FILS02G - Pagbasa at Pagsusuri sa Iba't-ibang Teksto
Tungo sa Pananaliksik (Ms. Chenny Rose Baylosis)
Ang Paksa at Pamagat-Pampananaliksik
Sanggunian: Pagbasa at Pagsulat Tungo sa Pananaliksik,
Bernales R.A. et al, pahina 119-125
ANG PAKSANG PAMPANANALIKSIK
Sa akademya, hindi maiiwasan ang pagsulat ng mga
akademikong papel tulad ng pananaliksik. Kaakibat ito sa
buhay ng mga mag-aaral. Isa sa mga halimbawa ng
pananaliksik ay ang tisis para sa mga kumukuha ng
masteradong digri o kaya naman ay disertasyon para sa
mga nagpapakadalubhasa sa kursong doktoral.
MGA HANGUAN NG PAKSA
1. Sarili - Maaring humango ng paksa sa mga sariling
karanasan, mga nabasa, napakinggan, napag-aralan at
natutunan. Nangangahulugan ito na maaring simulan sa
sarili ang pag-iisip ng mga paksang pagpipilian.
2. Dyaryo at Magasin - Maaring paghanguan ng paksa
ang mga napapanahong isyu sa mga pamukhang pahina
ng mga dyaryo at magasin o sa mga kolum, liham sa
editor at iba pang seksyon ng mga dyaryo at magasin
tulad ng local na balita, bisnis, entertainment at isports.
3. Radyo, Tv at Cable TV - Maraming uri ng programa sa
radio at TV ang mapagkukunan ng paksa. Marami na ring
bahay, hindi lamang sa Metro Manila, kundi maging sa
mga probinsya, ang may cable TV. Mas maraming
programa sa cable dahil sa 24 na oras na balita, isports at
mga programang edukasyonal.
4. Mga Awtoridad, Kaibigan, Guro - Sa pamamagitan ng
pagtatanong-tanong sa ibang tao maaring makakuha ng
mga ideya upang mapaghanguan ng paksang-
pampananaliksik. Makatutulong ito upang makakuha ng
paksang hindi lamang napapanahon kundi kawiliwilihan
din ng ibang tao.
5. Internet - Isa ito sa pinakamadali, mabilis, malawak at
sopistikadong paraan ng paghahanap ng paksa.
Maraming mga web sites sa internet na tumutugon sa
iba’t ibang interes at pangangailangan ng iba’t ibang uri
ng tao.
6. Aklatan - Bagama’t tradisyonal na hanguan ito ng
paksa, hindi pa rin mapasusublian ang yaman ng mga
paksang maaring mahango sa aklatan. Sa aklatan
matatagpuan ang iba’t ibang paksang nauugnay sa ano
mang larangang pang-akademya.
MGA KONSIDERASYON SA PAGPILI NG PAKSA
1. Kasapatan ng Datos - May sapat na literatura hinggil
sa paksang napili. Magiging labis na limitado ang
saklaw ng pananaliksik kung mangilan-ngilan pa
lamang ang mga abeylabol na datos hinggil doon.
2. Limitasyon ng Panahon - Isaalang-alang ang
panahon at oras para sa pananaliksik na isasagawa.
3. Kakayahang Pinansyal - Pumili ng paksang naayon
sa kakayahang pinansyal
4. Kabuluhan ng Paksa - Ang paksang pipiliin ay hindi
lamang dapat napapanahon, bagkus kailangan
mapapakinabangan din ito.
5. Interes ng mga Mananaliksik - Ang paksa ay dapat
naayon sa interes at kawilihan ng mga
magsasagawa nito.
ANG PAMAGAT-PAMPANANALIKSIK
Ang mga pamagat-pampananaliksik ay kaiba sa mga
pamagat ng nobela, dula, maikling kuwento at iba pang uri
ng panitikan. Sa pagsulat ng isang pananaliksik, ang
pamagat ay kailangang malinaw, tuwiran, at tiyak. Kung
tutuusin, ang mga nalimitang paksa, maliban sa mga
kaunting pag-aayos, ay maari na ring gamiting pamagat.
Mga Halimbawa:
1. Isang Pagsusuri ng mga Pamamaraang Ginamit sa Pagsasalin
sa Filipino ng mga Katawagang Legal sa Bagong Konstitusyon
2. Mga Estratehiya ng Promosyon ng mga Produktong Pabango
ng Bench Phils.: Isang Analisis ng Epektibnes
3. Mga Piling Estudyanteng may Malalang Bayolasyon sa
Patakaran ng NTCHSD: Mga Aral-Kaso
4. Isang Mungkahing Limang-Taong Development Plan sa
Pagtatatag ng Sento ng Pananaliksik sa Unibersidad ng Makati
5. Pahambing na Pagsusuri sa Preperensya ng mga Kababaihan
at Kalalakihang Mag-aaral ng UST sa Panonood ng mga
Telenobela.
TANDAAN:
Ang pananalisik ay bahagi ng buhay ng isang mag-aaral. May
mga maari rin tayong paghanguan ng mga paksa o pamagat mula
sa iyong sarili, sa mga dyaryo at magasin, radyo, tv at cable tv,
mga awtoridad, internet at aklatan. Napakahalaga na ang iyong
paksa ay hindi masaklaw. Ang pamagat naman ay dapat na
malinaw, tuwiran, at tiyak. Isinaasalang alang din nating ang mga
ilang ibinigay na konsiderasyon sa pagpili ng paksa tulad ng
kasapatan ng datos, limitayson ng panahon, kakayahang
pinansyal, kabuluhan ng paksa at interes ng mga mananaliksik.
PAGLIMITA NG PAKSA