Frances Mae D. Monton Gr.

12 – RUBY BUHAY ESTUDYANTE

Ang daming nakakapagod sa tao, lalo na sa buhay ng isang estudyante. Maging sa

akademiko, mga gawaing-bahay, mga hanapbuhay, at ang araw-araw nilang ginagawa
para sa kanilang pang-araw-araw na buhay. Hindi man kilalanin ng mga tao, pero
marami rin ang pinagdadaanan ng isang mag-aaral.

Isa sa pangunahing dahilan kung bakit napapagod ang estudyante ay ang pagbibigay
ng marami at mabigating workload, lalo na pag pinagsabay ang mga ito. Sa pagsunod-
sunod ng pagbibigay ng mga gawain, imbis na matuto ang mag-aaral, ito ay ginagawa
lamang upang masabing may naipasa pero wala palang natuto sa nasabing gawain.
May mga napakaraming beses na humingi ang mga estudyante ng academic break
mula sa lahat ng gawain upang magkaroon sila ng oras sa kanilang sarili at
magpahinga. Ilang mga akda ang nagpapakita na ang sobrang dami na workload ay
maaari lamang magbigay ng negatibong epekto sa pisikal, mental, at emosyonal na
kalusugan ng mag-aaral.

Ang paggawa ng mga gawain ng walang pahinga ay nakakadulot lamang ng burnout,

stress, mga isyu sa kalusugan, pagkawala ng motibasyon, at mahinang pagsasanay sa
akademiko. Ayon sa isang artikulo ng Princeton Review (n.d.), higit 50% na estudyante
ay stressed, 25% ay nagpahayag na ang mga gawain ang kanilang pinakamalaking
pinagmumulan ng stress, at karaniwan sa mga kabataan ay nakakaramdam ng stress o
pagkabalisa.

Hanggang ngayon, ipinaglalaban pa rin ng mga estudyante ang wastong pagbigay ng

mga gawain, kung saan maaari silang magtrabaho nang hindi kailangang makaramdam
ng pagkabalisa at pag-aalala at magkaroon ng oras para sa kanilang sarili at
magpahinga. Ang estudyante ay dapat magkaroon ng mabuting relasyon sa akademiko,
dahil ang pangunahing dahilan ng pag-aral ay ang matuto talaga.