______________________________________________________________________________

Pangalan: MUBARAK M. TAHIR Asignatura at Koda: FIL 405/ 12099

PANGHULING PAGSUSULIT

TAMBALAN AT PANGKATANG INTERAKSYON AT SA PEER TEACHING

Malayo na ang narating ng sistema ng edukasyon sa bansa. Mula sa katutubong pamaraan

ng pagkatutubo gaya ng katuruan ng mga matatanda sa mga bata sa loob ng kanilang mga tahanan

at komunidad katulad ng mga sawikain, kawikaan, at kasabihan hanggang sa pananakop ng mga

dayuhan gaya ng mga Kastila na halos tatlong daan at tatlumpu’t tatlong taon din ang itinagal,

pananakop ng mga Amerikano, at ng mga Hapon. Ang mga pangyayari sa kasaysayan ay malaki

ang impluwensya sa sistema ng edukasyon ng bansa hanggang sa kasalukuyan.

Hindi maitatanggi na tila roller coaster ang ebolusyon ng edukasyon sa Pilipinas-

komplikado at isang masalimuot na katotohanan. Kasabay ng mga pagbabagong ito ay

nakaangkla rin sa sistemang pambatas ang edukasyon ng Pilipinas na batay iba’t ibang ebolusyon

o yugto rin ng kasaysayan ng konstitusyon ng bansa. Kaya hindi nakapagtataka na walang

malinaw na direksyon at tunguhin ang sistema ng edukasyon ang bansa dahil sa kawalan ng

istandardisadong sistema o balangkas ng edukasyon.

Sa pagbabago at pag-unlad ng lahat ng aspeto ng edukasyon, kasabay rin nito ang

pagpapaunlad ng kahusayan at kasanayan ng mga guro sa iba’t ibang disiplina. Ang mga

kasanayan na ito ay nakaangkla sa pangangailang pang-edukasyon ng mga mag-aaral at iba pang

mga kabilang dito. Ngunit sa mga pagbabagong ito, may iba’t ibang suliraning pangwika at

pampedagohiya ang mga guro lalo na sa larangan ng paggamit at pagtuturo ng wikang Filipino sa
lahat ng antas. Isa itong malaking hamon sa mga guro sa Filipino lalo’t makikita na hindi matatag

at hindi malakas ang pundasyon ng wikang Filipino sa mga mag-aaral at ito nga ang implikasyon

ng suliraning pangwika ng bansa batay sa edukasyon.

Kasabay ng iba’t ibang suliraning pang-edukasyon sa tila mga kabuteng

nagsisulputan ay sumasabay rin ang mga pagbabagong nagaganap sa estilo,

pamaraan, pedagohiya, at iba pang konseptong may kaugnayan sa pagtuturo at

pagkatuto ng mga mag-aaral maging ng mga guro na hahasa sa kanilang husay

at pagiging epektibo sa pagtuturo. Isa sa mga pagbabagong naganap ay ang

pagbibigay-diin o pansin sa konsepto ng tambalan, pangkatang interaksyon, at

sa peer teaching. Ang tatlong magkaugnay ngunit magkaibang konsepto na ito

ay malaki ang impluwensya sa pagbabago ng estilo ng pagtuturo at pagkatuto.

Hindi ito isang kombensyonal na pamaraan ng pagkatuto at pagtuturo.

Ang tambalan o ang tiatawag na pairing ay binigyan nito ng oportunidad

ang mga mag-aaral na matuto sa kapwa nilang mag-aaral lalo na ang mga mag-

aaral na mas nais ang interpersonal na pagkatuto (Bilash 2009). Ang konsepto

ng tambalan ay binibigyang diin na sa pamamagitan ng dalawahan o interaksyon

ng dalawang mag-aaral ay napapalawak nila ang kanilang kaalaman,

napapalawak ang iba’t ibang konsepto ng isang paksa dahil nabubuong

pakikipaglagayang loob ng kapwa mag-aaral. Sa kabila nito, may nakikita ring

kahinaan ang konsepto ng pairing. Kapag ang mag-aaral hindi maayos na

napagtambal ay maaaring ang kapwa mag-aaral na may advans na kahusayan

ay parehong makakakuha ng mataas na grado (Bilash 2009). Ang ganitong

gawain ay kinakailangang bigyang pansin.

Ayon naman sa Center for Teaching Innovation, ang pangkatang

interaksyon o mas kilala sa collaborative learning ay maaaring isagawa ng peer-

to-peer o pangkatan. Pumapasok dito ang konsepto ng two or three heads are

better than one. Napatunayan at lumabas din sa mga pananaliksik na ang

kolaboratibo o pangkatang pagkatuto ay nagkakaroon ng pagkakataon na

magkaroon ng pagkakaunawaan ang mga mag-aaral sa isang tiyak na paksa.

Isa sa mga halimbawa ng mga pangkatang gawain ng pagkatuto ay

pagsasagawa ng video making sa isang asignatura. Ang ganitong uri ng gawain

ay hindi maisasakatuparan ng isang mag-aaral lamang ngunit mas mainam at

makabubuti kung isasagawa ito ng isang pangkat.

Sa kabilang banda, kinakailangang magkaroon din ng maayos na panuto

at direksyon ang guro sa kung ano ang kanyang inaasahan mula sa isang

pangkat sa pamamagitan ng paghahain ng mga batayan sa pagsasagawa ng

pangangailangan at isang malinaw na krayterya. Mahalaga rin ipasok ang

konsepto ng peer evaluation.

Isa rin sa mahahalagang konsepto ng pagkatuto at pagtuturo ay ang peer

teaching. Ang peer teaching ay pinapaunlad nito ang kasanayan ng mga mag-
aaral sa pagkatuto gaya ng pagrerebyu, pag-oorganisa, at pagkokonsolida ng

mga kaalaman at material; pag-unawa ng mga batayang istruktura; pagpupuna

ng gaps; paghanap ng karagdagang kahulugan; at repormuladong kaalaman sa

bagong konsepto ng mga balangkas (Dueck, 1993). Maituturing din na ang peer

teaching ay malaki ang impluwensya ng pagkatuto ng mga mag-aaral. Ang

patnubay ng mag-aaral ay binibigyang pagkakataon nito ang mga mag-aaral na

hindi dumipende sa mga guro at makakuha ng maraming oportunidad na

mapalawak pa nila ang kanilang kaalaman (Farivar at Webb 1994).

Ang mga gawaing pagkatuto at pagtuturo na ito ay mas lalo pang

pinaigting dahil sa pagpasok ng ika-21 siglo ng pagkatuto ng mga mag-aaral.

Nangangahulugan lamang ito na umuusad at umuunlad ang sistema ng

edukasyon sa bansa dahil sa iba’t ibang pangangailangang pang-edukasyon.

Sa pangkalahatan, mahalaga na bigyang tuon at pansin ng mga

administrador, guro, at staff ang mga suliraning pang-edukasyon lalo na ang iba’t

ibang estratehiya, estilo, pamaraan, at pedagohiya sa pagtuturo at pagkatuto.