UGNAYAN NG WIKA, KULTURA AT LIPUNAN

MALA-MASUSING BANGHAY-ARALIN
TUNGKOL SA
“Language Ideology in the Discourse of Popular Culture” ni Andrew Moody

INIHANDA NI
RAMOS, MONIQUE A.
2-A3 BSED MEDYOR SA FILIPINO
PANGKALAHATANG LAYUNIN
Sa pagtatapos ng aralin, ang mga mag-aaral ay inaasahang:
• Naunawaan ang importansya ng kulturang popular sa ideyolohiya ng wika.
• Nalaman ang katangian ng pop culture.
• Naipaliwanag ang kaugnayan ng kulturang popular at ideyolohiya ng wika.
PLANO NG PAGTUTURO-PAGKATUTO

Aralin: “Language Ideology in the Discourse of Popular Culture” ni Andrew Moody

Kagamitang Panturo: PowerPoint presentation, Telepono at Laptop, Bond paper

Daloy:
A. Panalangin
Josue 1:9
Tandaan mo ang bilin ko: Magpakatatag ka at lakasan mo ang iyong loob. Huwag kang matatakot o
mawawalan ng pag-asa sapagkat akong si Yahweh, na iyong Diyos, ay kasama mo saan ka man
magpunta.”
Sa Ngalan ng Ama, ng Anak, at ng Espiritu Santo. Amen.
Panginoon naming Diyos, patnubayan mo po ang araw na ito sa aming lahat upang magampanan
namin ang aming sariling tungkulin. Bigyan mo kami ng gabay at pagkalinga sa pagtupad ng aming
mga gawain. Bigyan mo kami ng tulong sa aming mga desisyong ginagawa. Pagpalain mo ang aming
mga guro sa matiyagang paghahatid sa amin ng mga leksyon sa araw-araw. Pagpalain mo rin ang
aming mga magulang sa patuloy na pagsuporta sa amin. Maraming salamat po, Panginoon sa lahat ng
biyayang inyong ibinibigay sa aming lahat. Ikaw po ang aming sandigan at kalakasan. Amen.
Sa pangalan ni Jesus. Amen

B. Pagbati

Magandang umaga mga ginoo.

Magandang umaga mga binibini.

C. Pagtatala ng liban

Sa pagtatala ng liban, tatawagin isa-isa ang pangalan ng mga mag-aaral at kapag natawag ang pangalan ay
kailangan sabihin kung sino ang hinahangaan na sikat na artist.

Halimbawa:
Tagapag-ulat: Juan
Juan: Anne Curtis

D. Pagbabalik-aral
 Ang pagbabalik-aral ay tatawag ang taga pag – ulat ng dalawa at sila ang mag babahagi ng kanilang
natutunan sa nagdaang aralin.

E. Pagganyak
IBIGAY ANG SALITANG INILALARAWAN NG APAT NA MAGKAKAIBANG LITRATO.

F. Paghahawan ng Balakid
KULTURANG POPULAR
PERFORMATIVE CHANNEL
AFFILIATE CHANNEL

G. Pagtalakay:

“Language Ideology in the Discourse of Popular Culture”

ni Andrew Moody
- Ipinanganak noong Setyembre 2, 1960
- Nag-aral siya sa West Stockwith Primary School at kalaunan sa King Edward VI Grammar School,
Retford.
- Nag-aral siya ng economics sa Coventry University na nagtapos ng BA noong 1983 bago nag-aral ng
journalism sa Darlington College of Technology.
- Isang socioliguist at dalubhasa sa mga pandaigdigang ingles na naglalathala ng malawak sa dalawang
paksa: (1) wika sa Macau at (2) Ingles sa kulturang popular.
- Nag-publish si Andrew sa mga journal tulad ng World Englishes, American Speech, English Language
Teaching Journal at English Today.
NILALAMAN
Ayon kay Andrew Moody sa pananaliksik niyang “Language Ideology in the Discourse of Popular
Culture” may ilang iba't ibang paraan upang tukuyin ang "kulturang popular," binanggit niya na mayroong tatlong
katangian na mukhang karaniwan sa karamihan ng mga kahulugan:

