pagkain si Amer kahit hindi
niya ginawa ang sinabi ni Abdullah?
10. Paano ipinakita ni Amer ang pananampalataya
kay Allāh ?

Suriin

Ang Anim na Haligi ng Pananampalataya sa Islam

1. Paniniwala sa Kaisahan ng Allāh

Ang Muslim ay naniniwala sa nag-iisa lamang na Diyos –
Allāh . Siya lamang ang karapat-dapat na sambahin sapagka’t
Siya lamang ang nagkaloob ng buhay sa lahat.
Ang tunay na paniniwala sa kaisahan ng Allāh ay ang
taos-pusong pagsaksi na Siya ay nag-iisang Diyos. Hindi Siya
maaaring ihambing kaninuman o sa anuman na Kaniyang
nilikha.
2. Paniniwala sa mga Anghel
Ang mga Muslim ay matapat na naniniwala sa mga
Anghel. Bawat tao ay may dalawang anghel na nagbabantay at
nagtatala sa lahat ng kaniyang ginagawa, mabuti man o
masama. Ang talaang ito ay tinatawag na Talaan ng Gawa. Ito
ang ihaharap sa tao sa Araw ng Paghuhukom. Kung matimbang
ang kaniyang mabubuting gawa, siya ay mapupunta sa Paraiso.
Ngunit kung higit na matimbang ang kaniyang masasamang
gawa, siya ay mapupunta sa Impiyerno.

11
3. Ang Paniniwala sa mga Aklat
Ang Muslim ay naniniwala sa lahat ng mga Orihinal na
kasulatan o kapahayagan na ipinadala ng Allāh sa Kaniyang
mga Propeta. Ang mga kasulatang nababanggit sa Banal na
Aklat ay ang mga sumusunod:
a. Suhuf (Kalatas) na ipinahayag kay Propeta Abraham (AS)
b. Tawrat (Torah) na ipinahayag kay Propeta Moses (AS)
c. Zabur (Salmo) na ipinahayag kay Propeta David (AS)
d. Injeel (Ebanghelyo) na ipinahayag kay Propeta Hesus
(AS)
e. Qur’an na ipinahayag kay Propeta Muhammad (S.A.W)
Ang mga orihinal na kapahayagan na nabanggit ay
pinaniniwalaan ng mga Muslim sapagkat iisa lamang ang
kanilang pinagmulan, - ang Allāh . Ngunit sa kasalukuyan,
tanging ang Banal na Qur’an na lamang ang nalalabing
kapahayagan na nananatili sa kaniyang orihinal na anyo.
4. Paniniwala sa mga Propeta
Mahigpit na ipinag-uutos sa mga Muslim ang maniwala
sa lahat ng mga Propeta. Hindi siya matatawag na Muslim kung
itatakwil niya ang isa man sa mga Propeta. Ang ilan sa mga
Propetang ito ay sina: Nuh, Ibrahim, Ishmael, Ishaq, Yaqub,
Dawud, Solaiman, Yusuf, Musa, Harun, Yahya, Isah at si
Muhammad (S.A.W). Ang paniniwala sa kanila ay pantay at
walang pagtatangi. Kailangang mahalin at igalang silang lahat
sapagkat sila ay isinugo ng Nag-iisang Tagapaglikha - ang
Allāh . Ang pangunahing turo o aral ng mga propeta ay ang
pagsamba, pagsuko, at pagtalima kay Allāh .
5. Paniniwala sa Araw ng Paghuhukom
Ang Muslim ay kailangang maniwala sa Araw ng
Paghuhukom. Ang lahat ng tao ay mamamatay na siya namang
simula ng buhay na walang-hanggan; Paraiso o Impiyerno.
Dapat lamang na maniwala sa Araw ng Paghuhukom upang
magkaroon ng saysay ang buhay ng tao sa mundong ito. Sa
Araw ng Paghuhukom, ang Allāh na Siyang

12
 Makapangyarihan at Dakilang Hukom ang magbibigay ng tama
at sapat na gantimpala o parusa sa lahat.
6. Paniniwala sa Kahihinatnan at Walang Hanggang Kaalaman ng
Allāh (Tadhana)
Ang Muslim ay kailangang maniwala na ang lahat ng
nangyayari ay pinahihintulutan ng Allāh : mabuti man o
masama sa paningin ng tao. Walang magaganap sa kaharian
ng Allāh na salungat sa kaniyang nais. Siya ang Maalam at
ang Maawain, at ano man ang Kaniyang naisin ay may
makahulugang layunin.

