PAGGANYAK
sa epektibong pagsasalin ang kaalaman ng
GABAY NA TANONG:
1. Bakit mahalagang malaman natin ang mga
angkop na pamantayan sa pagsasaling wika?
2. Mula sa mga salitang ipinakita, ano sa tingin niyo
ang magiging paksa ng ating talakayan?
Tanong: Bakit kinakailangang alam mo ang paksa
ng iyong isasalin?
PAGTALAKAY NG ARALIN
PALIWANAG: kinakailangang alam natin ang
paksa ng ating mga isasalin dahil hindi tayo
maaring magsalin na walang alam sa wikang ating
pagsasalinan kung kaya't dapat tayong Magbasa o
magsaliksik upang mapag-aralan ito at magkaroon
nang mas malawak na kaalaman sa paksa ng
tekstong isasalin.
Tanong: Bakit kinakailangang alam ng tagasalin
ang kanyang isasalin?
PALIWANAG: Sa pagsasalin kinakailangang
nauunawaan ng tagapagsalin ang kanyang isasalin
sa lebel na kaya niyang maipaliwanag o muling
isalaysay. Gayunpama'y tandaang hindi ka basta
magpapa- paraphrase kundi magsasalin kaya hindi
mo dapat baguhin, palitan, o bawasan ang ideya o
mensahe ng iyong isinasalin.
Tanong: Bakit mahalagang maisalin ang buong
kahulugan at hindi lamang ang mensahe?
PALIWANAG: Makatutulong ang malawak na
kaalaman ng isang tagapagsalin sa wikang isasalin
at sa wikang pagsasalinan. Kung kaya hindi sapat
na basta tumbasan lang ang salita mula sa
pinagmulang teksto ng isa ring salita sa
pagsasalinang wika dahil literal lang ang
kalalabasan ng pagsasalin at maaaring hindi
mapalabas ang tunay na diwa ng isinasalin.
Tanong:Sa pagpili ng mga salita, Bakit
kinakailangang ang mga salitang isasalin ay iyong
madaling nauunawaan?
PALIWANAG: Mas Mainam kung ang mga salitang
gagamitin ay lubos mong nauunawaan ang
kahulugan at tiyak na mauunawaan din ng mga
mambabasa upang higit na maging natural o
malapit ang orihinal sa salin.
Tanong: Bakit kailangang ikunsulta muna sa
eksperto ang iyong isasalin?
PALIWANAG:Makatutulong nang malaki ang
pagpapabasa ng isinalin ng isang taong eksperto o
katutubong nagsasalita ng wikang ito upang
mabigyang-puna niya ang paraan ng pagkakasalin
at masabi kung ito ba'y naaangkop na sa konteksto
ng isang taong likas na gumagamit ng wika.
Tanong: Sa pagsasalin, mahalaga bang isaalang-
alang ang iyong kaalaman sa genre na iyong
isasalin? Bakit?
PALIWANAG:opo mahalaga po, dahil makatutulong
tagapagsalin sa genre na kinabibilangan ng
isasalin. Halimbawa, hindi basta makapagsasalin
ng isang tula ang isang taong walang gaanong
alam sa mga matatalinghagang salita at mga
tayutay na karaniwang ginagamit sa isang tula.
Idagdag pa rito ang kaalaman ukol sa
magkakatugmang salita lalo na kung may sukat at
tugma ang tulang isasalin. Kung tula ang isasalin,
kailangang lumabas pa rin itong isang tula at hindi
prosa. Kung ito'y may sukat at tugma, kailangang
pagsikapan ng tagapagsaling mapanatili rin ito.
Tanong: Bakit kailangang isasaalang-alang ang
kultura at konteksto ng wikang isasalin?
PALIWANAG: May mga pagkakataon kasing ang
paraan ng pagsasaayos ng dokumento ng isang
wika depende sa kanilang nakasanayan ay naiiba
sa wikang pagsasalinan kaya't dapat din itong
bigyang-pansin ng magsasalin.
Tanong: Paano mo masasabing ang iyong
kakayahan sa pagsasalin ay nalinang na?
PALIWANAG:Sa pagsasalin kung sakaling sa
unang pagtatangka mo ay hindi mo agad
magawang makapagsalin nang halos kahimig ng
orihinal ay huwag kang mag-alala dahil habang
tumatagal ka sa gawaing ito at nagkakaroon ka ng
mas malawak na karanasan kung saan ay lalo
kang gagaling at malilinang ang iyong kahusayan
sa pagsasalin.
•Matapos talakayin ng guro ang mga angkop na
Pamantayan sa Pagsasaling-wika ay ipapasalin ng
guro ang sipi ng mitolohiyang si "Malakas at si
Maganda"
•Mula sa sipi ng mitolohiyang si "Si Malakas at si
Maganda" magbibigay ang guro ng gawain kung
saan ay isasalin ng mga mag-aaral ang sipi ng
mitolohiyang si "Malakas at si Maganda".
ABSTRAKSIYON
Mga Gabay na tanong:
1. Sa uulitin, ano ang mga dapat gawin sa
pagsasalin ng wika?
2. Bakit mahalaga na sundin ang mga alituntunin
sa pagsasalin ng salita o talata?