Silay Institute, Incorporated

Rizal Street, Silay City, Negros Occidental

MODYUL
sa
KOMUNIKASYON SA AKADEMIKONG FILIPINO

Instruktor: RICHARD ABORDO PANES

Koda ng Kurso: GEF01
Antas & Pangkat: BSCS 1-A,B,C & BSBA 1-C & D, BSOA 1-A
Akademikong Taon & Semestre 2022-2023, Unang Semestre

ARALIN 3:
ANG WIKANG PAMBANSA NG PILIPINAS
1
 Silay Institute, Incorporated
Rizal Street, Silay City, Negros Occidental

MODYUL
sa
KOMUNIKASYON SA AKADEMIKONG FILIPINO

Instruktor: RICHARD ABORDO PANES

Koda ng Kurso: GEF01
Antas & Pangkat: BSCS 1-A,B,C & BSBA 1-C & D, BSOA 1-A
Akademikong Taon & Semestre 2022-2023, Unang Semestre

Introduksyon
Ang Pilipinas ay isang kapuluang binubuo ng iba’t ibang pangkat ng mga
Pilipinong gumagamit ng iba’t ibang wika at dayalekto. Humigit-kumulang 150
wika at dayalekto ang umiiral sa ating bansa. Ang kalagayang ito ang naging
pangunahing dahilan kung bakit kinakailangang magkaroon tayo ng isang wikang
mauunawaan at masasalita ng karamihan sa mga Pilipino. Ang wikang ito ang
magbubuklod sa atin bilang mamamayan ng bansang Pilipinas at tatawaging Wikang
Pambansa.

Kung babalikan ang ating kasaysayan, makikitang hindi naging madali ang
pagpili sa wikang pagbabatay ng wikang Pambansa. Mahaba at masalimuot ang
prosesong pinagdaanan nito.

Ang tao, bukod sa talino ay ganap na biniyayaan ng Diyos ng kakayahang

makapagsalita.Anupat ang naging saltik ng kanyang dila ay tinawag na wika.Ang
wikang sapul nang matutuhan niyang sambitin ay naging napakahalaga kahit ito’y
naging isang pinak-karaniwang gamitin niya sa araw-araw dahil ito ang nag-uudyok
sa kanyang makipagkapwa.

Ngunit ano man ang iyong nakagisnang wika marapat lamang na tangkilikin
natin at gamitin ang ating wikang pambansa sapagkat dito nagsisimula ang
pagkakaugnay-ugnay at pagkakaisa ng mga mamamayan ng isang bansa.

Higit kanino man ang naging Pangulong Manuel Luis Quezon ang lalong
masigasig at walang pag-aatubili sa pagpupunyagi’t pagtataguyod upang magkaroon
ng Wikang Pambansa.Sa kanyang walang kapantay na pagsusumikap, siya’y
tinaguriang Ama ng Wikang Pambansa.”kalabisan nang liwanagin pa”anya “ang
pahayag na ang isang bayang bumubuo sa isang kabansaan at isang estado ay
magkaroon ng isang wikang sinasalita at nauunawaan ng lahat. Ito’y nasa pinaka-

2
 Silay Institute, Incorporated
Rizal Street, Silay City, Negros Occidental

MODYUL
sa
KOMUNIKASYON SA AKADEMIKONG FILIPINO

Instruktor: RICHARD ABORDO PANES

Koda ng Kurso: GEF01
Antas & Pangkat: BSCS 1-A,B,C & BSBA 1-C & D, BSOA 1-A
Akademikong Taon & Semestre 2022-2023, Unang Semestre

matibay na buklod na bumubigkis sa bayan at nagpapaunlad sa ipagkakaisa ng mga

pambansang mithiin, lunggati at damdamin.

Ang pagkakaroon ng isang Wikang Pambansa ay malinaw na nakasaad sa

saligang batas 1978 ay matiyak na tadhana tungkol sa wika at ito ay matatagpuan sa
Artikulo XIV,Seksyon 6 at Seksyon 7.

Ang wikang pambansa ng Pilipinas,samantalang nalilinang,ito’y dapat

ipagyabang at pagyamanin sa umuunlad na Wika sa Filipino at ibang Wika.
Alinsunod sa mga tadhanang batas at sang-ayon sa nararapat na maaring ipasya ng
kongreso,dapat maghanda ng mga hakbangin ang pamahalaan upang ibunsod at
puspusang itaguyod ang paggamit ng Filipino bilang panturo sa alinmang
edukasyon.Seksyon 7,ukol sa mga layunin ng komunikasyon at pagtuturo,ang
opisyal na wika sa Pilipinas ay Filipino at hanggang ang batas ay hindi pa
nagtatadhana ng iba.