Pagyamanin

Gawain 1
Panuto: Punan ng angkop na salita ang bawat patlang sa mga
sumusunod na pahayag. Isulat ang sagot sa hiwalay na papel.
1. Ang tunay na paniniwala ay taos-pusong pagsaksi na Siya
lamang ang ____________________ Diyos na dapat sambahin.

2. Bawat tao ay may ____________________ Anghel na nagbabantay

at nagtatala sa lahat ng kaniyang ginagawa, mabuti man o
masama.

3. ____________________ ang haligi ng Pananampalataya sa Islam.

4. Ang ____________________ ay ipinahayag upang ito’y maging

patnubay ng mga mananampalatayang Muslim.

5. Ang lahat ng tao ay makararanas ng kamatayan at sa

_____________________ lamang sila gagawaran ng sapat na
kabayaran.

6. Ang talaan ng mga anghel ay tinatawag na ___________________.

13
7. Ang Muslim ay kailangang maniwala na ang lahat ng
nangyayari ay ______________________: mabuti man o masama
sa paningin ng tao.

8. ____________________ ang kasulatang ipinahayag kay Propeta

Abraham (AS)

9. _________________ na ipinahayag kay Propeta Moses (AS).

10. __________________ ang aklat na ipinahayag kay Propeta

David (AS)

Tasahin 1
Panuto: Basahin at unawain ang mga sumusunod na pahayag. Sa
isang hiwalay na papel, isulat ang letrang T kung tama ang
ipinapahayag ng pangungusap at letrang M naman kung mali.
____1. Maipakikita ang pananampalataya kay Allāh sa
pamamagitan ng pagsunod sa mga haligi ng Islam.
____2. Ipinahayag kay Propeta Moses ang kasulatan na tinatawag
na Zabur.
____3. Ang pangatlong haligi ng pananampalataya ay ipinahayag
upang ito’y maging patnubay ng mga mananampalatayang
Muslim.
____4. Bawat tao ay may tatlong anghel na nagbabantay at
nagtatala sa lahat ng kaniyang ginagawa, mabuti man o
masama.
____5. Ang Qur’an ay ipinahayag kay Propeta David (AS).
____6. Ang Muslim ay kailangang maniwala sa Araw ng
Paghuhukom.
____7. Si Allāh ang Maalam at ang Maawain, at ano man ang
Kaniyang naisin ay may makahulugang layunin.
____8. Ang tunay na paniniwala sa kaisahan ng Allāh ay ang
taos-pusong pagsaksi na Siya ay nag-iisang Diyos.

14
____9. Ang talaan ng mga anghel sa lahat ng ginagawa ng tao ay
isang basehan ng kaparusahan at gantimpalang ipapataw
at ibibigay ng Allāh .
____10. Ang Suhuf (Kalatas) ay ipinahayag kay Propeta
Muhammad (S.A.W).

Gawain 2
Panuto: Tukuyin sa hanay B ang isinasaad ng mga pahayag mula
sa hanay A at isulat ang letra ng tamang sagot sa hiwalay na papel.
Hanay A Hanay B

