Գլխուղեղի մեծ կիսագնդերի կեղևը և նրան հարող ենթակեղևային
կորիզները կազմում են ԿՆՀ-ի բարձրագույն բաժինները, որոնք իրականացնում են ժամանակավոր կապերի առաջացումը և նպատակասլաց վարքային բարդ գործողությունները: ԿՆՀ-ի բարձրագույն բաժինների բարդ ռեֆլեկտոր գործունեությունը ընկած է մարդու և կենդանիների վարքագծի հիմքում: Այս միտքը դեռևս 1863 թվականին արտահայտել է Ի.Մ. Սեչենովը իր հայտնի " Գլխուղեղի ռեֆլեքսները" աշխատության մեջ: Հետագայում Սեչենովի գաղափարները զարգացրեց Ի.Պ.Պավլովը: Նա ստեղծեց սկզբունքորեն նոր, ֆիզոլոգիական հետազոտության պայմանական ռեֆլեքսների մեթոդը, որի օգնությամբ հիմնադրեց բարձրագույն նյարդային գործունեության ( ԲՆԳ ) ուսմունքի հիմունքները: Համաձայն Պավլովի, բոլոր ռեֆլեքսները բաժանվում են երկու խմբի՝ ի ծնե. ոչ պայմանական և ձեռքբերովի. պայմանական: Պայմանական ռեֆլեքսը օնտոգենեզի ընթացքում օրգանիզմի ձեռքբերած ռեակցիան է՝ նախկինում անտարբեր գռգռիչի նկատմամբ:Հետևապես տարբերում են ստորագույն նյարդային գործունեություն (ՍՆԳ ) և բարձրագույն նյարդային գործունեություն ( ԲՆԳ ): ՍՆԳ- ը ֆիզիոլոգիական գործընթացների այն ամբողջությունն է, որն իրականացնում է ոչ պայմանական ռեֆլեքսները և բնազդները: ԲՆԳ-ն նյարդաֆիզիոլոգիական գործընթացների ամբողջությունն է, որն ապահովում է գիտակցությունը, տեղեկատվության ենթագիտակցության յուրացումը, օրգանիզմի հարմարողական վարքը, հոգեկան ֆունկցիաները: Ոչ պայմանական և պայմանական ռեֆլեքսներ: Ոչ պայմանական ռեֆլեքսները բազմազա, օրինաչափ բնածին ռեակցիաներ են արտաքին աշխարհի ներգերծությունների կամ արյան քիմիական կազմի փոփոխությունների նկատմամբ: Գոյություն ունեն ոչ պայմանական ռեֆլեքսների տարբեր դասակարգումներ: Ի. Պավլովը նկարագրել է սննդային, պաշտպանական, կողմորոշման, ծնողական, վիսցերալ ռեֆլեքսներ(արյան ճնշում,սրտի գործունեություն, միզարձակում, դեֆեկացիա և այլն ), նա ոչ պայմանական ռեֆլեքսները ըստ կազմաբանական սկզբունքի բաժանել է պարզ (ողնուղեղային ), բարդացված ( երկարավուն ուղեղ ), բարդ ( միջին ուղեղ ) և բարդագույն ( մեծ կիսագնդերի կեղև և ենթակեղևային գոյացություններ ): Պայմանական ռեֆլեքսի առաջացումը առանց ոչ պայմանական ռեֆլեքսի անհնարին է: Գոյություն ունի ոչ պայմանական և պայմանական ռեֆլեքսների ֆունկցիոնալ միասնություն: Որոշ ոչ պայմանական ռեֆլեքսներ կապվում են պայմանականի հետ դեռևս մարդու նախածննդյան փուլում, կամ ծնվելուց անմիջապես հետո:Արդեն նորածնի մոտ նյարդային համակարգի բարձրագույն բաժնում առաջանում է նյարդային կապի նոր ձև:Պայմանական և ոչ պայմանական ռեֆլեքսների նմանությունը դրսևորվում է նրանում, որ նրանց ռեֆլեքսային աղեղները ունեն առբերիչ, կենտրոնական, արտատար օղակներ և հարմարողական բնույթ: Չնայած նրանց միասնությանը պայմանական և ոչ պայմանական ռեֆլեքսների միջև գոյություն ունեն էական տարբերություններ. 