FIZIKE TË TOKËS. TOKA BUJQËSORE SI PRODUKT I BASHKËVEPRIMIT TË FAKTORËVE EKOLOGJIKË. ROLI I CILËSIVE FIZIKE TË TOKËS MBI BIMËT.
◦ PROFILI VERTIKAL I TOKËS.
◦ MASA E TOKËS. ◦ RËNDËSIA EKOLOGJIKE E PËRBËRJES MEKANIKE. ◦ CILËSITË UJORE TË TOKAVE. ◦ VETITË TERMIKE TË TOKËS KLASIFIKIMI EKOLOGJIK I TOKAVE. ◦ KONCEPTI I NJËSISË TOKËSORE NË LIDHJE ME ECURINË E NJË BIME. RËNDËSIA EKOLOGJIKE E VECORIVE FIZIKE TË TOKËS. Toka bujqësore si produkt I bashkëveprimit të faktorëve ekologjikë. Në rrjedhën e shekujve, koncepti I tokës bujqësore ka pësuar një evoluim të dukshëm dhe ka qënë objekt I shumë përcaktimeve,. Kuptimi I drejtë I termit tokë bujqësore ka rëndësi sepse lidhet me kompleksin e masave si dhe mënyrën e shkallën e ndërhyrjes se njeriut mbi te. Toka ka përbërë e do të përbëjë jo vetëm faktorin bazë ekologjik, por edhe elementin më të pazëvendësueshëm për jetën. Sot me termin tokë bujqësore kuptojmë shtresën sipërfaqësore të litosferës, e përbërë nga lëndë minerale dhe organike, e aftë të fitojë e të përballojë jetën bimore, vendi I një veprimtarie të gjerë biologjike dhe I proceseve kimike e fizike të cilat përcaktojnë një evolim pak a shumë të vazhdueshëm të saj. Pra, toka bujqësore krejt ndryshe nga substrati pedogjenetik nga I cili rrjedh, nuk është vetëm një grumbull materialesh minerale që rrjedh nga alternimi I shkëmbinjve, por mund e duhet të shikohet si një trup natyror që ka një histori e që zotëron një organizim, ka një tendencë evolutive dhe një sërë cilësish që I kanë lejuar dhe lejojnë të ftojë jetën sidomos atë bimore. Në lidhje me jetën e bimëve toka ka dy funksione themelore: funksioni I vendqëndrimit dhe funksioni “ ushqyes”. Funksioni I parë kushtëzohet nga sasia e tokës apo
masa, nga poroziteti, përshkueshmëria, temperatura,
prania e parazitëve, pH, lëndët tokësike etj. Funksioni ushqyes, varet nga gjithë ata faktorë që
drejtpërdrejt marrin pjesë e venë në zotërim lëndët
ushqyese për bimët, si dhe praninë e përbërjeve të caktuara kimike, ujët, veprimtaria mikrobike etj. Proceset përmes të cilave toka bujqësore është
formuar janë shumë komplekse.