Kasaysayan ng Wikang Pambansa

1. PANAHON NG KASTILA
➢ Ipinag-utos ng hari espanya na turuan ang mga katutubo ng wikang
kastila.Ngunit hindi nila nasunod ang utos ng hari bagkus sila ang
nag-aral sa wikang katutubo sa tatlong dahilan:
a. Ayaw nilang mahihigitan ang kanilang talino ng mga
katutubo.
b. Natatakot sila baka maghimagsik ang mga katutubo
laban sa kanila.

3
 Silay Institute, Incorporated
Rizal Street, Silay City, Negros Occidental

MODYUL
sa
KOMUNIKASYON SA AKADEMIKONG FILIPINO

Instruktor: RICHARD ABORDO PANES

Koda ng Kurso: GEF01
Antas & Pangkat: BSCS 1-A,B,C & BSBA 1-C & D, BSOA 1-A
Akademikong Taon & Semestre 2022-2023, Unang Semestre

c. Nangangambang baka magsumbong sa hari ng Espanya

ang mga katutubo tungkol sa kabalbalang ginawa ng
mga Kastila sa Pilipinas.

2. PANAHON NG REBOLUSYONG PILIPINO

➢ Sa panahong ito ay namulat ang isipan at damdaming makabayan ng
mga Pilipino .
➢ Dito naitatag ang “ kartilya ng Katipunan “ na nakasulat sa wikang
Tagalog.
➢ Sa panahong ito ay maraming naisulat na mga akdang pampanitikan
na siyang nagpapagising sa damdaming makabayan at sumibol ang
nasyonalismong Pilipino.
➢ Sa pamamagitan ng Biak na Bato (1897), nakasaad na ang wikang
Tagalog ang siyang magiging wikang opisyal ng Pilipinas
➢ Nagpatayo sila ng pitong pampublikong paaralan sa Maynila na kung
saan ang mga sundalong Amerikano ang kanilang unang nagging
guro.
➢ Monroe Educational Commission (1925) – Nagsasaad na mabagal
matuto ang mga batang Pilipino kung Ingles ang gamiting wikang
panturo sa paaralan batay sa ginawang sarbey.
➢ Panukalang Batas Blg. 577 (1932) – gamitin bilang wikang panturo
sa mga paaralang primary ang mga katutubong wika mula taong
panuruan 1932-1933.

3. PANAHONG PAGSASARILI
➢ Saligang Batas ng 1935, Artikulo XIV, Seksyon 3 –ay nagsasabing
ang kongreso ay gagawa ng hakbang tungo sa pagpapatibay at
pagpapaunlad ng isang wikang pambansa na ibabatay sa isa sa mga
umiiral na katutubong wika sa kapuluan.
➢ Pagtibayin ang Batas Komonwelt Blg. 184 (1936). Itinatag ng
katanggapan ng Surian ng Wikang Pambansa na binigyan ng
kapangyarihang gumawa ng mga pag-aaral sa lahat ng mga
sinasalitang wika sa kapuluan.

4
 Silay Institute, Incorporated
Rizal Street, Silay City, Negros Occidental

MODYUL
sa
KOMUNIKASYON SA AKADEMIKONG FILIPINO

Instruktor: RICHARD ABORDO PANES

Koda ng Kurso: GEF01
Antas & Pangkat: BSCS 1-A,B,C & BSBA 1-C & D, BSOA 1-A
Akademikong Taon & Semestre 2022-2023, Unang Semestre

➢ Nobyembre 9, 1937 – Isinumite ng mga miyembro ng SWP kay

Pangulong Quezon ang kanilang rekomendasyong tagalog ang
gagamiting batayansa pagpili ng wikang pambansa.
➢ Disyembre 30, 1939 – Nagkabisa ang kautusang Tagapagpaganap
Blg. 134 na wikang tagalog ang gawing batayan sa pagpili ng wikang
pambansa ng Pilipinas. Ito ay ipinahayag ni Pangulong Quezon sa
pamamagitan ng brodkast sa radio mula sa Malacanang.
➢ Disyembre 13, 1939- Nailimbag ang kauna-unahang Balarilang
Pilipino na siyang bunga ng walang pagod na pagsusumikap at
pagmamalasakit sa wika ni G. Lope K. Santos na kinikilalang “ Ama
ng Balarilang Pilipino.”
➢ Abril 1, 1940, kautusang Tagapagpaganap Blg. 263 – dito
ipinalimbag ang diksyunaryong Tagalog-Ingles at ng Balarilang ng
Wikang Pambansa upang magamit ng paaralan sa buong kapuluan.
➢ Hunyo 19, 1940 – dito sinimulang ituro ang pambansang wikang
nakabatay sa Tagalog sa mga paralang pribado at pampubliko.