1. Ոչ պայմանական ռեֆլեքսները բնածին են, տեսակային, իսկ պայմանականը՝ անհատական և ձեռք են բերվում կյանքի ընթացքում: 2. Ոչ պայմանական ռեֆլեքսները հարաբերականորեն կայուն են ամբողջ կյանքի ընթացքում, պայմանականը՝ ձեռք են բերվում, փոխվում են, անհետանում են օնտոգենեզի ընթացքում: 3. Ոչ պայմանական ռեֆլեքսները իրականանում են գենետիկորեն պայմանավորված անատոմիական ուղիներով, պայմանականը ֆունկցիանալ առումով կարգավորված ժամանակավոր կապերով: 4. Ոչ պայմանական ռեֆլեքսները բնորոշ են ԿՆՀ-ի բոլոր բաժիններին և հիմնականում իրականանուն են նրա ստորին բաժիններով՝ ողնուղեղ, ուղեղաբուն, ենթակեղևային կորիզներ: Պայմանական ռեֆլեքսների մշակման համար մեծ կիսագնդերի կեղևի ամբողջականությունը պարտադիր է: 5. Ոչ պայմանական ռեֆլեքսները առաջանում են ադեկվատ գռգռիչների և ընկալչական դաշտի համապատասխան, պայմանականը՝ կարող է առաջանալ ցանկացած ընկալչական դաշտի մասնակցությամբ և տարբեր, ոչ ադեկվատ գռգռիչների հանդեպ : 6. Ոչ պայմանական ռեֆլեքսները առաջանում են առկա գրգռիչի ազդեցությամբ, որից խուսափելն անհնարին է, իսկ պայմանականը՝ հարմարեցնում է օրգանիզմը խթանիչի ազդեցությանը, որը կազդի առաջիկայում, այսինքն ունի ազդանշանային (զգուշացնող ) նշանակություն: Այսպիսով, ոչ պայմանական ռեֆլեքսները կարող են ապահովել օրգանիզմի գոյատևումը միայն կյանքի ամենավաղ փուլերում: Օրգանիզմի հարմարումը շրջապատի անընդհատ փոփոխվող պայմաններում, ապահովում են կյանքի ընթացքում ձևավորվող պայմանական ռեֆլեքսները: Պայմանական ռեֆլեքսների առաջացման մեխանիզմը և կարգը: Պայմանական ռեֆլեքսների առաջացման կարգը առաջարկել է Պավլովը, որի ժամանակ օգտագործել է քաղցած շներին՝ թքածորանի խուղակով: Փորձերը կատարվել են հատուկ խցիկներում, որտեղ կիրառվել է ինչպես ոչ պայմանական, այնպես էլ պայմանական գրգռիչներ: Պայմանական գռգռիչը կարող է լինել արտաքին միջավայրի ցանկացած գրգռիչ կամ օրգանիզմի ներքին միջավայրի որոշակի փոփոխություն: Պայմանական ռեֆլեքսի մշակման համար պայմանական գռգռիչը ամրակցվում է ոչ պայմանական գրգռիչին: Ըատ Պավլովի, ժամանակավոր կապերը առաջանում են ոչ պայմանական և պայմանական ( ինդիֆերենտ ) գռգռիչների կեղևային կենտրոնների միջև, այն պայմանավորված է դրդման ռեֆլեքսային երկու աղեղների փոխազդեցությամբ և բազմակի զուգկցումներով: Պայմանական գռգռիչի ազդեցության ժամանակ կեղևի համապատասխան կենտրոնում առաջանում է դրդված օջախ, որը երբ զուգակցվում է ոչ պայմանականով, ապա կեղևում առաջանում է երկրորդ՝ ավելի հզոր դրդված օջախ, որին ուղղվում է ավելի վաղ առաջացած և կեղևով տարածված դրդումը: Այս պատկերացումը հետագայում հաստատվեց Ա.Ա. Ուխտոմսկու դոմինանտի ուսմունքով: Ի.Պ. Պավլովը հետագայում առաջ քաշեց այն միտքը, որ դրդման հաղորդումը կարող է ունենալ երկկողմանի բնույթ, այսինքն ոչ պայմանական գռգռիչի կենտրոնից կարող է հաղորդվել պայմանական գրգռիչի կենտրոն և հակառակը: Այս միտքը հետագայում զարգացրել է Է.