Kabanata 3

Disenyo ng Pag-aaral at Metodolohiya

Ang pangatlong kabanata ay binubuo ng tatlong bahagi:

(1) Layunin at Disenyo ng Pag-aaral; (2) Metodo; (3)

Pagsusuri ng mga Istadistikang mga Datos.

Ang Unang bahagi, Layunin at Disenyo ng Pananaliksik ay

nagsasaad ng layunin ng pag-aaral at naglalarawan ng

disenyong ginamit, ang mga baryabol na kasama sa pag-aaral,

at mga istadistikang kagamitang ginamit sa pagsusuri ng mga

datos.

Ang ikalawang Bahagi, Metodo ay naglalarawan ng mga

tagatugon sa kasapi sa pag-aaral, mga kagamitan na gagamitin

at mga hakbang na isinagawa para makuha ang mga datos na

kailangan.

Ang ikatlong Bahagi, Istadistika na Pagsusuri ng mga

datos ay nagpapakita ng mga datos at pamamaraan sa pagsusuri

ng mga ito upang masubok ang mga ipotesis na kilalanin.

Layunin at Disenyo ng Pag-aaral

Ang pinakapangunahing layunin ng pag-aaral na ito ay

ang matukoy ang kakayahan sa pagtukoy ng pangatnig, pang-

ukol, pang-angkop, at paggamit sa pangungusap ng mga mag-

 39

aaral na nasa Ikapitong Baitang ng Tanque National High

School sa Taong Panuruan 2022-2023.

Ang isinagawang pag-aaral ay ginamitan ng Survey

Correlational na pamamaraan ng mananaliksik. Ayon kina

Fraenkel at Wallen na binanggit ni Faeldonia (2018), ang

pamamaraang ito ay ang proseso sa pagkolekta ng datos upang

subukin ang ipotesis o sagutin ang mga tanong hinggil sa

kasalukuyang estado ng paksang pinag-aralan.

Dagdag pa ni Best na binanggit ni Sina-on (2020), ang

survey correlational ay dinisenyo upang alamin ang isang

kalagayan sa kasalukuyang pangyayari. Ito ay isang

imbestigasyon na naglalarawan at nagbibigay kahulugan

tungkol sa isang bagay o paksa. Ito’y may kinalaman sa mga

kondisyon na may ugnayang nagaganap. Mga gawaing umiiral,

mga paniniwala at mga prosesong nagaganap, mga epektong

nararamdaman o mga kalakarang nililinang. Ito ay dinisenyo

upang mabatid ang iba’t ibang baryabol na magkakaugnay o may

relasyon sa isa’t isa sa target na populasyon.

Ang pamamaraang ito ay angkop sa gagawing pananaliksik

sapagkat mas mapapadali ang pangangalap ng datos mula sa mga

tagatugon.

Sa pag-aaral na ito, ang malayang baryabol ay ang

kakayahan sa pagtukoy ng pangatnig, kakayahan sa pagtukoy ng

pang-ukol at kakayahan sa pagtukoy ng pang-angkop,

 40

samantalang ang di-malayang baryabol ay ang paggamit sa

pangungusap ng mga mag-aaral na nasa Ikapitong Baitang.

Ang mga kagamitang pang-istadistika na ginamit sa

pagsusuri ng palarawang datos ay ang frequency count,

percentage mean, standard deviation, T-test for independent

samples at Pearson’ r.

Metodo

Mga Kalahok

Ang mga kalahok sa pag-aaral na ito ay ang mga mag-

aaral sa Ikapitong Baitang ng Tanque National High School na

nakapagpatala sa Taong Panuruan 2022-2023. Sa kabuuan ay

may isandaan at apatnapu’t dalawang (142) mag-aaral ngunit

ang mananaliksik ay kumuha lamang ng limampung (50) mag-

aaral gamit ang Quota Sampling. Mula sa limang (5) seksyon

kumuha lamang ng tigsasampung (10) mag-aaral sa bawat

seksyon. Makikita sa talahanayan A ang distribusyon ng mga

kalahok.