1. Nag-iisang Diyos ng mga a. Talaan ng Gawa

Muslim
2. Bilang ng Haligi ng b. pagsamba kay Allāh
Pananampalataya sa Islam
3. Haligi ng Islam na tumutukoy c. Paniniwala sa mga
Propeta
sa pagsunod sa mga propeta
4. Nagbabantay at nagtatala ng d. paraiso
mga gawain ng tao; masama
man o mabuti. e. mga anghel
5. Kautusang ipinahayag kay
Propeta Muhammad (S.A.W) f. mga propeta
6. Kailangang mahalin at igalang
g. Qur’an
dahil sila ay isinugo ni Allāh .
7. Lugar na kapupuntahan sa h. Paniniwala sa
Araw ng Paghuhukom ng mga Tadhana
tao na gumagawa ng mabuti
8. Ang Muslim ay kailangang i. Allāh
maniwala na ang lahat ng
j. anim
nangyayari ay
pinahihintulutan ng Allāh . k. impiyerno
9. Ito ay ilan lamang sa
pangunahing turo o aral ng l. pagsuko kay Allāh
mga propeta.
10. Sa Araw ng Paghuhukom, dito
mapupunta ang lahat ng
gumagawa ng masama.
15
Tasahin 2
Panuto: Sa isang hiwalay na papel, isulat ang bilang na1 hanggang
10. Sa bawat bilang, lagyan ng masayang mukha ( ) kung ang
pangungusap ay nagsasaad ng pagsunod sa Anim na Haligi ng
Pananampalataya sa Islam at malungkot na mukha ( . ) naman
kung hindi.
_____1. Si Iyah ay naniniwala sa nag-iisang Diyos na si Allāh .
_____2. Isinasabuhay ni Amer ang Anim na Haligi ng
Pananampalataya sa Islam.
_____3. Ang pamilya Abad ay naniniwala at sinusunod ang
katuruan ng mga Propeta.
_____4. Ako, bilang Muslim ay naniniwala na may dalawang anghel
na nakabantay sa akin.
_____5. Dapat kong mahalin at pahalagahan ang mga propeta.
_____6. Sinusunod ko ang mga kautusang nakapaloob sa Banal na
Qu’ran.
_____7. Sina Azim at Abdul ay naniniwala na ang lahat ng
gumagawa ng mabuti at sumasamba sa nag-iisang
Diyos- Allāh ay mapupunta sa paraiso.
_____8. Si Kashmir ay hindi sumusuko sa mga pagsubok sa buhay
dahil naniniwala siya na ang lahat ng ito ay
pinahihintulatan ng Allāh .
_____9. Sabi ng aking ummie na dapat kong sundin ang
pangunahing turo ng mga propeta-ang pagsamba kay
Allāh .
_____10. Si Ali ay naniniwala na ang lahat ng gumagawa ng
masama ay mapupunta sa impiyerno.

16
Gawain 3
Panuto: Sa isang hiwalay na papel, magbigay ng sampung
sitwasyon o gawain ng mga Muslim na nagpapakita ng paniniwala
at pagsunod sa Anim na Haligi ng Pananampalataya sa Islam.

Tasahin 3
Panuto: Sa isang hiwalay na papel, isulat ang bilang na 1
hanggang 10. Sa bawat bilang, iguhit ang hugis puso ( ) kung
iyong naisasabuhay ang mga sumusunod na gawain at hugis bilog
( ) naman kung hindi.

1. Nagsa- Ŝalāh ako nang limang beses sa isang araw.

2. Hindi ako nagsisinungaling sa aking mga magulang at sa
aking kapuwa.
3. Nagbabasa ako ng Qur’an at ito’y aking nauunawaan.
4. Hindi ako nagbibitiw ng salitang nakasasakit ng damdamin
ng aking kapuwa.
5. Nasusunod ko ang mga kautusang nakapaloob sa Banal na
Aklat.
6. Naniniwala ako sa kaisahan ng Allāh at Siya lamang ang
tanging kong sinasamba.
7. Umiiwas ako sa mga masasamang gawain tulad ng
pagnanakaw, pagsisinungaling at pananakit sa kapuwa.
8. Isinasapuso ko ang mga kautusan sa Banal na Aklat.
9. Naniniwala ako na kung gagawa ng mabuti ay mapupunta sa
paraiso at kung masama naman ay sa impiyerno.
10. Sinusunod ko ang mga turo ng mga propetang isinugo ni
Allāh .

17
 Isaisip

Panuto: Punan ang mga sumusunod na patlang upang mabuo ang

talata. Isulat ang sagot sa isang hiwalay na papel.

Maipapakita natin ang pagpapahalaga sa Anim na Haligi ng

Pananampalataya sa Islam sa pamamagitan ng pagsunod sa mga
ito. Una, 1. ________________. Naniniwala ang mga Muslim na si
Allāh ang nag-iisang Diyos na dapat sambahin.
Ikalawa, 2. __________________, ang bawat tao ay may
3. __________________ anghel na nagbabantay at nagtatala sa lahat
ng kaniyang ginagawa, mabuti man o masama.
Ikatlo ay ang 4. _________________. Ang mga 5.
________________ ay naniniwala sa lahat ng mga orihinal na
kasulatan o kapahayagan na ipinadala ng Allāh sa Kaniyang
mga Propeta. 6. Ang ______________ ang kasulatang ipinahayag
mula kay Propeta Muhammad (S.A.W).
Ikaapat, 7. _______________. Kailangang mahalin at igalang
silang lahat sapagkat sila ay isinugo ng Nag-iisang Tagapaglikha -
ang Allāh .
Ikalima, 8. ________________. Ang lahat ng tao ay
mamamatay na siya namang simula ng buhay na walang-
hanggan. Sinuman ang sumamba kay Allāh at gumawa ng
mabuti ay mapupunta sa paraiso. Ngunit ang sinumang sumamba
sa iba maliban kay Allāh at gumawa ng masama ay mapupunta
sa 9. ________________.
Ikaanim, 10. __________________. Ang mga Muslim ay
naniniwala na ang mga nangyayari ay pinahihintulutan ng Allāh
: mabuti man o masama.