Հ. Հասրաթյանը: Պայմանական ռեֆլեքսների արգելակում: ԲՆԳ- ն նորմալ չի ընթանա, եթե դրդման հետ միասին մեծ կիսագնդերում և ենթակեղևային գոյացություններում չառաջանա արգելակում: Արգելակումը ունի կարևոր նշանակություն նյարդային բջիջների նորմալ ֆունկցիոնալ ակտիվությունը վերականգնելու համար: Ի.Պ.Պավլովը ուսումնասիրելով պայմանական ռեֆլեքսները և դրանց փոխազդեցությունը, նկատեց, որ նրանք արգելակվում են կողմնակի կամ ուժեղ գրգռիչների ազդեցությամբ կամ հիվանդագին պրոցեսների ժամանակ՝ թույլ գրգիռների ազդեցությամբ: Նրա կարծիքով, դրդման և արգելակման հավասարակշռությունը որոշում է կենդանիների և մարդու վարքագծի արտաքին դրսևորումը: Արգելակման գործընթացների ուսումնասիրությունը ցույց տվեց, որ դրանք լինում են բնածին(ոչ պայմանական ) և ձեռքբերովի( պայմանական )կամ ներքին: Բնածին ձևերն են. 1. Արտաքին ոչ պայմանական արգելակում, որն արտահայտվում է կողմնակի գրգռիչի առկայությամբ պայմանական ռեֆլեքների գործունեության թուլացմամբ կամ արգելակմամբ:Կողմնորոշման հետազոտական ռեֆլեքսը ոչ պայմանական արգելակման հաճախակի հանդիպող գործոնն է: Նրա արգելակող ազդեցությունը բազմիցս կրկնվելիս աստիճանաբար թուլանում է և կարող է լիովին անհետանալ: Տարբերում ենք մարող և կայուն արգելակում(երբ օրգանիզմում ընթանում են հիվանդագին երևույթներ ): 2. Անդրսահմանային արգելակում. հիմքում ընկած է պաշտպանական արգելակումը, այն ուղեղի բջիջները պաշտպանում է հյուծումից, էներգիայի ավելորդ ծախսից: Ձեռքբերովի կամ ներքին արգելակման ձևերն են. 1. Մարող արգելակում. առաջանում է պայմանական ազդանշանների չամապնդելու դեպքում: 2. Տարբերակող արգելակում. մշակվում է երկու գործոնների հակադրման եղանակով, զարգանում է չամրապնդվող գռգռիչների հանդեպ, որոնք մոտ են ամրապնդվող գրգռիչին: 3. Ուշացում. զարգանում է եթե պայմանական գռգռիչը տալուց 1-3 րոպե հետո տրվի ոչ պայմանական գրգռիչը: 4. Պայմանական արգելակում.առաջանում է, երբ պայմանական գրգռիչը զուգակցվում է կողմնակի այլ գրգռիչով և նոր հավելյար գրգռիչը դառնում է պայմանական արգելք: Պայմանական արգելակը կողմնակի գրգռիրով զուգակցելիս առաջանում է ապաարգելակում:
Մարդու բարձրագույն նյարդային գործունեության որակական
առանձնահատկությունները
Մարդու բարձրագույն նյարդային գործունեության որակական
առանձնահատկությունը նրա ունակությունն է ձևավորել, պահպանել և օգտագործել ոչ միայն անմիջական գռգռիչի ( I ազդնշանային համակարգի ) այլև խոսքային ազդանշանների ( II ազդանշանային համակարգի ) վրա կառուցված ժամանակավոր կապերը: Մարդը կենդանական աշխարհից տարբերվում է հոգեկան երևույթներով և երկրորդ ազդանշանային համակարգի առկայությամբ: Հոգեկան երևույթների հիմքում ընկած չեն դրդման և արգելակման տարրական գործընթացները, այլ համակարգային գործընթացները, որոնք ֆիզիոլոգիական երևույթները միավորում են մեկ ամբողջական համակարգում: Ա.