Professional Documents
Culture Documents
HPE TG G6 Body Edited
HPE TG G6 Body Edited
ትምህርት
የመምህር መምሪያ
6 ኛ ክፍል
አዘጋጆች
ተስፋሁን መብራቱ
ሁነኝ ገ/ክርስቶስ
አርታኢዎች
ቢኒያም ደጉ
አለምነው ደሳለኝ
ቡድን መሪ
ዶ/ር ተከተል አብርሃም
ዲዛይነር
አትርሳው ጥግይሁን
አትሌቲክስ(16 ክ/ጊዜ)
4.1
ሩጫ................................................................................
................................42
4.2
ውርወራ..............................................................................
............................44
4.3
ዝላይ................................................................................
...............................47
3 ጤናና ሰውነት ማጎልመሻ 6 ኛ ክፍል
የተማሪ መጽሐፍ
ምዕራፍ 5
ምዕራፍ
(7 ክ/ጊዜ)
አጠቃላይ ዓላማዎች፡
ተማሪዎች ይህንን ምዕራፍ ከተማሩ በኋላ፡-
የሰውነት ማጎልመሻ ትምህርት አላማዎችና ስፖርት ፅንሰ-ሀሳብ ይረዳሉ።
የስፖርት ጉዳት መከላከያ መንገዶችን ያውቃሉ።
የኢትዮጲያ ዝነኛ ስፖርተኞችን ተግባራት ያደንቃሉ።
የኦሎምፒክ አርማና መመሪያ ትርጓሜዎችን ይረዳሉ።
መግቢያ
በዚህ ምዕራፍ ስር የተካተቱት አብይ ይዘቶች የጤናና ሰውነት ማጎልመሻ ትምህርት አላዎች፣ የስርፖት ትርጓሜዎች፣ የስፖርት ጉዳት
መከላከያ መንገዶች፣ የኢትዮጲያ ዝነኛ ስፖርተኞች ተግባራት፣ የኦሎምፒክ ሰንደቅ አላማ እና መሪ ቃል ትርጓሜዎች ተካተዋል።
ዝርዝር ዓላማዎች፡-
ªª ተማሪዎች ይህን ትምህርት ከተማሩ በኋላ፡-
ªª የጤናና የሰውነት ማጎልመሻ ትምህርት አላማዎችን ይዘረዝራሉ።
ªª የጤናና ሰውነት ማጎልመሻ ትምህርት ለአካላዊ፣ ለአእምሮዊና ለክህሎታዊ እድገት ያለውን አስተዋጽኦ ይገልጻሉ።
የጤናና ሰውነት ማጎልመሻ ትምህርት ለተማሪዎች ሁለንተናዊ ዕድገት ከፍተኛ አስተዋጽዖ የሚያበረክት አንዱ የትምህርት ዘርፍ ነው።
ተማሪዎች በእንቅስቃሴዎች አማካይነት ክህሎትና አካላዊ ብቃታቸውን የሚያዳብሩትን ያህል በትምህርት መስኩ መሰረታዊ ንድፈ
ሀሳቦች አማካይነት ደግሞ ግንዛቤያቸውን ያዳብራሉ፤ የአመለካከት ለውጥ ያመጣሉ፤ ለወደፊት ሕይወታቸውና አካላዊ እንቅስቃሴን
ሲሰሩ ውጤታማ የሚያደርጓቸውን መሠረታዊ መርሆዎች ይረዳሉ፤ እንዲሁም ያገኙትን ዕውቀትም በተግባር ይጠቀማሉ።
በተጨማሪም የሰውነት ማጎልመሻ ትምህርት አላማ በአራት ዋና ዋና ክፍሎች ይከፈላሉ።
ተግባር 1. መልስ
1. በምትኖሩበት አካባቢም ሆነ በሌላ ቦታ የተስተካከለ ጥሩ የአካል ቁመና ያላቸውን ሰዎች ተመልክታችኋል? ይህ
የተስተካከል የአካል ቁመና እንዴት ሊመጣ እንደሚችል በቡድን በመወያየት ለክፍል ጓደኞቻችሁ አስረዱ?
•• የተስተካከለ አካላዊ ቁመና ሊመጣ የሚችለው፡-
• የእንቅስቃሴ መርሆዎችን መከተልና የአካል ብቃት እንቅስቃሴ መስራት
• ወጥና ዘላቂ የሆነ አካላዊ እንቅስቃሴ በማድረግ
• የተስተካከለ አመጋገብ ስርአትን በመከተል
• በቂ እረፍት ማድረግ ወዘተ
2. የጤናና ሰውነት ማጎልመሻ ትምህርት ከሌሎች የትምህርት አይነቶች በምን ይለያል፣ በቡድን እንዲወያ ማድረግ።
•• የጤናና ሰውነት ማጎልመሻ ትምህርት ከሌሎች የትምህርት አይነቶች የሚለይበት
• ትምህርቱ በአብዛኛው በተግባራዊ እንቅስቃሴዎች ያተኮረ ሆኖ በተጨማሪም በፅንሰ ሀሳብ የተደገፈ መሆኑ።
በመሆኑም የጤናና ሰውነት ማጎልመሻ ትምህርት ያለ እንቅስቃሴ ትርጉም አልባ ማለት ነው።
• አላማው ሁሉንም የባህሪ ፈርጆች የያዘ በመሆኑ በተማሪዎች ላይ አካላዊ፣ አመለካከታዊና የክህሎት ለውጦችን
ለማምጣት ያስችላል
• በምዘና ስልቱ
ስፖርት ውድድራዊ ይዘት ያለው ጨዋታ ሲሆን ሀገር አቀፋዊ ወይም ዓለም አቀፋዊ ህግ ያለው ሆኖ አካላዊና አዕምሮዊ ፉክክር
የሚደረግበት ነው። እንቅስቃሴውንም ለመምራት የተቋቋመ የራሱ የሆነ አደረጃጀት ያለው ነው።
• በዋናነት ለውድድር ተግባር ተብሎ የሚደርግ እንቅስቃሴ ሲሆን አሸናፊና ተሸናፊ የሚለዩበት ነው።
• ህጎች ከተወዳዳሪዎች ውጭ በሆነ አካል የወጡና ቀደም ብሎ የተደነገጉ ናቸው። ለምሳሌ የኳስ ጨዋታዎች፣ አትሌቲክስና
ጅምናስቲክስ ሊጠቀሱ ይችላሉ።
የስፖርት ትርጉም ከላይ በተዘረዘረው መሰረት ሆኖ በስሩ የተገለጹት የውድድር ዓይነቶች በሙሉ በሰውነት ማጎልመሻ ትምህርት ይዘት
ውስጥ ተካተው የሚሰጡ ናቸው። ስፖርት በጥቅሉ ሲታይ ከሰውነት ማጎልመሻ ትምህርት ውስጥ የሚገኝና ራሱን በውድድር መልክ
በማደራጀት የሚካሄድ ዘርፍ ነው።
መርጃ መሳሪያዎች፦ ስዕሎች፣ፖስተር
የመማር ማስተማር ቅደም ተከተል
• ያለፈውን ትምህርት በጥያቄ መልክ መከለስ
• ስለ ስፖርት ትርጉም ከዚህ በፊት ከተማሩት ጋር በማገናኝት እንዲመልሱ የቃል ጥያቄ መጠየቅ።
• ከተማሪዎች መልስ በመነሳት ተጨማሪ ማብራሪያ መስጠት
• ስፖርት ከጤናና ሰውነት ማጎልመሻ ትምህርት ጋር ያለውን አንድነትና ልዩነት ጥንድ ጥንድ ሆነው እንዲወያዩ እድል
መስጠት።
• በጥንድ የተወያዩበትን አራት አራት ሆነው በቡድን እንዲወያዩ ማድረግ
• በቡድን የተወያዩበትን ለክፍሉ ተማሪዎች እንዲያቀርቡ ማድረግ
• ከተሰጡት ሀሳቦች ላይ ተጨማሪ ማብራሪያ በመስጠት ማጠቃለል።
ክትትልና ግምገማ፦ የቃል ጥያቄ፣የቡድን ፅብረቃ፣ፈተና
1. የኦሎምፒክ ሰንደቅ አላማ ምንም ድንበር በሌለው በነጭ ቀለም መደብ ላይ ያረፈ ሲሆን በመሃሉ አምስት ቀለበቶች ከግራ ወደ
ቀኝ ሰማያዊ፣ ብጫ፣ ጥቁር፣ አርንጓዴና ቀይ ቀለሞችን በማጣመር ይይዛሉ።
2. የኦሎምፒክ አርማ አምስቱ የተለያየ ቀለም ያለቸው ቀለበቶች ሲሆኑ ቀለማቸውም ከላይ እንደተገለጸው የተለያየ ሲሆን
የሚወክሉትም የአምስቱን አህጉራት ሰንደቅ አላማ/ባንዲራዎች ነው። በተጨማሪም የእያንዳንዱ ሀገር የሰንደቅ አላማ ቀለም
ቢያንስ ከኦሎምፒክ አርማ ቀለማት ውስጥ ቢያንስ አንዱ ቀለም ይወከላል ተብሎ ይታሰባል።
3. የኦሎምፒክ መሪ ቃል (ሞቶ) ማለት ሲቲየስ(ፈጣን)፣ አልቲየስ(ከፍያለ)፣ ፎርቲየስ (ጠንካራ) በኦሎምፒክ ጨዋታዎች የታወቀ
መሪ ቃል (ሞቶ) ሲሆን ትርጓሜውም በውድድሮች አትሌቶች በፍጥነት እንዲሮጡ፣ የበለጠ እንዲወረውሩ፣ ከፍ ብለው
እንዲዘልሉ እና ከተፎካካሪዎቻቸው የበለጠ እንዲዘሉ ስለሚፈለግ አትሌቲክስ የዚህ የኦሎምፒክ መፈክር ፍጹም መግለጫ
ነው። የሚገልጸው ከፍተኛውን የኦሎምፒክ እንቅስቃሴ ምኞትና ፍላጎት ነው። ይኽውም ወንድማማችነት፣ ህብረት፣ ብሎም
ለጋራ ጥቅም በአንድነት መቆም ነው።
4. የኦሎምፒክ አርማና ምልክቶች የተቀመጡት አምስቱ ቀለሞች ማለትም ሰማያዊ፣ ቢጫ፣ ጥቁር፣ አርንጓዴና ቀይ ሲሆኑ በቀለሞች
የሚወከሉት የአህጉራት ሰንደቅ አላማዎች ሲሆኑ አህጉራቶች ደግሞ አውስትራሊያ፣ ኤሲያ፣ አፍሪካ፣ አውሮፓና፣ አሜሪካ
ናቸው። የኦሎምፒክ መሰረታዊ መርሆዎች የሚባሉት ለስፖርት እንቅስቃሴ መሰረት የሆኑት አካላዊ ሞራላዊ ብቃቶችን
ማሳደግ፣ ወጣቱን ትውልድ በስፖርት ኮትኩቶና አሰልጥኖ ከሁሉም ጋር በመተሳሰብና በወንድማማችነት መንፈስ ተደጋግፎ
በመኖር የተሻለ ሰራማዊ አለምን ለመፍጠር እንዲችል ወዘተማድረግ ነው።
መርጃ መሳሪያዎች፦ ፖስተር፣ ስእል፣ ቪዲዮ
የመማር ማስተማር ቅደም ተከተሎች
ªª ከቀደምት እውቀታቸው በመነሳት ስለኦሎምፒክ ስፖርት ምንነትና አጀማመር እንዲናገሩ እድል መስጠት
ªª ስለ ኦሎምፒክ ባንዲራ፣አርማና መሪ ቃል (ሞቶ) በስዕል በማስደገፍ ገለጻ መስጠት
ªª የቃል ጥያቄዎችን በጠየቅና ተማሪዎችም እንዲጠይቁ እድል መስጠት
ªª ጥያቄዎችን በመመለስና ተጨማሪ ማብራሪያ በመስጠት ማጠቃለል
ክትትልና ግምገማ፦ የቃል ጥያቄ፣ግብረ-መልስ
መልስ
ተማሪዎች ይህንን ምዕራፍ ከተማሩ በኋላ፡-
1. እውነት 2. ሀሰት 3. እውነት 4.
