Sa kasalukuyan, nahuhuli na ang Pilipinas sa sistema ng edukasyon kung ikukumpara sa
ating mga karatig bansa. Ang pagkakaibang ito ay higit sa lahat dahil sa katotohanang maraming Pilipino ang nahihirapang umunawa, magbasa, at makabilang. Ayon kay Dr. Ernesto Servilion Jr., Iloilo School Division Superintendent, nabanggit niya na 52 na paaralan ang naitalang "zero non-readers", kung saan ang ibig sabihin na ang ilahad ng estudyante sa paaralan ay may kakayahan na makabasa at makapagsulat. Sa pagkita ko ng datos na ito, higit isang libo ang mga paaralan na may mga mag aaral na hindi marunong magbasa at magsulat kabilang na dito ang pribado at pampublikong mga paaralan.
Sa pamamagitan ng pagkakaroon ng epektibong emplimentasyon sa edukasyon, ang
MATATAG Curiculum na magsisilbing gabay sa mga mag-aaral mula Kindergarten hanggang Baitang sampu. Sa programang inilunsad na ito magkakaroon ang kabataang katulad ko na mapabuti ang kakayahan sa iba't ibang larangan sa pamamagitan ng mga paksang nag-uugnay sa karunungang pagbasa at pagbilang, wika, sipnayan, makabansa at Good manners and Right Conduct (GMRC).
Gayunpaman, naniniwala ako na ang pagpapatupad ng MATATAG Curiculum sa bansa ay
magbubunga ng tagumpay at mapapatunayang epektibo. Kabilang dito hindi lamang ang pagbabago ng mga asignatura sa kurikulum kundi ang paghubog sa mga kabataang Pilipino na maging handa para sa senior high school at kolehiyo. Bukod dito, ang pagkakaroon ng malinaw at kumpletong kurikulum ay maaaring makatulong sa pagtukoy ng mga lugar na kinakailangan ng pagbabago sa sistema ng ng edukasyon at pagpaplano ng mga estratehiya upang maabot ang mga ito. Sa ganitong paraan, ang pagpapatupad ng MATATAG kurikulum ay magiging pundasyon ng mas maunlad at responsableng lipunan sa hinaharap. Ang pagpapatupad ng ganitong uri ng kurikulum sa Pilipinas ay hindi lamang naglalayon na mapabuti ang kalidad ng edukasyon kundi pati na rin ang paghahanda sa mga mag-aaral upang maging produktibong miyembro ng lipunan sa hinaharap.
Sa halip na makipagtalo laban sa kurikulum, isaalang-alang ang epekto sa mga kabataan
na hindi nakakakuha ng mga pangunahing kasanayan sa pagbasa at pagbilang. Mahalagang kilalanin na ang proyektong ito ay hindi lamang makakaapekto sa mga mag-aaral kundi pati na rin sa reputasyon ng ating bansa. Mag-ambag tayo sa inisyatiba sa pamamagitan ng pagtataguyod ng pagsulong ng ating bansa. Bilang bansang makabata nawa ay maging parte tayo ng kilos na ito sa pamamagitan ng pagsuporta tungo sa pag-unlad ng ating bansa at magkaroon ng mga batang makabansa.