18
 Isagawa

Panuto: Sa isang hiwalay na papel, sumulat ng maikling kuwento

na naglalaman kung paano mo ipinakikita at isinasabuhay sa
iyong pang-araw-araw na gawain ang Anim na Haligi ng
Pananampalataya sa Islam.

Tayahin

Panuto: Tukuyin kung anong haligi ng Islam ang mga sumusunod

na pahayag. Piliin ang letra ng tamang sagot mula sa loob ng
kahon at isulat sa hiwalay na papel.

A. Paniniwala sa Kaisahan ng Allāh

B. Paniniwala sa mga Anghel
C. Paniniwala sa mga Aklat
D. Paniniwala sa mga Propeta
E. Paniniwala sa Araw ng Paghuhukom
F. Paniniwala sa kahihinatnan (Tadhana)

1. Ang magkapatid na Zahir at Mahir ay nagsasagawa ng Ŝalāh

limang beses isang araw.
2. Nagbabasa ng Banal na Aklat si Amina upang maunawaan
ang mga kautusang nakapaloob dito.
3. Umiiwas si Hassim gumawa ng masasama dahil takot siyang
mapunta sa impiyerno.
4. Sinusunod ni Hakim ang mga turo ng mga propeta dahil
naniniwala siya na sila ay isinugo ni Allāh .

19
 5. Sa bawat Ŝalāh ni Omar ay lagi siyang humihingi ng gabay
kay Allāh sapagkat siya ay naniniwala na ang lahat ng
nangyayari ay pinahihintulutan ng Allāh .
6. Ang magkaibigang Omar at Zain ay parehong nagbabasa ng
Banal na Aklat dahil sila ay Muslim at iisa lamang ang
kanilang pinagmulan, - ang Allāh .
7. Si Amera ay natatakot gumawa ng masama sa kanyang
kapuwa dahil siya ay naniniwala na may anghel na
nakabantay sa kanya.
8. Si Arham ay sumasamba kay Allāh sapagkat siya ay
naniniwala na siya lamang ang dapat sambahin.
9. Ang batang si Amer ay sumasamba kay Allāh bilang isang
Panginoon.
10. Isinasabuhay ni Amira ang mga kautusang nakapaloob sa
Banal na Aklat.

Karagdagang Gawain

Panuto: Sa isang hiwalay na papel, gumawa ng isang islogan na

nagpapakita ng kahalagahan ng pagsunod at paniniwala sa anim
na haligi ng pananampalataya sa Islam at sumulat ng maikling
paliwanag tungkol dito.