Skematikisht ato mund të ndahen në dy grupe kryesore: procese shkatërruese e ato ndërtuese. Të parat përfshijnë coptimin fizik dhe shpërbërjen kimike si të mineraleve ashtu edhe të indeve bimore apo shtazore. Të dytat synojnë të prodhojnë përbërje të reja kimike, minerale e organike. Pra toka bujqësore nuk është një masë statike por një tërësi dinamike që mund të pësojë transformime të ndryshme, si rrejdhojë e veprimit të përbashëkt e të njëkohshëm të një numri të madh faktorësh, ku peshën të madhe e zenë faktorët fitogjenë e antropogjenë. Pa fitocenozë ( ose biocenozë në tërësi) nuk ka e s’mund të ketë formim e zhvillim të tokës bujqësore. Është fitocenoza që ndryshon vetitë abiogjene fizike e kimike të tokës duke formuar vetinë më themelore , pjellorinë e saj Në formimin dhe evolimin e tokës bujqësore roli kryesor I takon njeriut. Me veprimtarinë spontane në: periudhat e para historike, e me ato shkencore në kohët moderne, në varësi të shkallës së njohjes dhe kufizimeve të sistemeve ekonomike shoqërore, njeriu I ka dhënë tendencën kryesore zhvillimit të tokës bujqësore. Nga sa më lart dallojmë se midis konceptit tokë dhe tokë bujqësore ka ndryshime pak a shumë të dukshme Toka në fakt përbën një tërësi natyrore që përcaktohet duke mbajtur parasysh gjenenzën e saj dhe tipin e evolucionit që pëson pavarësisht nga aftësia e saj për të prodhuar, Toka bujqësore është një mjet që bën të mundur ushtrimin e një veprimtarie prodhuese bujqësore ekonomikisht I leverdisshëm në lidhje me punën e investuar nga njeriu. Pa u futur në hollësi për faktorët pedogjenetikë, sepse ata janë objekt I disiplinave të tjera, do të veconim se shkëmbi gjeologjik është kthyer në tokë përmes veprimit të faktorëve fizikë, ose si quhen ndryshe veprimet fiziko- mekanikë ( veprimet e akullanajve, të ndryshimit të rregjimit të reshjeve, të temepraturës, veprimi I ngricave, erërave etj,) veprimi I faktorëve kimikë, rrjedhojë e aktivitetit të përbashkët të tri përbërësve të biosferës ( ujit, gazit karbonik dhe oksigjenit) dhe veprimi I faktorëve biotikë (veprime të bimësisë e mbetjeve të saj, humusit e mikroorganizmave etj). 2. ROLI I CILËSIVE FIZIKE TË TOKËS MBI BIMËT. Toka bujqësore është e pajisur me një
grumbull cilësish që I lejojnë bimët, kur
kultivohen, të realizojnë një prodhim të caktuar. Tërësia e këtyre cilësive , e ndryshme nga një tokë në tjetrën përbën kriterin dallues midis tokave. Një tokë me një grumbull cilësish paraqitet
më e volitëshme për bimët se një tokë me
kompleks cilësish të tjera. Edhe pse njeriu është faktor udhëheqës në
procesin pedogjenetik e evolucionin e tokës
bujqësore , faktorët natyrorë veprojnë. Prandaj puna e njeriut për unifikimin e tyre është një process I gjatë, për rrjedhojë ka dhe do të ketë toka me veti fizike të ndryshme, të cilat pasqyrojnë ndikime të ndryshme mbi bimët Cilësitë fizike janë të shumta dhe ato trajtohen mirë e gjerësisht në pedologji e bujqësi të përgjithëshme.
2.1 PROFILI VERTIKAL I TOKËS.