እውነት
1. የአካል እንቅስቃሴ ከአዕምሮ እድገት ጋር ያለው ግንኙነት አብራሩ
የሰውነታችን አጠቃላይ ክፍል ትብብር የሚከናወነው በአእምሮአችንና እንዲሁም በተለያዩ የሰውነት ክፍሎች ጡንቻዎችና
ነርቮች አማካኝነት ነው።
ለምሳሌ በማንኛውም የሰውነት ክፍላችን የህመም ስሜት ቢሰማን አዕምሯችን ስለሚረብሸው ሌሎች አካላዊም ሆነ አዕምሯዊ
ተግባር ለመፈጸም እንቸገራለን። ስለሆነም የደረሰው የህመም ስሜት አዕምሯችንንም ስለሚጎዳው ያልተስተካከለ የጤና አቋም
አዕምሯችንም ሆነ አካላችን ሊሰሯቸው የሚችሉትን ልዩ ልዩ ክህሎቶች ያደናቅፋል።
2. በእንቅስቃሴ ወቅት አካላዊ ጉዳት እንዳይከሰት መወሰድ ከሚገባቸው መከላከያ መንገዶች ውስጥ ቢያንስ አራት
ጥቀሱ።
ከተማሪው መማሪያ መፅሀፍ ከተገለፁት በተጨማሪ
ከእንቅስቃሴ በፊት የሰውነት ማሟሟቂያና ማሳሳቢያ እንቅስቃሴ መስራት
ተገቢ የስፖርት ትጥቅ ማድረግ
ከእንቅስቃሰው ወይም ከውድድሩ በፊት በቂ ስነ ልቦናዊ ዝግጅት ማድረግ
የስፖርት መገልገያ መሳሪያዎችን በአግባቡ መጠቀም
ስፖርት ከምንሰራበት ቦታ አደጋ ሊያደርሱ የሚችሉ ቁሳቁሶችን ማራቅ
3. የኦሎምፒክ አምስቱ ቀለበቶች ቀለማቸው ሰማያዊ፣ቢጫ፣ጥቁር፣አርንጓዴና ቀይ ነው
ምዕራፍ
አጠቃላይ ዓላማዎች፡
ተማሪዎች ይህንን ምዕራፍ ከተማሩ በኋላ፡-
• የራስን ግንዛቤና አስተዳደርን የሚያዳብሩ ልዩልዩ ጨዋታዎችን ይገነዘባሉ።
• ማህበራዊ ግንኙነትንና የትብብር ክህሎትን ያዳብራሉ።
• በሀላፊነት የዳበር ውሳኔ አሰጣጥን የሚያዳብሩ ልዩልዩ ጨዋታዎችን ይጫወታሉ።
• በጥልቀት ማሰብንና ማገናዘብን የሚያዳብሩ በልዩልዩ ጨዋታዎች ይሳተፋሉ።
መግቢያ
በዚህ ምዕራፍ ስር የተካተቱት አብይ ይዘቶች የጤናና ሰውነት ማጎልመሻ ትምህርት አላዎች፣ የስርፖት ትርጓሜዎች፣ የስፖርት ጉዳት
መከላከያ መንገዶች፣ የኢትዮጲያ ዝነኛ ስፖርተኞች ተግባራት፣ የኦሎምፒክ ሰንደቅ አላማ እና መሪ ቃል ትርጓሜዎች ተካተዋል።
መግቢያ
የጤናና ሰውነት ማጎልመሻ ትምህርት በግል፣ በጥንድና፣ በቡድን/በህብረት ማከናወን ይቻላል።የቡድን/ህብረት ስራ የማህበራዊ
ግንኙነት አካልና የሰውነት ማጎልመሻ እንቅስቃሴ አንዱና ዋናው ክፍል ነው።
ይህ እንቅስቃሴ በአንድነት ቡድናዊ ቅንጅታቸውን ጠብቀን የምንሰራቸው እንደ ጅምናስቲክስ፣እግር ኳስ፣ ቮሊቦል፣ቅርጫት ኳስና ልዩ
ልዩ ጨዋታዎች ወዘተ ይጠቀሳሉ። ለተሳታፊ ስፖረተኞችም፡-
ªª በጋር የመስራትንና የመፈቃቀድን
ªª ለጋራ አላማ በአንድ መቆምን
ªª ጤንነትንና ደህንነትን ለማስጠበቅ
ªª የጨዋታውን ህግና ደንብ ለማወቅ
ªª ማህበራዊ ኑሮን ለማዳበር
ªª ራስን ለመግዛትና የራስን ስሜት ለመምራት
ªª በጥልቀት የማሰብ ክህሎትን ለማዳበር
ªª በራስ መተማመንና ውሳኔ ሰጭነት ለማዳበር የሚያስችሉ ብቃቶችን ያሳድጋሉ።
ራስን ማወቅ ማለት ጥንካሬያችን ፣ ድክመቶቻችን እና ገደቦቻችን፣ መረጃዎችን እንዴት እንደምንሰበስብ እና እንደምናከናውን፣ አሻሚ
እና አስቸጋሪሁኔታዎችን እንዴት እንደምናልፍ እና መፍትሔ እንደምንሰጥ ከሌሎች ጋር እንዴት እንደምንተባበርና እንደምንረዳዳ
ያካትታል።
ራስ መምራት ችሎታዎች ድርጊትን ፣ ስሜትንና እና ሀሳቦችን የመቆጣጠር ችሎታ ናቸው።ራስ ማስተዳደር መቻል አላማን ከግብ
ለማድረስ የሚደረጉ ጥረቶችን የበለጠ ስኬታማ ለማድረግ ይረዳል።
መርጃ መሳሪያዎች፦ ስዕል፣ፖስተር
የመማር ማስተማር ቅደም ተከተል
ªª በአምስተኛ ክፍል በተማሩት መሰረት ራስን ማወቅና ራስን መምራት የሚያዳብሩ ልዩ ልዩ ጨዋታዎች እንዲዘረዝሩ የቃል ጥያቄ
መጠየቅ።
ªª ተማሪዎች ከመለሱት መልስ በመነሳት ተጨማሪ ማብራሪያ መስጠት
ªª የእለቱን ትምህርት ከ 5 ኛ ክፍል ከተማሩት ጋር በማያያዝ ማብራሪያ መስጠት።
ªª በቡድን በማደራጀት የመወያያ ጥያቄ መስጠታና እንዲወያዩ ማድረግ
ªª የተወያዩበትን ከየቡድናቸው እንዲያቀርቡ ማድረግ
ªª በቀረበው ላይ ተማሪዎች ጥያቄ እንዲጠይቁ እድል መስጠትና ተጨማሪ ማብራሪያ በመስጠት ማጠቃለል።
ክትትልና ግምገማ፡-የቃልጥያቄ
ተግባር
1. በ 5 ኛ ክፍል የሰውነት ማጎልመሻ ትምህርት የተማሯቸው ራስን ማወቅና ራስን ማስተዳደር የሚያዳብሩ ልዩ ልዩ ጨዋታዎችን
የሚባሉት ጭራ ነቀላ፣የአራት ቤት ምርኮና ውጭና ውስጥ ናቸው።
2. የቀለበት ማጥለቅ እሽቅድድም
የቀለበት ማጥለቅ እሽቅድድም ተማሪዎች ስለራሳቸው ያላቸውን ግንዛቤና ራስን መምራት ችሎታን ለማዳበር የሚያስችል እንቅስቃሴ
ሲሆን በተጨማሪም ለማጥለቅና ለማውለቅ በሚደረግው እንቅስቃሴ ሰውነትን እንደልብ የማዘዝ ችሎታን ከማስገኝቱም ሌላ
ፈጣንና ቀልጣፋ ለመሆን ያስችላል። ጨዋታውን ቡድን በውድድር መልክ ማከናወን ይቻላል።
መርጃ መሳሪያዎች፦ ክብ ጎማ፣ገመድ፣ሰፊ የእንጨት ቀለበት
የመማር ማስተማር ቅደም ተከተል
ªª የሰውነት ማሟሟቂያ እንቅስቃሴ ማሰራት
ªª የክፍሉን ተማሪዎች እኩል በሆነ በሁለት ወይም በአራት ቡድን በረድፍ ማሰለፍ።
መርጃ መሳሪያዎች፦ስዕል
የመማር ማስተማር ቅደም ተከተል
ªª የበቡድን የሰውነት ማሟሟቂያ እንቅስቃሴ ማሰራት።
ªª የጨዋታው የአጨዋወት ቅደም ተከተል መንገር
ªª በአካል ብቃት ተቀራራቢ የሆኑትን ተማሪዎች ጥንድ ጥንድ ሆነው ፊት ለፊት ቁጢጥ/ከጉልበታቸው ሸብረክ በማለት
እንዲቀመጡ ማድረግ።
ªª ቁጢጥ/ከጉልበታቸው ሸብረክ በማለት ዝልል ዝልል በማለት ሚዛናቸውን በመጠበቅ እጃቸውን በደረታቸው በማስጠጋት
በእጅ መዳፍ መጋፋት።
ªª ሚዛን ያሳተ ተማሪ አንድ ነጥብ ያገኛል በዚህ መልኩ አስር ነጥብ ያገኝ ተማሪ አሸናፊ ይሆናል።
ªª በግል ወይም በቡድን የሰውነት ማቀዝቀዣ እንዲሰሩ ማድረግ
ªª የደሮ ጥል ጨዋታ የአካል ብቃትን ከማዳበር በተጨማሪ ያለውን ጠቀሜታ እንዲናገሩ እድል መስጠት
ªª ከሰሩት ተግባር አንፃር ተጨማሪ ጥያቄዎችን በመጠየቅ እንዲመልሱ ማድረግ
ªª የተጠየቁትን በመመለስ ለሚቀጥለው ክፍለ ጊዜ ተዘጋጅተው እንዲመጡ በመንገር ማጠናቀቅ
ክትትልና ግምገማ፡-ምልከታ
ªª በጨዋታው ያገኙትን ጠቀሜታ በመጠየቅ የሰውነት ማቀዝቀዣና ማሳሳቢያ እንቅስቃሴዎችን በማሰራት ማጠቃለል።
ክትትልና ግምገማ
ªª የጨዋታውን ህግ ጠብቀው መጫዎታቸውን በምልከታ ማረጋገጥ
ªª አንድ እግርን ወደፊት በማድረግ እጅ ለእጅ መያያዝና ጀምሩ የሚል ትዕዛዝ ሲሰጥ ሁሉም በበኩሉ ወደራሱ ሜዳ በመጎተት
የመጨረሻውን መስመር ለማሳለፍ መሞከር።
ªª ጎትቶ ወደራሱ መስመር ያስገባ ቡድን አሸናፊ ይሆናል።
ªª ውድድሩ በተማሪዎች ላይ እጅ ላይ ጉዳት የሚያስከትል ሆኖ ከታየን በእጅ መያያዙን ትተን የገመድ መጓተት ማድረግ ይቻላል
ªª በግል ወይም በቡድን የሰውነት ማቀዝቀዣ እንዲሰሩ ማድረግ
ªª ውድድሩ የአካል ብቃትን ከማዳበር በተጨማሪ ያለውን ጠቀሜታ እንዲናገሩ እድል መስጠት
ªª ከሰሩት ተግባር አንፃር ተጨማሪ ጥያቄዎችን በመጠየቅ እንዲመልሱ ማድረግ
ªª የተጠየቁትን በመመለስ ለሚቀጥለው ክፍለ ጊዜ ተዘጋጅተው እንዲመጡ በመንገር ማጠናቀቅ
ክትትልና ግምገማ
ªª በተቀመጠው ህግ መሰረት መጫዎታቸውን በምልከታ ማረጋገጥ፣የቃል ጥያቄ
2. ዘንግ/ዱላ ቅብብል
የዘንግ/ዱላ ቅብብል ጨዋታ የሩጫ ውድድር ጨዋታ ሲሆን ውድድሩ በቡድን የሚከናወን ሲሆን ለቡድኑ አሸናፊነት ሁሉም የቡድኑ
አባላት አስተዋፅኦ ያደርጋል በዚህም የማህበራዊ ግንኙነትንና የትብብር ችሎታ ያዳብራሉ። በተጨማሪም ፍጥነትና ቅልጥፍናን፣የዱላ
የመቀባበል ክህሎትን ያዳብራሉ።
መርጃ መሳሪያዎች፦ አነስተኛ ዘንግ/ዱላ
የመማር ማስተማር ቅደም ተከተል
ªª የሰውነት ማሟሟቂያ እንቅስቃሴ ማሰራት።
ªª ማህበራዊ ግንኙነትን የትብብር ችሎታን እንዴት ማዳበር እንደሚቻል የቃል ጥያቄ መጠየቅ።
ªª የጨዋታውን ቅደም ተከተል መንገር
ªª ተማሪዎችን በአራት ቡድን በመከፈል ከ 30-50 ሜትር ሁለት ትይዩ መስመር ማስመር።በተሰመረው መስመር ኋላ ትይዩ ሆነው
በሰልፍ እንዲቆሙ ማድረግ።
ªª የመጀመሪያው ቡድን ሁለቱ ልጆች ዱላ ይይዛሉ፤፤
ªª ጅምሩ የሚል ትዕዛዝ ሲሰጥ ዱላ የያዙት ልጆች በመሮጥ ፊት ለፊት ላሉት ልጆች በማቀበል ከኋላ ይሰለፋሉ።
ªª በዚህ መሰረት ሁሉም የቡድኑ አባልት ይቀባበላሉ ቀድሞ የጨረሰ ብድን አሸናፊ ይሆናል።
ªª በጨዋታው ምን እንደተማሩ የቃል ጥያቄ መጠየቅ
ªª ማህበራዊ ግንኑነትንና የትብብር ችሎታን እንዴት ማዳበር እንዳለባቸው ማጠቃለያ መስጠት
ªª የሰውነት ማቀዝቀዣና ማሳሳቢያ እንቅስቃሴዎችን በማሰራት ማጠቃለል።
ክትትልና ግምገማ፡-የቃል ጥያቄ፣ምልከታ
3. ኳስ መቀባበል
ተማሪዎችን በቡድን እኩል በመከፋፈል ማሰለፍ፣ከፊት ለቆሙ ተማሪዎች ኳስ መስጠት፣30 ሜትር ርቀት ምልክት/ኮን ማስቀመጥ
ትዕዛዝ ሲሰጥ ኳስ የያዙ ተማሪዎች ኳሱን እንደያዙ በመሮጥ ምልክቱን ዙረው በመምጣት በተነሱበት ቦታ በመሆን ኳስን ወደኋላ ከራስ
በላይ ማቀበል።ሁሉም የቡድኑ አባላት ኳስን ከራስ በላይ ወደኋላ ካቀበሉ በኋላ የመጨረሻው ተማሪ ኳስን ይዞ በመሮጥ ምልክቱን ዙሮ
በመምጣት የመጀመሪያው ተማሪ የሰራውን ተመሳሳይ ይሰራሉ ሁሉም በዚህ መልኩ ከተዳረሰ በኋላ ቀድሞ የጨረሰ ቡድን አሸናፊ
ይሆናል።
መርጃ መሳሪያዎች፦ የተለያዩ ኳሶች
የመማር ማስተማር ቅደም ተከተል
ªª በቡድን የሰውነት ማሟሟቂያና የማሳሳብ እንቅስቃሴ ማሰራት።
ªª የአጨዋወቱን ቅደም ተከተል መንገር
ªª የክፍሉን ተማሪዎች በቡድን እኩል በመክፈል ማሰለፍ፣30 ሜትር ርቀት ምልክት/ኮን ማስቀመጥ
ªª ከፊት ለተሰለፉት ለሁሉም ቡድን ተማሪዎች ኳስ መስጠት ጅምሩ ሲባል ኳሱን በመያዝ 30 ሜ በመሮጥ ምልክቱን ዙረው
ከተነሱበት ሰልፍ በመቆም ኳስን ከራስ በላይ ወደኋላ መቀባበል
ªª ኳሱ የመጨረሻው ተማሪ ጋር ሲደርስ ልክ የመጀመሪያው ተማሪ እንደሰራው በፍጥነት በመሮጥ ተመልሶ ፊት መስመር ላይ
ይቆምና ኳስን ወደኋላ ይቀባበላሉ
ªª ሁሉም ተማሪዎች ተመሳሳይ ተግባራትን ይሰሩና ቀድሞ የጨረሰ ቡድን አሸናፊ ይሆናል።
ªª የሁሉንም ተማሪዎች ተሳትፎ በማድነቅ ቀላል የሰውነት ሟሟቂያና ማሳሳቢያ እንቅስቃሴ በማሰራት ማጠቃለል።
ክትትልና ግምገማ፡-ምልከታ፣የቃል ጥያቄ
መልስ
1. የራስ ግንዛቤ/ራስን ማወቅ ማለት ጥንካሬያችን፣ ድክመቶቻችን እና ገደቦቻችን፣ መረጃዎችን እንዴት እንደምንሰበስብ
እና እንደምናከናውን፣ አሻሚ እና አስጨናቂ ሁኔታዎችን እንዴት እንደምናልፍ እና መፍትሔ እንደምንሰጥና ከሌሎች
ጋር እንዴት እንደምንተባበርና እንደምንረዳዳ ያካትታል።
2. ኳስ እየተቀባበሉ መሮጥ፣የቁጥር ትዕዛዝ..