4. PANAHON NG HAPON
➢ Sumiklab ang ikalawang digmaang pandaigdig at nasarado ang mga
paaralan.
➢ Pagkatapos ng digmaan ay binuksan muli ang mga paaralan at
ipinagamit ang wikang katutubo bilang wikang panturo at
pinakalimutan ang wikang Ingles.
➢ Naging maunlad sa panitikan ang Pilipinas.
➢ Inalis ang kurikulum ang wikang Ingles at sapilitang ipinaturo ang
wikang pambansa at wikang Niponggo.
➢ Binigyang diin ang Niponggo sa mga paaralan at Institusyon.
➢ Nobyembre 30,1943 – Nilagdaan ni Pangulong Jose P. Laurel ang
Kautusang Tagapagpaganap Blg. 10 na nagtakda ng ilang repormang
pang-edukasyon, isa sa mga iyon ay ang pagtuturo ng wikang
pambansa sa lahat ng publiko at pribadong paaralan ng hayskul
,kolehiyo at unibersidad.

5
 Silay Institute, Incorporated
Rizal Street, Silay City, Negros Occidental

MODYUL
sa
KOMUNIKASYON SA AKADEMIKONG FILIPINO

Instruktor: RICHARD ABORDO PANES

Koda ng Kurso: GEF01
Antas & Pangkat: BSCS 1-A,B,C & BSBA 1-C & D, BSOA 1-A
Akademikong Taon & Semestre 2022-2023, Unang Semestre

➢ Enero 3, 1944 – Binuksan ang isang Surian ng tagalog na tulad ng

Surian ng Niponggo upang ituro ang mga tagalog sa mga gurong di-
tagalog.

5. PANAHON NG REPUBLIKA
➢ Hulyo 4, 1946- Ipinalabas sa Batas Komonwelt Blg. 570 na ang
wikang pambansa ay isa ng wikang opisyal sa Pilipinas.
➢ 1946 – Ang wikang pambansa ay tatawaging “ Wikang Pambansang
Pilipino.”
➢ Proklamasyon Blg. 13 noong Marso 26, 1954 – ay nilagdaan ni
Pangulong Ramon Magsaysay ang tungkol sa pagdiriwang ng Linggo
ng Wika tuwing Marso 29- Abril 4.
➢ Proklamasyon Blg. 186 noong Setyembre 23,1955 na nagsasabing
inilipat ang petsa ng pagdiriwang ng Linggo ng Wika sa Agosto 13-19
na kung saan itinapat ang huling araw ng pagdiriwang sa kaarawan ni
Pangulong Manuel L. Quezon na binigyang karangalan “ Ama ng
Wikang Pambansa .”
➢ Kautusang Tagapagpaganap Blg. 7 noong Agosto 13 ,1959 na
nagsasabing na ang wikang pambansa ay Pilipino.
➢ Kautusang Pangkagawaran Blg. 96 (1967) – na pangalanan sa
Pilipino ang mga gusali at tanggapan ng ating pamahalaan.
➢ Resolusyon Blg. 70 (1970) – ay nagsasabing ang wikang pambansa ay
nagging wikang panturo sa antas elementarya.
➢ Memorandum Sirkular 488, Hulyo 29, 1971. Humiling sa lahat ng
tanggapan ng pamahalaan na magdaos ng palatuntunan sa pagdiriwang
ng lingo ng Wikang pambansa tuwing Agosto 13-19.

6. PANAHON NG BAGONG LIPUNAN

➢ Resolusyon Blg. 73 (1973) – iniluwal ang patakarang bilingguwal. Ito
ay ang paggamit ng wikang Ingles at Pilipino bilang midyum ng
pagtuturo sa mga tiyak na aralin at bilang hiwalay na asignatura sa
kurikulum mula unang baiting ng mababang paaralan hanggang
Kolehiyo sa lahat ng paaralan.