Nga pedologjia njohim se faktorët pedogjenetikë, duke shfaqur veprimin e tyre mbi tokën, cojnë në formimin gradual të shtresave apo horizonteve. Pikërisht bashkësia e këtyre horizonteve që ndryshojnë nga njëra tjetra nga ngjyra, trashësia, përbërja kimike, vetitë fizike dhe veprimtaria biologjike , përbëjnë profilin vertikal të tokës apo stratografinë, ka një ndikim të dukshëm mbi rritjen bimore. Në tokat natyrore që nuk I janë nënshtruar veprimit të drejtpërdrejtë të njeriut, profili vertikal ndahet në 4 shtresa: Horizonti I parë ose sipërfaqësor së bashku me horizontin e dytë formon tokën në kuptimin e mirëfilltë. Edhe pse horizonti I parë është në kontakt të drejtpërdrejtë me rrënjët, mbi pjellorinë ndikon fuqishëm edhe horizonti I dytë, pavarësisht se në të shumtën e rasteve është kompakt, e pak I përshkueshëm si rrjedhojë e sasisë së tepërt të argjilës. Horizonti I tretë dhe I katërt paraqesin respektivisht substratin pedogjenetik dhe shkëmbin amnor Njeriu me ndërhyrjen e tij , kryesisht nëpërmjet plugimeve, ndryshon stratografinë dhe con në formimin e atij që quhet “ profili kulturor” ose “ profili agronomik” I cili ndahet jo më në horizonte, por në dy shtresa: në shtresën aktive dhe në atë inerte, të vendosura e para në pjesën e sipërme dhe e dyta në atë të poshtme. Ndërmjet dy shtresave ka diferenca thelbësore të karakterit kimik, fizik e biologjik Shtresa aktive është më e pasur me lëndë aktive, sepse plehrat dhe rrënjët shkaktojnë një prurje të elementëve nga poshtë lart duke I vendosur në pjesën e sipërme. Humusi është I pasur me N, ngjyra më e errët për shkak të lëndës organike më të madhe, veprimtaria mikrobiologjike më intensive ajrosja është më e madhe edhe pse horizonti sipërfaqësor është më I rëndësishëm, nuk duhet të shihet pa interes e nënvleftësuar shtresa inerte. Ndryshimet e profilit vertikal të tokës kanë rëndësi të vecantë ekologjike, këto ndryshime pasqyrohen në rritjen dhe degëzimin e rrënjëve dhe në tërë veprimtarinë e mikro organizmave tokësorë që drejtpërdrejt apo tërthor ndikojnë pastaj mbi funksionimin e përgjithshëm dhe prodhimtarinë e bimëve.
RËNDËSIA EKOLOGJIKE E PËRBËRJES MEKANIKE.
Përbërja mekanike ose granulometrike e tokës, karakterizohet nga përqindja e raportit të pjesëve minerale të madhësive të ndryshme. Ndikimi I drejtpërdrejtë I përbërjes mekanike të tokës mbi bimët është në përgjithësi jo I vogël. . Me përbërjen mekanike lidhet volume I poreve. Pjesët e mëdha minerale kushtëzojnë përmasa të mëdha të poreve, ajrim më të mirë, por aftësi ujëmbajtëse më të vogël. Veti e vecantë e tokës që lidhet me përbërjen mekanike, është aftësia thithëse e saj e cila mban për një afat më të gjatë lëndët ushqyese në zonën e rrënjëve. Ajo varet prej pjesëve më të imta përbërëse, prandaj në tokat argjilore është më e lartë se ato ranore. Përbërja mekanike e tokës ka rëndësi të madhe për lidhjen e pjesëve të vecanta të tokës në agregate pak a shumë të qëndrueshëm , dmth mbi strukturën e tokës. Ajo luan rol drejtpërdrejt dhe përcakton mundësinë e depërtimit të sistemit rrënjor në thellësinë e domosdoshme , kushtëzon rregjimin ujor - ajror dhe të ngrohtësisë së tokës, veprimtarinë biologjike të mikroorganizmave etj. Jo rrallë herë shërben si tregues I pasurisë së tokës me lëndë ushqyese. CILËSITË UJORE T Ë TOKAVE. Janë të një rëndësie të vecantë ekologjike dhe përbëjnë tregues shumë të rëndësishëm si për përcaktimin e një strukture më të përshtatëshme të bimës ( sidomos në tokat që janë mbi ujë) ashtu edhe për ndikimin e tyre të drejtpërdrejtë mbi veprimtarinë biologjike e prodhuese të bimëve. Per te gjykuar per cilesite ujore te tokes rendesi kane dy tregusit e saj. a) kapaciteti ujembajtes I tokes. b) pika e vyshkjes