3. በሃላፊነት ተሞላ ውሳኔ ሰጭነት ማለት የስነ ምግባር መመዘኛዎች፣ማህበራዊ ደንቦች ከግምት ውስጥ በማስገባት የግል
ባህሪንና ማህበራዊ ግንኙነትን በሚያዳብር መልኩ ውሳኔ የመስጠት ችሎታን ያሳያል።
4. በሰውነት ማጎልመሻ ት/ት ሀላፊነት ተሞላበት ውሳኔ አሰጣጥን ለማዳበር በተለያዩ አካላዊ እንቅስቃሴዎች፣ በቡድን
የኳስ ጨዋታዎች ጊዜ በሚፈጠረው የእርስ በርስ ግንኙነት ጊዜ ግጭቶች እንዳይከሰቱ ከተከሰቱም በሰላማዊ መንገድ
በውይይት መፍታት፣ በውድድር ጊዜ በተለያዩ ሀላፊነትን መሳተፍና ሀላፊነትን በአግባቡ ለመወጣት ይረዳል።
ምዕራፍ
አጠቃላይ ዓላማዎች፡
ተማሪዎች ይህንን ምዕራፍ ከተማሩ በኋላ፡-
የአካል ብቃትን የሚያዳብሩ የእንቅስቃሴ አይነቶችንና የአካል ብቃት ዓይነቶችን ይገነዘባሉ።
ከዕድሜቸው ጋር ተመጣጣኝ የሆነ አካላዊ እንቅስቃሴዎችን በመስራት የአካል ብቃታቸውን ያዳብራሉ።
በተለያዩ የአካል ብቃት እንቅስቃሴዎችን ለመሳተፍ ተነሳሽነት ያሣያሉ።
አበረታች ቅመሞች(ዶፒንግ) በጤና ላይ የሚያስከትለውን ጉዳት ይገነዘባሉ።
መግቢያ
የጤናና ሰውነት ማጎልመሻ ትምህርት ተደጋግሞ እንደተገለጸው ጤናማ ሕይወትን ለመምራት ከሚያገለግሉት ትምህርቶች አንዱ ነው።
ጤናማ ሕይወት፣ የአካል ብቃትና ሰውነት ማጎልመሻ ትምህርት የተሳሰሩ ፅንሰ ሃሳቦች ናቸው። በንድፈ ሃሳብ ደረጃ ብቻ ሳይሆን
ተሳታፊዎች አካላዊ እንቅስቃሴ በሰሩት መጠን የጤናና የብቃት ደረጃቸውን እንደሚያሳድጉ በተግባር ተረጋግጧል።
በዚህ ምዕራፍ የውስጥ የተጠቃለሉት የአካል ብቃት ዓይነቶች፣ የልብና የአተነፋፈስ ሥርዓትን የሚያዳብሩ እንቅስቃሴዎች፣ የጡንቻ
ብርታትን የሚያዳብሩ እንቅስቃሴዎች፣ መተጣጠፍን የሚያዳብሩ እንቅስቃሴዎች፣ ቅልጥፍናን የሚያዳብሩ እንቅስቃሴዎች ተካተዋል።
በዚህም መሰረት መምህራን የተጠቀሱትን ክፍለ ጊዜያት በአግባቡ በመጠቀም በሥራ እንዲተረጉሟቸው ተማሪዎቹ በመደበኛውም
ሆነ ከመደበኛ ትምህርት ክፍለ ጊዜ ውጪ በመኖሪያ ቤታቸውና አካባቢም ጭምር በመሳተፍ የበለጠ ተጠቃሚ እንደሆኑ እናሳስባለን።
የአካል ብቃት ዓይነቶች የተለያዩ ሲሆኑ እነዚህን የአካል ብቃት ለመገንባትም የተለያዩ እንቅስቃሴዎችን ማድረግ ወይም መለማመድ
ይጠይቃል። የአካል ብቃት ጤና ተኮርና ክህሎት ተኮር በመባል በሁለት የሚከፈል ሲሆን ጤና ተኮር የምንለው የሰውነታችንን የተለያዩ
ክፍሎች ተፈጥሮዊ አሰራር በተስተካከለ ሁኔታ እንዲካሄድ ለማድረግ የሚረዳ ሲሆን ክህሎት ተኮር የምንለው ደግሞ በአንድ የውድድር
አይነት ብቁ ተወዳዳሪ ለመሆን በሚያስችል መልኩ የምንሰራውን የአካል ብቃት እንቅስቃሴ የሚይዝ ነው።
አብዛኛው የመሰኩ ባለሙያዎች በጋራ እንደሚሰማሙበት የአካል ብቃት ማለት አንድ ሰው የዕለት ተዕለት መደበኛ ስራውን ለማከናወን
በተለያዩ መዝናኛዎች ለማሣተፍ እና ድንገተኛ አጋጣሚዎችን ለመወጣት የሚያስችለውን የመስራት አቅም እና የመገንባት ሂደት
እንደሆነ ይስማማሉ።
አንድ ሰው የአካል ብቃት አለው የሚባለው የእንቅስቃሴ ፍጥነትና ቅልጥፍና የአካል ጥንካሬና ብርታት እንዲሁም የመሳሳብና
የመተጣጠፍ ችሎታን አሟልቶ ሲገኝ ነው። እነዚህ ችሎታዎችም የአካል ብቃት ዘረፎች ተብለው ይጠራሉ።
•• የአካል ብቃት ዓይነቶች በሁለት ይከፈላሉ እነሱም፡-
1. ጤና ተኮር የአካል ብቃት
2. ክህሎት ተኮር የአካል ብቃት ይባላሉ።
1. ጤና ተኮር የአካል ብቃት
•• ጤና ተኮር የአካል ብቃት ዘርፎች የሚባሉት የልብና የአተነፋፈስ ብርታት፣ የጡንቻ ብርታት ፣የጡንቻ ጥንካሬ፣
መተጣጠፍ፣ ሰውነት አደረጃጀት ይባላሉ።
2. ክህሎት ተኮር የአካል ብቃት
•• ክህሎት ተኮር የአካል ብቃት ዘርፎች የሚባሉት ፍጥነት፣ ቅልጥፍና፣ ሀይል፣ የአካል መስተጋብር፣ሚዛን
መጠበቅ ወዘተ ናቸው።
መርጃ መሳሪያዎች፡ -የተለያዩ የአካል ብቃት ዘርፎችን የሚያሳዩ ስዕል፣ፖስተር
የመማር ማስተማር ቅደም ተከተል
ªª በ 5 ኛ ክፍል በተማሩት መሰረት የአካል ብቃት ምንነትን እንዲያብራሩ እድል መስጠት።
ªª በተለያየ ቡድን እንዲደራጁ ማድረግ
ªª የየዕለቱን ትምህርት ርዕስና አላማ ማስተዋወቅና የመወያያ ነጥቦችን መግልፅ
ªª የአካል ብቃት እንቅስቃሴ ከጤና ጋር ያለዉን ግንኙነት በቡድን እንዲወያዩ ማድረግ
ªª ተማሪዎች በቡድን ሲወያዩ ክትትልና ድጋፍ ማድረግ
ªª በቡድን የተወያዩበትን ለክፍሉ ተማሪዎች እንዲያቀርቡ ማድረግ
ªª በሚያቀርቡት ሪፖርት ላይ አስተያየት እንዲሰጥበት ማድረግ
ªª ተጨማሪ ነጥቦችን በመጨመር ማጠቃለል
ክትትልና ግምገማ፦ በምልከታ፣ የቃል ጥያቄ መጠየቅ፣ የቡድን ፅብረቃ
ያለማቋረጥ ደም የመርጨት ተግባሩን በአግባቡ መወጣት ሲችል ነው የስርዓተ ትንፈሣ ብርታት ስንል ደግሞ ሣንባችን ኦክስጅንን
የማስገባትና ካርበንዳይ ኦክሣይድን በአግባቡ ማስወጣት ስራውን በብቃት ማከናወን ሲችል ነው።
የልብና የአተነፋፈስ ስርአት ብርታትን ለማዳበር የኤሮቢክስ/አየራዊ/ እንቅስቃሴን አዘውትረን በመስራት የልብ ጡንቻን እንዲጠነክርና
የበለጠ ብቁ እንዲሆን በማድረግ በእያንዳንዱ የልብ ምት በቂ ደም እንዲሰራጭ ያደርጋል ። በተጨማሪም የኤሮቢክስ እንቅስቃሴ ብቁና
ለረጅም ጊዜ የመስራት አቅም በመጨመር ሰውነት በፍጥነት እንዲያገግም /Recover/ ያደርጋል ።
የኤሮቢክስ እንቅስቃሴ የሚከናወነው የእንቅስቃሴውን ክብደት በመቀነስ ለረጅም ጊዜ /ጊዜውን በመጨመር / የሚከናወን ተግባር
ነው ። ተግባሮችም ርምጃ ፣ ረጅም ርቀት ሩጫ፣ ሶምሶማ ሩጫ፣ ኤሮቢክስ ዳንስ፣ ብስክሌት መጋለብ፣ ውሃ ዋና ከሚጠቀሱት ውስጥ
ጥቂቶች ናቸው እነዚህን እንቅስቃሴዎች ለመተግበር ኦክስጅን በሰፊው የሚያስልጋቸው በመሆኑ ተገቢ የሆነ የኦክስጅን አጠቃቀምን
ልምምድ ሥርዓትን መከተልን ይጠይቃል እነዚህን እንቅስቃሴዎች ስንሰራ ከፍተኛ የስራ ጫና የሚኖረው በልባችንና በመተንፈሻ አካላት
ላይ ነው።
የልብና የመተንፈሻ አካላቱ የዳበረ ሰው የዕለት ተዕለት ተግባራትን ያለድካም ማከናወን ይችላል፣የተስተካከለ ክብደት ይኖረዋል፣በሽታ
የመከላከል አቅም ያዳብራል፣የልብና የሳንባ ጡንቻው ተንካራና ጤነኛ ይሆናል ወዘተ.
በ 5 ኛ ክፍል ከተማሩት የልብና የመተንፈሻ ብርታትን ለማዳበር ከሚሰሩ እንቅስቃሴዎች መካከል እግር ጉዞና የሶምሶማ ሩጫ እንዲሁም
ገመድ ዝላይ የላቀ ውጤት ያስገኛሉ።በዚህ ክፍል ደረጃም ከላይ ከተጠቀሱት እንቅስቃሴዎች በተጨማሪም ከዚህ በታች የተዘረዘሩት
እንቅስቃሴዎች የተማሪዎችን የአካል እድገትና የክፍል ደረጃ በሚመጥን መልኩ በማዘጋጀት ማቅረብ ከመምህሩ ይጠበቃል።
የማስተማሪያ መሳሪያ፡- ከትምህርቱ ጋር ተያያዥነት ያላቸው ስዕሎች
የመማር ማስተማር ቅደም ተከተል
ªª የልብና የስርአተ ትንፈሳ ብርታት ማለት ምን ማለት ነው የሚለውን ጥያቄ ከዚህ በፊት ከተማሩትና ከሚያውቁት በመነሳት
እንዲናገሩ እድል መስጠት።
ªª አራት አራት በማድረግ በቡድን ማደራጀት።
ªª የልብና የስርአተ ትንፈሳ ብርታት ለማዳበር የሚያገለግሉ የእንቅስቃሴ አይነቶችን በቡድን እንዲዘረዝሩ ማድረግ።
ªª በቡድን የዘረዘሯቸውን እንቅስቃሴዎች በግድግዳ ላይ በመለጠፍ ሌሎች ቡድኖች የዘረዘሩትንም በመዘዋወር ማየት።
ªª የቡድን ስራቸውን በመዘዋወር ማየትና ድጋፍ ማድረግ።
ªª ተጨማሪ ሀሳቦችን በመጨመር ማጠቃለያ መስጠት።
ክትትልና ግምገማ፦ በሚወያዩበት ወቅት በምልከታ ማረጋገጥ፣ የቃል ጥያቄ በመጠየቅ፣ በፈተና
የልብና የአተነፋፈስ ብርታትን የሚያዳብሩ እንቅስቃሴዎች
ዝርዝር አላማ ተማሪዎች ይህን ትምህርት ከተማሩ በኋላ፡-
ªª የልብና የአተነፋፈስ ብርታትን የሚያዳብሩ እንቅስቃሴዎችን ለመስራት ተነሳሽነት ያሳያሉ።
ªª የልብና የአተነፋፈስ ብርታትን የሚያዳብሩ እንቅስቃሴዎችን ከጓደኞቻቸው ጋር ይሰራሉ።
ªª የልብና የአተነፋፈስ ብርታትን የሚያዳብሩ የተመረጡ እንቅስቃሴዎችን ይሰራሉ።
1. የሶምሶማና ሩጫን በማፈራረቅ መሮጥ
መርጃ መሳሪያዎች፦ስዕሎች፣ ፖስተሮች፣ፊሽካ
ክትትልና ግምገማ
• እንቅስቃሴውን በትክክልና በተገቢው ሁኔታ መስራታቸውን በምልከታ ማረጋጥ
3. የፍጥነት እርምጃ
መርጃ መሳሪያዎች፦ስዕል፣ፖስተር
የመማር ማስተማር ቅደም ተከተል
• በቡድን በቡድን ሆነው ሰውነታቸውን እንዲያሟሙቁ ማድረግ።
• የመሳሳብ እንቅስቃሴዎች ማሰራት።
• የፍጥነት እርምጃን ሲሰሩ ትክክለኛ የእጅና የእግር ቅንጅትን እንዴት እንደሆነ ማሳየት።
• ከዝቅተኛ ፍጥነት እርምጃን እንዲሰሩ ማድረግ።
• እርምጃን ፍጥነት እየጨመሩ እንዲሰሩ ማድረግና ዕርስ አርስ እየተጋገዙና እየተራረሙ እንዲሰሩ ማድረግ
• የፍጥነት ሩጫ በሚሰሩበት ሰአት የትኛው የሰውነት ክፍል ይበልጥ እንደሰራ መጠየቅ
• የፍጥነት ሩጫ በመስራታቸው የሚያገኙትን ጠቀሜታ በመጠየቅ ማጠቃለል።
ክትትልና ግምገማ፡-ምልከታ፣የቃል ጥያቄ
4. በቦታ ላይ መሮጥ
•• ተግባር፡-3.3
1. ባለንበት ስንሮጥ ፍጥነት ስንጨምር አተነፋፈሣችን እየከበደና እየጨመረ ይመጣል ለዚህ ምክንያቱ ምንድን ነው
ትላላችሁ።
መልስ፡- ሰውነት ንጥረ ሃይልን ለማግኘት ሲል በቂ ኦክስጅን የሚቀበል ከሆነ የስፖርት እንቅስቃሴ እስኪጠናቀቅ ድረስ የሚሰማ የድካም
ስሜት ዝቅተኛ ይሆናል። ፍጥነት እየጨመርን በምንሄድበት ጊዜ ግን ኦክስጅን አልባ ንጥረ ሃይል ከባለኦክስጅን ንጥረ ሃይል በልጦ
ይገኛል በአጭር ጊዜ የስፖርት እንቅስቃሴ ከፍተኛ የድካም ስሜት ይሰማል።
ስለዚህ በስፖርት እንቅስቃሴ ጊዜ ያለድካም መቆየት የሚያስችል አቅም የሚገኘው ሰውነት የባለኦክስጅን ንጥረ ሃይልን ስራ የማካሄድ
