შემოქმედების მწვერვალია , რომელსაც საფუძვლად უდევს
სვეტიცხოვლის მშენებლობის ნახევრად ლეგენდური ისტორია . რომანში არაერთი საინტერესო პერსონაჟი გვხვდება , რომელთა შორის ფარსმან სპარსი ერთ - ერთი სრულიად გამორჩეული და ორიგინალურია . ფარსმანი მაშინ იქცა ნადიმიდან გაგდებულ ადამიანად , როცა ჯერ კიდევ ისეთ ასაკში იყო , როცა არაფერი არ ჰქონდა დაშავებული და სწორედ ამან განაპირობა , რომ ოდესღაც უზრუნველი და ნებიერი ჭაბუკი , მტერთან ბრძოლებში გმირობის გამოჩენაზე მეოცნებე ახალგაზრდა , თავად იქცევა ადამიანთა მოდგმის იდუმალ მტრად . სრულიად ახალგაზრდა შურისძიების წყურვილმა გააბოროტა , ხოლო ბაგრატიონების მიმართ სიძულვილი შემდგომ მთელი ქვეყნის სიძულვილად ექცა . მოცემული მონაკვეთით ხაზი ესმევა მის სულიერ სიმტკიცესა და გაბედულობას , როცა ფარსმანი ზის იმავე აქლემზე , რომელზეც ხურჯინით ჰკიდია ბაქარ ჩორჩანელის , მამამისის თავი . ჩემი აზრით , ამ სიტუაციის გაძლება , ისე თავის მოკატუნება თითქოს არაფერი ხდება და უბრალოდ ჩუმად , აუღელვებლად მინდობა ბედის საკმაოდ დიდ სულიერ სიმტკიცესა და ფსიქიკას მოითხოვს , რადგან ადამიანები მაშინაც კი გიჟს ემსგავსებიან ხოლმე , როცა სრულიად უცხო კაცის მოჭრილ თავს ხედავენ და ფარსმანი მამის თავთან ერთად იჯდა ერთ აქლემზე ისე , თითქოს აქ განსაკუთრებული არაფერი იყოს . ფარსმანი დიდი მეომარიც და დიდი მეცნიერიც იყო და სწორედ ამით , აღჭურვილი , იგი შემაძრწუნებლად საშიში გახდა გარშემო მყოფთათვის , ვინაიდან მას ამოძრავებდა მხოლოდ შურისძიება და სიძულვილი ადამიანთა მიმართ . ვფიქრობ , ფარსმანის ხვედრი იყო მთელი ცხოვრება შურისძიებასა და სიძულვილში გაეტარებინა , იმის მიუხედავად , რომ მაშინ , როცა ეს ყველაფერი იგემა ჯერ კიდევ სრულიად უდანაშაულო იყო . მისი ცხოვრების სრული ამობრუნება სწორედ მაშინ მოხდა , როცა ჯერ კიდევ ახალგაზრდა ჭაბუკი იყო , ყველაფერი იმის მიზეზი , რაც შემდგომში მოიმოქმედა იყო ბაგრატ კურაპალატის მიერ სუმბატ ჩორჩანელის თავის მოკვეთა , შემდგომ კი ბაქარ ჩორჩანელის , რის შემდეგაც ფარსმანს არაფერი დარჩენოდა თუ არა შურისძიება და ერთადერთი პრინციპი , რომელიც მას გააჩნდება იყო სწორედ , უპრინციპობა . „ დიდოსტატის მარჯვენა “ მისი განსხვავებული წერის მანერით და ენით გამოირჩევა , რამაც აზრთა სხვადასხვაობა აღძვრა მკითხველში , თუმცა გამსახურდია ამასაც პასუხობს და ამბობს , რომ „ ჩემი ლიტერატურული ოპოზიციის შეძახილი არაოდეს მაიძულებს მდარე გემოვნების ხარისხზე ჩამოსვლას “. ის საკმაოდ კარგად , დეტალურად აღწერს ყველა იმ მოვლენას , რომელიც იმ დროს ხდებოდა და არ იშურებს არაფერს , რომ ეს ყველაფერი საიტერესოდ და ცოცხლად წარმოგვიდგინოს . მოცემულ მონაკვეთში , ავტორი არაერთ მხატვრულ საშუალებას იყენებს , რომელთა შორის აღნიშვნის ღირსია შემდეგი მეტაფორა „ ცხოვრება უდაბნოა ურწყული და ეცადე გარს შემოუარო “ ამ მეტაფორით ვარდან მზრდელი , ფარსმანს უხსნის , რომ ცხოვრება საკმაოდ რთულია და ყოველთვის უნდა ეცადო , როგორმე ამ სირთულეს აარიდო თავი , ასევე აღსანიშნავია ის ეპითეტები , რომელსაც ავტორი იყენებს , მაგალითად , „ ღატაკური “ ; „ თავშიშველა “ ; „ ორკუზიანი “ ; „ უწყლო “ ; „ დამშეული “ , რომლებითაც უფრო ცოცხალი და ადვილად აღსაქმელი ხდება სიტუაცია მკითხველისათვის . საბოლოო ჯამში , ავტორის მიერ გამოყენებული ყველა მხატვრული საშუალება უფრო ცოცხალს , საინტერესოს და მკითხველისათვის უფრო გასაგებს ხდის ნაწარმოებს .