6
 Silay Institute, Incorporated
Rizal Street, Silay City, Negros Occidental

MODYUL
sa
KOMUNIKASYON SA AKADEMIKONG FILIPINO

Instruktor: RICHARD ABORDO PANES

Koda ng Kurso: GEF01
Antas & Pangkat: BSCS 1-A,B,C & BSBA 1-C & D, BSOA 1-A
Akademikong Taon & Semestre 2022-2023, Unang Semestre

➢ Noong 1974-75 – ay sinimulang ipatupad ang patakarang Edukasyong

Bilingguwal.
➢ Ipinalabas ang mga aklat ng “ Mga Katawagang sa Edukasyong
Bilingguwal “ noong 1975 upang mabilis na maipalaganap ang
bilingguwalismo.
➢ Memorandum Serkular 77 (1977) – pagsasanay ng mga pinuno at
kawani ng mga pamahalaang local sa paggamit ng wikang Pilipino sa
mga transaksyon,komunikasyon at korespondensya.
➢ Lumabas ang kautusang Pangministri Blg. 22 (1978) na nag uutos
ng pagkakaroon ng 6 na yunit na Pilipino sa lahat ng kurso sa
tersyarya at 12 yunit sa mga kursong pang-edukasyon.
➢ Kautusang pangministri Blg. 40 (1979) – ang mga estudyante sa
medisina, dentisa , abogasya at paaralang gradwado ay magkaroon na
rin ng asignaturang Pilipino pati na rin ang mga estudyanteng
dayuhan.
➢ Memorandum Sirkular Blg. 80-86 ( Nobyembre 1980 ) – nag-aatas
sa lahat ng mga gobernador at mayor ng Pilipinas sa isa-Pilipino ang
mga Sagisag-opisyal.
➢ Kautusang Pangministri Blg. 102 – nagtatakda ng mga Sentro sa
Pagsasanay ng mga guro sa Pilipino bilang midyum ng pagtuturo sa
antas tersyarya.
➢ Constitutional Commission ( Setyembre 10, 1983 ) – nagpatibay na
ang Pilipino ay gagawin bilang Wikang Pambansa.

7. PANAHON NG KASALUKUYAN
➢ Oktubre 12,1986- pinagtibay ang implementasyon ng paggamit ng
Filipino bilang pambansang wika, gaya ng isinasaad sa 1987
konstitusyon ng Pilipinas ( artikulo 4 seksyon 6 ). “Ang wikang
pambansa ng Pilipinas ay Filipino. Samantalang nililinang ito ay dapat
payabungin at pagyamaninpa salig sa umiiral na wika sa Pilipinas at
iba pang wika”
➢ Kautusang Tagapagpaganap Blg. 117 ( Enero 1987 ) – ang dating
Surian ng Wikang Pambansa ng (SWP) ay pinalitan ng Linangan ng
mga Wika sa Pilipinas (LWP).
7
 Silay Institute, Incorporated
Rizal Street, Silay City, Negros Occidental

MODYUL
sa
KOMUNIKASYON SA AKADEMIKONG FILIPINO

Instruktor: RICHARD ABORDO PANES

Koda ng Kurso: GEF01
Antas & Pangkat: BSCS 1-A,B,C & BSBA 1-C & D, BSOA 1-A
Akademikong Taon & Semestre 2022-2023, Unang Semestre

➢ Kautusang Pangkagawaran Blg.84 (1988) – nag-aatas sa lahat ng

opisyal sa DECS na isakatuparan ang kautusang tagapagpaganap Blg.
335 na nag-uutos na gamitin ang Filipino sa lahat ng komunikasyon at
transakyon ng pamahalaan.
➢ Marso 19, 1989 – ipinalabas ng kalihim Isidro Carino ng Edukasyon ,
kultura at Palakasan ang kautusang pangkagawaran Blg. 21 na
nagtagubilin na gamitin ang Filipino sa pagbigkas ng panunumpa ng
katapatan sa Saligang Batas at sa bayan natin.
➢ Batas Republika Blg. 7104 (Agosto 14,1991) – nilikha ang
komisyon Sa Wikang Filipino (KWF) bilang alinsunod sa Artikulo
XIV, Seksyon 9 ng 1987 konstitusyon.
➢ Hulyo 15, 1997 – nilagdaan at ipinalabas ni Pangulong Fidel V.
Ramos ang Proklamasyon Blg. 1041 na nagpapahayag ng taunang
pagdiriwang ng Buwan ng Wikang Pambansa mula Agosto 1-31 na
dating Linggo ng Wika.