Talahanayan A
Distribusyon ng mga Kalahok
Mga Kalahok Kabuuang Kalahok Sampol ng Kalahok
STE A 24 10
STE B 24 10
Rizal 30 10
Roxas 33 10
Bonifacio 31 10
Kabuuan 142 50
 41

Profayl ng mga Kalahok

Mula sa isandaan at apatnapu’t dalawa (142), ang datos

sa Talahanayan A ay nagpapakita na 28 o 56% ng mga kalahok

ay nasa edad 12 taong gulang pababa at 22 o 44% ay nasa edad

13 taong gulang. Ito ay nagpapatunay lamang na mas marami

ang kabuuang bilang ng mga kalahok na nasa edad labindalawa

pababa. Ayon naman sa kasarian, ito ay nagpapatunay na 21 o

42% ng mga kalahok ay lalaki at 29 o 58% naman ang mga

babae. Ipinakita naman na ang edukasyong natamo ng ina ng

mga kalahok ay 4 o 8% ang nagtapos ng elementarya, 16 o 32%

ay nagtapos ng sekondarya, 8 o 16% ang undergraduate sa

kolehiyo, 22 o 44% naman ang nagtapos ng kolehiyo.

Samantalang ayon naman sa edukasyong natamo ng ama ng mga

kalahok ay 3 o 6% ang nagtapos ng elementarya, 15 o 30% ay

nagtapos ng sekondarya, 11 o 22% ang nagtapos ng sekondarya,

21 o 42% naman ang nagtapos ng kolehiyo.

 42

Talahanayan B
Profayl ng mga Kalahok

Baryabol F %
Edad
12 pababa 28 56.0
13 Taong Gulang 22 44.0
Kasarian
Lalaki 21 42.0
Babae 29 58.0
Edukasyon ng Ina
Nagtapos ng elementarya 4 8.0
Nagtapos ng sekondarya 16 32.0
Undergraduate sa kolehiyo 8 16.0
Nagtapos ng kolehiyo 22 44.0
Edukasyon ng Ama
Nagtapos ng elementarya 3 6.0
Antas sekundarya 15 30.0
Nagtapos ng sekundarya 11 22.0
Nagtapos ng kolehiyo 21 42.0
Kabuuan 50 100

Mga Kagamitan sa Pananaliksik

Ang mga datos na kailangan ay nakalap gamit ang

kagamitan na hinati sa pitong (7) bahagi: (1) Personal na
Katangian ng mga Kalahok, (2) Pagsusulit sa Pagtukoy ng
Pangatnig (3) Pagsusulit sa Pagtukoy ng Pang-ukol, (4)
Pagsusulit sa Pagtukoy ng Pang-angkop, (5) Paggamit sa
Pangungusap ng Pangatnig, (6) Paggamit sa Pangungusap ng
Pang-ukol at (7) Paggamit sa Pangungusap ng Pang-angkop.

Personal na Katangian ng mga Kalahok. Ang unang bahagi

ay may limang (5) aytem na tumukoy sa personal na katangian

 43

ng mga mag-aaral tulad ng seksyon, edad, kasarian,

edukasyong natamo ng ama at edukasyong natamo ng ina.

Pagsusulit sa Kakayahan sa Pagtukoy ng Pangatnig. Ito

ay binubuo ng labinlimang (15) aytem na pagsusulit na

sumukat sa kakayahan sa pagtukoy ng pangatnig. Tinukoy ito

ng mga mag-aaral ang sa pamamagitan ng pagsalungguhit nito

sa loob ng pangungusap. Ang pagsusulit ay personal na ginawa

ng mananaliksik na idinaan sa content-faced validity sa

tulong ng tatlong (3) guro sa Filipino at sumailalim sa

expert validation.

Para sa interpretasyon ng resulta, sila ay ginamitan ng

iskalang:

Iskala Deskripsyon
12.01- 15.00 Napakahusay
9.01- 12.00 Mahusay
6.01- 9.00 Katamtaman
3.01- 6.00 Nangangailangan nang Tulong
0.00- 3.00 Kailangang Paunlarin

Pagsusulit sa Kakayahan sa Pagtukoy ng Pang-ukol. Ito

ay binubuo ng labinlimang (15) aytem na pagsusulit na

sumukat sa kakayahan sa pagtukoy ng pang-ukol. Tinukoy ito

ng mga mag-aaral ang sa pamamagitan ng pagsalungguhit nito

sa loob ng pangungusap. Ang pagsusulit ay personal na ginawa

ng mananaliksik na idinaan sa content-faced validity sa

 44

tulong ng tatlong (3) guro sa Filipino at sumailalim sa

expert validation. Ito ay ginamitan ng iskalang:

Iskala Deskripsyon
12.01- 15.00 Napakahusay
9.01- 12.00 Mahusay
6.01- 9.00 Katamtaman
3.01- 6.00 Nangangailangan nang Tulong
0.00- 3.00 Kailangang Paunlarin

