Professional Documents
Culture Documents
WEEK 1
Ang dynamics ay isa sa mga el22emento o sangkap ng musika. Ito ay ang pamamaraan ng madamdaming pagpapahayag sa
pamamagitan ng mga simbolo. Ito ay tumutukoy sa masining na paglakas at paghina ng awit at tugtugin. Maihahalintulad ito sa
perspective at tindi ng kulay sa sining. Ang mahina at magaang tunog ay nagpapahayag ng kapayapaan o pagiging malayo
samantalang ang malakas na tunog ay nagbibigay ng pakiramdam ng kasiglahan, buhay at kabataan. Ang hina at lakas ng tunog na
naririnig ay tinatawag na tindi o intensity.
Ang tindi sa musika ay nababago batay sa nais ipahayag na damdamin ng sumulat ng musika gayundin ng mga bagay na nais
niyang bigyang diin.
Ang iba’t ibang antas ng dynamics sa musika ay maipahihiwatig sa pamamagitan ng mga simbolo na nagsisilbing gabay sa mga
mang-aawit o manunugtog upang lalong mabigyang buhay ang komposisyong musikal.
Ang salitang mahina o malakas ay karaniwang ginagamit upang ilarawan ang dynamics. May mga salitang maaring gamitin
upang ipahayag nang wasto ang tamang antas ng lakas o hina ng isang tunog.
ANTAS NG DYNAMICS
Antas ng Dynamics Simbolo Kahulugan
Pianissimo pp higit na mahina
Piano p mahina
Mezzo Piano mp hindi gaanong mahina
Forte f malakas
Mezzo Forte mf hindi gaanong malakas
Fortissimo ff higit na malakas
Crescendo dahan- dahang paglakas
decrescendo dahan- dahang paghina
ARTS Mga Kagamitan sa Paggawa ng 3-Dimensyonal Craft (Mobile,Papier Mache, Paper bead
Sa paanong paraan ka makakatulong sa ating kalikasan? Maraming mga gawain ang malaki ang maiaambag sa pagpapabuti at
pagpapanatili ng kalinisan at kagandahan ng ating kalikasan.
Sa araling ito, inaasahan na ang mga bata ay matutukoy at maiisa-isa ang mga kagamitan sa paglikha ng 3-dimensional craft
na mobile, papier mâché at paper beads bilang isang gawain na malaki ang maitutulong sa ating kaliakasan.
Ang mga uri ng sining na katulad nito ay nabibilang sa 3D o three-dimensional art. Ito ay maaaring malaya ng makatayo, may
taas at lapad, may anyong pangharap, tagiliran at likuran. Kinakailangan ang sapat na balanse sa isang 3D art . Ang mga kagamitan
sa paggawa nito ay maaring luwad, kahoy, hibla ng halaman, lumang papel, at iba pa. Ang mga kasanayan at kaalaman sa paggawa
ng mga likhang- sining tulad ng mobile, papier mâché at paper beads at ang pagiging mapamaraan sa paglikha ng mga obra ay
maaring mapakinabangan bilang palamuti sa katawan at kapaligiran. Ito ay maaari ding mapagkakakitaan sa pamamagitan ng
pagbenta dito na lubos na makatutulong sa atin at maging sa pamilya.
Ang paper beads ay isang gawang sining na nagmula sa bansang Inglatera na ginagawang libangan ng mga kababaihan kung
saan ang mga paper beads ay tinutuhog upang gawing palamuti o kurtina na inilalagay sa mga bintana. Sa Pilipinas, nagkaroon na
rin ng industriya ng paggawa ng paper beads. Karaniwan itong ginagamit na pandekorasyon o kaya naman ay kwintas o pulseras .
Ang Papier maché ay salitang Pranses na ang ibig sabihin ay nginuyang papel na gawa mula sa piraso ng mga papel o durog na papel na
binuo sa pamamagitan ng glue, starch o pandikit. Ang bayan ng Paete ay kilala sa taka o papier maché na siyang pangunahing
pinagkakakitaan ng mga mamamayan dito, pangalawa sa pag-uukit.
Ang mobile art ay isang uri ng kenetikong eskultura na kung saan ang mga bagay ay isinasabit sa mga tali, kawad at kabilya upang
malayang makagalaw at makaikot. Ginagamit itong pandekorasyon sa mga tahanan at maging sa paaralan. Halimbawa nito ay parol
at lampara.