20
 21
Subukin 1. A 2. A 3. D 4. B 5. A 6. C 7. B 8. B 9. A 10. B
Balikan
1. Zakat
2. Nisāb
3. Fuqara
4. al-Masakin
5. al-‘Amilina’alyha
6. al - Mu'allafah qulubuhum
7. Fiar-riqab
8. Al-Gharimun
9. Fi-Sabilillah
10. Ibn as-Sabil
Pang-unawa sa Binasa
1. Amer
2. Ŝalāh
3. Abdullah
4. Kumuha ng bakal sa lumang bahay
5. Dahil may Allāh na nakakakita ng lahat; masama o mabuti
6. Mga Anghel
7. Impyerno
8. Dahil ito ay kauutusan ng Allāh upang makapunta sa paraiso
9. Dahil sa kagandahang-loob
10. Sa pamamagitan ng paniniwala at pagsunod sa kautusan ng Allāh
Gawain 1
1. nag-iisang
2. dalawa
3. anim
4. Banal na Aklat
5. Araw ng Paghuhukom
6. Talaan ng Gawa
7. Pinahihintulutan ng Allāh
8. Suhuf (Kalatas)
9. Tawrat (Torah)
10. Zabur (Salmo)
Tasahin 1
1. T 2. M 3. M 4. M 5. M 6. T 7. T 8. T 9. T 10. M
Gawain 2
1. I 2. J 3. C 4. E 5. G 6. F 7. B 8. H 9. A 10. K
Tasahin 2
1. 2. 3. 4. 5. 6. 7. 8. 9. 10.
Susi sa Pagwawasto
 22
Gawain 3
1. Nagsa- Ŝalāh nang limang beses sa isang araw.
2. Hindi nagsisinungaling sa mga magulang at sakapuwa.
3. Nagbabasa ng Qur’an at ito’y aking nauunawaan.
4. Hindi nagsasalita na nakasasakit ng damdamin ng kapuwa.
5. Nasusunod ang mga kautusang nakapaloob sa Banal na Aklat.
6. Naniniwala sa kaisahan ng Allāh at Siya lamang ang tanging sinasamba.
7. Umiiwas sa mga masasamang gawain tulad ng pagnanakaw, pagsisinungaling at pananakit
sa kapuwa.
8. Isinasapuso ang mga kautusan sa Banal na Aklat.
9. Naniniwala na kapag gumawa ng mabuti ay mapupunta sa paraiso at kapag masama
naman ay sa impiyerno.
10. Sinusunod ang turo ng mga propeta na isinugo ng Allāh .
Tasahin 3
1. 2. 3. 4. 5. 6. 7. 8. 9. 10.
Isaisip
1. Paniniwala sa kaisahan ng Allāh
2. Paniniwala sa mga Anghel
3. Dalawang
4. Paniniwala sa Kapahayagan
5. Muslim
6. Qur’an
7. Paniniwala sa mga Propeta
8. Paniniwala sa Araw ng Paghuhukom
9. Dakilang Hukom
10. Paniniwala sa Kahihinatnan (Tadhana)
Isagawa
Rubrik sa Pagmamarka
10 8 6 4 2
Nakasulat ng Nakasulat ng Nakasulat ng Nakasulat ng Nakasulat ng
maikling maikling maikling maikling maikling
pagkukuwento at pagkukuwento at pagkukuwento pagkukuwent pagkukuwento
nailahad ng mabuti nailahad ng ngunit o ngunit ngunit hindi
at malinawag ang mabuti an ang mayroong kulang ang akma ang
ideya na nais ideya kaunting paglalahad nilalaman.
iparating. kalituhan sa
paglalahad.
Tayahin
1. A 2. C 3. E 4. D 5. F 6. C 7. B 8. A 9. A 10. C
Karagdagang Gawain
Rubrik sa Pagmamarka
5 4 3 2 1
Mahusay na Nakabuo ng Nakabuo ng isang Nakabuo ng Nakapag-isip
nakabuo ng isang islogan at islogan at isang islogan lamang ng
islogan at nakapagbigay nakapagbigay ng ngunit hindi konsepto o
nakapagbigay ng ng mahabang maikling nakapagbigay ng ideya ngunit
mahabang paliwanag. paliwanag. paliwanag. hindi natapos
paliwanag. ang islogan.
Sanggunian

Ang Lahi na Ating Pinagmulan, isinulat ni Muhammad Rodriguez,

P.O. Box 32628, Jeddah 21428, k.S.A./Tel.: (02) 636 9549-
(02) 6080028 – Fax: (02) 636 5051/Cell No.: (+966) 050 25
733 54/Email: rodriguez_muhammad@yahoo.com
Ang Maikling Paglalarawan ng Pamamatnubay Tungo sa Pag-
unawa sa Islam, Isinalin sa wikang Pilipino ni Muhammad
Ameen C. Cave, ALSOFARA PRINTING PRESS Tel.00966 1
4488983-/Fax 00966 1 4467323
ISLAMIC VALUES EDUCATION 3, Learning Materials 2017
Edition, department of Education bureau of learning
resources (DepEd-BLR) printed in the Philippines by Mosler
Philippines INC, Elisco road, Ibayo tapas, Taguig City,
Metro Manila
The cooperative office for call and guidance al abtha – batha
training and education center P.O. box 20824 Riyadh
11465 K.S.A. tel no. 011-4030251 fax. 011-4059387
lecture hall tel. no. 011-4083405 – mob: 0555289269
https://ipoetryart.wixsite.com/islam/single-
post/2017/01/10/Ang-Anim-6-na-Haligi-ng-Paniniwala-

23
Para sa mga katanungan o puna, sumulat o tumawag sa:

Department of Education - Bureau of Learning Resources (DepEd-BLR)

Ground Floor, Bonifacio Bldg., DepEd Complex

Meralco Avenue, Pasig City, Philippines 1600

Telefax: (632) 8634-1072; 8634-1054; 8631-4985

Email Address: blr.lrqad@deped.gov.ph * blr.lrpd@deped.gov.ph