- karaniwang nauugnay ang kulturang popular sa mass media (at lalo na ang "free" media tulad
ng radyo o telebisyon);

- ang kulturang popular ay likas na nakatuon sa mamimili at madalas na hinihikayat ang mga
mamimili na maging "tagahanga" ng mga performer, produkto, o genre;

- at kulturang popular—tulad ng karamihan sa mga ekspresyon ng kultura ng mamimili—ay

lalong nailalarawan ng globalisasyon
Sa mga katangiang ito ng pop culture ay nagiging dahilan upang ang kulturang popular ay maging perpektong
lugar para tuklasin ang mga ideyolohiya ng wika, na karaniwang nauunawaan na "anumang hanay ng mga
paniniwala tungkol sa wikang ipinapahayag ng mga gumagamit bilang isang rasyonalisasyon o pagbibigay-
katwiran ng pinaghihinalaang istruktura at paggamit ng wika"

Ayon kay Blommaert (2005), at ayon nga sa kaniya ang ideyang ito ng ideolohiya ay nabuo mula sa isang diin
sa loob ng mga pag-aaral sa diskurso na nangangatwiran na "Ang ideolohiya ay hindi maaaring maiugnay sa
isang partikular na aktor, hindi matatagpuan sa isang partikular na site . . . ngunit ito ay tumagos sa buong tela
ng mga lipunan o komunidad at nagreresulta sa normal, naturalized na mga pattern ng pag-iisip at pag-uugali”.

Ang wika sa kulturang popular, gayunpaman, ay karaniwang hindi kusang-loob o natural na nagaganap, ngunit
sa halip ay lubos na na-edit o inaayos para sa apela ng mamimili, fans, tagapakinig o ng mga taga panood.
Gayunpaman, binanggit ni Moody na maraming pagsisikap ang ginugugol sa sikat na musika—at malamang sa
iba pang anyo ng kulturang popular—upang matiyak na ang wika ay maging “authentic" o makatotohanan. Sa
katunayan, ang komersyal na posibilidad na mabuhay ng popular na kultura ay maaaring depende sa
"authenticity" ng produkto, at ang authenticity na ito ay kadalasang kasama ang "linguistic authenticity" (tingnan
ang Seargeant, 2005; Moody, sa press).

Sinasabi na mayroong dalawang daanan kung saan ang mga ideolohiya ng wika sa loob ng iba't ibang mga
diskursong may kaugnayan sa kulturang popular ay pinakamadaling maobserbahan:

- sa loob ng performative channel, na sumusuri sa impluwensya ng mga ideolohiya ng wika sa pagpili ng

wika sa paggawa ng mga artifact o produkto ng pop culture, at ang affiliative channel, na sumusuri sa
pagtanggap at mga reaksyon sa wika sa mga artifact o produkto ng pop culture.