Ա.ՈՒխտոմսկու դոմինանտների սկզբունքի համաձայն ռեֆլեքսային բազմաթիվ գործողություններ միավորվում են մեկ ամբողջության մեջ: Վարքագծային գործողության համակարգային գործընթացներն այն տեղեկատվական գործընթացներն են, որոնց համար նյութական հիմք են հանդիսանում ֆիզիոլոգիական ֆունկցիաները: Երկրորդ ազդանշանային համակարգը վերացական մտածողության հիմքն է, առաջինը՝ պատկերավոր, առարկայական մտածողության: Մտածողության այս երկու ձևերը, ինչպես և դրանց ֆիզիոլոգիական մեխանիզմները՝ ազդանշանային համակարգերը, ուղեղի աշխատանքի սովորական պայմաններում իրարից անբժանելի են: Երկու ազդանշանային համակարգերը պայմանավորում են միայն մարդկանց բնորոշ ԲՆԳ -ի հատուկ տիպերը՝ գեղարվեստական, մտածողական և միջին: մարդկանց մոտ ի տարբերություն կենդանիների, նկատվում է կիսագնդերի անզուգաչափություն: Ըստ անգլիացի հոգեբան Ս.Քենիկոտի, ձախ կիսագունդը ծառայում է տրամաբանական, իսկ աջը՝ պատկերավոր (կոնկրետ ) մտածողության ձևավորման համար: Օրգանիզմում երկու կիսագնդերը աշխատում են որպես մեկ ամբողջություն: Բրձրագույն նյարդային գործունեության տիպերը
Պայմանառեֆլեկտոր գործունեությունը կախված է նյարդային համակարգի
անհատական հատկություններից: Այն կախված է անհատի ժառանգականությամբ և կենսափորձից: Այս հատկությունների ամբողջականությունը համարվում է ԲՆԳ-ն տիպը: Ի.Պ.Պավլովը հիմնավելով կենդանիների վրա կատարած երկարամյա փորձերի վրա առանձրացրեց ԲՆՀ-ի 4 հիմնական տիպ: Տիպերը բաժանեց, հիմնվելով երեք հիմնական ցուցանիշների վրա. 1) դրդման և արգելակման պրոցեսի ուժը, 2) դրդման և արգելակման ուժի հավասարակշռությունը, 3) Դրդման և արգելակման պրոցեսների շարժունությունը, այսինքն այն արագությունը որով դրդումը կարող է փոխարինվել արգելակմամբ և հակառակը:Հիմնվելով այս երեք հատկությունների վրա Ի.Պ.Պավլովը առանձնացրեց.1. ուժեղ և անհավասարակշռված ( "անզուսպ" տիպ ), 2. ուժեղ, հավասարակշռված, շարժունակ ( "կենդանի" տիպ ), 3.ուժեղ, շարժունակ, չեզոք ("հանգիստ " տիպ ), 4. թույլ ( "ջերմոցային" տիպ ):Նշված տիպերը համընկնում են մ.թ.ա. IV դարի հին հույն բժիշկ Հիպոկրատի կողմից տրված խառնվածքներին (սանգվինիկ, խոլերիկ, ֆլեգմատիկ, մելանխոլիկ ): Նշված տիպերը ընդհանուր են մարդու և կենդանիների համար: Պավլովը առանձնացրեց միայն մարդու բարձրագույն նյարդային գործունեությանը հատուկ տիպեր՝ 1. Գեղարվեստական տիպ. բնորոշվում է առաջին ազդանշանային համակարգի գերակշռությամբ:Այս տիպը օգտվում է միջավայրի զգայական պատկերներից (գրողներ, նկարիչներ, երաժիշտներ, քանդակագործներ ): 2. Մտածողական տիպ. շրջապատը ընկալում է խոսքային ազդանշանների միջոցով ( մաթեմատիկոսներ, փիլիսոփաներ, լեզվաբաններ ), խիստ արտահայտված է իրականությունից վերացարկելու ունակությունը: 3. Միջանկյալ տիպ. բնութագրվում է երկու տիպերի չափավոր հատկություններով: Պավլովը եզրակացրեց, որ պետք է տարբերել գենոտիպը՝ բարձրագույն նյարդային գործունեության ժառանգական հիմքը ( խառնվածքը ) և ֆենոտիպը ՝ բարձրագույն նյարդային գործունեության ժառանգական և ձեռքբերովի "զոդվածքը", որը համապատասխանում է բնավորությանը: ԲՆԳ առանձնահատկությունները երեխաների մոտ