Ang pagkamalikhain ng mga Pilipino ay masasalamin sa iba’t - ibang gawang sining na likha na matatagpuan sa ibat-ibang lugar
sa bansa. Ang mga Pilipino ay likas na mahusay sa sining tulad ng paggamit ng kulay, hugis at espasyo. Ang mga disenyong nalilikha
ay nagpapakita ng iba’t-ibang katangian ng mga Pilipino at sumasalamin din ito sa kultura ng lipunang ginagalawan.
Ang paggawa ng paper beads, papier mache at mobile arts ay isang gawaing nakakalibang na maaring pagkakitaan kung gagamitan ng
kaalaman sa paglikha ng mga palamuti.
Ang mga pang araw-araw na gawain gaya ng paglalakad, pagtulong sa gawaing bahay, at pag-akyat baba sa hagdan ay
nakatutulong sa iyong kalusugan at kakayahang pangkatawan , Lalo na kung sasabayan pa ng mga aktibidad gaya ng biking at
paglahok sa mga isport. Nakatutulong na malinang ng mga health-related at skill-related component ang mga ito. Ang mga
gawaing ito ay nagiging daan upang mas mapaunlad pa ang resistensya ng katawan sa paggawa, mapalakas ang iba’t ibang bahagi
ng katawan, mas mapabuti ang koordinasyon at balanse ng katawan. Ang pagdaloy ng oxygen ang iyong katawan ay magiging mas
maayos, ang iyong postura ay bubuti, ang posibilidad na magkaroon ng sakit sa puso ay mababawasan, at ang iyong timbang ay
magiging tama.
Ito ang dahilan kung bakit mahalagang lumahok sa mga fitness test upang makita at mabantayan ang iyong progreso at
mapabilis ang pagkamit ng iyong layuning pangkalusugan.
Ang balanse ay ang kakayahan ng katawan na panatilihing nasa wastong tikas at kapanatagan habang nakatayo sa isa o
dalawang paa (static balance), kumikilos sa sariling espasyo at patag na lugar (dynamic balance) o sa pag-ikot sa ere (in flight).
Ang mga mananayaw ng ballet o ballerina ay kabilang sa mga nagtataglay ng husay sa pagbalanse. Kagaya ng gymnast na
tumutulay para mapaunlad ang kakayahan ng katawan at makagawa ng mga bagay nang may kahusayan.
Narito pa ang iba’t ibang kasanayan o gawain para maipakita ang pagbabalanse ng katawan.
Dalawang braso, isang hita Isang braso, dalawang hita
Ang koordinasyon ay ang kakayahan ng iba’t ibang bahagi ng katawan na kumilos ng sabay-sabay na parang iisa nang walang
kalituhan.
Ang mga sumusunod ay mga iba’t ibang gawaing pisikal na nalilinang na maaaring makuha sa isports, paglalaro, sa mga
gawaing bahay, pagsasayaw at iba pa upang mapanatili ang kalusugan ng bawat isa.
Cardiovascular Endurance (Katatagan ng puso at baga) – kakayahang makagawa ng pangmatagalang gawain na gumagamit ng
malakihang mga galaw sa katamtaman hanggang mataas na antas ng paggawa
Ang isang halimbawa nito ay ang Three-minute Step Test. Ang normal o karaniwang heart rate ng mga batang anim hanggang
12 taong gulang ay 70 hanggang 129 na tibok kada minuto.
Bakit mahalaga na malaman ang katatagan ng ating puso?
Muscular Endurance (Katatagan ng kalamnan) – kakayahan ng mga kalamnan (muscles) na matagalan ang paulit-ulit at
mahabang paggawa.
Ang partial curl-up test ay mainam sa paglinang nito. Mas maraming beses nagagawa ito sa loob ng isang minuto, mas mataas
ang muscular endurance.
Muscular Strength (Lakas ng kalamnan) – kakayahan ng kalamnan (muscles) na makapagpalabas ng puwersa sa isang beses na
buhos ng lakas
Ang isang halimbawa nito ay ang pagsasagawa ng basic plank test. Bagama’t pangunahing pinalalakas nito ang mga abdominal
muscle nakatutulong din itong palakasin ang mga muscle sa itaas at iba pang bahagi ng katawan.