se bimes. VETITË TERMIKE TË TOKËS. Kushtëzohen nga shkëmbimet energjetike midis tokës dhe atmosferës janë të një rëndësie të vecantë për bimët. Rregjimi termik I tokës përvecse ndikon në mënyrë të tërthortë mbi bimët nëpërmjet ndryshimeve të cilësive fizike të tokave, ka veprim të drejtpërdrejtë mbi shkallën e prodhimtarisë Ai kontrollon dhe kushtëzon mbirjen e farave, veprimtarinë e sistemit rrënjor, ka ndikim mbi fazat e para të ecurisë fenologjike të bimëve. Ndikon drejtpërdrejt mbi rritjen dhe riprodhimin e mikroflorës e të mikrofaunës së tokës si dhe veprimtarinë e tyre biologjike duke kushtëzuar kështu procese të tilla si umifikimi, nitrifikimi, denitrifikimi, amonifikimi, fiksimi molekular I azotit. 3. KLASIFIKIMI EKOLOGJIK I TOKAVE. Sot ka shumë klasifikime të tokave, të cilet mbështeten në grupimin e tyre sipas ngjashmërisë ose diferencave në lidhje me vecoritë pedologjike, agronomike dhe agrokimike. Këto klasifikime kanë vlera të mëdha, por nuk janë të plota sepse nuk japin pasqyrimin e saktë të ndikimit të tërësisë të vecorive të tokës në lidhje me mundësitë prodhuese të bimëve. Për një bujqësi të përparuar grupimi I tokave sipas shkallës së përshtatshmërisë në lidhje me kultivimin e bimëve duhet të përbëjë një objektiv të rëndësishëm. Pikërisht, ky grupim, ose vlerësim do të ishte më I drejtë dhe më I saktë të quhet klasifikimi ekologjik I tokave sepse merr si kriter bazë rregjimin biologjik e prodhues të bimëve. Principi themelor, që qëndron në bazën e klasifikimit të përdorimit të tokave, është individualizimi I faktorëve që pengojnë prodhimin e lartë të bimëve, vështirësojnë problemet që e kushtëzojnë rritjen e kostos së prodhimit si rrjedhojë e investimeve që duhen bërë për ti optimizuar. Klasifikimin ekologjik të tokave mund ta diferencojmë duke u bazuar në shkallën e përshtatshmërisë së tyre për një numur bimësh të konsiderueshme së bashku apo sipas shkallës së përshtatshëmrisë për cdo bimë më vete. Pjesa më e madhe e klasifikimeve të deritanishme është sipas drejtimit të parë, për faktin e thjeshtë, sepse është më e lehtë nga pikpamja shkencore për ta kryer. Drejtimi I parë synon në përcaktimin e klasave të tokave, prej të cilave, në kushet e një teknologjie të lartë të kultivimit të bimëve të merren rregullisht rendimente të larta nga një numur bimësh dhe të mos krijohen problem të vështira për tu zgjidhur. Tokat e tjera vecohen në një renditje zbritëse, sipas kufizimeve që paraqesin bimët, prodhimin e teknikat e kultivimit. Drejtimi i dytë evidenton shkallën e përshtatshëmrisë së tokave në lidhje me cdo bimë. Realizimi I këtij klasifikimi jo vetëm dallon vlerën e tokave në lidhje me prodhimin e një bime, por përcakton edhe shkallën epërshtatshmërisë së tokave të një zone për bimë të ndryshme të krahasuara me njëra tjetrën. Pavarësisht nga diferencat e këtyre klasifikimeve kryerja e tyre jep mundësi të reja për prognozmin dhe programimin e prodhimit bujqësor për disa arsye: Së pari. Klasifikimi ekologjik con në një planifikim më
shkencor të prodhimit bujqësor, I mbështetur në
mundësinë prodhuese të tokave sipas bimëve që mbillen në zonat e ndryshme bujqësore. Në këtë kuadër gjithashtu, ndihmohet më mirë përcaktimi I strukturës së bimëve që duhen mbjellë për të patur fitimin maksimal. Së dyti. Orienton më drejt vecoritë e përmirësimit të