ብቃት ሲኖረው መሆኑ ግልጽ ነው።
ልብ፣ ሣንባና ጡንቻ ለሚያካሄዱት የስራ ብቃት ሰውነት የሚያመነጨው የባለኦክስጅን /ኦክስጅንን በመጠቀም/ ንጥረ ሃይል መጠን
ወሣኝነት አለው።
መርጃ መሳሪያዎች፦ የእግርና የእጅ ቅንጅትን የሚያሣይ ስዕል፣ሰዓት
የመማር ማስተማር ቅደም ተከተል
• በቡድን በቡድን ሆነው ሰውነታቸውን ገመድ እየዘለሉ እንዲያሟሙቁ ማድረግ።
• የመሳሳብ እንቅስቃሴዎች ማሰራት።
• የአሰራር ቅደም ተከተልን ማብራራት
በቆምንበት ቦታ እግርና እጅን በሩጫ እንቅስቃሴ ላይ ማዋል።
እጅ ከክንድ ታጥፎ ወደላይና ወደታች ይንቀሳቀሳል።
እግር በሩጫ መልክ አንዱ እግር ከቦታው ላይ ይነሳል አንዱ እግር መሬት እንደያዘ ይቆያል በተራና በመካከለኛ
ፍጥነት ተግባሩ ይከናወናል።
26 ጤናና ሰውነት ማጎልመሻ 6 ኛ ክፍል የተማሪ መጽሐፍ
ጤናና የአካል ብቃት እንቅስቃሴ(23 ክ/ጊዜ)
ምዕራፍ 3
የጡንቻ ብርታት የምንለው አንዱ የአካል ብቃት ዘርፍ ሲሆን የሰውነት ጡንቻ ለረጅም ጊዜ ያለ ድካም የመስራት ችሎታ ወይም
በአንድ በተወሰነ ፍጥነት ድካምን በመቋቋም የመስራት ችሎታ ነው።
በተጨማሪም የጡንቻ ብርታት ማለት ጡንቻዎች በመኮማተርና በመዘርጋት ያለ ድካም ለረጅም ጊዜ የመስራት ብቃት ማለት
ነው።ለረጅም ጊዜ የመስራት ችሎታ ማለት ከ 5 ደቂቃ እስከ 2 ሰዓት የሚወስድ ሊሆን ይችላል።እንቅስቃሴዎች ሲመረጡ መጠነኛ
የሆነ ክብደትን በመጠቀም ለረጅም ጊዜ ደጋግሞ መስራት መሆኑን መገንዘብ ያስፈልጋል።
መርጃ መሳሪያዎች፦ የተለያዩ ስዕሎች
የመማር ማስተማር ቅደም ተከተል
• በአምሰተኛ ክፍል በተማሩት መሰረት የጡንቻ ብርታትን የሚያዳብሩ እንቅስቃሴዎችን እንዲዘረዝሩ እድል መስጠት።
• በአምስተኛ ክፍል በሰሯቸው እንቅስቃሴዎች አማካኝነት አካላዊ ለውጥ ማምጣታቸውን መጠየቅ።
• በቡድን በቡድን በመከፋፈል 5 ኛ ክፍል ከተማሯቸው በተጨማሪ ሌሎች የጡንቻ ብርታትን የሚያዳብሩ እንቅስቃሴዎችን
እንዲዘረዝሩ ማድረግ።
• የተወያዩበትን ለክፍሉ ተማሪዎች እንዲያቀርቡ እድል መስጠት።
• የመጀመሪያ ረድፍ ላይ ያሉ ተማሪዎች ከ 10-15 ሜትር ድረስ የጥንቸል ዝላይን እንዲሰሩ ማድረግ።
• በየመካከሉ እረፍት እየወሰዱ ደጋግመው እንዲሰሩ ማድረግ።
• እንቅስቃሴውን በቡድን በውድድር መልክ ማከናወን
• እየተዟዟሩ መመልከትና እገዛ ማድረግ።
• የሰውነታቸውን ማቀዝቀዣ እንቅስቃሴ ማሰራት።
• እንቅስቃሴውን በመስራታቸው የሚያገኙትን ጠቀሜታ በመጠየቅ ማጠቃለል።
ክትትልና ግምገማ፡-ምልከታ
3. ግድግዳ(የጓደኛ ጀርባን) ተደግፎ መቀመጥ
መርጃ መሳሪያዎች፦የእንቅስቃሴውን አሰራር የሚያሳዩ ስዕሎች
የመማር ማስተማር ቅደም ተከተል
• በቡድን በቡድን ሆነው ሰውነታቸውን እንዲያሟሙቁ ማድረግ።
• የማሳሳብ እንቅስቃሴ እንዲሰሩ ማድረግ።
• የአሰራር ቅደም ተከተልን ማብራራት
በአካል ብቃት ተመጣጣኝ የሆኑትን ተማሪዎች በአንድ ላይ በማድረግ በጥንድ በጥንድ ሆነው በጀርባቸው
ተደጋግፈው እንዲቆሙ ማድረግ
በጀርባ እየተደጋገፉ ጉልበትን በማጠፍ ቀስ በማለት እንዲቀመጡ ማድረግ
ከ 5-10 ሴኮንድ ከተቀመጡ በኋላ ቀስ ብለው እንዲነሱ ማድረግ
• የክፍሉን ተማሪዎች ጥንድ ጥንድ በመሆን በጀርባቸው ተደጋግፈው እንዲቆሙ ማድረግ።
• በመካከሉ እረፍት እየወሰዱ ደጋግመው እንዲሰሩ ማድረግ።
• እየተዟዟሩ መመልከትና እገዛ ማድረግ።
• የሰውነታቸውን ማቀዝቀዣ እንቅስቃሴ ማሰራት።
• እንቅስቃሴውን በመስራታቸው የሚያገኙትን ጠቀሜታ በመጠየቅ ማጠቃለል።
ክትትልና ግምገማ፡-ምልከታ
4. ሳጥን ላይ መውጣትና መውረድ / የሳጥኑ ከፍታ ከ 20-30 ሣ.ሜ/
መርጃ መሳሪያዎች፦የእንቅስቃሴውን አሰራር የሚያሳዩ ስዕሎች፣ትንንሽ ሳጥኖች
የመማር ማስተማር ቅደም ተከተል
• በቡድን በቡድን ሆነው ሰውነታቸውን እንዲያሟሙቁ ማድረግ።
• የማሳሳብ እንቅስቃሴ እንዲሰሩ ማድረግ።
• የአሰራር ቅደም ተከተልን ማብራራት
እግር በትከሻ ስፋት ልክ ከፍቶ ከሳጥኑ ጎን መቆም
አንዱን እግር ሳጥኑ ላይ በማሰቀል ሁለተኛውን እግር ማስከተል
6. ማሪዋና (Marijuana)
እነዚህን አበረታች መድሀኒቶች ወስደው የተገኙ ስፖርተኞች የስፖርት ስነ ምግባርን ያልጠበቁ በመሆናቸው ተመጣጣኝ የሆነ የስነ
ምግባር እርምጃ ይወሰድባቸዋል።
አበረታች መድሃኒቶች ለስፖርተኞች ለጊዜያዊ ውጤት ማስገኛ ወይም የአካል ብቃት ማሻሻያ ቢጠቀሙበትም በጤና ላይ ከፍተኛ
ጉዳት ያስከትላሉ። የአበረታች መድሃኒት የልብ ህመም፣የደም ግፊት፣የመገጣጠሚያ ህመም፣ የጡንቻ መዛል፣የደም ካንሰር፣የክብደት
መቀነስ፣የራስ ምታት ወዘተ ከሚያስከትሏቸው ጉዳቶች ውስጥ የተወሰኑት ናቸው።
መርጃ መሳሪያዎች፦ስዕሎች
የመማር ማስተማር ቅደም ተከተል
• በቡድን እንዲደራጁ በማድረግ የመወያያ ጥያቄዎችን መስጠት
በ 5 ክፍል በተማሩት መሰረት የአበረታች መድሀኒት ምንነትንና
በአካባቢያቸው የሚገኙ አበረታች/አነቃቂ/ መድሀኒቶች በጤና ላይ ያላቸውን ጉዳት ዘርዝሩ
• በሚወያዩበት ጊዜ እየተዟዟሩ መመልከትና እገዛ ማድረግ
• የተወያዩበትን ነጥቦች በተወካያቸው አማካኝነት እንዲያቀርቡ ማድረግ
• በቀረቡት ሀሳቦች ላይ የክፍሉ ተማሪዎች አስተያየት እንዲሰጡበት ማድረግ
• ተጨማሪ ነጥቦችን በመጨመር ማጠቃለል።
ክትትልና ግምገማ
• ምልከታ፣የቡድን ተሳትፎ፣የቃል ጥያቄ
5. በደረት ተኝቶ ከወገብ በላይ ያለውን የሰውነት ክፍል ወደ ላይ እያነሱ መመለስ የሚያዳብረው የትኛውን የጡንቻ ክፍል ነው
•• ሀ. የእግር ጡንቻዎች ለ. የክንድ ጡንቻን
•• ሐ. የሆድና የጀርባ ጡንቻዎች መ. መልሱ አልተሰጠም
6. ደረጃ የመውጣትና የመውረድ እንቅስቃሴ የሚያዳብረው የትኛውን የጡንቻ ክፍል ነው
•• ሀ. እግርን ለ. እጅን
•• ሐ. ከወገብ በላይ ያውን ክፍል መ. የትከሻ ጡንቻን
7. ወደ ተለያዩ አቅጣጫዎች እያዘነበሉ የመመለስ ልምምድ የሚያሻሽለው
•• ሀ. ፍጥነትን ለ . ጥንካሬን ሐ. ቅልጥፍናን መ. መተጣጠፍን
መመሪያሁለት አጭር መልስ ስጥ/ጭ
1. የአካል ብቃት እንቅስቃሴ ከጤና ጋር ያለዉን ግንኙነት ከጓደኞቻችሁ ጋር በመሆን ለመምህራችሁ አቅርቡ?
2. የልብና የመተንፈሻ አካላቱ የዳበረ ሰው ምን ምን ተግባራትን ማከናወን ይችላል?
3. የደም ዝውውር እና አተነፋፈስ ብርታት እድገት ላይ ተጽእኖ የሚያሳድሩ/ የሚያሳርፉ/ ነገሮች
በመለየት አብራሩ
4. በመተጣጠፍ ችሎታ ሴቶች ከወንዶች የተሻሉ ናቸው ለምን? በቡድን ተወያይታችሁ ለክፍሉ ተማሪውች አቅርቡ
5. የአበረታች መድሀኒት በስፖርተኞች ላይ የሚያስከትለውን ተፅዕኖ ዘርዝሩ
መልስ
ምዕራፍ
4 አትሌቲክስ(16 ክ/ጊዜ)
አጠቃላይ ዓላማዎች፡
ተማሪዎች ይህንን ምዕራፍ ከተማሩ በኋላ፡-
የአጭርና የመካከለኛ ርቀት ሩጫን በተግባር ይሰራሉ።
ውርወራ በሚያከናውኑበት ጊዜ የእጅና የላይኛው የሰውነት ክፍል እንቅስቃሴን ያሳያሉ።
በርዝመት ዝላይና በስሉስ ዝላይ መካከል ያለውን ልዩነት ይለያሉ።
ትክክለኛውን የአሰራር ስልቶችን ተጠቅመው የስሉስ ዝላይ ይሰራሉ።
ለርቀት ውርወራ በሚወረውሩ ጊዜ ያለውን ተግዳሮት ይለያሉ።
በቡድን የክህሎት ልምምድ በሚያከናውኑበት ጊዜ ከጓደኞቻቸው ጋር ይተባበራሉ።
መግቢያ
አትሌትክስ ተፈጥሯዊ የሆኑ ጥቅም ያላቸውን እንቅስቃሴዎች የያዘ የትምህርት ዘርፍ ነው። አትሌቲክሳዊ እንቅስቃሴዎች የሚባሉት
ሩጫ፣ ውርወራና ዝላይ ናቸው። እነዚህ አትሌቲክሳዊ እንቅስቃሴዎች ተፍጥሯዊ ፀባይ ያላቸው በመሆናቸው የተሳታፊዎችን አካላዊ
አሰራር ችሎታ ለመጨመር ፣ጤንነትን ለመገንባትና ለኑሮ አስፈላጊ የሆኑትን የእንቅስቃሴ ችሎታና እውቀትን፣ አካላዊና ስነልቦናዊ
ብቃቶችን ለማዳበር ይረዳሉ።
ይህ ምዕራፍ በሥርዓተ ትምህርቱ በተመረጠው መሰረት የሩጫ ውርወራና ዝላይ ተግባራትን የሚያስተዋውቅና የሚያጠናክር ሲሆን
ርምጃ ምንም ጊዜም ቢሆን ከነዚህ ተግባራት ጋር በተለያየ መልኩ በሥራ ላይ የሚውል እንቅስቃሴ ነው። በዚህ ምዕራፍ አማካኝነት
ተማሪዎች የፍጥነትና የርቀት ሩጫ፣ የውርወራና የስሉስ ዝላይ የሚያጠናክሩበትና የሚተዋወቁበት ይሆናል።
4.1 ሩጫ (6 ክ/ጊዜ)
ማሳሰቢያ
አካላዊ ጉዳት ያለባቸውን ተማሪዎች ርቀቱን በመቀነስ እንዲሳተፉ ማድረግ፣ማየት የተሳናቸው ተማሪዎች በሌሎች ተማሪዎች
እገዛ እንዲሳተፉ ማድረግ።
ተግባር 4.1. መልስ የአጭር ርቀት ሩጫ ውድድሮች የሚባሉት ከ 100-400 ሜትር ርቀት ድርስ ያሉት ናቸው።
ተግባረው 4.2
1. የፍጥነት ችሎታን ለማዳበር ከሰሩ እንቅስቃሴዎች ውስጥ ከተለያዩ የአነሳስ ዘዴዎች በመጠቀም በፍጥነት መሮጥ፣ከ 20-30 ሜ በፍጥነት
መሮጥ፣የአጭር ርቀት ሩጫ አነሳስን በመጠቀም 100 ሜ በፍጥነት መሮጥ ወዘተ ናቸው።
2. የአጭር ርቀት ሩጫ አነሳስ ዘዴን ሶስቱን ትዕዛዞች ማለትም በቦታህ/ሽ፣ተዘጋጅ/ጂ፣ሂድ/ጂ በተግባር እነዲያሳዩ ማድረግ።
ከዚያም በገለጻ በሥዕሎች በመታገዝና የተሻለ የሚሰሩ ተማሪዎችን በመጠቀም የአሰራሩን ቅደም ተከተልና ትክክለኛውን
የአሰራር ሁኔታ እንዲለዩ ማድረግ።
ትክክለኛውን አሰራር ተከትለው ደጋግመው እንዲለማመዱ ማድረግ።
በእንቅስቃሴው መካከል ጥያቄ ማቅረብ ይኸውም በረጅም ርቀት ሩጫ ጊዜ የእግር አነሳስ የእጅ ውዝዋዜ ከወገብ በላይ ያለው
የሰውነት ክፍል እንዴት መሆን እንዳለበት መጠየቅ።
የረጅም ርቀት ሩጫዎች የትኛውን የአካል ብቃት ዘርፍ እንደሚያዳብሩ መጠየቅና የአሯሯጥ ቴክኒኩን ከፍጥነት ሩጫ በምን
እንደሚለይ እንዲያስረዱ ማበረታታት።
