Gabay na mga katanungan sa pagbuo ng proposal o panukalang pananaliksik
Panimula
Ano ang iyong paksa?
Ano ang iyong layunin sa pagsasaliksik ng nasabing paksa? Ano ang pangkalahatang layunin ng iyong proposal o panukala? Ano ano naman ang mga ispesipikong layunin nito? Maglahad ng 3. Ano ang magiging saklaw ng pag-aaral? (Ano ang sakop ng pag-aaral na gagawin mo kaugnay sa paksa at sa nabuong pamagat ng iyong proposal?) Ano ang kahalagahan ng paksa na iyong napili para sa isasagawang pananaliksik? (Research priority area) Ano ang posibleng kontribusyon ng pag-aaral sa lipunan at sa disiplinang iyong kinukuha? Sa paanong paraan matutugunan ng iyong pananaliksik ang pangangailangan ng iyong komunidad na kinabibilangan?
Mga Kaugnay na Pag-aaral
Anong mga pananaliksik ang naisagawa na kaugnay sa paksang iyong napili?
Anong mga datos ang nailahad na ng ibang mayakda kaugnay dito. Ano anong mga resulta ng pananaliksik ang iyong natunghayan kaugnay sa paksa? May natunghayan ka bang pagkakapareho o pagkakaiba? Sikaping mailahad ito. Anong “gap” ang iyong nakita mula sa mga akda at kaugnay na literatura na nabasa mo?
Metodo / Pamamaraan ng pananaliksik
Anong pamamaraan ng pangangalap ng datos ang iyong isasagawa?
(observation, interviews, document analysis, focus group, photography and video, etc.)?Ilarawan kung paano ito isasagawa. Sino – sino ang mga magiging kasangkot sa iyong pag-aaral? Ano ang magiging setting o lugar na sakop ng iyong paksang napili? Anong pamamaraan nang pag-aanalisa ng datos ang iyong gagamitin
Implikasyon ng pag-aaral
Ano ang inaasahang tunguhin ngi yong proposal?
Ano ang magiging kontribusyon nito sa disiplina at erya na iyong napili mula sa ating institutional research agenda/ research priority area/s? Ano ang nakikita mong magiging limitasyon ng iyong pag-aaral na maaaring matugunan sa mga susunod na isasagawang pananaliksik na kaugnay sa iyong paksa?