Araw ng mga Puso sa LNHS

Ipinagdiriwang ng LNHS ang Araw ng mga Puso nitong Pebrero 14, 2023, Martes sa pangunguna ng mga
opisyal ng SSG ng paaralan.

"Ito (Valentine's Day) ay naging daan para magkaroon ng oras ang mga estudyante na makihalubilo sa
kapwa nila estudyante," ani Jhasmine Cañedo, isang mag-aaral sa LNHS.

Kabilang sa mga programang inihanda ng mga opisyal ng SSG para sa mga mag-aaral ay ang Photo-Shot
Booth, Confession Wall, Dedication Wall, Love Express, Poetry Writing Contest at hindi mawawala ang
pagpili ng kulay ng damit ayon sa kanilang kalagayan. relasyon o mas kilala sa tawag na "Color-Coded T-
Shirts".

Nagsimula ang pagbubukas ng mga booth mula 9:00 ng umaga hanggang 12:00 ng tanghali. Dala ng
galak, ang nasabing mga booth ay dinagsa ng mga mag-aaral sa grade 8, 9, 11, 12 at gayundin ang mga
guro tulad ni Gng. Mariane A. Duque, guro ng ESP. Sinaksihan din ng mga mag-aaral ang pagtatanghal ng
mga nanalo sa Poetry Writing Contest sa grade 8, 9, at 11. Chrisha Mitch C. Sinsuat sa Baitang 8-
Aphrodite, Jane Hashley Concepcion sa Baitang 9-Stephen King, at Alexa Espanueva mula sa 11-Faith
(HUMMS).

Nagpatuloy ito ng alas-4:00 ng hapon para sa mga mag-aaral ng grade 7, 10, 11 at 12. Kahit umuulan ay
hindi pa rin kumikibo ang mga estudyante dahil mas nangingibabaw ang kanilang damdamin ng
pagkakataon na magkaroon ng Valentine's Day celebration sa paaralan. . Lalong napasigla ang kanilang
diwa ng pagtatanghal ng mga mag-aaral na nanalo sa unang pwesto sa Paligsahan sa Pagsulat ng Tula sa
mga baitang 7, 10, at 12. Jediaelle Rhianne B. Caritan sa Baitang 7-Gladiola, Sarah Jane Sederiosa sa
Baitang 10 -Diamond, at Marjorey Cantila na nagmula sa Baitang 12-St. Augustine.

Ang pagdiriwang ng Araw ng mga Puso ng LNHS ay naging posible sa pamamagitan ng pagsisikap at
suporta ng administrasyon ng paaralan, mga guro at mga mag-aaral. Ito ay tiyak na isang araw na puno
ng kaligayahan at pagmamahal habang ipinagdiriwang ng LNHS ang Araw ng mga Puso sa sarili nitong
paraan.

huhu