ሰውነታቸውን እንዲያበርዱና የሰውነት ማሳሳብ እንቅስቃሴ በማሰራት ማጠናቀቅ
ክትትልና ግምገማ፡-ምልከታ፣የቃልጥያቄ
የውርወራ እንቅስቃሴዎች ቀደም ሲል ከተማሩትና ከራሳቸው ልምድ ተነስተው ትንንሽ ቀለበቶች፣ጠፍጣፋ ጣውላ
በመወርወር እንዲለማመዱ ጊዜ መስጠት።
የተማሪዎችን ሙከራ በማድነቅና በማበረታታት የእያንዳንዱን ውርወራ አሰራር፣ አያያዝ፣ መግለጽና በተግባር ሰርቶ ማሣየት።
የሚወረወረውን ትንንሽ ቀለበት ወይም ጠፍጣፋ ጣውላ ጣትን ዘርዘር በማድረግ በጣታችን ጫፍ መያዝ
ወደ ሚወረውሩበት አቅጣጫ በመቆም ትንንሽ ቀለበቶችን ፊት ለፊት እንዲወረውሩ ማድረግን ደጋግመው እንዲለማመዱ
ማድረግ
ወደ ጎን ፊትን ዞሮ በመቆም እጅን በማወዛወዝ ወደ ጎን መወርወር
ዕርስ በርስ አስተያየት እየተሰጣጡ እንዲወረውሩ ማድረግ፣
ውርወራውን እየደጋገሙ እንዲሰሩ እድል መስጠት፣
የውርወራ ተግባራት የትኛውን የአካል ብቃት ዘርፍ እንደሚያዳብሩ መጠየቅ፣
የሰውነት ማቀዝቀዣ እንቅስቃሴና የሰውነት ማሳሳብ እንቅስቃሴ በማሰራት ማጠናቀቅ
ክትትልና ግምገማ፡-ምልከታ
ለ. ክብደት ያላቸውን ትንንሽ ኳሶችን ወደ ጎን መወርወር
መርጃ መሳሪያዎች፦ክብደት ያላቸው ትንንሽ ኳሶች
የመማርማሰተማር ቅደም ተከተል
በቡድን የሰውነት ማሟሟቂያ እንቅስቃሴና የማሳሳቢያ እንቅስቃሴ እንዲሰሩ ማድረግ
በ 5 ኛ ክፍል የተማሩትን ለርቀት የመወርወር ችሎታን ለማዳበር የሚሰሩ እንቅስቃሴዎችን እንዲዘረዝሩ የቃል ጥያቄ በመጠየቅ
መከለስና ትንንሽ ቀለበቶችን ለርቀት ለመወርወር ምን ማድረግ እንዳለብን ጥያቄዎችን በመጠየቅ መከለስ
የክፍሉን ተማሪዎች እንደ ብዛታቸው በአራት ወይም በአምስት ቡድን መክፈል፣
የተለያዩ የውርወራ መለማመጃ መሳሪያዎችን ማቅረብና ትንንሽ ቀለበት እንዴት መወርወር እንደሚቻል በሙከራ እንዲያሣዩ
ማድረግ።
የውርወራ እንቅስቃሴዎች ቀደም ሲል ከተማሩትና ከራሳቸው ልምድ ተነስተው ትንንሽ ኳሶችን ለርቀት እንዲወረውሩ ጊዜ
መስጠት።
የተማሪዎችን ሙከራ በማድነቅና በማበረታታት የእያንዳንዱን ውርወራ አሰራር፣አያያዝ፣ መግለጽና በተግባር ሰርቶ ማሣየት።
የሚወረወረውን ትንንሽ ኳሶች ጣትን ዘርዘር በማድረግ በእጃችን መሀል በመያዝ ወደ ጀሮ ማስጠጋት
ውርወራው የሚከናወነው በመግፋት መሆኑን መግለፅ
ወደ ሚወረውሩበት አቅጣጫ በመቆም ትንንሽ ኳሶችን ፊት ለፊት በመግፋት እንዲወረውሩ ማድረግን ደጋግመው
እንዲለማመዱ ማድረግ
እግርን በትከሻ ስፋት ልክ ከፍቶ ጀርባችን ወደ ምንወረውርበት አቅጣጫ በማዞር መቆም፣ አንድ እግርን ወደ ጎን በመንሸራተት
ለርቀት መወርወር
እርስ በርስ እየተጋገዙ እንዲወረውሩ ማድረግ፣
ውርወራውን እየደጋገሙ እንዲሰሩ እድል መስጠት፣
•• ሀ. የስሉስ(የእምርታ) ዝላይ
ዝርዝር አላማ ተማሪዎችይህን ትምህርት ከተማሩ በኋላ ፡-
የስሉስ ዝላይ ቅደም ተከተሎችን ይዘረዝራሉ።
የስሉስ ዝላይ ወቅት ትክክለኛውን የእጅና የእግር አቀማመጥ ይገልጻሉ።
ከጓደኞቻቸው ጋር እየተጋገዙ የስሉስ ዝላይን ይዘላሉ።
ዝላይ ተፈጥሯዊ ከሆኑት ጥቅም ያላቸው እንቅስቃሴዎች ውስጥ አንዱ ነው። ዝላይ የሜዳ ተግባር ሲሆን በእያንዳንዱ የዝላይ ዓይነቶች
የመዝለያ ክልልና ህጐች ይኖሩታል ለዝላይ ወሳኝ የሆኑ ነገሮች። እድሜ፣ ቁመት፣ ፍጥነት፣ የጡንቻ ጥንካሬና መታዘዝ፣ የሩጫ ፍጥነት
አንድ ዓይነት እንቅስቃሴ፣ መስፈንጠር፣ መንሳፈፍና አስተራረፍ ችሎታዎች ናቸው።
የስሉስ(የእምርታ) ዝላይ የርዝመት ዝላይ ዓይነት ሲሆን ከርዝመት ዝላይ የሚለየው በአንድ የዝላይ ወቅት ሶስት የዝላይ ክንዉኖች
የሚካሄዱበት በመሆኑ ነዉ። እነሱም ሆፕ፣ ስቴፕ( እምርታ)፣ዝላይን የያዘ ነው።እንቅስቃሴው ሦስት ተከታታይ ዝላዮችን የያዘ ሲሆን
የመጀመሪያው ዝላይ ሆፕ የምንለው በአንድ እግር ተነስቶ በተነሱበት እግር ማረፍ ሲሆን ሁለተኛው ስቴፕ(እምርታ) ደግሞ በተቃራኒ
እግር በመስፈንጠር ማረፍ ነው ዝላይ የምንለው የመጨረሻው ተግባር ሲሆን አብዛኛውን ጊዜ በሁለቱም እግሮች አንድ ላይ ማረፍን
ያጠቃልላል ።
መርጃ መሳሪያ፡- ገመድ፣ኮን፣
የመማር ማስተማር ቅደም ተከተል
ከ 3-5 ደቂቃ ሰውነት ማሟሟቂያ እንቅስቃሴና የማሳሳቢያ እንቅስቃሴ ማሰራት
ያለፈውን ትምህርት የተግባር ስራውን በመስራት መከለስ
ተማሪዎችን በአራት ቡድን በመክፈል የራሳቸውን የአዘላለል ዘዴ ተጠቅመው በአንድ እግራቸው እንዲዘሉ ማድረግ
የተማሪዎችን የአዘላለሉን ስልት አስተውሎ መመልከትና የተለያዩ የአዘላለል ዘዴዎችን የተጠቀሙትን በመምረጥ ልዩነታቸውን
እንዲለዩ ጥያቄዎችን ማቅረብ
ከመቆም/በቦታላይ አንድ እግርን በማጠፍ በአንደኛው እግር ዘሎ በዘለሉበት እግር እንዲያርፉ ማድረግ
ከ 10-15 ሜትር በመንደርደር በአንድ እግር ዘሎ በዘለሉበት እግር እንዲያርፉ ማድረግ
ከመቆም/በቦታ ላይ አንድ እግርን በማጠፍ በአንደኛው እግር ዘሎ በዘለሉበት እግር እንዲያርፉ ማድረግና ቀጣዩን ዝላይ
በተቃራኒ እግር እንዲያርፉ ማድረግ
ከ 10-15 ሜትር በመንደርደር ሆፕ፣ስቴፕና መዝለልና በተከታታይ እንዲዘሉ ማድረግ
ትክክለኛውን የአዘላለል ዘዴ በተግባር ሰርቶ ማሳየት
ዝላዩን ደጋግሞ መስራት የተሻለ ለመዝለል እንደሚረዳ ማስገንዘብ
የዕለቱ ትምህርት ጠቀሜት እንዲናገሩ የቃል ጥያቄ መጠየቅ
ይህ የዝላይ ተግባር በቀጣይ ትምህርት ደረጃዎች ለሚማሯቸው የዝላይ ትምህርቶች እገዛ የሚያደርጉ እንቅስቃሴዎች እንደሆኑ
ማስገንዘብ፣
በሶምሶማ ሩጫና በርምጃና የሰውነት ማቀዝቀዣ እንቅስቃሴዎችን በማሰራት የእለቱን ትምህርት ማጠቃለል።
ክትትልና ግምገማ፦ ምልከታ፣የቃል ጥያቄ
ልዩ ትኩረት
• በአስተራረፍ ጊዜ ሁለት እግር አንድ ላይ ማረፍ አለበት።
• ዘለው በሚያርፉበት ጊዜ አካላዊ ጉዳት እንዳይከሰት አሽዋ ወይም ለስላሳ አፈር ላይ እንዲያርፉ ማድረግ
• የሰውነት ሚዛን ወደፊት ማዘንበል አለበት።
• እጅ ወደፊትና ወደ መሬት ማመልከት አለበት።
• ልዩ ፍላጎት ያላቸውን ተማሪዎች ተጨማሪ እገዛ ማድረግና የእንቅስቃሴውን ጫና በመቀነስ ማሰራት።
መመሪያ አንድ፡-የሚከተሉትን ጥያቄዎች ትክክል ከሆነ “እውነት ስህተት ከሆነ ደግሞ “ሀሰት በማለት መልሱ
1. የስሉስ ዝላይ ጊዜ ስቴፕ(እምርታ) የምንለው በአንድ እግራችን ተነስተን በሁለት እግራችን የምናርፈውን ሂደት ነው።
2. መካከለኛ ርቀት ሩጫ የሚባሉት ርቀታቸውን በአንድ ትንፋሽና በሙሉ ፍጥነት የመጨረስ ክህሎትን የሚጠይቁት ናቸው።
3. ርምጃ ማለት ከሩጫ ፈጠን ያለ እንቅስቃሴ ነው።
4. የአጭር ርቀት ሩጫ ትዕዛዞች በሦስት ክፍሎች ይመደባሉ።
መመሪያ ሁለት ለሚከተሉት ጥያቄዎች አጭር መልስ ስጡ
5. የርዝመት ዝላይ ከስሉስ ዝላይ ጋር ያለውን አንድነትና ልዩነት አብራሩ
6. በዝላይ ውጤት ላይ ተፅዕኖ የሚፈጥሩ ምክንያቶችን ዘርዝሩ
7. የውርወራ አይነቶችን ዘርዝሩ
መልስ
1. ሀሰት 2. ሀሰት 3. ሀሰት 4. እውነት
5. አንድነታቸው ሁለቱም የዝላይ አይነቶች ለርዝመት የሚዘለሉ ሲሆን በተጨማሪም ሁሎቱም የዝላይ ዓይነቶች
ፍጥነት፣ጥንካሬ፣መተጣጠፍ ችሎታን የሚጠይቁ ናቸው። ልዩነታቸው ፤-ርዝመት ዝላይ አንድ ወጥ አግድም ዝላይ
ሲሆን የሱሉስ ዝላይ ደግሞ ሶስት ዝላዮችን በተከታታይ መዝለልልን ይጠይቃል።
6. እድሜ፣ ቁመት፣ ፍጥነት፣ የጡንቻ ጥንካሬና መታዘዝ፣ የሩጫ ፍጥነት አንድ ዓይነት እንቅስቃሴ፣ መስፈንጠር፣መንሳፈፍና
አስተራረፍ ችሎታዎች
7. የውርወራ አይነቶች የሚባሉት የጦር ውርወራ፣የአለሎ ውርወራ፣የዲስከስ ውርወራና የመዶሻ ውርወራ ናቸው።
ምዕራፍ
አጠቃላይ ዓላማዎች፡
ተማሪዎች ይህንን ምዕራፍ ከተማሩ በኋላ፡-
የጅምናስቲክስ አይነቶችን ይረዳሉ።
በነጠላ አግዳሚ ዘንግ ላይ ወደ ላይ የመሳብን እንቅስቃሴ ያሳያሉ።
ቀላል የመሳሪያ ጅምናስቲክስ እንቅስቃሴዎችን ያከናውናሉ።
የመሳሪያ ጅምናስቲክስ የአሰራር ሂደቶችን ያደንቃሉ።
የጂምናስቲክስ እንቅስቀሴ ጥቅሞችን ዋጋ ይሰጣሉ።
መግቢያ፡-
ጅምናስቲክስ 5 ኛ ክፍል ላይ ለክፍሉ በሚመጥን መልኩ መስራታችሁ ይታወቃል በመሆኑም በዚህ የክፍል ደረጃ ደግሞ የአካል
ክፍሎችን በማስተባበር ለሰውነታችን የተሟላ የአካል እድገት፣ ጤንነት፣ ድፍረትን፣ የተስተካከለ የአካል ቁመናና ቅርፅ ለማስገኘት
የሚያግዝ እንቅስቃሴ በማካተት ይተገበራል።
ስለዚህ በዚህ ምዕራፍ ውስጥ የጅምናስቲክስ ጠቀሜታ፣ የጅምናስቲክስ ዓይነቶች (ነፃ ጅምናስቲክስ፣ የመሳሪያ ጅምናስቲክስ) እንዲሁም
ከውድድራዊ ጅምናስቲክስ ውስጥ የሪትሚክ ጅምናስቲክስ እንቅስቃሴዎችን አካቶ የያዘ በመሆኑ የአካል ክፍሎችን በማስተባበር
ለሰውነታችን የተሟላ የአካል እድገት፣ ጤንነት፣ ውሳኔ ሰጭነትን፣ የተስተካከለ የአካል ቁመናና ቅርፅ ለማስገኘት የሚያግዝ እንቅስቃሴ
በማካተት ይተገበራል።
በዚህ ርዕስ ውስጥ ሰፊ የሆኑ ሀሳቦች ቢኖሩም በ 5 ኛ ክፍል የተወሰነ ግንዛቤ ያለ በመሆኑ ለዚህ ክፍል በሚመጥን ሁኔታ የጀምናስቲክን
አይነቶች ትርጉማቸውንና ጥቅማቸውን በይበልጥ የምናይበት ይሆናል።
መርጃ መሳሪያዎች፦መፅሐፍት፣ የጅምናስቲክስ እንቅስቃሴን የሚያንፀባርቁ ስዕሎች፣ ፖስተሮች
ከዋና ዋና ውድድሮች በፊት ሰውነትን ለማሟሟቅ አጠቃላይ የሰውነት ቅርጽንና አሰራርን ጤነኛ ለማድረግ ይጠቅማሉ።
የአካል ጉዳት ያለባቸው ተማሪዎች ከጉዳታቸው አንፃር በማየት እንቅስቃሴውን አጋዥ በመመደብ አብረው እንዲሰሩ ማድረግ
የተግባር እንቅስቃሴውን በሚተገብሩበት ወቅት ሁሉም ተማሪዎች እንዲሳተፉ ማበረታታት የአሰራር ሰህተቶች ካሉ እርስ በርስ
እንዲተራረሙ ማድረግ
በቡድን ሆነው የሰውነት ማቀዝቀዣ እንቅስቃሴ እንዲሰሩ ማድረግ
