Professional Documents
Culture Documents
Likhain Q1 Module 3
Likhain Q1 Module 3
SURING TEKSTO
KILALANIN ANG LUNGSOD NG PARAÑAQUE
Ang Lungsod ng Parañaque ay isa sa mga urbanisadong lungsod sa kalakhang Maynila na hinirang bilang
urbanisadong lungsod ni dating Pangulong Fidel V. Ramos noong 15 Pebrero 1998.
Ito ay naliligiran ng Lungsod ng Pasay (hilaga), ng Lungsod ng Taguig (hilagang-silangan) Lungsod ng Muntinlupa
(timog- silangan), Lungsod ng Las Piñas (timog-kanluran), at ng Look ng Maynila (kanluran).
Maraming nalinang na kultura sa lungsod tulad ng paggawa ng asin, pangingisda, at pagtatanim. Ngunit sa
kasalukuyan ang Parañaque ay isa na sa mga sentro ng komersyo patunay ang mga mall at pampublikong pamilihan
dito.
Batay sa 2015 Census ito ay may kabuuang populasyon na 665,822 katao. Ang ilan sa mga mamamayan nito ay
nagmula sa mga lahi o pangkat-etnikong Tagalog, Cebuano, Davaeño, Ilonggo at Marañao. Dala ng mga nabanggit
na pangkat ang kanilang mga wika sa paglipat nila sa Lungsod ng Parañaque Dahil dito maraming wika ang maririnig
sa lungsod ngunit ang Wikang Tagalog ang siyang pangunahing ginagamit dito.
Halos kasing yaman ng wika ng lungsod ang relihiyon dito. Maraming tagasunod ng mga relihiyong Ingelsia ni
Kristo, Dating Daan, El Shaddai at Islam (mayroong dalawang mosque sa Parañaque) ang naninirahan dito . Sa kabila
nito, ang Katolisismo pa rin ang nangungunang pananampalataya sa lungsod. Mayroong dalawang pangunahing
dambana ng Katolisismo sa Parañaque, ang Baclaran Church at ang St. Andrew Cathedral.
Maraming natatangi at makulay na tradisyon ang Parañaque. Nandyan ang Araw ng Palanyag, Komedya,
Sunduan at Caracol na ipinagdiriwang tuwing buwan ng Pebrero at Mayo.
Tunay na napakayaman ng Heograpiyang Pantao ng Lungsod ng Parañaque kaya nararapat lamang natin itong
ipagmalaki bilang mga mamamayan nito.