Professional Documents
Culture Documents
1 2
1 2
1
დასავლეთის ქვეყნების გამდიდრებამ და შრომის სახელმწიფოს მიერ დარეგულირებამ
მნიშვნელოვნად შეამცირა დასაქმებულ ადამიანთა მუშაობაზე დახარჯული დრო. 70-იანი
წლებიდან სამუშაო კვირა განისაზღვრა 40-44 საათით, ხოლო დამატებით საათებზე
დამსაქმებელმა 25 % ან 50 %-ით მეტი უნდა გადაუხადოს დასაქმებულს. 2000 წლიდან
საფანგეთში 35 საათიანი სამუშაო კვირა დააკანონეს. 2004 წლიდან ევროკავშირში განისაზღვრა
მაქსიმალური სამუშაო დრო, ეს არის კვირაში 48 საათი. დასაქმებულს არ შეუძლია 48 საათზე
მეტი იმუშაოს. შრომის ასეთმა დარეგულირებამ საგრძნობლად შეამცირა დასავლეთის
ქვეყნებში ერთ სულ მოსახლეზე სამუშაო დრო. თუ 1900 საუკუნის ბოლოს საშუალო წლიური
სამუშაო დრო 1300 საათი იყო, 1950 წელს 950 საათამდე შემცირდა, ხოლო მე-20 საუკუნის
ბოლოს უკვე 600 საათი იყო. ბუნებრივია, სამუშაო დროის შემცირება მხოლოდ რეგულაციების
შედეგი არ იყო, სიმდიდრის და კაპიტალის დაგროვება, ტექნოლოგიური პროგრესი სულ უფრო
ნაკლებად აიძულებდა ადამიანებს ბევრი ეშრომათ. თუმცა, „აზიურ ვეფხვებში“ და ჩინეთში
დღესაც 1000 საათზე მეტს მუაობენ, რაც ერთ დასაქმებულზე გამომუშავებული პროდუქტის
რაოდენობას მნიშვნელოვნად ზრდის.
ამ პერიოდს თან ახლავს ურბანიზაციის დონის ზრდა, რაც აისახა დასაქმების სექტორულ
გადანაწილებაში. საუკუნის ბოლოს დასავლეთის ქვეყნებში სოფლის მეურნეობაში ქვეყნების
მიხედვით მაქსიმუმ 5 % იყო დასაქმებული, მრეწველობაში კი 15-25 %, დანარჩენი დაქმებული
იყო მომსახურების სექტორში. მაგალითად, აშშ-ის მოსახლეობის 80 პროცენტი დასაქმებული
იყო მომსახურების სექტორში.
გარდა იმისა, რომ მე-20 საუკუნის ბოლო ათწლეულებში დასავლეთის ქვეყნებმა დიდ
წარმატებას მიაღწიეს ცივ ომში საბჭოთა კავშირის წინააღმდეგ, 80-იან წლებში ეკონომიკურ
წარმატებასაც მიაღწიეს აშშ-მა და გაერთიანებულმა სამეფომ (UK). ეს წარამტება განაპირობეს
აშშ-ის პრეზიდენტმა რონალდ რეიგანმა და ინგლისის პრემიერ მინისტრმა მარგარეტ ტეტჩერმა.
მათმა გაატარეს კონსერვატიული ეკონომიკური რეფორმები, რაც გულისხმობდა
მონეტარისტული პოლიტიკის გამკაცრებას (ფულის მიწოდების კონტროლი), სახელმწიფო
საწარმოების პრივატიზაციას, გადასახადების და ბიუროკრატიის შემცირებას, რეგულაციების
შემცირებას. შედეგად, აშშ-ის და ინგლისის ეკონომიკა 80-იან წლებში საშუალოდ 4-5 %-ით
იზრდებოდა, რაც მნიშველოვნად მაღალი ზრდის ტემპია განვითარებული ეკონომიკის მქონე
ქვეყნებისთვის.