ከሰሩት ተግባር አንፃር ተጨማሪ ጥያቄዎችን በመጠየቅ እንዲመልሱ ማድረግ
የተጠየቁትን በመመለስ ለሚቀጥለው ክፍለ ጊዜ ተዘጋጅተው እንዲመጡ መንገር
ክትትልና ግምገማ፦ በጥያቄና መልስ ማረጋገጥ እና የሰሩትን ተግባር በመመልከት
ለ. በግንባር መቆም፡- ከግንባር መቆም በኋላ ወደፊት መንከባለል፡- በግንባር መቆምና መንከባለል የመተጣጠፍና የመገለባበጥ
የጅምናስቲክስ አይነቶች ውስጥ አንዱ ሲሆን የሰውነት ክብደትን በግንባርና በእጅ ላይ በማሳረፍ ቀጥ ብሎ ከቆሙ በኋላ ወደ ፊት
መንከባለል ማለት ነው። ይህም የእንቅስቃሴ አይነት የሰውነትን የመተጣጠፍ ችሎታ ከማሳደጉ በተጨማሪ ጥንካሬንና ብርታትን
ለማጎልበት ይጠቅመናል።
መርጃ መሳሪያዎች፦ ሰዕል፣ፖስተር፣ቪዲዮ
የመማር ማስተማር ቅድም ተከተል
ከክፍል ወጥተው ወደ ሜዳ እንዲሄዱ ማድረግ
በቡድን ሆነው የተለያዩ የሰውነት ማሟሟቂያ እንዲሰሩ ማድረግ
• የእንቅስቃሴው የአሰራር ሂደት አጭር ማብራሪያ መስጠት
• ይህን እንቅስቃሴ ለመስራት መጀመሪያ ሶስት ማዕዘን በእጅ ለክቶ መስራት፣
• ሁለቱን እጆች እና ግንባርን በሶስቱ ማዕዘን ውስጥ ማሳረፍ፣
• እግርን ቀስ እያደረጉ ተራ በተራ ወይም አንድ ላይ ማንሳትና ክርን ላይ በማሳረፍ፣ ወዲያው ቀስ እያደረጉ ተራ በተራ
ወይም አንድ ላይ ከክርን ማንሳት
• በመጨረሻም ሁለቱን እግሮች ቀጥ በማድረግ በግንባር መቆም።
• ሲወርድም ቀስ በማለት ወደ ፊት በመንከባለል እንዲቆሙ ማድረግ
• ሁለቱን ተግባራት በማቀኛጀት በመካከሉ እረፍት በመውሰድ በመደጋገም እንዲሰሩ ማድረግ።
• ለሚቀጥለው ክፍለ ጊዜ ተዘጋጅተው እንዲመጡ በመንገር መሰናበት
• የሰውነት ማቀዝቀዣ እንቅስቃሴና የሰውነት ማሳሳብ እንቅስቃሴ በማሰራት ማጠናቀቅ
ክትትልና ግምገማ፦ የቃል ጥያቄዎችን በመጠየቅ ማረጋገጥ፣ ምልከታ ማድረግ
ሐ. በእጅ መቆም፡- በእጅ የመቆም እንቅስቃሴ ሌላኛው የመተጣጠፍንና የመገልበጥን ጅምናስቲክ አይነት ሲሆን የሰውነት ክብደት
በእጅ ላይ በማሳረፍ የእጅ ጥካሬንና ሚዛንን የመጠበቅ አቅምን ለማሳደግ የምንጠቀምበት ተግባር ነው። በእጅ የመቆም እንቅስቃሴ
ወቅት እጅና ከወገብ በላይ ያለው የሰውነት ክፍል ቀጥ ማለት አለበት።
መርጃ መሳሪያዎች፦ ስዕል፣ፖስተር፣ቪዲዮ
የመማር ማስተማር ቅድም ተከተል፡-
ከክፍል ወጥተው ወደ ሜዳ እንዲሄዱ ማድረግ
ሠ. ወደፊት ዘሎ መንከባለል/ዳይቨ ሮል/፡- ይህ እንቅስቃሴ ከፍተኛ የሆነ እርዳታንና ጥንቃቄን የሚጠይቅ በመሆኑ የአሰራር ሂደቱን
ተከትሎ መስራት ቅድሚያ የሚሰጠው ይሆናል። ይህ ተግባር ሁሉንም የሰውነት ክፍሎች በማስተባበር ሊሰራ የሚችል ሲሆን የእጅን
ጥንካሬ፣ አጠቃላይ ከወገብ በላይ ያለው የሰውነት ክፍል የመተጣጠፍና የቅልጥፍና ባህሪ እንዲሁም የአዕምሮ ቅንጅት ትልቁን ቦታ
ይይዛሉ።
መርጃ መሳሪያዎች፦ ስዕል፣ፖስተር፣ቪዲዮ
የመማር ማስተማር ቅድም ተከተል፡-
ከክፍል ወጥተው ወደ ሜዳ እንዲሄዱ ማድረግ
በቡድን ሆነው የተለያዩ የሰውነት ማሟሟቂያ እንዲሰሩ ማድረግ
• የእንቅስቃሴው የአሰራር ሂደት አጭር ማብራሪያ መስጠት
• ከአሁን በፊት የሚያውቁትን በጥልቀት መንከባለል እንቅስቃሴን አሰራር እንደፈለጉ እንዲሰሩ እድል መስጠት
• ትክከለኛውን አሰራር ማሳየትና ቅደም ተከተሉን አንዲከተሉ ማድረግ
• መጀመሪያ በትክሻ ስፋት ልክ እግርን በመክፈት እጅን ወደፊት ማመልከት
• ትንሽ ሸብረክ እንደማለት በማለትና ከእግር ወደ ላይ የተወሰነ በመነሳት አየር ላይ የመንሳፈፍ ሂደት ማሳየት
• እግር በአየር ላይ ቀጥ እንዳለ እጅን ወደ መሬት በመላክ እንዲያርፍ ማድረግ
• ወዲያውኑ የሰውነትን ክብደት እጅ ላይ በማሳረፍ ወደፊት መንከባለልና መቆም
• በየመካከሉ ዕረፍት እየሰጡ እንቅስቃሴውን ደጋግመው እንዲሰሩማድረግ
• የሰውነት ማቀዝቀዣ እንቅስቃሴና የሰውነት ማሳሳብ እንቅስቃሴ በማሰራት ማጠናቀቅ
ክትትልና ግምገማ፦ የቃል ጥያቄዎችን በመጠየቅ ማረጋገጥ፣ ምልከታ ማድረግ
• በመፅሐፉ ላይ ያሉትን አሰራሮች መከተል ለምሳሌ ኳሱን በሁለት እጅ ይዞ ከእግር ወይም ከሌላው የሰውነት ክፍል ጋር
በማቀናጀት በሪትም ማሽከርከር
• በመቀጠል ከምት ጋር አቀናጅተው በውድድር መልክ በግል ከተለያዩ የሰውነት ክፍሎች ጋር በማቀኛጀት እንዲያነጥሩ
ማድረግ
• ተጨማሪ የራሳቸውን የፈጠራ ችሎታ ተጠቅመው ኳሱን እያነጠሩ ሪትሚካዊ እንቅስቃሴ እንዲሰሩ ማድረግ
• በየመካከሉ ዕረፍት እየሰጡ እንቅስቃሴውን ደጋግመው እንዲሰሩ ማድረግ
• የሰውነት ማቀዝቀዣ እንቅስቃሴና የሰውነት ማሳሳብ እንቅስቃሴ በማሰራት ማጠናቀቅ
ክትትልና ግምገማ፦ የቃል ጥያቄዎችን በመጠየቅ ማረጋገጥ፣ ምልከታ ማድረግ
ሐ. በቀለበት የሚሰሩ ሪትሚክ ጅምናስቲክስ፡- እንቅስቃሴው በቀለበት የሚሰራ ሆኖ ከ 5 ኛ ክፍል ቀጣይ የሆኑ ተግባራትን የያዘ ነው።
ስለዚህ እንቅስቃሴው እንደሌሎች የሪትም እንቅስቃሴዎች ሁሉ ትኩረትን፣ የተለያዩ የሰውነት ክፍሎችን ቅንጅትን፣ በጨዋታው
አማካኝነት መደሰትን እና በጋራ አብሮ የመስራትን ባህሪ ሊያሳድግ የሚችል ነው።
መርጃ መሳሪያዎች፦ ሰፋፊ ቀለበት፣ ገመድ፣ ስዕል፣ፖስተር፣ቪዲዮ
የመማር ማስተማር ቅድም ተከተል
ከክፍል ወጥተው ወደ ሜዳ እንዲሄዱ ማድረግ
በቡድን ሆነው የተለያዩ የሰውነት ማሟሟቂያ እንዲሰሩ ማድረግ
የእንቅስቃሴው የአሰራር ሂደት አጭር ማብራሪያ መስጠት
• ከአሁን በፊት የሚያውቁትን በቀለበት የሚሰሩ ሪትሚክ ጅምናስቲክስ የአሰራር ሂደት እንዲሰሩ እድል መስጠት
• ትክከለኛውን አሰራር ማሳየትና ቅደም ተከተሉን አንዲከተሉ ማድረግ
• ቀለበቱን ከልጆቹ እድሜና አቅም ጋር ሊሄድ የሚችል እንዲሆን መለየት
• በመፅሐፉ ላይ ያሉትን አሰራሮች መከተል ለምሳሌ ቀለበቱን ወገብ ላይ አድርጎ ውይም አንገት ላይ በማድረግ በሪትም
ማሽከርከር
• በመቀጠል ከምት ጋር አቀናጅተው በውድድር መልክ በግል ቀለበቱን በጭንቅላት በኩል ወደ ላይ ወደፊት በመወርወርና
ቀድሞ ወደፊት ተንከባሎ በመነሳት ቀለበቱን የመያዝን እንቅስቃሴ እንዲሰሩ ማድረግ
• በየመካከሉ ዕረፍት እየሰጡ እንቅስቃሴውን ደጋግመው እንዲሰሩማድረግ
• የሰውነት ማቀዝቀዣ እንቅስቃሴና የሰውነት ማሳሳብ እንቅስቃሴ በማሰራት ማጠናቀቅ
ክትትልና ግምገማ፦ የቃል ጥያቄዎችን በመጠየቅ ማረጋገጥ፣ ምልከታ ማድረግ
መ. በቀለበት ሪትማዊ ጅምናስቲክስ ውድድር፡- ሁሉንም ተማሪ በመፅሐፉ ያሉትን እንቅስቃሴዎች ሲሰሩ የቅርብ ክትትልና እርምት
በማድረግ ስራቸውን ማሰራት ውድድሩንም በማስተባበር ውጤታማ እንዲሆኑ እርምት መስጠትና ማገዝ ይጠበቃል።
የተግባር 2 መልስ
ማሳሰቢያ፡ ይህ ተግባር ተማሪዎችን በቡድን በማድረግና በማደረጀት ሰፊ ጊዜ አስቀድሞ ተሰጥቶ ሊሰራ የሚችል ነው። ተማሪዎች
ይዘውት ከሚመጡት የቀለበት ሪትሚካዊ ተግባር ጋር በማገኛኘት ማየትና እርስ በርሳቸው አስተያየት እንዲሰጣጡ በማድረግ መተግበር
ይቻላል። ነገር ግን ለተማሪዎች መፅሐፍቶችን፣ ሙያተኞችን (የጅምናስቲክ) እና ሌሎች አማራጮችን ማመቻቸት ይገባል።
መልስ
ከዋና ዋና ውድድሮች በፊት ሰውነትን ለማሟሟቅ አጠቃላይ የሰውነት ቅርጽንና አሰራርን ጤነኛ ለማድረግ
ይጠቅማሉ።
መልስ
ምዕራፍ
አጠቃላይ ዓላማዎች፡
ተማሪዎች ይህንን ምዕራፍ ከተማሩ በኋላ፡-
ኳስ የመንዳትና የመለጋት መሰረታዊ ክህሎትን ይለያሉ።
አወንታዊ የዕርስ በርስ ግንኑነትን ያዳብራሉ።
ትክክለኛውን ኳስ የማንጠርና ከታች ወደላይ የመለጋት ክህሎትን ያሳያሉ።
መግቢያ
በኳሶች አማካኝነት የሚከናወኑ የተለያዩ ጨዋታዎች ልጆች ክህሎታቸውን ለማዳበር የሚገለገሉባቸው እንቅስቃሴዎች ከመሆናቸውም
በላይ በጣም የሚያስደስቱዋቸው ተግባራት ናቸው። እነዚህ እንቅስቃሴዎች ሀይላቸውን በሚገባ ለመጠቀም የሚያገለግሏቸው ናቸው።
ልጆች አብዛኛውን ጊዜ መጫወት ይወዳሉ። በዚህ ደረጃ የሚገኙ ተማሪዎች የሰውነት ማጎልመሻ ትምህርት እንደ ጨዋታ ጊዜ ብቻ
አድርገው ይቆጥሩታል። ሆኖም ስሜታቸው ሳይነካና ፍላጎታቸው ሳይገደብ ትምህርታዊ ማድረግ ይቻላል። ስለሆነም ደረቅ የሆነ
የክህሎት ትምህርት ከማድረግ ይልቅ ቀላል በሆነ ዘዴ ከጨዋታና ከመዝናናት ጋር አቀናጅቶ ማቅረብ ያስፈልጋል። በዚህ ሁኔታ ከቀረበ
ጤናማ ደስተኛ ሆነው ይቀጥላሉ።
መርጃ መሳሪያዎች፦ኳስ፣መረብ፣ፊሽካ
የመማር ማስተማር ቅደም ተከተል
ከ 3-5 ደቂቃ በቡድን የሰውነት ማሟሟቂያና የማሳሳቢያ እንቅስቃሴ ማሰራት፣
የክፍሉ ተማሪዎች በረድፍ እንደቆሙ የዕለቱን ትምህርት ማስተዋወቅና የትምህርቱን ዓላማ መግለጽ፤ከዚህ ቀደም ይህንን
እንቅስቃሴ ሰርተው ያውቁ እንደሆነና እንዴት እንደሚሠራ ጥያቄዎችን መጠየቅ፤
ሁሉም ከመሞከራቸው አስቀድሞ መጀመሪያ መሥራትና ለሌሎች ማሣየት የሚፈልጉ ተማሪዎች ካሉ ቅድሚያ መሥጠትና
እንዲያሣዩ ማድረግ፤
ሌሎችም በሚገባ እንዲመለከቱ ማድረግና አሰተያየታቸውን እንዲሰጡ እንዲሁም በተሻለ መልክ መስራት የሚፈልጉ ካሉ
እድሉን መሥጠት፤
ከአስተያየታቸው በመነሳት ይህ እንቅስቃሴ እንዴት እንደሚሠራ ማስረዳት፤ ሠርቶም ማሳየት፤
በቀረቡት ኳሶች ቁጥር የክፍሉን ተማሪዎች በቡድን መክፈልና አጠገብ ለአጠገብ በረድፍ አሰልፎ ለአንድ ቡድን አንድ ኳስ
መስጠት መጀመሪያ ኳስ ወደ ላይ ወርውሮ መሬት ነጥራ ስትመለስ በትክክል ወደላይ መለጋትን እንዲለማመዱ ማድረግ፤
ተመሣሣዩን እንቅስቃሴ ኳስ ወደላይ በመጠኑ ከወረወሩ በኋላ በአየር ላይ ከታች ወደላይ መለጋትን መለማመድ፣
በጥንድ ወይም እንደ ኳሶች ብዛት በቡድን በመሆን ከ 3 ሜትር ርቀት በመጀመር ወደኋላ ርቀትን በመጨመር እስከ 6 ሜትር
