Professional Documents
Culture Documents
ասեպտիկա անտիստեպտիկա
ասեպտիկա անտիստեպտիկա
Անտիսեպտիկայի տեսակները`
Մեխանիկական
Քիմիական
Ֆիզիկական
Կենսաբանական
Ֆիզիկական անտիսեպտիկա
Այս դեպքում վարակի դեմ կիրառվում են ֆիզիկական գործոններ( օդ, լույս, ճառագայթներ),
երևույթներ(օսմոս, դիֆուզիա), որոնց նպատակը հերքում թարախածին մանրէների
զարգացման համար անբարենպաստ պայմաններ ստեղծելն է։ Ֆիզիկական
անտիսեպտիկայի համար օգտագործվում են դրենաժներ։ Դրենաժն ապահովում է
թարախից դուրսբերմանը խոռոչից`ֆիզիկական եղանակով։ Վերքից թարախային
պարունակության դուրսբերման համար օգտագործում են հիպերտոնիկ լուծույթով
ներծծված թանզիվե տամպոններ, կոչվում են հիգրոսկոպիկ(խոնավությունը ներքաշող)
հատկությամբ օժտված թանզիվ։
Բժշկության մեջ կիրառվող լազերային ճառագայթներից են բարձր և ցածր էներգիայի
ճառագայթները։ Բարձր էներգիայի լազերային ճառագայթները կիրառվում են որպես
լազերային դանակ(կտրում է հյուսվածքն առանց արյունահոսության, մանր անոթները
թրոմբելու պատճառով)։ Վերքերի լավացումը կատարվում է առաջնային ձգտումով
պայմանավորված բակտերիցիդ ազդեցությամբ։
[Եթե հարցնեն առաջնային ձգումը որնա
Վերքերը լավանում են աձգումով, երկրորդային ձգումով ու լավացում կեղևի տակ։
Առաջնայինը ամենաձեռնտուն է, լինում է երբ վերքի ծայրերը հպվում են իրար,այսինքն
կարած է վերքը, առաջնայինը են լավանում ասեպտիկ այսինքն վիրահատական վերքերը։
Երկրորդայինի ժամանակ վերքում կա վարակ, թարախ, հեմատոմա, ծայրերը հպված չեն,
մակերեսը շատ մեծ է։ 2րդայինը 3 փուլ ունի, առաջին փուլը երկար է, ավելի ցայտուն
արտահայտված, 2րդի ժամանակ գրանուլյացիաներ(հատիկավոր հյուսվածք) են հայտնվում,
էտ լավա, վերքը լավանում է։ Առաջին ու 2րդ փուլերի մեջ հստակ սահման չի նկատվում։
Գրանուլյացիաներ առաջանում են մոտ 2-3օրերին, իսկ 5րդ օրը գրանուլյացիայի աճը
դառնում է բավական նկատելի։ Գրանուլյացիան կարմիր գույնի պինդ ու լիքը հատիկների
տեսք ունի։ Պաշտպանական ֆունկցիա ունի, իր մեջ շատ լեյկոցիտ ու մակրոֆագ կա։ 3րդ
փուլում հյուսվածքը էպիթելավորվում է, ձևավորվում է սպի։ Լավացումը կեղեւ տակ
լինում է թեթեւ վնասվածքների ժամանակ, օրինակ քերծվածքների, էպիդերմիսի
վնասվածքների, այրվածքների ժամանակ։ Արյունահոսած մասը մակարդվում է, դառնալով
կենսաբանական վիրակապ, մաքուր է պահում մանրէներից։ Սովորաբար տեւում է 3-7օր։]
Ցածր էներգիայի լազերային ճառագայթները թողնում են ցավազրկող, անոթալայնիչ,
հակաբորբոքային ազդեցություն, լավացնում են նյութափոխանակությունը։ Կիրառվում են
դժվար լավազող վերքերի, տրոֆիկ խոզերի լավացման պրոցեսը խթանելու նպատակով։
Սիրտ-անոթային խնդիրների դեպքում կիրառվում են ներերակային եղանակով։ Ցածր
էներգիայի ճառագայթները նպաստում են տվյալ հատվածի արյունամատակարարմամը,
հետևաբար ուժգնացում են նյութափոխանակությունն ու դրական ազդեցություն թողնում։
