Sa kasalukuyan, ang mga studyante ng nursing ay kadalasang napapasabak
pagdating sa paaralan at pag-OOJT bilang parte ng kanilang kurso. Kalakip ng pagsubok na ito ay ang pagbalanse ng kanilang personal na oras at pag-aaral na isang hindi madaling hakbang lalo na’t tadtad kayo ng mga pagsusulit, aaralin, at skedyul sa pagtatrabaho sa hospital. Ang pagpasok sa kursong ito ay may kaakibat na maraming pagsubok na maaaring pinansyal o di naman kaya’y emosyonal o personal na bagay na kailangan mong tiisin at malampasan para magampanan mo ang iyong tungkulin bilang isang studyante at nars.
Sa mga pag-aaral, kadalasang problema ng mga studyante ay ang oras
sapagkat maraming gawain na may mga pangkarapatang “due date” na dapat isumite sa nakalaang panahon kasabay nito ang pag-aaral, pagtatrabaho, nakakapagod na skedyul at mga pagsusulit na halos araw-araw ginagawa. Malaking presyon ang pagpasok sa kursong nursing lalo na’t may mga taong malaki ang ekspektasyon nila sa propesyon na pinili mo at kaakibat nito ay ang malaking responsibilidad sa pamayanan at paaralan. Ayon sa statistiko, kadalasan sa mga studyante na nag-aaral sa kursong ito ay nakakaranas ng “stress” at kadalasan “anxiety” nang dahil sa tingin nila na ang pagpasok sa propesyong ito ay may kaakibat na malaking responsibilidad gaya nalang ng pagiging tanungan kapag may nagkasakit sa komunidad o di naman kaya’y pamilya.
Sa pangkalahatan, ang pagpasok sa propesyon na ito ay hindi madali dahil
marami kang pagsubok na haharapin at may mga bagay na hindi mo inaasahang mangyari na kailangan mong maging matatag at mapag-usisa para sa kapakanan ng lahat at para maiwasan ang mga anomaly. Ang pagiging studyante ay hindi madali nang dahil sa presyon, pinansyal o iba’t ibang sector ng problema kinakaharap mo. Ang pagiging parte ng nursing ay may kaakibat na malaking resposibilidad, katapangan at karanasan para mabawasan ang pagkakamali na maaaring ikapahamak ng pasyente at maaaring magdulot ng “stress” sa isang studyante.