Ano ang kahalagahan ng pagsasagawa ng ganitong gawain?
Flexibility (Kahutukan) – kakayahang makaabot ng isang bagay nang malaya sa pamamagitan ng pag-unat ng kalamnan at
kasu-kasuan
Maliban sa sit and reach, isa pang pagsubok na maaaring gamitin dito ay ang Shoulder Stretch o Zipper Test.
Dito sinusukat ang flexibility ng mga balikat habang inaabot ang likod.
Ano ang layunin ng gawaing ito at paano ito makatutulong sa ating kalusugan?
Body Composition – dami ng taba at parte na walang taba (kalamnan, buto, at tubig) sa katawan. Ito ay nasusubok sa
pamamagitan ng pagkuha ng Body Mass Index (BMI). Ang formula dito ay:
Ang Philippine Activity Pyramid ay isang representasyon ng mga pang araw-araw na gawin. Nagsisilbi itong gabay sa pagpili ng
mga aktibidad na naaayon sa iyong pangangailangan. Mahalagang matukoy ang mga aktibidad na makatutulong upang makamit ang
iyong layuning pangkalusugan. Mahalagang makita at mabantayan ang iyong progreso. Nakatutulong ang fitness test sa pagtukoy ng
iyong kalakasan at kahinaan.
Gawain sa Pagkatuto Bilang 1
Panuto: Isulat ang T kung totoo at H kung hindi ang bawat pangungusap. Isulat ito sa isang malinis na papel.
_____1. Nalilinang ang cardiovascular endurance kung ikaw ay tatakbo.
_____2. Mas maraming oras ang dapat gugulin sa panonood ng tv at paglalaro ng computer games.
_____3. Ang mga aktibidad sa ibabang bahagi ng pyramid ay kailangang gawin nang madalas.
_____4. Makikita natin ang progreso ng ating pagkamit sa layuning pangkalusugan sa pamamagitan ng
paglahok sa mga fitness test.
_____5. Ang mga aktibidad gaya ng paglilinis ng bahay ay kailangang gawin isang beses sa isang lingo.
Ang pangunang lunas ay may mahalagang papel na ginagampanan sa kaligtasan ng isang tao likha ng aksidente o anupamang di
magandang sirkumstansya. Ito ay ang pagbibigay ng pangunahing tulong at panganaglaga sa taong napinsala ng sakuna at
karamdaman habang hinihintay ang pagdating ng doctor. Ito ay isa ring malaking tulong na pampakalma at pampabawas sa kirot na
nararamdaman sa pinsalang tinamo ng isang tao. Ang pangunang lunas ay napakahalaga upang mapatagal ang buhay ng isang tao.
Sa pagbibigay ng pangunang lunas sa mga nasugatan, nakagat ng hayop o insekto, napaso, nagtamo ng sunog sa katawan, o
nalason ng kinaing pagkain, naiibsan ang kirot o sakit na nararamdaman habang hinihintay ang pagkalinga ng propesyonal . Ang
mga may malay na mga tao ay makapagpapanatili ng pagkabukas ng sarili nilang daanan ng hininga subalit ang mga walang malay
ay walang kakayahang panatilihin ito, at nararapat lamang na walang balakid o hadlang sa dadaanan ng hangin sa pamamagitan ng
ilong at bibig. Maiiwasan ang dagdag pinsala kung ang taong tutulong o maglalapat ng pangunang lunas o first aid ay may sapat na
kaalaman at sumailalim sa isang aralin.
Ang sakuna ay di inaasahang pangyayari. Hindi natin kayang masabi kung saan o kailan ito mangyayari, gayundin ang biglaang
karamdaman. Napakahalaga ng may kaalaman sa pangunang lunas upang handa sa anumang uri ng pangyayari.
Ang tatlong pangunahing mga layunin ng paunang tulong-panlunas, na mas kilala bilang 3P (tatlong P)
ay ang mga sumusunod:
1. Pagpapanatili ng buhay (Ingles: Preserve life)
2. Pag-iwas mula sa pagkakaroon ng mga dagdag na pinsala o pag-iwas sa paglala ng kapinsalaan o karamdaman
(Ingles: Prevent further injury or illness)
3. Pagtataguyod sa paggaling (Ingles: Promote recovery)