Յուրաքանչյուր անտիբիոտիկ ազդում է որոշակի խմբի մանրէների վրա։ Դրա հետ մեկտեղ
կան նաև լայն սպեկտրի անտիբիոտիկներ, որոնք ազդում են մի քանի խմբի մանրէների
վրա։ Անտիբիոտիկները կարող են բերել ալերգիկ ռեակցիաների և նույնիսկ անաֆիլակտիկ
շոկի, կարող են լինել տոքսիկ։
[Կարճ թե ինչա անաֆիլակտիկ շոկը (եթե երեխեքը հարցնեն)
Անաֆիլակտիկ շոկը օրգանիզմի ծայրահեղ պատասխան ռեակցիան է ալերգեններին, ինչի
հետևանքով կարող է զարգանալ կվինկեյի այտուց ինչին հետևում է շնչուղիների այտուց և
անանցելիություն։ Բուժումը միայն դեղորայքային է։ Տեղում պետք ներերկվի էպինեֆրին (=
ադրենալին) ու հակահիստամինային պրեպարատներ(հիստամինը լայնացնում է
անոթները)։ ]
Հակաբիոտիկներն ունեն օգտագործման որոշակի օրինաչափություն։ Դրանց ոչ տեղին
օգտագործումը, ինչը տարածված է մեր իրականությունում, բերում է նրան որ մանրէների
խումբը կայունություն է ձեռք բերում տվյալ անտիբիոտիկի նկատմամբ, այսինքն դառնում է
անտիբիոտիկ ռեզիստենտ ու այն այլևս արդյունավետ չի լինում։ Սա բերում է նրան, որ նույն
մանրէից ազատվելու համար արդեն պետք է նշանակվի ավելի ուժեղ անտիբիոտիկ։ Ահա թե
ինչու պետք չէ ինքնակամ անտիբիոտիկներ նշանակել մեզ, կամ կիսատ թողնել կուրսը երբ
սիմպտոմներն անհետացել են։
Անտիբիոտիկներից ալերգիաները դրսևորվում են քորով, ցանցով, այտուցով և այլն։ Դրանց
երկարատև օգտագործումը բերում է օրգանիզմի բնականոն միկրոֆլորայի փոփոխության,
ոչնչացնելով դրանց սակայն ուշադրություն, 22թ գրականությամբ այլևս դիսբակտերիոզ
տերմինը չկա, ու անտիբիոտիկների կուրսից հետո ներկայումս հակասնկային
պրեպարատներ չեն նշանակվում։ Առաջ ասում էին որ առաջանում է դիսբակտերիոզ և
նպաստավոր պայմաններ են ստեղծվում սնկային վարակների համար։ Առավել հաճախ
հանդիպում է կանդիդոզը։ Սակայն հիմա դիսբակտերիոզ չկա, իսկ կուրսից հետո
հակասնկային չեն նշանակում։
Մի քանի օրինակ անտիբիոտիկի`
Պենիցիլիններ, իրուքսոլ, լևոմիկոլ
Պենիցիլինները ունեն բակտերիաստատիկ ազդեցություն (չեն թողնում որ բազմանան),
քայքայում են բջջապատը։ Չեն ազդում վիրուսների վրա։
Ակտիվ են հետևյալների նկատմամբ ստրեպտոկոկերի (streptococcus pneumoniae),
պեպտոկոկերի, պեպտոստրեպտոկոկերի, կլոստրիդիումի, գոնորեայի նկատմամբ։
Արդյունավետ են հետևյալ հարուցիչների նկատմամբ
E. Coli
Պնևմոկոկ
Ստաֆիլոկոկ
Սալմոնելլա
Օգտագործվում է օտիտի, սինուսիտի, ցիստիտի, աղիքային վարակների, պիելոնեգրիտի
ճամանակ։
[Ստեղ եթե ինչ որ ուսանող շատ խորանա թե ոնցա ազդում ապա` բակտերիայի
բջջապատը կազմված է պեպտիդոգլիկանից` գլիկոզիդային շղթաներից` N-ացետիլ
գլիկոզամինից ու N-ացետիլ մութամաթթվից, դրանց միջեւ կա բետտա գլիկոզիդային կապ,
ու օրինակ լիզոցիմը ազդում է այդ կապի վրա։ Գլիկոզիդային շղթաները կողմնային միացած
են տետրապեպտիդային, միջաձիգ( Dալանինի և դիամինապիմելինաթթվի(ԴԱՊ) միջև)
պենտապեպտիդային կապերով։ Պենիցիլինները ազդում են պենտապեպտիդային
կամրջակի վրա։]