Ang performative channel ay nakatuon sa mga ideolohiya ng wika na nasa loob ng isang partikular o
pangkalahatang produkto ng pop culture, o performance. Ibigsabihin mga kabanwa, ang performative channel
sa madaling salita ay nakapokus lamang sa ideolohiya ng wika na nakapaloob sa pop culture. Ang isang
halimbawa ay ang paggamit ng African American English (AAE), ito ay katutubong wika ng mga Amerikano, sa
mga genre na "hip-hop" ( katulad ng rap, hip-hop na musika, mga pelikula, palabas sa telebisyon, atbp.) ay
napansin sa ilang sikat na kultura kung saan ang AAE ay hindi sinasalita bilang katutubong wika. Parehong
sinusuri ni Trudgill (1983) at Coupland (2001) ang impluwensya ng American English (AE) pronunciation sa
British pop songs at sa DJ talk sa English-language radio sa Wales. Ang bawat ideolohiya ng wika sa bawat isa
sa mga kaso ng kulturang popular ay maaaring ituring na "tunay" para sa estilo o genre ng pagtatanghal at ang
paglalaan ng baryasyon ng ideolohiya ay makatwiran sa sosyolinggwistika. Ang mga paglalarawang ito ng
paggamit ng wika sa kulturang popular ay nangangailangan ng mahahalagang pagsusuri sa wika at
pagkakakilanlan. At ang lahat ng ito ay naiimpluwensyahan ng mga ideya ni Rampton (1995) tungkol sa
"language crossing" at "stylization." Ang "Crossing" na tinatawag mga listeners ay nangyayari kapag ang isang
tagapagsalita ay gumagamit ng isang "out-group" na wika sa pakikipag-usap sa "in-group." Ibigsabihin lamang
nito, ang tagaganap ay gumagamit ng wika na hindi naman nabibilang sa grupong iyon. Habang ang
"Stylization," ayon kay Hebdige (1979), ay nagsasangkot ng "paglalagay" o paglalaan ng boses ng iba—
kadalasan ay isang etniko o panlipunang diyalekto—na may epekto na "ang mga pagbigkas ay nagpapakita ng
mga persona, pagkakakilanlan at genre maliban sa mga ipinapalagay na kasalukuyan sa ang kaganapan sa
 talumpati” ayon naman kay (Coupland, 2001, p. 350). Sa kabuoan, dahil ang "crossin" at "stylization" ay nilayon
na bigyang-kahulugan bilang gumaganap ng mga alternatibong persona, ang mga ito ay matatagpuan at
nagpapatibay sa mga ideolohiya ng wika ng mga salik na nag aanalisa sa mga kulturang popular.

Sunod na paraan ay ang affiliative channel na sinusuri ng channel na ito ang reaksyon ng tagahanga o fans sa
wikang ginagamit sa kulturang popular. Dalawang aspeto ng kulturang popular ang nagpapahalaga sa channel
na ito para sa pagsusuri ng mga ideolohiya ng wika: una, ang kulturang popular ay higit na hinihimok ng isang
pamilihan na naghihikayat sa mga mamimili na suriin ang pagganap at maging mga tagahanga; at pangalawa,
ang multimodal na katangian ng kulturang popular ay naghihikayat ng mga intertextual na sanggunian sa
pagitan ng mga artista at tagahanga.

H. TANONG-SAGOT

1. Bakit kailangan pag-aralan ang mga ideolohiya ng wika na may kaugnayan sa kulturang popular?
- Upang magkaroon ng kaalaman at maunawaan nang mas mabuti ang mga ideolohiya ng wika na
ginagamit sa mga tinatangkilik na produkto o kung anong nauuso.
2. Bakit mahalaga ang kulturang popular
-Dahil sa patuloy na pag-usbong ng teknolohiya, nagkakaroon ng mas maraming platform ang mga
kumukonsumo upang tangkilikin ang isang bagay, artist, o iba pang nauuso. Kaya naman, masasabing
mahalaga ang ang kulturang popular sapagkat ito ay nagiging daan upang magkaisa ang tao at
magkaroon ng iisang interes. Bukod pa roon, dahil sa pagtangkilik sa mga nauuso, ito rin ay
nagpapadama sa mga tao na tanggap sila sa modernismo dahil ang kulturang popular ay kadalasang
nagmumula sa mga modernong produkto ng mga kumpanya at modernong mga bansa.

I. INDIBIDWAL NAGAWAIN

Panuto: Lumikha ng slogan patungkol sa kahalagahan ng kulturang popular.

