-Таа е природен начин на подобрување и одржување на
доброто здравје.
-Допирот е значаен за развојот и доброто чувство на секое
лице. Првиот контакт на децата со светот е допирот кој го чувствуваат и го гледаат. Допирот и масажата се еден вид инстинктивна терапија која се применува во секојдневниот живот. Доколку постои главоболка, инстинктивно се тријат вратот и слепоочниците за да се намали болката и напнатоста. Доколку се повреди колено или лакот, првата реакција на човекот е да се измасира повредената регија или да се положат рацете на повредената регија за да се намали болката.
-Масажата претставува метода на примена и дејствување на
механичката енергија создадена со активноста на терапевтот или на масерот.
Таа во вид на триење, притисок или низа на удари се пренесува
на ткивата и на одделни органи преку кожата и нејзините структури. Примената на механичката енергија е систематизирана преку специјални методски зафати или фатови. 1 Основни елементи на фатот се допир и движење. Мануелната масажа се изведува со сите делови од шаката и подлактницата, во зависност од делот од телото кој се третира, интензитетот на притисокот и движењата кои се применуваат.
-Мануелната масажа претставува третман на кожата и на
поткожното ткиво, мускули.,крвни садови,нерви.Се одржува еластицитетот на кожата,општата сила,тонусот на мускулите и се спречува нивна атрофија. Се подобрува и функцијата на внатрешните органи.
- Исцелителната моќ на тераписката масажа се користи и во
случаи на емоционални проблеми, постојан замор, психички проблеми, напнатост и стрес. Масажата е добар начин да се изврши општа релаксација.
-Улогата на масажата во текот на рехабилитацијата е многу
значајна. Таа се применува заедно со физикални агенси, вежби, работна терапија, ортопедски помагала и други видови на третмани за подобрување на состојбата на пациентите.
Денеска, покрај пристапноста на различни помагала за масажа и
електрични масажери, рачната масажа сè уште се смета за најефикасна метода.