ርቀት ኳሶችን ከላይ በተገለጸው መልክ የመለጋት እና ለጓደኛ በትክክል ማድረስ፣ የተለጋችውን ኳስ በክንድ መቀበል
ተመሳሳዩን እንቅስቃሴ ከመረብ በላይ በማሳለፍ ለጓደኛ ማድረስን ደጋግመው እንዲለማመዱ ማድረግ፣
በርምጃና በሶምሶማ ሩጫ ሰውነታቸውን እንዲያቀዘቅዙና የማሳሳብ እንቅስቃሴ በማሰራት ትምህርቱን ማጠቃለል።
ክትትልና ግምገማ
የተግባር ስራ ሲሰሩ ምልከታ ማድረግ፣ የቃል ጥያቄ
ኳስ ተቆጣጥሮ በትክክል በእግር መንዳት ከመሠረታዊ የኳስ ጨዋታ ክህሎቶች ውስጥ ዋነኛው ነው። ኳስን በውስጥ የጎን እግር፣
በውጭ የጎን እግር፣በፊት ለፊት እግር መንዳት ይቻላል።ተማሪዎች በዚህ የክፍል ደረጃ ላይ ኳስን በውስጥና በውጭ የጎን እግር
መንዳትን የሚያስችሉ እንቅስቃሴዎችን በሚገባ ከተለማመዱ ኳስ በትክክል ለመንዳት የሚያስችል የእንቅስቃሴ ቅንጅት ይኖራቸዋል።
ስለዚህ ሁሉም ተማሪዎች በዚህ ርዕስ በአጥጋቢ የችሎታ ደረጃ ላይ የተጠቀሱትን ለውጦች እንዲያመጡና ኳስ የመንዳት
ችሎታቸው እንዲሻሻል የተሰጡትን መለማመጃ እንቅስቃሴዎች በሚገባ እንዲለማመዱ፤ ተግባራዊ ክንዋኔዎችንም በሚገባ መተግበር
ይጠበቅባቸዋል።
መርጃ መሳሪያዎች፦ስዕል፣ፖስተር
የመማር ማስተማር ቅደም ተከተል
ያለፈውን ተምህርት የሪቲምካዊ ጅምናስቲክስ አሰራር ዘዴዎችን የቃል ጥያቄ በመጠየቅ መከለስ፤
ክትትልና ግምገማ
ያለፈውን ትምህርት ርዕስ በጥያቁ በማስታዎስ የእለቱን ትምህርት ርዕስና አላማ በማስተዋወቅ አጭር ገለፃ መስጠት
ባለን የኳስ ቁጥር የክፍሉን ተማሪዎች በቡድን ፊት ለፊት በማሰለፍ በፈለጉት የእግር ክፍል ኳስ 20 ሜትር እየነዱ እንዲያቀብሉና
ከኋላ እንዲሰለፉ ማድረግ፣
የተማሪዎችን ጥረት በማድነቅ በትክክል የሰሩትን ለክፍሉ ተማሪዎች እንዲያሳዩ እድል መስጠት፣
በውስጥና በውጭ የጎን እግረ ኳስ መንዳት በእግር ኳስ ጨዋታ ጊዜ ያለውን ጠቀሜታ ማስገንዘብ፣
ክትትልና ግምገማ
ኳስ በውስጥና በውጭ የእግር ክፍል በሚነዳበት ጊዜ ትክክለኛውን የሰውነት እንቅስቃሴ እንዲያሳዩ መጠየቅ
ባለን የኳስ ቁጥር የክፍሉን ተማሪዎች በቡድን በማሰለፍ ኳስን 20 ሜትር በውስጥና በውጭ የጎን እግረ እየነዱ እንዲመለሱ
ማድረግ፣
ከተማሪዎች ፊት ለፊት ኮኖችን በ 1 ሜትር ርቀት መደርደር
በተደረደሩት መሰናክሎች መካከል ያለ ኳስ በዚግዝግ እየሮጡ እንዲመሉሱ ማድረግ፣
በመሰናክል/በኮን መካከል በውስጥና በውጭ ጎን እግረ ኳስ መንዳት የሚችል ተማሪ ካለ በመጠየቅ እድል መስጠት
የተማሪዎችን ስራ በማድነቅ ትክክለኛውን ተግባር ሰርቶ ማሳየት፣
በ 20 ሜትር ርቀት በተደረደሩ መሰናክሎች/በኮኖች መካከል ኳስን በውስጥና በጎን እግር በፍጥነት እየነዱ ደርሶ መልስ
እንዲሰሩ ማድረግ፣
ተግባሩን ደጋግመው እንዲሰሩ እድል መስጠትና በቡድን በጨዋታ መልክ እንዲሰሩት ማድረግ
ጨዋታው በቡድናቸው ሁሉም ተማሪዎች ተግባሩን እንደሰሩ በማድረግ ቀድሞ የጨረሰ ቡድን አሸናፊ ይሆናል።
የሰውነት ማቀዝቀዣ እንቅስቃሴና የሰውነት ማሳሳብ እንቅስቃሴ በማሰራት ማጠናቀቅ
ክትትልና ግምገማ፦ ምልከታ፣የቃልጥያቄ፣የቡድን ጨዋታ ተሳትፎ
ሐ. ትንንሽ ጨዋታዎች
የክፍሉን ተማሪዎች ትንንሽ ቡድኖችን በመመስረት በአነስተኛ ሜዳ በውስጥ፣ በውጭና በፊት ለፊት እግር ኳስን የመንዳት
ክህሎትን ትኩረት በማድረግ በቡድን እንዲጫወቱ ማመቻቸት
የጨዋታው ህግ
የጨዋታው አላማ
ኳስን በሁለት ንክኪ ማቀበል
በ 5 ኛና በ 6 ኛ ክፍል የተማሯቸውን የእግር ኳስ ክህሎቶች
በውስጥ፣ በውጭና በፊት ለፊት እግር መጫዎት ለማዳበር
ማህበራዊ ግንኙነትን ለማዳበር
ክትትልና ግምገማ
ኳስ የማንጠርን መሰረታዊ ቴክኒኮችን መለየታቸውን በቃልና ከቡድን ጓደኞቻቸው ጋር በመተጋገዝ መስራታቸውን
በምልከታ ማረጋገጥ።
የግራና ቀኝ እጆቻቸውን በማፈራረቅ በተከታታይ ሳያቀርጡ ማንጠራቸውን መገምገም።
•• ጨዋታ 1
የመማር ማስተማር ቅደም ተከተል
በቡድን ከ 3-5 ደቂቃ ከቦታ ቦታ እየተንቀሳቀሱ ኳስ እያነጠሩ ሰውነታቸውን ማሟሟቅና የማሳሳብ እንቅስቃሴ ማሰራት፣
የእለቱን ትምህርት አላማና ጥቅም ማስተዋወቅ
ተማሪዎችን በኳሶቹ ቁጥር መጠን በእኩል ቡድን በመከፋፈል ማሰለፍ።
ኳስን በቀኝና በግራ እጅ እያቀያየሩ የተለያዩ የፊደል ቅርፆችን ምሳሌበ‹v›፣በ‹ሀ›፣በ‹W›ቅርፅ ኳስን ወደጎን፣ወደፊትና ወደኋላ
በመንሸራተት እንዲያነጥሩ ማድረግ
በትክክል በፊደላት ቅርፅ ኳስን ያነጠረ ተማሪ ተሸናፊ ይሆናል።
በጨዋታው የተሰማቸውን ስሜት በመጠየቅ የሰውነት ማቀዝቀዣና የማሳሳቢያ እንቅስቃሴዎችን በማሰራት ትምህርቱን
ማጠናቀቅ።
ክትትልና ግምገማ፦ ምልከታ
ጨዋታ 2
መርጃ መሳሪያዎች፦ኳስ፣ፊሽካ፣ ኮን
የመማር ማስተማር ቅደም ተከተል
በቡድን ከ 3-5 ደቂቃ ከቦታ ቦታ እየተንቀሳቀሱ ኳስ እያነጠሩ ሰውነታቸውን ማሟሟቅና የማሳሳብ እንቅስቃሴ ማሰራት፣
የእለቱን ትምህርት አላማና ጥቅም ማስተዋወቅ
ተማሪዎችን በኳሶቹ ቁጥር መጠን በእኩል ቡድን በመከፋፈል ማሰለፍ።
ተማሪዎች በኳሶቹ ቁጥር መጠን ከተከፋፈሉ በኋላ እያንዳንዱ ቡድን እንደገና በሁለት በመከፋፈል በመካከላቸው 30 ሜትር
ርቀት ፊት ለፊት አንዲቆሙ ማድረግ።
ከዚያም ኳስ ካለችበት ቡድን የመጀመሪያዎቹ ልጆች ኳስ እያነጠሩ ፊት ለፊት እስከ 25 ሜትር ከሮጡ በኋላ 5 ሜትር
ሲቀራቸው በደረት ትይዩ ለቡድን ጓደኛቸው ማቀበልና ከኋላ መሰለፍ።
በዚህ መልኩ ጨዋታው ይቀጥልና ሁሉም ተማሪዎች ተዳርሰው ተሎ የጨረሰው ቡድን አሸናፊ ይሆናል።
የሰውነት ማቀዝቀዣ እንቅስቃሴና የሰውነት ማሳሳብ እንቅስቃሴ በማሰራት ማጠናቀቅ
የጨዋታው ህግ የጨዋታው አላማ
ማሳለፍ ሲሆን ቀድሞ 10 ነጥብ ያመጣ ቡድን አሸናፊ ይሆናል። ተሸናፊው ቡድን ይወጣና ውጭ ከነበሩት ቡድኖች
አንደኛው በእጣ ይገባል።
በጨዋታው ሁሉም ተማሪዎች በንቃት እንዲሳተፉ ማበረታታት
የተሰጠው ሰዐት እንዳለቀ አሸናፊውን ቡድን በማስወጣት ሌሎችን ቡድኖች በእጣ ማስገባት
በጨዋታው፣በዳኝነትና ኳስ በማቀበል የነበራቸውን ተሳትፎ በማድነቅ የሰውነት ማቀዝቀዣ እንቅስቃሴዎችን
በማሰራት የእለቱን ትምህርት ማጠናቀቅ
ክትትልና ግምገማ፦ ምልከታ
1. ከሚከተሉት የልግ አይነቶች በጣም ቀላልና ብዙውን ጊዜ ጀማሪና ተለማማጅ ተጫዋቾች የሚያከናውኑት የቱ ነው?
ሐ. ሁሉም
ሐ. ወደላይ መ. ኳስ ወደሚነዳው
እግር
መልስ
1. ሀ 2. ሐ 3. ሀ 4. ሐ
1. ኳስ ይዞ ወደፊት በእግር የተለያዩ ክፍሎች እየገፉ ለመንቀሳቀስ የሚጠቅም ቴክኒክ ነው
2. ኳስ ለመንዳት ሰውነትን ኳስ ወደሚነዳበት አቅጣጫ ዘንበል ማድረግ፤ ከራስ ቀና ማለትና ወደ ሚነዳበት
አቅጣጫ መመልከት፤ ኳስ ርቃ እንዳትሄድ የተመጠነ ጉልበት መጠቀም፤
3. ኳስ ማንጠር የሚያስፈልግበት ምክንያት የሚፈለገው ርምጃ ለመውሰድ አመቺ ሁኔታ እስኪፈጠር ድረስ
ወይም ከኳስ ጋር ከቦታ ወደቦታ ተንቀሳቅሶ ተፈላጊውን ግብ ለመምታት እንዲቻል ለማመቻቸት ነው።
ለኳስ ማንጠር መሰረታዊ ሁኔታዎች የእጆችን መገጣጠሚያ (አንጓ) እንቅስቃሴ በሚገባ መጠቀም ሰውነት
በመጠኑ ከወገብ አጠፍ ብሎ ኳስን መቆጣጠር እይታን በኳሷና በተፈላጊ አቅጣጫ ላይ እየለዋወጡ
እንዲውሉ ማድረግ ይሆናል።
4. ሰውነትን ከወገብ በመጠኑ እጥፍ ማድረግና እግሮች በትከሻ ስፋት ልክ ከፈት ማድረግ፣የእጅ ጣትን ዘርዘር
ማድረግ፣ኳስን በእጅ መምታት ሳይሆን መግፋት፣ኳስ የሚያነጥረው እጅ ከባለጋራ የራቀ መሆን ሲኖርበት
ኳስ የማያነጥረውም እጅ ደግሞ ኳሱን ከባለጋራ እንቅስቃሴ መከላከል አለበት።
ምዕራፍ
አጠቃላይ ዓላማዎች፡
መግቢያ
ይህ ምዕራፍ በሀገራችን በተለይም በአማራ ክልል የሚገኙ የተለያዩ ዞኖች በውስጣቸው የያዟቸውን የተለያዩ ባህላዊ ጭፈራዎችንና ባህላዊ
ጨዋታዎችን ለማሳወቅና የበለጠ በክልሉ እንዲያድጉ ለማድረግ የምንማርበት ነው። በመሆኑም ምዕራፉ በውስጡ የሚያካትተው ዓብይ
ርዕሶች የባህላዊ ጭፈራዎችንና የባህላዊ ጨዋታዎችን ምንነት፣ በኢትዮጲያ በአማራ ክልል የሚተገበሩ ባህላዊ ጭፈራወችን በተግባር
እና በኢትዮጱያ በአማራ ክልል የሚተገበሩ ባህላዊ ጨዋታዎችን በእንቅስቃሴ የምናካትትበት ነው።በዚህም መሰረት ተማሪዎቹ
የሚቀረቡት ተግባራት የደረጃውን የትምህርት ዓላማዎች ግብ ለማስመታት ዓይነተኛ መሳሪያ መሆናቸውን ማስገንዘብ ይገባል።
የባህል ጭፈራ በደስታና በስራ ቦታ የሚደረግ ተግባራዊ የእንቅስቃሴ ክፍል ነው። ብዙ የሀገራችን ብሔረሰብ ጨዋታዎች የመላ
ሰውነት እንቅስቃሴ የሚጠይቁ በመሆናቸው ተማሪዎች መንፈሳቸውን እያደሱና እየተደሰቱ እንቅስቃሴዎችን እንዲያደርጉ እጅግ
ጠቃሚ ነው። ባህላዊ ጭፈራዎች የሚባሉት የሀገራችንን ብሎም የክልላችንን ባህል፣ ወግና ልማድ ሊያንፀባርቁ የሚችሉና ህብረተሰቡ
በተለያየ መንገድ ሊተገብረው የሚችል አካላዊ፣ አዕምሯዊና ማህበራዊ እድገትን እንዲሁም ፍላጎትንና ዝንባሌን ሊያሰድጉ የሚችሉ
እንቅስቃሴዎች ናቸው።
መርጃ መሳሪያዎች፦ባህላዊ ጭፈራን የሚያንፀባርቁ ስዕሎች፣ ፖስተሮች
o ይህ የሰሜን ሽዋ ባህላዊ ጭፈራ ጠቀሜታው ምንድን ነው፣ ከሰውነት ማጎልመሻ ትምህርት ጋር ያለው ግንኙነትስ
አስረዱ
የተጠየቁትን ጥያቄዎች አጠር ያለ ማብራሪያ በመመለስ ለሚቀጥለው ፔሬድ ተዘጋጅተው እንዲመጡ መንገር
ክትትልና ግምገማ፦ የቃል ጥያቄዎችን መጠየቅ፣ ተግባሩን እንዲያሳዩ በማድረግ መከታተል
ተግባር 5፡- የፕሮጀክት ሥራ መልስ
በአካባቢያችሁ የሚዘወተሩ ባህላዊ ጭፈራዎች ውስጥ አንዱን በመምረጥ በቡድን ተለማምዳችሁ ለክፍል ጓደኞቻችሁ በተግባር
አቅርቡ?