mëtejshëm të tokave, sepse evidentohen më saktë
kufizimet që ato paraqesin dhe për rrjedhojë rritet në mënyrë mjaft të ndjeshme frutshmëria e investimeve mbi tokën. Së treti. Vendosen në baza më shkencore teknologjitë e kultivimit t ë bimëve sepse merren për bazë jo vetëm vecoritë e bimës por edhe ato të mjedisit tokësor. Ndryshimi kryesor I këtyre grupimeve me ato
agropedologjike qëndron ën faktin se si kriter vlerësimi
nuk merren aspekte të gjendjes apo vecorive fizike të tokave, por përfitimi ekonomik që vjen nga kultiivmi I bimëve. Pra, nga sinteza kalohet më vonë në analizë. Sot është pranuar se më I përshtatshëm është klasifikimi I tokave përpunuar nga FAO. Sipas këtij klasifikimi tokat renditen në klasa në bazë të vecorive fizike homogjene, duke diferencuar në të njëtën kohë, aftësinë prodhuese, dmth të ardhurat që vijnë nga cdo klasë sipas investimeve të bëra. Pra ky grupim paraqet një kriter të theksuar tekniko – ekonomik. Meqënëse aftësia e një toke për të dhënë një prodhim të caktuar bujqësor (me kushte klimatike të njëjta) varet nga faktorët fizikë, tokë, reliev, e kullim, atëherë analiza e këtyre tre elementeve përbën bazën thememlore të këtij klasifikimi. Vecoritë kryesore, që kanë peshë mbi aftësinë prodhuese të një bime, për tokën janë thellësia , përbërja mekanike, struktura, pH, kripëzimi, alkaliteti, pjelloria, përshkueshëmria , erozioni etj. Për relievin mund të analizohen pjerrësia, kuota, këndrejtimi etj. Sipas këtyre kritereve tokat mund të grupohen në 6 klasa: Klasa e parë, e dytë, e tretë në përgjithësi përfshijnë tokat që japin prodhime të larta. Klasa e katërt është e përshtatëshme për disa bimë, klasa e gjashtë është e papërshtatëshme për kultivimin për shkak të kufizimeve që mund të ndryshohen me vështirësi. Klasa e pestë ka karakter të përkohshëm dhe nuk paraqitet në hartën e këtij klasifikimi. Tokat e klasit të parë paraqesin kufizime minimale fizike për përdorim bujqësor, ndërsa defektet dhe kufizimet e tokës, relievit dhe kullimit përcaktojnë kalimin në klasat e tjera. Sipas këtij grupimi aftësia prodhuese e për rrjedhojë frutshmëria e tokës zvogëlohet me kalimin nga klasa e parë në klasën e dytë dhe të tretë. Në klasat e para, të dyta, e të treta shkojnë mirë te bimët, megjithëse në klasën e tretë kufizimet e tokës e vështirësojnë kultivimin dhe kërkojnë shtesë investimesh që I rëndojnë shpenzimet e prodhimit. Klasa e katërt në ndryshim me klasat e mësipërme , paraqet kufizime të mëdha në lidhje me bimët, pengon dhe vështirëson shumë mundësinë e zbatimit të një qarkullimi bujqësor. Mund të përdoren këto toka nga bimë të vecanta foragjere drufrutore etj.Ndarja e tokave në klasa sipas këtij klasifikimi të mësipërm nuk duhet ta marrim si një ndarje të qëndrueshme në kohë , por si një kriter udhëheqës I punës për optimizimin e faktorëve fizikë për ta mbajtur apo për ta sjellë tokën në një gjendje të tillë, ku një bimë mund të japë maksimumin e mundshëm. Diferncimi I tokave nuk pengon, por orienton se si duhet vepruar për të kaluar nga një klasë në tjetrën dhe jep një ide të saktë mbi shakllën e investimeve që duhet kryhen për ta realizuar kalimin në një klasë të lartë. Pra klasifikimi mbi shaklëln e investimeve së diferencave fizike përbën arsyen thelbësore për përmirësimin e vazhdueshë të cilësive të tokave në lidhje me rritjen e vazhdueshme të prodhimit bujqësor.