Sanggunian
AKLAT

1. Angeles, Feliciana S. et. Al ( 2005 ). Sining ng Pakikipagtalastasan ( Pantersyarya )

Booklore Publishing Corporation

2. Angeles, Feliciana S. et.al ( 2005 ). Pagbasa at Pagsulat sa Iba’t Ibang Disiplina.

Booklore Publishing Corporation

3. Arrogante, Jose et.al. (2007). Pagbasa at Pagsulat Tungo sa Pananaliksik.

Manila:National Book Store.

4. Badayos, Paquito B. et. al. (2010). Pagbasa at Pagsulat Tungo sa Pananaliksik:Batayan at

Sanayang Aklat sa Filipino 2.Malabon City: Mutya Publishing House.

5. Belvez, Paz M. et.al. ( 2004 ). Pagbasa at Pagsulat sa Iba’t Ibang Disiplina. Rex Book
Store, Sampaloc Manila

6. Carpio, Perla S. ( 2012 ). Komunikasyon sa Akademikong Filipino, Jimcyzville

Publications. Malabon City

8
 Silay Institute, Incorporated
Rizal Street, Silay City, Negros Occidental

MODYUL
sa
KOMUNIKASYON SA AKADEMIKONG FILIPINO

Instruktor: RICHARD ABORDO PANES

Koda ng Kurso: GEF01
Antas & Pangkat: BSCS 1-A,B,C & BSBA 1-C & D, BSOA 1-A
Akademikong Taon & Semestre 2022-2023, Unang Semestre

7. Castro, Florian (2008). Pagbasa at Pagsulat Tungo sa Pananaliksik. Manila:Grandbooks

Publishing.
8. Castillo, Mary Joy A. ( 2017 ). Pagbasa ta Pagsulat Tungo sa Pananaliksik. Filipino 2.
Jimczyville Publications, Tinajeros, Malabon City

9. Dayag, Alma M. ( 2016 ). Pinagyamang Pluma. Komunikasyon at Pananaliksik sa Wika

at Kulturang Pilipino. Phoenix Publishing House, Inc, Quezon City

10. Espina, Leticia (2009). Pagbasa at Pagsulat Tungo sa Pananaliksik. Manila :

Mindshapers.

11. Garcia, Lakandupil G. et. al. ( 2006 ) Komnikasyon sa Akademikong Filipino. Jimcy
Publishing House, Cabanatuan City.

12. Garcia, Lakandupil C. et. al. (2008). Kalatas: Pagbasa at Pagsulat Tungo sa Pananaliksik
(Binagong Edisyon).Cabanatuan City: Jimcy Publishing House

13. Lachica, Venerabda S. et. al.(2006) Dokumentasyon ng Komunikasyon sa Riserts (Unang

Edisyon). GMK Publishing House, Quezon City.

14. Lachica, Veneranda S. et. al.(2010) Lingas sa Akademikong Komunikasyon (Unang

Edisyon). GMK Publishing House, Quezon City.

15. Lachica, Veneranda S. et. al.(2015) Pandalubhasaang Pagbasa at Pagsulat. M.K. Imprint,
Sta. Cruz, Manila.

16. Lalunio, Lydia P. et.al. ( 1985 ). Ang Pagtuturo ng Pagbasa para sa mga Guro at
Magiging Guro. Rex Book Store, Sampaloc Manila.

17. Manasca, Feicita R. et.al ( 1995 ). Sining ng Pakikipagtalastasan. Katha Publishing Co,
Inc.

18. Nuncio, Rhoderick (2004). Sangandiwa: Araling Filipino bilang Talastasang

Pangkalinangan at Lapit-Pananaliksik. Manila:UST Publishing House.

19. Pagkalinawan, Leticia C. et. Al. ( 2004 ). Komunikasyon sa Akademikong Filipino.

Mutya Publishing House, Inc. Balubaran, Valenzuela City.

20. Plata, Sterling (2010).Keys to Crirical Reading and Writing.Laguna: Trailblazer

Publications.