RUBRIK SA PAG-GUHIT

PAMANTAYAN 10 PUNTOS 8 NA PUNTOS 5 PUNTOS

 Nilalaman Mabisang naipakita ang Di gaanong naipakita ang Walang maayos na
mensahe gamit.. mensahe. pagpapakita ng mensahe.
Pagka- malikhain Sobrang ganda at linaw Maganda at malinaw ng Hindi gaanong malinaw
ng pagkakasulat ng titik. pagkakasulat ang tiktik ang pagkakasulat ng titik.

Kaangkupan May malaking May kaunting kugnayan Hindi malinaw ang

kaugnayan sa paksa ang sa paksa ang ginawang kaugnayan sa paksa ang
ginawang slogan. slogan. ginawang slogan.
Kalinisan at Malinis na malinis ang Malinis ang pakakabuo. Hindi gaanong malinis ang
Kaayusan pagkakabuo pagkakabuo .

J. PAGTATAYA

TEST I.

Panuto: Piliin ang tamang sagot sa kahon. Isulat ang letra bago ang numero at pahayag.

A. Moody E. Performative Channel I. Crossing

B. Tunay F. Kulturang Popular J. African American English
C. Andrew moody G. Affiliate Channel K. Globalisasyon
D. Blommaert H. Hebdiege (1979) L. Authentic

1. Ayon sa kaniya, may ilang iba't-ibang paraan upang tukuyin ang "kulturang popular"

2. Ito ay sumusuri sa impluwensya ng mga ideolohiyang wika sa pagpili ng wika sa paggawa ng mga artifact o
produkto ng pop culture.

3. Sinusuri nito ang reaksyon ng tagahanga o fans sa wikang ginagamit sa kulturang popular.

4. Ayon sa kaniya ang ideyang ito ng ideolohiya ay nabuo mula sa isang diin sa loob ng mga pag-aaral sa
diskuro na nangangatwiran na "Ang ideolohiya ay hindi maaaring maiugnay sa isang partikular na aktor"

5. Ito ay karaniwang nauugnay sa mass media.

6. Ang bawat ideolohiya ng wika sa bawat isa sa mga kaso ng kulturang popular ay maaaring ituring na
"_______" para sa estilo o genre ng pagtatanghal at ang paglalaan ng baryasyon ng ideolohiya ay makatwiran
sa sosyolinggwistika.
7. Binanggit niya na maraming pagsisikap ang ginugugol sa sikat na musika—at malamang sa iba pang anyo
ng kulturang popular—upang matiyak na ang wika ay maging “authentic" o makatotohanan.
8. Ito ay katutubong wika ng mga Amerikano, sa mga genre na "hip-hop" ( katulad ng rap, hip-hop na musika,
mga pelikula, palabas sa telebisyon, atbp.)
 9. Nangyayari ito kapag ang isang tagapagsalita ay gumagamit ng isang "out-group" na wika sa pakikipag-usap
sa "in-group."
10. Ayon sa kaniya nagsasangkot ng "paglalagay" o paglalaan ng boses ng iba—kadalasan ay isang etniko o
panlipunang diyalekto—na may epekto na "ang mga pagbigkas ay nagpapakita ng mga persona,
pagkakakilanlan at genre maliban sa mga ipinapalagay na kasalukuyan sa ang kaganapan sa talumpati”

TEST II.
Panuto: Bumuo ng isang sanaysay tungkol sa paksang Kulturang Popular. (10 PUNTOS)

NILALAMAN AT ORGANISASYON 5
GRAMATIKA 5
KABUUAN 10

C. SUSING SAGOT

TEST I.

1. C
2. E
3. G.
4. D
5. F
6. B
7. A
8. J
 9. I
10. H

C. SANGGUNIAN
Modyul - “Language Ideology in the Discourse of Popular Culture” ni Andrew Moody

TAGAPAG ULAT (PROPAYL)

Pangalan: Monique A. Ramos

Edad: 19

Kaarawan: September 23, 2004

Tirahan: Masipit, Calapan City, Oriental Mindoro

Email: ramosmoniqueacosta@gmail.com