Երեխան ծնվում է ժառանգված ոչ պայմանական ռեֆլեքսների սակավ
պաշարով: Ծնվելու պահին երեխայի ուղեղը չնայած շատ հարաբերություններում դեռևս կատարյալ չէ, սակայն արդեն պատրաստ է ժամանակավոր կապերի առաջացման: Կա հիմք ենթադրելու, որ ռեֆլեկտոր աղեղի բոլոր էլեմենտները բավականին հասուն են դեռևս նախածննդյան փուլում: Ծննդյան պահից, երեխայի վրա ազդում են բազմաթիվ տարբեր գռգռիչներ, առաջին ժամանակավոր կապերն են առաջանում գլխուղեղի կեղևում: Այս պահից սկսվում է զարգացման նոր էտապ: Նորածնի մոտ ավելի լավ է արտահայտված պաշտպանողական և սննդային բնույթի ռեֆլեքսները: Բազմաթիվ հետազոտությունների արդյունքում պարզվել է, որ առաջին պայմանական ռեֆլեքսները առաջանում են 5-րդ և 6-րդ օրը, հիմնաված սննդային ոչ պայմանական ռեֆլեքսի վրա: 15-րդ օրը մշակվում է ռեֆլեքս մարմնի դիրքի նկատմամբ՝ հիմնվելով մաշկային, պրոպրիոցեպտիվ և լաբիրինտային գռգռիչների բարդ կոմպլեքսի վրա:Առաջին պայմանական ռեֆլեքսները ընթանում են դանդաղ, առաջացած կապերը լաբիլ ( անկայուն ) են, որը պայմանավորված է դրդման և արգելակման պրոցեսների լայն իռադիացիայով: Երեխայի 3-րդ և 4-րդ ամսում առաջանում է մարող արգելակում:Պայմանական արգելակման որոշ ձևեր առաջանում են 5 ամսականում: Նորածնի մոտ կյանքի առաջին օրերին ի հայտ է գալիս առաջին ոչ պայմանական կողմնորոշման ռեֆլեքսը: Սկսած 3-4 ամսականից առաջանում է պայմանական կողմնորոշման կամ հետազոտական ռեֆլեքսները, որոնք կարևոր դեր են խաղում երեխայի վարքագծում: Որքան մեծանում է երեխայի տարիքը, այնքան թեթև և արագ է տեղի ունենում պայմանական հետազոտական ռեֆլեքսը: Կյանքի 1-3 տարում տեղի է ունենում երկրորդ ազդանշանային համակարգի ձևավորվումը և կայացումը: Առաջին և երկրորդ ազդանշանային համակարգերը մարդու մոտ սերտ կապված են. խոսքի ազդանշանային նշանակությունը կապված է ոչ թե պարզ ձայնանշանից, այլ նրա իմաստից: Երեխայի մոտ երկրորդ ազդանշանային համակարգի ձևավորումը կապված է խոսքի զարգացման հետ: Առաջին տարվա վերջին և երկրորդ տարվա ընթացքը համարվում է խոսքի կայացման փուլ: Երեխայի խոսքի զարգացումը ընթանում է պայմանական ռեֆլեքսների առաջացման օրենքներով: Խոսքային ռեֆլեքսները երեխայի մոտ առաջանում է ընդօրինակումով,իսկ նրանց կայացումը և զարգացումը հիմնված է մեծերի հետ անընդհատ շփման ընթացքում՝ ուսուցման արդյունքում: 3-5 տարեկանում երեխայի մոտ կատարելագործվում է պայմանառեֆլեկտոր գործունեությունը, մեծանում է դինամիկ ստերեոտիպերի քանակը, վառ է արտահայտված ինտելեկտի զարգացմանը նպաստող խաղի գործունեությունը: Երկրորդ ազդանշանային