መልስ፡- ይህ ተግባር በክልሉ በሚገኙ የተለያዩ ወረዳዎችና ዞኖች ባህላዊ አጨፋፈር ላይ ያተኮረ በመሆኑ ተግባሩ ትምህርት ቤቱ
ባለበት አካባቢ ብቻ የተወሰነ ስለሚሆን መምህሩ የፕሮጀክቱን ሥራ አካባቢውን መሰረት እንዲያደርጉና እንዲወስኑት በመንገር
ማሰራት ይኖርበታል።
መ. የወሎ ባህላዊ ጭፈራ፡- ወሎ አካባቢ ማለትም በሰሜንና በደቡቡ ወሎ አካባቢ የተለያዩ ጭፈራዎች ሲኖሩ በትከሻ የሚሰሩ በአንገት
የሚሰሩ፣ በእጅ የሚሰሩ፣ በመቀመጥና በመነሳት እንዲሁም በመዝለል ሁለት እግር በማንሳት አንድ እግር በማንሳት እና በማስቀመጥ
የሚጨፈሩ ብዛት ያላቸው ጭፈራዎች ይገኛሉ።
መርጃ መሳሪያዎች፦የተለያዩ የወሎ ባህላዊን አጨፋፈር የሚያሳይ ፖስተር/ ቪዲዮ
የመማር ማስተማር ቅድም ተከተል፡-
ከክፍል ውሰጥ ወይም ከክፍል ውጭ ወጥተው ወደ ሜዳ እንዲሄዱ ማድረግ
የወሎ ባህላዊ የአጨፋፈር ሂደትን የሚያወቁ ካሉ እንዲናገሩ/እንዲያሳዩ ማድረግ
ስለ አጨፋፈሩ ሂደት ከሚዲያው ማሳየትና አጭር ማብራሪያ መስጠት
የክፍሉን ልጆች በቡድን ከፍሎ ቡድኖች በየቦታቸው እንዲቆሙ ማድረግ
በቡድናቸው መሰረት ያዳመጡትንና ከሚዲያው ያዩትን እርስ በርስ እየተጋገዙ እንዲለማመዱ ማድረግ።
የተግባር እንቅስቃሴውን በሚተገብሩበት ወቅት ሁሉም እንዲሳተፉ ማበረታታት
የተለማመዱትን የወሎ ባህላዊ ጭፈራ ለሌሎች ቡድኖች እንዲያቀርቡ ማድረግ
በቀረበው ላይ ከሌሎች ቡድኖች እርምት እንዲሰጥ ማድረግ
ተጨማሪ የክፍለ ጊዜው ማጠቃለያ ጥያቄዎችን መጠየቅ
o ይህ የወሎ ባህላዊ ጭፈራ ጠቀሜታው ምንድን ነው፣ ከሰውነት ማጎልመሻ ትምህርት ጋር ያለው ግንኙነትስ አስረዱ
የተጠየቁትን ጥያቄዎች አጠር ያለ ማብራሪያ በመመለስ ለሚቀጥለው ክፍለ ጊዜ ተዘጋጅተው እንዲመጡ መንገር
ክትትልና ግምገማ፦ የቃል ጥያቄዎችን መጠየቅ፣ ተግባሩን እንዲያሳዩ በማድረግ መከታተል
ሠ. የአዊ ባህላዊ ጭፈራ፡- የአዊ አካባቢ የተለያዩ ጭፈራዎች ሲኖሩ በአብዛኛዉ የዳሌ ከወገብ በታች የሚሰሩስራዎች በትክሻ የሚሰሩ
እግርን በማንሳት በመንቀሳቀስ ይጨፈራሉ፡
መርጃ መሳሪያዎች፦የተለያዩ የአዊን አጨፋፈር የሚያሳይ ፖስተር ወይም ቪዲዮ
የመማር ማስተማር ቅድም ተከተል፡-
ከክፍል ውሰጥ ወይም ከክፍል ወጥተው ወደ ሜዳ እንዲሄዱ ማድረግ
ሰ. በአማራ ክልል የከሚሴ ባህላዊ ጭፈራ፡- በአብዛኛዉ ከሚሴና አካባቢዉ የሚጨፈሩ ጭፈራዎች በሴትም በወንድም ሲሆኑ የፍቅር
ጨዋታዎች ላይ የሚሰሩ ሲሆኑ እጅን በመዘርጋት እግርን በማቀያየር በማንሳትና በማስቀመጥ እደ ማንከስ አይነት በመቀመጥና
በመነሳት በመዝለል ይጨፈራሉ።
መርጃ መሳሪያዎች፦የተለያዩ የኬሚሴን አጨፋፈር የሚያሳይ ፖስተር ወይም ቪዲዮ
የመማር ማስተማር ቅድም ተከተል፡-
ከክፍል ውሰጥ ወይም ከክፍል ወጥተው ወደ ሜዳ እንዲሄዱ ማድረግ
የኬሚሴ የአጨፋፈር ሂደትን የሚያወቁ ካሉ እንዲናገሩ/እንዲያሳዩ ማድረግ
ስለ አጨፋፈሩ ሂደት ከሚዲያው ማሳየትና አጭር ማብራሪያ መስጠት
የክፍሉን ልጆች በቡድን ከፍሎ ቡድኖች በየቦታቸው እንዲቆሙ ማድረግ
በቡድናቸው መሰረት ያዳመጡትንና ከሚዲያው ያዩትን እርስ በርስ እየተጋገዙ እንዲለማመዱ ማድረግ።
የተግባር እንቅስቃሴውን በሚተገብሩበት ወቅት ሁሉም እንዲሳተፉ ማበረታታት
የተለማመዱትን የኬሚሴ ባህላዊ ጭፈራ ለሌሎች ቡድኖች እንዲያቀርቡ ማድረግ
በቀረበው ባህላዊ ጭፈራ ላይ ከሌሎች ቡድኖች እርምት እንዲሰጥ ማድረግ
ተጨማሪ የክፍለ ጊዜው ማጠቃለያ ጥያቄዎችን መጠየቅ
o ይህ የኬሚሴ ባህላዊ ጭፈራ ጠቀሜታው ምንድን ነው፣ ከሰውነት ማጎልመሻ ትምህርት ጋር ያለው ግንኙነትስ
አስረዱ
ለሁሉም ለተጠየቁ ጥያቄዎች አጠር ያለ ማብራሪያ እንዲሰጡ ማድረግ
የተጠየቁትን ጥያቄዎች አጠር ያለ ማብራሪያ በመመለስ ለሚቀጥለው ክፍለ ጊዜ ተዘጋጅተው እንዲመጡ መንገር
ክትትልና ግምገማ፦ የቃል ጥያቄዎችን መጠየቅ፣ ተግባሩን እንዲያሳዩ በማድረግ መከታተል
ተግባር 10፡- የፕሮጀክት ሥራ መልስ
በተግባር አራት ላይ የሰራችኋቸውን በአካባቢያችሁ የሚዘወተሩ ባህላዊ ጭፈራዎችን ሁሉንም የክፍሉን ተማሪዎች በማሳተፍ ልምምድ
አድርጋችሁ ለትምህርት ቤቱ ማህበረሰብ አቅርቡ?
መልስ፡- ይህ ተግባር በተግባር አምስት የሰሩትን ለትምህርት ቤት ማህበረሰብ የሚያቀርቡት በመሆኑ በክፍል ውስጥ ያሳዩትን ጊዜ
በመስጠት የበለጠ በየ ቡድኑ እንዲዘጋጁበት በማድረግ የባህል ቀን በሚል ስያሜ ማሰራትይኖርበታል።
የባህል ስፖርት ሰዎች በሚያደርጓቸው ቤተሰባዊ፤ ጉረቤታዊ፤ መንደራዊ፣ ወረዳዊ፣ሀገራዊ፤ አህጉራዊና አለም አቀፋዊ ግንኙነት
አማካኝነት አካላዊ፣ መንፈሳዊ፣ አዕምሮአዊና ስነ-ልቦናዊ እርካታ ለማግኘት የሚያደርጉት ፉክክርና ጨዋታ ነው። በአሁኑ ወቅት
በሀገራችን በገጠር የሚኖረው አርሶ አደርና አርብቶ አደሩ አካላዊ ብቃቱን ከሚያዳብርባቸውና መንፈሳዊ እርካታ ከሚጎናፀፍባቸው
እንዲሁም ባህሉን ልምዱን ወጉና ማዕረጉን ከሚገልፅባቸው ውስጥ አንዱ የባህል ስፖርት ጨዋታ ነው። በዚህም ክፍል በአካባቢያችሁ
ያሉና የሚታወቁትን ባህላዊ ጨዋታዎች አጨዋወታቸውን የምናውቅበት ይሆናል።
መርጃ መሳሪያዎች፦ ባህላዊ ጨዋታን የሚያንፀባርቁ ስዕሎች፣ ፖስተሮች፣ ቪዲዮ
የመማር ማስተማር ቅድም ተከተል፡-
ከባህላዊ ጨዋታ ጋር በተያያዘ ሁኔታ በሰፈራቸው ከሰሯቸው ስራዎች ውሰጥ የተወሰኑ ተማሪዎች እንዲናገሩ ማድረግ
ስለ ባህላዊ ጨዋታ ምንነት ቀደምት እውቀታቸውን ለማወቅ ጥያቄ በመጠየቅ መልስ እንዲመልሱ ማድረገ
በሚመልሱበት ወቅት ሁሉም ተማሪዎች እንዲሳተፉ ማበረታታት
ከሚመልሱት መልስ በመነሳት ተግባር-10 መስጠት ባህላዊ ጨዋታ ምንነት፣ ከሰውነት ማጎልመሻ ትምህርት ጋር ያላቸውን
ግንኙነት እና በአካባቢያቸው የሚገኙ ባህላዊ ጨዋታዎችን ዘርዝሩ የሚሉትን በመጠየቅ እንዲመልሱ ማድረግ
ለሁሉም ለተጠየቁ ጥያቄዎች አጠር ያለ ማብራሪያ መስጠት
ከተሰጠው ማብራሪያ በመነሳት ያልገቧቸውን እንዲጠይቁ ተጨማሪ እድል መስጠት
የተጠየቁትን ጥያቄ በመመለስ ለሚቀጥለው ክፍለ ጊዜ ሰርተውት የሚመጡትን ጥያቄ ተግባር አንድን በመስጠት የዕለቱን ትምህርት
ማጠናቀቅ
ክትትልና ግምገማ፦ የቃል ጥያቄዎችን በመጠየቅ ማረጋገጥ
የተግበር 11.መልስ
1. ባህላዊ ጨዋታ ማለት ምን ማለት ነው?
መልስ፡- ባህላዊ ጨዋታ የአንድ ህብረተሰብ ልዩ ልዩ ማህበራዊ መተዳደሪያ ስርዓቶችን የሀዘንና የደስታ ስሜት መግለጫ የሆኑ ልዩ ልዩ
ስነ ቃሎችን፣ ማንነትን፣ አካባቢንና አልባሳትን ያካተተ ሲሆን ሲጠቃለል ባህላዊ ጨዋታ የህዝቦች ማህበራዊ ህይወት ማሳያና የማንነት
መገለጫ ነው።
መልስ፡- ይህ ጥያቄ እንደየ አካባቢው የተለያየ መልስ ሊሰጥ የሚችል በመሆኑ መምህሩ በአካባቢው የተለመዱትን ጨዋታዎች
በመሰብሰብ ሊገልፅላቸው ይችላል። ከዚህ በተጨማሪ እንደ ባህልዊ ጭፈራዎች በጥናት መልክ የተቀመጠ ነገር ስለሌለው በአካባቢው
በመወሰን ማስረዳት/ማቅረብ ይቻላል።
ከገና ባህላዊጨዋታ ጋር በተያያዘ ሁኔታ በሰፈራቸው ከሰሯቸው ስራዎች ውሰጥ የተወሰኑ ተማሪዎች እንዲናገሩ ማድረግ
ስለ ገና ዘመናዊ ጨዋታ ምንነት ቀደምት እውቀታቸውን በመጠየቅ ማወቅ
በሚመልሱበት ወቅት ሁሉም ተማሪዎች እንዲሳተፉ ማበረታታት
ከሚመልሱት መልስ በመነሳት ስለ ገና በዘመናዊ መልክ በውድድር መልክ የሚከናወነውን አጨዋወቱን አጠር ያለ ማብራሪያ
መስጠት
ከተሰጠው ማብራሪያ በመነሳት ያልገቧቸውን እንዲጠይቁ ተጨማሪ እድል መስጠት
ጥያቄ በመመለስ ለሚቀጥለው ሰርተውት የሚመጡትን ጥያቄ በመስጠት የዕለቱን ትምህርት ማጠናቀቅ።
ክትትልና ግምገማ፦ የቃል ጥያቄዎችን በመጠየቅ ማረጋገጥ
መልስ
1. የባህላዊ ጨዋታ ዋነኛ ዓላማው በሚጫወቱት መካከል የባህል የወግ እና የአካባቢውን ልማድ በማስተዋወቅ እና
የአንድ ሀገር ወይም ህዝብ መገለጫ እንደመሆኑ መጠን ህብረተሰቡ በዕለት ተዕለት የሚከዉነዉን እንቅስቃሴ
የሚተገብርበት የሚያሳይበት ኩነት ማለት ነዉ፡፡ በጨዋታውምመተሳሰብን፣ መረዳዳትን፣ ለሌላው ማሰብን፣ እና
ሌሎችንም ለማሳደግ ይጠቅማል፡፡
2. የዚህ ጥያቄ መልስ እንደልጆች የመረጃ አሰባሰብ ሁኔታ ሊለያይ ስለሚችል በተቻለ መጠን መምህሩ የተለያዩ ባህልላዊ
ጭፈራዎችንና ጨዋታዎችን በማሰባሰብ ሊያስተገብር ይችላል፡፡
3. የላሜ ወለደች ጨዋታ መሰረታዊ ጠቀሜታው የመጀመሪያው የአካባቢውን ባህላዊ ጨዋታ የአጨዋወት ስልት
መለየት ሲሆን ሁለተኛው አገር አቀፍ የሆነውን የገበጣ ጨዋታን ለማወቅና ለመጫዎት እንደመነሻነት እንዲያግዝ
የተዘጋጀ መሆኑ ነው፡፡
4. የገና ባህላዊ ጨዋታ የምንለው ከህዳር እስከ ታህሳስ ድረስ ባህላዊ በሆነ ሁኔታ የገናን በዓል ምክንያት በማድረግ
የሚተገበርና የራሱ የሆነ ቋሚ ህግ፣ የሜዳ ክልል፣
የአጨዋወት ስርዓት የሌለው ሲሆን የገና ባህላዊ ስፖርት ግን አገር አቀፍ በሆነ ሁኔታ የራሱ የሆነ ቋሚ ህግ፣ የሜዳ ክልለ እና
የአጨዋወት ስርዓት ያለው መሆኑ እንዲሁም የመጫወቻ የጊዜ ገደብ የሌለው ነው፡፡