Pagsusulit sa Kakayahan sa Pagtukoy ng Pang-angkop. Ito

ay binubuo ng labinlimang (15) aytem na pagsusulit na

sumukat sa kakayahan sa pagtukoy ng pang-ukol. Tinukoy ito

ng mga mag-aaral sa pamamagitan ng pagsalungguhit nito sa

loob ng pangungusap. Ang pagsusulit ay personal na ginawa ng

mananaliksik na idinaan sa content-faced validity sa tulong

ng tatlong (3) guro sa Filipino at sumailalim sa expert

validation. Ito ay ginamitan ng iskalang:

Iskala Deskripsyon
12.01- 15.00 Napakahusay
9.01- 12.00 Mahusay
6.01- 9.00 Katamtaman
3.01- 6.00 Nangangailangan nang Tulong
0.00- 3.00 Kailangang Paunlarin

Paggamit sa Pangungusap. Sa layuning matukoy ang

kakayahan sa paggamit ng mga pangatnig, pang-angkop at pang-

ukol sa pangungusap, ang mga kalahok ay gumawa ng kanilang

sariling pangungusap na binubuo ng tiglalabinlimang

 45

(15)aytem na ginamitan ng pangatnig, pang-ukol, at pang-

angkop. Ang intrumentong ginamit ay idinaan sa content-faced

validity sa tulong ng tatlong (3) guro sa Filipino. Binigyan

sila ng isang oras upang magamit sa pangungusap ang mga

pangatnig, pang-ukol at pang-angkop. Para sa pagmamarka,

ito ay ginamitan ng sumusunod na iskala:

Iskala Deskripsyon
12.01- 15.00 Napakahusay
9.01- 12.00 Mahusay
6.01- 9.00 Katamtaman
3.01- 6.00 Nangangailangan nang Tulong
0.00- 3.00 Kailangang Paunlarin

Pamamaraan sa Pangangalap ng Datos

Ang mananaliksik sa pag-aaral na ito ay naglaan ng

sapat na panahon sa paggawa ng pag-aaral na ito kalakip ang

paghahanda ng talatanungan upang matukoy ang antas ng

kakayahan sa pagtukoy ng mga pangatnig,pang-ukol, pang-

angkop, at paggamit sa pangungusap ng mga mag-aaral na nasa

Ikapitong Baitang ng Tanque National High School, Roxas

City.

Ang mananaliksik ay humingi ng pahintulot sa punong-

guro ng Tanque National High School upang maisakatuparan ang

pag-aaral na ito. Nang ito’y sinang-ayunan, hiningi rin ng

 46

mananaliksik ang pahintulot ng mga magulang at maging sa mga

kalahok sa pag-aaral na ito.

Nagtakda ng tiyak na araw ang mananaliksik upang

mapaghandaan ng mga tagatugon ang pagsagot sa mga

talatanungan. Ipinaliwanag nang mabuti ng mananaliksik ang

panuto bago simulan ang pagsagot upang masigurong maisagawa

nang tama ang mga naturang pagsusulit. Binigyan sila ng

isang oras upang masagutan ang mga katanungan at kaagad

itong kinolekta ng mananaliksik.

Pagkatapos maisagawa ang pag-aaral at nalikom ang mga

resulta, ang mga datos ay inisa-isa at sinuri sa tulong ng

Statistician ng mananaliksik.

Mga Kagamitang Pang-istadistika sa Pagsusuri ng mga Datos

Ang mga nakalap na datos ay idinaan sa ilang prosesong

pang-istadistika.

Frequency Count. Ito ay ginamit upang matiyak ang

interbal ng bawat iskor batay sa iskala sa pagtatala ng

tugon ng mga tagatugon ayon sa kakayahan sa pagkilala ng mga

pag-ugnay na pangatnig, pang-angkop, at pang-ukol sa

paggamit nito sa pagbuo ng pangungusap ng mga mag-aaral sa

Ikapitong Baitang.

Mean. Ito ay ginamit upang matiyak ang kaisahan ng

kakayahan sa pagtukoy ng mga pangatnig, pang-ukol, pang-

 47

angkop at paggamit sa pangungusap ng mga mag-aaral sa

Ikapitong Baitang.

Standard Deviation. Ito ay ginamit upang matiyak ang

kaisahan at katumpakan ng tugon ng mga mag-aaral ayon sa

kakayahan sa pagtukoy ng mga pangatnig, pang-ukol, pang-

angkop at paggamit sa pangungusap ng mga mag-aaral sa

Ikapitong Baitang.

Pearson r. Ang pagsubok na ito ay itinakda sa 0.05

alpha na ginamit upang matukoy ang kakayahan sa pagtukoy ng

mga pangatnig, pang-ukol, pang-angkop at paggamit sa

pangungusap ng mga mag-aaral na nasa Ikapitong Baitang.