համակարգը ավելի ու ավելի է դոմինանտող հատկություն ստանում: 5-6 տարեկան երեխաների մոտ աճում է նյարդային պրոցեսների ուժը և շարժունությունը:Այս փուլում ներքին արգելակումը ավելի կայուն է դառնում, իսկ կեղևի աշխատունակությունը մեծանում է: Վեց տարեկան երեխաները արդեն կարող են կենտրոնացնել ուշադրությունը որոշակի օբյեկտի վրա 15-20 րոպե, փոքրանում է արտաքին արգելակման նշանակությունը, այսինքն հանկարծակի առաջացած գռգռիչը այդքան էլ ուժեղ չի ազդում պայմանական ռեֆլեքսների առաջացման վրա, մեծանում է ներքին արգելակումը: Ներքին արգելակման այնպիսի ձևեր, ինչպիսին դիֆերենցումն ու մարումն է, որը կարևոր է ուսուցման պրոցեսի ժամանակ, առաջանում են երկու անգամ արագ՝ 4-5 տ. երեխաների համեմատությամբ: Սակայն պայմանական ռեֆլեքսների դիֆերենցումն ու արգելակումը ընթանում է բավականին դժվար, վեգետատիվ պրոցեսների մեծ լարվածությամբ՝ սրտի զարկերի հաճախականության մեծացում, շնչառության փոփոխություն և այլն: Խոսքային մտածողությունը այս տարիքում ավելի մեծ նշանակություն է ստանում, առաջանում է ներքին խուսքը, երեխաները սկսում են օգտվել գործողությունից վերացարկած հասկացություններից և այլն: Յոթ տարեկանին մոտ մորֆոլոգիապես հասունանում է գլխուղեղի ճակատային բաժինը, և այս փուլում ի հայտ է գալիս մի քանի շարժումից բաղկացած ծրագրի պահպանելու և արդյունքը կանխատեսելու գործողության ունակությունը: Նյարդային պրոցեսների շարժունությունը 7-10 տրեկան երեխաների մոտ լավ է արտահայտված: Կարևոր նշանակություն ունի այն ռեֆլեքսի բնույթը, որի բազայի վրա առաջանում է ժամանակավոր կապը: Սեռական հասունացման փուլում նկատվում է նյարդային համակարգի դրդունակության մեծացում, առաջանում է նյարդային պրոցեսների լայն իռադիացիա:Այս շրջանում դեռահասների մոտ առաջանում է նյարդային պրոցեսների շեշտակի անհավասարակշռություն՝ դրդման աճ և ներքին արգելակման թուլացում: Մեծանում է ոչ միայն կեղևի, այլ նաև ենթակեղևային գոյացությունների դրդունակությունը:Խոսքը դառնում է ավելի դանդաղ, որը թույլ է տալիս ենթադրելու, որ այս շրջանում թուլանում է երկրորդ ազդանշանային համակարգի կեղևային գործունեության ֆունկցիոնալ մակարդակը: Հաճախ նկատվում է վեգետատիվ ֆունկցիաների որոշ փոփոխություններ՝ տախիկարդիա, ցավեր սրտի շրջանում, շնչարգելակում և այլն:Խիստ մեծանում է հուզականությունը. այս ամենը վկայում է գլխուղեղի կեղևի արգելակող ազդեցության թուլացմամբ և ենթակեղևային գոյացությունների դրդման մեծացմամբ: Տասնհիգ տարեկանին մոտ երկրորդ աղդանշանային համակարգի դերը ներից սկսում է մեծանալ, ներքին արգելակումը, հաստատվում է ներդաշնակություն երկու ազդանշանային համակարգերի միջև, կեղևի և ենթակեղևային կառույցների:
Դաս 1 - Կրտսեր և Միջին Պերսոնալի Կողմից Հոգեբուժական Հիվանդների և Փորձաքննվողների Վարումը, Նրանց Նկատմամբ Իրականացվող Բուժօգնությունը, Խնամքը և Դիտարկումը։