21. Ramos, C.P. Esperanza, E.S. Tamayo. Pagbasa at Pagsulat sa Iba’t Ibang Disiplina.
9
 Silay Institute, Incorporated
Rizal Street, Silay City, Negros Occidental

MODYUL
sa
KOMUNIKASYON SA AKADEMIKONG FILIPINO

Instruktor: RICHARD ABORDO PANES

Koda ng Kurso: GEF01
Antas & Pangkat: BSCS 1-A,B,C & BSBA 1-C & D, BSOA 1-A
Akademikong Taon & Semestre 2022-2023, Unang Semestre

Filipino 2. (Pangkolehiyo). Redman Printing, Sta. Mesa, Manila. 2001.

22. Ramos, Lurida (2010). Developing Skills in Writing and Research. Manila: Mindshapers.

23. Villaruel, Rosie R. et.al. ( 2016 ). Malikhaing Pagsulat. SIBS Publishing House. Quezon
City.

ELEKTRONIKONG SANGGUNIAN

1. https://www.slideshare.net/nakoda/kasaysayan-ng-wikang-filipino-at-ang-
ortograpiyang-pambansa

10
 Silay Institute, Incorporated
Rizal Street, Silay City, Negros Occidental

MODYUL
sa
KOMUNIKASYON SA AKADEMIKONG FILIPINO

Instruktor: RICHARD ABORDO PANES

Koda ng Kurso: GEF01
Antas & Pangkat: BSCS 1-A,B,C & BSBA 1-C & D, BSOA 1-A
Akademikong Taon & Semestre 2022-2023, Unang Semestre

• May humigit-kumulang 150 na wika at diyalekto sa bansa.

• Paano magkakaintindihan ang bawat isa kung ang mga lalawigan ay may kanya-kanyang
wikain na sinasalita?
• Ang pagtataguyod ng wikang siyang magiging tulay upang magkaintindihan at
magbubuklod sa bawat mamamayang Pilipino ay ang wikang pambansa.
• Kumbensiyong Konstitusyunal tinalakay ang pagpili sa wikang hihirangin na maging
wikang pambansa. ( 1934 )
• Ang pagsusog ni Pangulong Quezon ay nagbigay-daan sa probisyong pangwika na
nakasaad sa Artikulo XIV, Seksiyon 3 ng Saligang Batas ng 1935. “Ang Kongreso ay
gagawa ng mga hakbang tungo sa pagkakaroon ng isang wikang pambansang ibabatay sa
isa sa mga umiiral na katutubong wika. Hangga’t hindi itinatakda ng batas, ang wikang
Ingles at Kastila ang siyang mananatiling opisyal na wika.” ( 1935 ).Nagresulta ang
probisyong ito ng batas na isinulat ni Norberto Romualdez – ang Batas Komonwelt Blg.
184 na nagtatag sa Surian ng Wikang Pambansa (SWP). Napili ang Tagalog bilang
batayan ng wikang pambansa.
• Disyembre 30, 1937 iprinoklama ni Pangulong Quezon ang wikang Tagalog upang
maging batayan ng wikang pambansa sa bisa ng Kautusang Tagapagpaganap Blg. 134 (
1937 )
• Nagsimulang ituro ang wikang pambansa na batay sa Tagalog sa mga paaralang
pampubliko at pribado. ( 1940 )
• Hulyo 4, 1946 ipinagkalob ng Amerika ang kalayaan, ipinahayag din ang mga wikang
opisyal, Tagalog at Ingles sa bisa ng Batas Komonwelt Blg. 570
• Agosto 13, 1959 pinalitan ang tawag sa wikang pambansa, mula Tagalog ito ay naging
Pilipino sa bisa ng Kautusang Pangkagawaran Blg. 7 na ipinalabas ng Kalihim ng
Edukasyon – Jose E. Romero.
• Nagkaroon muli ng usaping pangwika, sa huli ito ang naging probisyong pangwika sa
Saligang Batas ng 1973 “Ang Batasang Pambansa ay dapat magsagawa ng mga hakbang
na magpapaunlad at pormal na magpapatibay sa isang panlahat na wikang pambansang
kikilalaning Filipino.”
• Pinagtibay ng Kombisyong Konstitusyunal na binuo ni dating Pangulong Cory Aquino
ang implementasyon sa paggamit ng Wikang Filipino. (Saligang Batas ng 1987 Nakasaad
sa Artikulo XIV, Sekyon 6 tungkol sa wika “Ang wikang pambansa ng Pilipinas ay
Filipino. Samantalang nililinang, ito ay dapat payabungin at pagyamanin pa salig sa
umiiral na mga wika sa Pilipinas at sa iba pang mga wika.” _

11